A World of Knowledge
    Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi

    ൫. നകുലങ്ഗപഞ്ഹോ

    5. Nakulaṅgapañho

    . ‘‘ഭന്തേ നാഗസേന, ‘നകുലസ്സ ഏകം അങ്ഗം ഗഹേതബ്ബ’ന്തി യം വദേസി, കതമം തം ഏകം അങ്ഗം ഗഹേതബ്ബ’’ന്തി? ‘‘യഥാ, മഹാരാജ, നകുലോ ഉരഗമുപഗച്ഛന്തോ ഭേസജ്ജേന കായം പരിഭാവേത്വാ ഉരഗമുപഗച്ഛതി ഗഹേതും, ഏവമേവ ഖോ, മഹാരാജ, യോഗിനാ യോഗാവചരേന കോധാഘാതബഹുലം കലഹവിഗ്ഗഹവിവാദവിരോധാഭിഭൂതം ലോകമുപഗച്ഛന്തേന മേത്താഭേസജ്ജേന മാനസം അനുലിമ്പിതബ്ബം. ഇദം, മഹാരാജ, നകുലസ്സ ഏകം അങ്ഗം ഗഹേതബ്ബം. ഭാസിതമ്പേതം, മഹാരാജ, ഥേരേന സാരിപുത്തേന ധമ്മസേനാപതിനാ –

    5. ‘‘Bhante nāgasena, ‘nakulassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, nakulo uragamupagacchanto bhesajjena kāyaṃ paribhāvetvā uragamupagacchati gahetuṃ, evameva kho, mahārāja, yoginā yogāvacarena kodhāghātabahulaṃ kalahaviggahavivādavirodhābhibhūtaṃ lokamupagacchantena mettābhesajjena mānasaṃ anulimpitabbaṃ. Idaṃ, mahārāja, nakulassa ekaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –

    ‘‘‘തസ്മാ സകം പരേസമ്പി, കാതബ്ബാ മേത്തഭാവനാ;

    ‘‘‘Tasmā sakaṃ paresampi, kātabbā mettabhāvanā;

    മേത്തചിത്തേന ഫരിതബ്ബം, ഏതം ബുദ്ധാന സാസന’’’ന്തി.

    Mettacittena pharitabbaṃ, etaṃ buddhāna sāsana’’’nti.

    നകുലങ്ഗപഞ്ഹോ പഞ്ചമോ.

    Nakulaṅgapañho pañcamo.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact