| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੬. ਨਕੁਲਪਿਤੁਸੁਤ੍ਤਂ
6. Nakulapitusuttaṃ
੧੬. ਏਕਂ ਸਮਯਂ ਭਗવਾ ਭਗ੍ਗੇਸੁ વਿਹਰਤਿ ਸੁਸੁਮਾਰਗਿਰੇ 1 ਭੇਸਕਲ਼ਾવਨੇ ਮਿਗਦਾਯੇ। ਤੇਨ ਖੋ ਪਨ ਸਮਯੇਨ ਨਕੁਲਪਿਤਾ ਗਹਪਤਿ ਆਬਾਧਿਕੋ ਹੋਤਿ ਦੁਕ੍ਖਿਤੋ ਬਾਲ਼੍ਹਗਿਲਾਨੋ। ਅਥ ਖੋ ਨਕੁਲਮਾਤਾ ਗਹਪਤਾਨੀ ਨਕੁਲਪਿਤਰਂ ਗਹਪਤਿਂ ਏਤਦવੋਚ –
16. Ekaṃ samayaṃ bhagavā bhaggesu viharati susumāragire 2 bhesakaḷāvane migadāye. Tena kho pana samayena nakulapitā gahapati ābādhiko hoti dukkhito bāḷhagilāno. Atha kho nakulamātā gahapatānī nakulapitaraṃ gahapatiṃ etadavoca –
‘‘ਮਾ ਖੋ ਤ੍વਂ, ਗਹਪਤਿ, ਸਾਪੇਕ੍ਖੋ 3 ਕਾਲਮਕਾਸਿ। ਦੁਕ੍ਖਾ, ਗਹਪਤਿ, ਸਾਪੇਕ੍ਖਸ੍ਸ ਕਾਲਕਿਰਿਯਾ; ਗਰਹਿਤਾ ਚ ਭਗવਤਾ ਸਾਪੇਕ੍ਖਸ੍ਸ ਕਾਲਕਿਰਿਯਾ। ਸਿਯਾ ਖੋ ਪਨ ਤੇ, ਗਹਪਤਿ, ਏવਮਸ੍ਸ – ‘ਨ ਨਕੁਲਮਾਤਾ ਗਹਪਤਾਨੀ ਮਮਚ੍ਚਯੇਨ ਸਕ੍ਖਿਸ੍ਸਤਿ 4 ਦਾਰਕੇ ਪੋਸੇਤੁਂ, ਘਰਾવਾਸਂ ਸਨ੍ਧਰਿਤੁ’ਨ੍ਤਿ 5। ਨ ਖੋ ਪਨੇਤਂ, ਗਹਪਤਿ, ਏવਂ ਦਟ੍ਠਬ੍ਬਂ। ਕੁਸਲਾਹਂ, ਗਹਪਤਿ, ਕਪ੍ਪਾਸਂ ਕਨ੍ਤਿਤੁਂ વੇਣਿਂ ਓਲਿਖਿਤੁਂ। ਸਕ੍ਕੋਮਹਂ, ਗਹਪਤਿ, ਤવਚ੍ਚਯੇਨ ਦਾਰਕੇ ਪੋਸੇਤੁਂ, ਘਰਾવਾਸਂ ਸਨ੍ਧਰਿਤੁਂ। ਤਸ੍ਮਾਤਿਹ ਤ੍વਂ, ਗਹਪਤਿ, ਮਾ ਸਾਪੇਕ੍ਖੋ ਕਾਲਮਕਾਸਿ। ਦੁਕ੍ਖਾ, ਗਹਪਤਿ, ਸਾਪੇਕ੍ਖਸ੍ਸ ਕਾਲਕਿਰਿਯਾ; ਗਰਹਿਤਾ ਚ ਭਗવਤਾ ਸਾਪੇਕ੍ਖਸ੍ਸ ਕਾਲਕਿਰਿਯਾ।
‘‘Mā kho tvaṃ, gahapati, sāpekkho 6 kālamakāsi. Dukkhā, gahapati, sāpekkhassa kālakiriyā; garahitā ca bhagavatā sāpekkhassa kālakiriyā. Siyā kho pana te, gahapati, evamassa – ‘na nakulamātā gahapatānī mamaccayena sakkhissati 7 dārake posetuṃ, gharāvāsaṃ sandharitu’nti 8. Na kho panetaṃ, gahapati, evaṃ daṭṭhabbaṃ. Kusalāhaṃ, gahapati, kappāsaṃ kantituṃ veṇiṃ olikhituṃ. Sakkomahaṃ, gahapati, tavaccayena dārake posetuṃ, gharāvāsaṃ sandharituṃ. Tasmātiha tvaṃ, gahapati, mā sāpekkho kālamakāsi. Dukkhā, gahapati, sāpekkhassa kālakiriyā; garahitā ca bhagavatā sāpekkhassa kālakiriyā.
