| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
сам̣яуд̇д̇анигааяо
Saṃyuttanikāyo
канд̇хаваг̇г̇о
Khandhavaggo
1. канд̇хасам̣яуд̇д̇ам̣
1. Khandhasaṃyuttaṃ
1. нагулабид̇уваг̇г̇о
1. Nakulapituvaggo
1. нагулабид̇усуд̇д̇ам̣
1. Nakulapitusuttaṃ
1. звам̣ мз суд̇ам̣ – згам̣ самаяам̣ бхаг̇аваа бхаг̇г̇зсу вихарад̇и сусумаараг̇ирз 1 бхзсагал̣ааванз миг̇ад̣̇ааяз. ат̇а ко нагулабид̇аа г̇ахабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко нагулабид̇аа г̇ахабад̇и бхаг̇аванд̇ам̣ зд̇ад̣̇авожа –
1. Evaṃ me sutaṃ – ekaṃ samayaṃ bhagavā bhaggesu viharati susumāragire 2 bhesakaḷāvane migadāye. Atha kho nakulapitā gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho nakulapitā gahapati bhagavantaṃ etadavoca –
‘‘ахамасми , бханд̇з, ж̇ин̣н̣о вуд̣дхо махаллаго ад̣̇д̇хаг̇ад̇о ваяоануббад̇д̇о аад̇урагааяо абхигкан̣аад̇ан̇го. анижжад̣̇ассаавий ко банаахам̣, бханд̇з, бхаг̇авад̇о манобхааванийяаанан̃жа бхигкуунам̣. овад̣̇ад̇у мам̣, бханд̇з, бхаг̇аваа; анусаасад̇у мам̣, бханд̇з, бхаг̇аваа; яам̣ мамасса д̣̇ийгхарад̇д̇ам̣ хид̇ааяа сукааяаа’’д̇и.
‘‘Ahamasmi , bhante, jiṇṇo vuḍḍho mahallako addhagato vayoanuppatto āturakāyo abhikkhaṇātaṅko. Aniccadassāvī kho panāhaṃ, bhante, bhagavato manobhāvanīyānañca bhikkhūnaṃ. Ovadatu maṃ, bhante, bhagavā; anusāsatu maṃ, bhante, bhagavā; yaṃ mamassa dīgharattaṃ hitāya sukhāyā’’ti.
‘‘звамзд̇ам̣, г̇ахабад̇и, звамзд̇ам̣, г̇ахабад̇и! аад̇уро хааяам̣, г̇ахабад̇и, гааяо ан̣д̣абхууд̇о барияонад̣̇д̇хо. яо хи, г̇ахабад̇и, имам̣ гааяам̣ барихаранд̇о мухуд̇д̇амби аарог̇яам̣ бадиж̇аанзяяа, гиман̃н̃ад̇ра б̣ааляаа? д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘аад̇урагааяасса мз сад̇о жид̇д̇ам̣ анаад̇урам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣а’’нд̇и.
‘‘Evametaṃ, gahapati, evametaṃ, gahapati! Āturo hāyaṃ, gahapati, kāyo aṇḍabhūto pariyonaddho. Yo hi, gahapati, imaṃ kāyaṃ pariharanto muhuttampi ārogyaṃ paṭijāneyya, kimaññatra bālyā? Tasmātiha te, gahapati, evaṃ sikkhitabbaṃ – ‘āturakāyassa me sato cittaṃ anāturaṃ bhavissatī’ti. Evañhi te, gahapati, sikkhitabba’’nti.
ат̇а ко нагулабид̇аа г̇ахабад̇и бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язнааяасмаа саарибуд̇д̇о д̇знубасан̇гами; убасан̇гамид̇ваа ааяасманд̇ам̣ саарибуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко нагулабид̇арам̣ г̇ахабад̇им̣ ааяасмаа саарибуд̇д̇о зд̇ад̣̇авожа – ‘‘виббасаннаани ко д̇з, г̇ахабад̇и, инд̣̇рияаани; барисуд̣̇д̇хо мукаван̣н̣о барияод̣̇аад̇о. алад̇т̇а но аж̇ж̇а бхаг̇авад̇о саммукаа д̇хаммим̣ гат̇ам̣ саванааяаа’’д̇и?
Atha kho nakulapitā gahapati bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā yenāyasmā sāriputto tenupasaṅkami; upasaṅkamitvā āyasmantaṃ sāriputtaṃ abhivādetvā ekamantaṃ nisīdi. Ekamantaṃ nisinnaṃ kho nakulapitaraṃ gahapatiṃ āyasmā sāriputto etadavoca – ‘‘vippasannāni kho te, gahapati, indriyāni; parisuddho mukhavaṇṇo pariyodāto. Alattha no ajja bhagavato sammukhā dhammiṃ kathaṃ savanāyā’’ti?
‘‘гат̇ан̃хи но сияаа, бханд̇з! ид̣̇аанаахам̣, бханд̇з, бхаг̇авад̇аа д̇хаммияаа гат̇ааяа амад̇зна абхисид̇д̇о’’д̇и. ‘‘яат̇аа гат̇ам̣ бана д̇вам̣, г̇ахабад̇и, бхаг̇авад̇аа д̇хаммияаа гат̇ааяа амад̇зна абхисид̇д̇о’’д̇и? ‘‘ид̇хаахам̣, бханд̇з, язна бхаг̇аваа д̇знубасан̇гамим̣; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣. згаманд̇ам̣ нисинно кваахам̣, бханд̇з, бхаг̇аванд̇ам̣ зд̇ад̣̇авожам̣ – ‘ахамасми, бханд̇з, ж̇ин̣н̣о вуд̣дхо махаллаго ад̣̇д̇хаг̇ад̇о ваяоануббад̇д̇о аад̇урагааяо абхигкан̣аад̇ан̇го. анижжад̣̇ассаавий ко банаахам̣, бханд̇з, бхаг̇авад̇о манобхааванийяаанан̃жа бхигкуунам̣. овад̣̇ад̇у мам̣, бханд̇з, бхаг̇аваа; анусаасад̇у мам̣, бханд̇з, бхаг̇аваа; яам̣ мамасса д̣̇ийгхарад̇д̇ам̣ хид̇ааяа сукааяаа’’’д̇и.
‘‘Kathañhi no siyā, bhante! Idānāhaṃ, bhante, bhagavatā dhammiyā kathāya amatena abhisitto’’ti. ‘‘Yathā kathaṃ pana tvaṃ, gahapati, bhagavatā dhammiyā kathāya amatena abhisitto’’ti? ‘‘Idhāhaṃ, bhante, yena bhagavā tenupasaṅkamiṃ; upasaṅkamitvā bhagavantaṃ abhivādetvā ekamantaṃ nisīdiṃ. Ekamantaṃ nisinno khvāhaṃ, bhante, bhagavantaṃ etadavocaṃ – ‘ahamasmi, bhante, jiṇṇo vuḍḍho mahallako addhagato vayoanuppatto āturakāyo abhikkhaṇātaṅko. Aniccadassāvī kho panāhaṃ, bhante, bhagavato manobhāvanīyānañca bhikkhūnaṃ. Ovadatu maṃ, bhante, bhagavā; anusāsatu maṃ, bhante, bhagavā; yaṃ mamassa dīgharattaṃ hitāya sukhāyā’’’ti.
‘‘звам̣ вуд̇д̇з , мам̣, бханд̇з, бхаг̇аваа зд̇ад̣̇авожа – ‘звамзд̇ам̣, г̇ахабад̇и, звамзд̇ам̣, г̇ахабад̇и! аад̇уро хааяам̣, г̇ахабад̇и, гааяо ан̣д̣абхууд̇о барияонад̣̇д̇хо. яо хи, г̇ахабад̇и, имам̣ гааяам̣ барихаранд̇о мухуд̇д̇амби аарог̇яам̣ бадиж̇аанзяяа, гиман̃н̃ад̇ра б̣ааляаа? д̇асмаад̇иха д̇з г̇ахабад̇и, звам̣ сигкид̇аб̣б̣ам̣ – аад̇урагааяасса мз сад̇о жид̇д̇ам̣ анаад̇урам̣ бхависсад̇ийд̇и. зван̃хи д̇з, г̇ахабад̇и, сигкид̇аб̣б̣а’нд̇и. звам̣ кваахам̣, бханд̇з, бхаг̇авад̇аа д̇хаммияаа гат̇ааяа амад̇зна абхисид̇д̇о’’д̇и.
‘‘Evaṃ vutte , maṃ, bhante, bhagavā etadavoca – ‘evametaṃ, gahapati, evametaṃ, gahapati! Āturo hāyaṃ, gahapati, kāyo aṇḍabhūto pariyonaddho. Yo hi, gahapati, imaṃ kāyaṃ pariharanto muhuttampi ārogyaṃ paṭijāneyya, kimaññatra bālyā? Tasmātiha te gahapati, evaṃ sikkhitabbaṃ – āturakāyassa me sato cittaṃ anāturaṃ bhavissatīti. Evañhi te, gahapati, sikkhitabba’nti. Evaṃ khvāhaṃ, bhante, bhagavatā dhammiyā kathāya amatena abhisitto’’ti.
‘‘на хи бана д̇ам̣, г̇ахабад̇и, бадибхааси бхаг̇аванд̇ам̣ 3 уд̇д̇арим̣ бадибужчид̇ум̣ – ‘гид̇д̇аавад̇аа ну ко, бханд̇з, аад̇урагааяо жзва ход̇и аад̇уражид̇д̇о жа, гид̇д̇аавад̇аа жа бана аад̇урагааяо хи ко ход̇и но жа аад̇уражид̇д̇о’’’д̇и ? ‘‘д̣̇уурад̇оби ко маяам̣, бханд̇з, ааг̇ажчзяяаама ааяасмад̇о саарибуд̇д̇асса санд̇игз зд̇асса бхаасид̇асса ад̇т̇аман̃н̃аад̇ум̣. саад̇ху вад̇ааяасманд̇ам̣язва саарибуд̇д̇ам̣ бадибхаад̇у зд̇асса бхаасид̇асса ад̇т̇о’’д̇и.
‘‘Na hi pana taṃ, gahapati, paṭibhāsi bhagavantaṃ 4 uttariṃ paṭipucchituṃ – ‘kittāvatā nu kho, bhante, āturakāyo ceva hoti āturacitto ca, kittāvatā ca pana āturakāyo hi kho hoti no ca āturacitto’’’ti ? ‘‘Dūratopi kho mayaṃ, bhante, āgaccheyyāma āyasmato sāriputtassa santike etassa bhāsitassa atthamaññātuṃ. Sādhu vatāyasmantaṃyeva sāriputtaṃ paṭibhātu etassa bhāsitassa attho’’ti.
‘‘д̇зна хи, г̇ахабад̇и, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко нагулабид̇аа г̇ахабад̇и ааяасмад̇о саарибуд̇д̇асса бажжассоси. ааяасмаа саарибуд̇д̇о зд̇ад̣̇авожа –
‘‘Tena hi, gahapati, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho nakulapitā gahapati āyasmato sāriputtassa paccassosi. Āyasmā sāriputto etadavoca –
‘‘гат̇ан̃жа, г̇ахабад̇и, аад̇урагааяо жзва ход̇и, аад̇уражид̇д̇о жа? ид̇ха, г̇ахабад̇и, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣; ад̇д̇ани ваа руубам̣, руубасмим̣ ваа ад̇д̇аанам̣. ‘ахам̣ руубам̣, мама рууба’нд̇и барияудтадтааяий ход̇и. д̇асса ‘ахам̣ руубам̣, мама рууба’нд̇и барияудтадтааяино д̇ам̣ руубам̣ вибарин̣амад̇и ан̃н̃ат̇аа ход̇и. д̇асса руубавибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа.
‘‘Kathañca, gahapati, āturakāyo ceva hoti, āturacitto ca? Idha, gahapati, assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ. ‘Ahaṃ rūpaṃ, mama rūpa’nti pariyuṭṭhaṭṭhāyī hoti. Tassa ‘ahaṃ rūpaṃ, mama rūpa’nti pariyuṭṭhaṭṭhāyino taṃ rūpaṃ vipariṇamati aññathā hoti. Tassa rūpavipariṇāmaññathābhāvā uppajjanti sokaparidevadukkhadomanassupāyāsā.
‘‘взд̣̇анам̣ ад̇д̇ад̇о саманубассад̇и, взд̣̇анааванд̇ам̣ ваа ад̇д̇аанам̣; ад̇д̇ани ваа взд̣̇анам̣, взд̣̇анааяа ваа ад̇д̇аанам̣. ‘ахам̣ взд̣̇анаа, мама взд̣̇анаа’д̇и барияудтадтааяий ход̇и. д̇асса ‘ахам̣ взд̣̇анаа, мама взд̣̇анаа’д̇и барияудтадтааяино, саа взд̣̇анаа вибарин̣амад̇и ан̃н̃ат̇аа ход̇и. д̇асса взд̣̇анаавибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа.
‘‘Vedanaṃ attato samanupassati, vedanāvantaṃ vā attānaṃ; attani vā vedanaṃ, vedanāya vā attānaṃ. ‘Ahaṃ vedanā, mama vedanā’ti pariyuṭṭhaṭṭhāyī hoti. Tassa ‘ahaṃ vedanā, mama vedanā’ti pariyuṭṭhaṭṭhāyino, sā vedanā vipariṇamati aññathā hoti. Tassa vedanāvipariṇāmaññathābhāvā uppajjanti sokaparidevadukkhadomanassupāyāsā.
‘‘сан̃н̃ам̣ ад̇д̇ад̇о саманубассад̇и, сан̃н̃ааванд̇ам̣ ваа ад̇д̇аанам̣; ад̇д̇ани ваа сан̃н̃ам̣, сан̃н̃ааяа ваа ад̇д̇аанам̣. ‘ахам̣ сан̃н̃аа, мама сан̃н̃аа’д̇и барияудтадтааяий ход̇и. д̇асса ‘ахам̣ сан̃н̃аа, мама сан̃н̃аа’д̇и барияудтадтааяино, саа сан̃н̃аа вибарин̣амад̇и ан̃н̃ат̇аа ход̇и. д̇асса сан̃н̃аавибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа.
‘‘Saññaṃ attato samanupassati, saññāvantaṃ vā attānaṃ; attani vā saññaṃ, saññāya vā attānaṃ. ‘Ahaṃ saññā, mama saññā’ti pariyuṭṭhaṭṭhāyī hoti. Tassa ‘ahaṃ saññā, mama saññā’ti pariyuṭṭhaṭṭhāyino, sā saññā vipariṇamati aññathā hoti. Tassa saññāvipariṇāmaññathābhāvā uppajjanti sokaparidevadukkhadomanassupāyāsā.
‘‘сан̇каарз ад̇д̇ад̇о саманубассад̇и, сан̇каараванд̇ам̣ ваа ад̇д̇аанам̣; ад̇д̇ани ваа сан̇каарз, сан̇каарзсу ваа ад̇д̇аанам̣. ‘ахам̣ сан̇каараа, мама сан̇каараа’д̇и барияудтадтааяий ход̇и. д̇асса ‘ахам̣ сан̇каараа, мама сан̇каараа’д̇и барияудтадтааяино, д̇з сан̇каараа вибарин̣аманд̇и ан̃н̃ат̇аа хонд̇и. д̇асса сан̇кааравибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа.
‘‘Saṅkhāre attato samanupassati, saṅkhāravantaṃ vā attānaṃ; attani vā saṅkhāre, saṅkhāresu vā attānaṃ. ‘Ahaṃ saṅkhārā, mama saṅkhārā’ti pariyuṭṭhaṭṭhāyī hoti. Tassa ‘ahaṃ saṅkhārā, mama saṅkhārā’ti pariyuṭṭhaṭṭhāyino, te saṅkhārā vipariṇamanti aññathā honti. Tassa saṅkhāravipariṇāmaññathābhāvā uppajjanti sokaparidevadukkhadomanassupāyāsā.
‘‘вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣; ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣. ‘ахам̣ вин̃н̃аан̣ам̣, мама вин̃н̃аан̣а’нд̇и барияудтадтааяий ход̇и. д̇асса ‘ахам̣ вин̃н̃аан̣ам̣, мама вин̃н̃аан̣а’нд̇и барияудтадтааяино, д̇ам̣ вин̃н̃аан̣ам̣ вибарин̣амад̇и ан̃н̃ат̇аа ход̇и. д̇асса вин̃н̃аан̣авибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа. звам̣ ко, г̇ахабад̇и, аад̇урагааяо жзва ход̇и аад̇уражид̇д̇о жа.
‘‘Viññāṇaṃ attato samanupassati, viññāṇavantaṃ vā attānaṃ; attani vā viññāṇaṃ, viññāṇasmiṃ vā attānaṃ. ‘Ahaṃ viññāṇaṃ, mama viññāṇa’nti pariyuṭṭhaṭṭhāyī hoti. Tassa ‘ahaṃ viññāṇaṃ, mama viññāṇa’nti pariyuṭṭhaṭṭhāyino, taṃ viññāṇaṃ vipariṇamati aññathā hoti. Tassa viññāṇavipariṇāmaññathābhāvā uppajjanti sokaparidevadukkhadomanassupāyāsā. Evaṃ kho, gahapati, āturakāyo ceva hoti āturacitto ca.
‘‘гат̇ан̃жа, г̇ахабад̇и, аад̇урагааяо хи ко ход̇и но жа аад̇уражид̇д̇о? ид̇ха, г̇ахабад̇и, суд̇аваа арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о на руубам̣ ад̇д̇ад̇о саманубассад̇и, на руубаванд̇ам̣ ваа ад̇д̇аанам̣; на ад̇д̇ани ваа руубам̣, на руубасмим̣ ваа ад̇д̇аанам̣. ‘ахам̣ руубам̣, мама рууба’нд̇и на барияудтадтааяий ход̇и. д̇асса ‘ахам̣ руубам̣, мама рууба’нд̇и абарияудтадтааяино, д̇ам̣ руубам̣ вибарин̣амад̇и ан̃н̃ат̇аа ход̇и. д̇асса руубавибарин̣ааман̃н̃ат̇аабхааваа нуббаж̇ж̇анд̇и согабарид̣̇звад̣̇угкад̣̇оманассубааяаасаа.
‘‘Kathañca, gahapati, āturakāyo hi kho hoti no ca āturacitto? Idha, gahapati, sutavā ariyasāvako ariyānaṃ dassāvī ariyadhammassa kovido ariyadhamme suvinīto sappurisānaṃ dassāvī sappurisadhammassa kovido sappurisadhamme suvinīto na rūpaṃ attato samanupassati, na rūpavantaṃ vā attānaṃ; na attani vā rūpaṃ, na rūpasmiṃ vā attānaṃ. ‘Ahaṃ rūpaṃ, mama rūpa’nti na pariyuṭṭhaṭṭhāyī hoti. Tassa ‘ahaṃ rūpaṃ, mama rūpa’nti apariyuṭṭhaṭṭhāyino, taṃ rūpaṃ vipariṇamati aññathā hoti. Tassa rūpavipariṇāmaññathābhāvā nuppajjanti sokaparidevadukkhadomanassupāyāsā.
‘‘на взд̣̇анам̣ ад̇д̇ад̇о саманубассад̇и, на взд̣̇анааванд̇ам̣ ваа ад̇д̇аанам̣; на ад̇д̇ани ваа взд̣̇анам̣, на взд̣̇анааяа ваа ад̇д̇аанам̣ . ‘ахам̣ взд̣̇анаа, мама взд̣̇анаа’д̇и на барияудтадтааяий ход̇и. д̇асса ‘ахам̣ взд̣̇анаа, мама взд̣̇анаа’д̇и абарияудтадтааяино, саа взд̣̇анаа вибарин̣амад̇и ан̃н̃ат̇аа ход̇и. д̇асса взд̣̇анаавибарин̣ааман̃н̃ат̇аабхааваа нуббаж̇ж̇анд̇и согабарид̣̇звад̣̇угкад̣̇оманассубааяаасаа.
‘‘Na vedanaṃ attato samanupassati, na vedanāvantaṃ vā attānaṃ; na attani vā vedanaṃ, na vedanāya vā attānaṃ . ‘Ahaṃ vedanā, mama vedanā’ti na pariyuṭṭhaṭṭhāyī hoti. Tassa ‘ahaṃ vedanā, mama vedanā’ti apariyuṭṭhaṭṭhāyino, sā vedanā vipariṇamati aññathā hoti. Tassa vedanāvipariṇāmaññathābhāvā nuppajjanti sokaparidevadukkhadomanassupāyāsā.
‘‘на сан̃н̃ам̣ ад̇д̇ад̇о саманубассад̇и, на сан̃н̃ааванд̇ам̣ ваа ад̇д̇аанам̣; на ад̇д̇ани ваа сан̃н̃ам̣, на сан̃н̃ааяа ваа ад̇д̇аанам̣. ‘ахам̣ сан̃н̃аа, мама сан̃н̃аа’д̇и на барияудтадтааяий ход̇и. д̇асса ‘ахам̣ сан̃н̃аа, мама сан̃н̃аа’д̇и абарияудтадтааяино, саа сан̃н̃аа вибарин̣амад̇и ан̃н̃ат̇аа ход̇и. д̇асса сан̃н̃аавибарин̣ааман̃н̃ат̇аабхааваа нуббаж̇ж̇анд̇и согабарид̣̇звад̣̇угкад̣̇оманассубааяаасаа.
‘‘Na saññaṃ attato samanupassati, na saññāvantaṃ vā attānaṃ; na attani vā saññaṃ, na saññāya vā attānaṃ. ‘Ahaṃ saññā, mama saññā’ti na pariyuṭṭhaṭṭhāyī hoti. Tassa ‘ahaṃ saññā, mama saññā’ti apariyuṭṭhaṭṭhāyino, sā saññā vipariṇamati aññathā hoti. Tassa saññāvipariṇāmaññathābhāvā nuppajjanti sokaparidevadukkhadomanassupāyāsā.
``на сан̇каарз ад̇д̇ад̇о саманубассад̇и, на сан̇каараванд̇ам̣ ваа ад̇д̇аанам̣; на ад̇д̇ани ваа сан̇каарз, на сан̇каарзсу ваа ад̇д̇аанам̣. ‘ахам̣ сан̇каараа, мама сан̇каараа’д̇и на барияудтадтааяий ход̇и. д̇асса ‘ахам̣ сан̇каараа, мама сан̇каараа’д̇и абарияудтадтааяино, д̇з сан̇каараа вибарин̣аманд̇и ан̃н̃ат̇аа хонд̇и. д̇асса сан̇кааравибарин̣ааман̃н̃ат̇аабхааваа нуббаж̇ж̇анд̇и согабарид̣̇звад̣̇угкад̣̇оманассубааяаасаа.
``Na saṅkhāre attato samanupassati, na saṅkhāravantaṃ vā attānaṃ; na attani vā saṅkhāre, na saṅkhāresu vā attānaṃ. ‘Ahaṃ saṅkhārā, mama saṅkhārā’ti na pariyuṭṭhaṭṭhāyī hoti. Tassa ‘ahaṃ saṅkhārā, mama saṅkhārā’ti apariyuṭṭhaṭṭhāyino, te saṅkhārā vipariṇamanti aññathā honti. Tassa saṅkhāravipariṇāmaññathābhāvā nuppajjanti sokaparidevadukkhadomanassupāyāsā.
‘‘на вин̃н̃аан̣ам̣ ад̇д̇ад̇о саманубассад̇и, на вин̃н̃аан̣аванд̇ам̣ ваа ад̇д̇аанам̣; на ад̇д̇ани ваа вин̃н̃аан̣ам̣, на вин̃н̃аан̣асмим̣ ваа ад̇д̇аанам̣. ‘ахам̣ вин̃н̃аан̣ам̣, мама вин̃н̃аан̣а’нд̇и на барияудтадтааяий ход̇и. д̇асса ‘ахам̣ вин̃н̃аан̣ам̣, мама вин̃н̃аан̣а’нд̇и абарияудтадтааяино, д̇ам̣ вин̃н̃аан̣ам̣ вибарин̣амад̇и ан̃н̃ат̇аа ход̇и . д̇асса вин̃н̃аан̣авибарин̣ааман̃н̃ат̇аабхааваа нуббаж̇ж̇анд̇и согабарид̣̇звад̣̇угкад̣̇оманассубааяаасаа. звам̣ ко, г̇ахабад̇и, аад̇урагааяо ход̇и но жа аад̇уражид̇д̇о’’д̇и.
‘‘Na viññāṇaṃ attato samanupassati, na viññāṇavantaṃ vā attānaṃ; na attani vā viññāṇaṃ, na viññāṇasmiṃ vā attānaṃ. ‘Ahaṃ viññāṇaṃ, mama viññāṇa’nti na pariyuṭṭhaṭṭhāyī hoti. Tassa ‘ahaṃ viññāṇaṃ, mama viññāṇa’nti apariyuṭṭhaṭṭhāyino, taṃ viññāṇaṃ vipariṇamati aññathā hoti . Tassa viññāṇavipariṇāmaññathābhāvā nuppajjanti sokaparidevadukkhadomanassupāyāsā. Evaṃ kho, gahapati, āturakāyo hoti no ca āturacitto’’ti.
ид̣̇амавожа ааяасмаа саарибуд̇д̇о. ад̇д̇амано нагулабид̇аа г̇ахабад̇и ааяасмад̇о саарибуд̇д̇асса бхаасид̇ам̣ абхинанд̣̇ийд̇и. батамам̣.
Idamavoca āyasmā sāriputto. Attamano nakulapitā gahapati āyasmato sāriputtassa bhāsitaṃ abhinandīti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. нагулабид̇усуд̇д̇аван̣н̣анаа • 1. Nakulapitusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. нагулабид̇усуд̇д̇аван̣н̣анаа • 1. Nakulapitusuttavaṇṇanā