‘‘ਸਿਯਾ ਖੋ ਪਨ ਤੇ, ਗਹਪਤਿ, ਏવਮਸ੍ਸ – ‘ਨਕੁਲਮਾਤਾ ਗਹਪਤਾਨੀ ਮਮਚ੍ਚਯੇਨ ਅਞ੍ਞਂ ਘਰਂ 9 ਗਮਿਸ੍ਸਤੀ’ਤਿ। ਨ ਖੋ ਪਨੇਤਂ, ਗਹਪਤਿ, ਏવਂ ਦਟ੍ਠਬ੍ਬਂ। ਤ੍વਞ੍ਚੇવ ਖੋ, ਗਹਪਤਿ, ਜਾਨਾਸਿ ਅਹਞ੍ਚ, ਯਂ ਨੋ 10 ਸੋਲ਼ਸવਸ੍ਸਾਨਿ ਗਹਟ੍ਠਕਂ ਬ੍ਰਹ੍ਮਚਰਿਯਂ ਸਮਾਚਿਣ੍ਣਂ 11। ਤਸ੍ਮਾਤਿਹ ਤ੍વਂ, ਗਹਪਤਿ, ਮਾ ਸਾਪੇਕ੍ਖੋ ਕਾਲਮਕਾਸਿ। ਦੁਕ੍ਖਾ, ਗਹਪਤਿ, ਸਾਪੇਕ੍ਖਸ੍ਸ ਕਾਲਕਿਰਿਯਾ; ਗਰਹਿਤਾ ਚ ਭਗવਤਾ ਸਾਪੇਕ੍ਖਸ੍ਸ ਕਾਲਕਿਰਿਯਾ।
‘‘Siyā kho pana te, gahapati, evamassa – ‘nakulamātā gahapatānī mamaccayena aññaṃ gharaṃ 12 gamissatī’ti. Na kho panetaṃ, gahapati, evaṃ daṭṭhabbaṃ. Tvañceva kho, gahapati, jānāsi ahañca, yaṃ no 13 soḷasavassāni gahaṭṭhakaṃ brahmacariyaṃ samāciṇṇaṃ 14. Tasmātiha tvaṃ, gahapati, mā sāpekkho kālamakāsi. Dukkhā, gahapati, sāpekkhassa kālakiriyā; garahitā ca bhagavatā sāpekkhassa kālakiriyā.
‘‘ਸਿਯਾ ਖੋ ਪਨ ਤੇ, ਗਹਪਤਿ, ਏવਮਸ੍ਸ – ‘ਨਕੁਲਮਾਤਾ ਗਹਪਤਾਨੀ ਮਮਚ੍ਚਯੇਨ ਨ ਦਸ੍ਸਨਕਾਮਾ ਭવਿਸ੍ਸਤਿ ਭਗવਤੋ ਨ ਦਸ੍ਸਨਕਾਮਾ ਭਿਕ੍ਖੁਸਙ੍ਘਸ੍ਸਾ’ਤਿ। ਨ ਖੋ ਪਨੇਤਂ, ਗਹਪਤਿ, ਏવਂ ਦਟ੍ਠਬ੍ਬਂ। ਅਹਞ੍ਹਿ, ਗਹਪਤਿ, ਤવਚ੍ਚਯੇਨ ਦਸ੍ਸਨਕਾਮਤਰਾ ਚੇવ ਭવਿਸ੍ਸਾਮਿ ਭਗવਤੋ, ਦਸ੍ਸਨਕਾਮਤਰਾ ਚ ਭਿਕ੍ਖੁਸਙ੍ਘਸ੍ਸ। ਤਸ੍ਮਾਤਿਹ ਤ੍વਂ, ਗਹਪਤਿ, ਮਾ ਸਾਪੇਕ੍ਖੋ ਕਾਲਮਕਾਸਿ। ਦੁਕ੍ਖਾ, ਗਹਪਤਿ, ਸਾਪੇਕ੍ਖਸ੍ਸ ਕਾਲਕਿਰਿਯਾ; ਗਰਹਿਤਾ ਚ ਭਗવਤਾ ਸਾਪੇਕ੍ਖਸ੍ਸ ਕਾਲਕਿਰਿਯਾ।
‘‘Siyā kho pana te, gahapati, evamassa – ‘nakulamātā gahapatānī mamaccayena na dassanakāmā bhavissati bhagavato na dassanakāmā bhikkhusaṅghassā’ti. Na kho panetaṃ, gahapati, evaṃ daṭṭhabbaṃ. Ahañhi, gahapati, tavaccayena dassanakāmatarā ceva bhavissāmi bhagavato, dassanakāmatarā ca bhikkhusaṅghassa. Tasmātiha tvaṃ, gahapati, mā sāpekkho kālamakāsi. Dukkhā, gahapati, sāpekkhassa kālakiriyā; garahitā ca bhagavatā sāpekkhassa kālakiriyā.
‘‘ਸਿਯਾ ਖੋ ਪਨ ਤੇ, ਗਹਪਤਿ, ਏવਮਸ੍ਸ – ‘ਨ ਨਕੁਲਮਾਤਾ ਗਹਪਤਾਨੀ ਮਮਚ੍ਚਯੇਨ ਸੀਲੇਸੁ 15 ਪਰਿਪੂਰਕਾਰਿਨੀ’ਤਿ। ਨ ਖੋ ਪਨੇਤਂ, ਗਹਪਤਿ, ਏવਂ ਦਟ੍ਠਬ੍ਬਂ। ਯਾવਤਾ ਖੋ, ਗਹਪਤਿ, ਤਸ੍ਸ ਭਗવਤੋ ਸਾવਿਕਾ ਗਿਹੀ ਓਦਾਤવਸਨਾ ਸੀਲੇਸੁ ਪਰਿਪੂਰਕਾਰਿਨਿਯੋ, ਅਹਂ ਤਾਸਂ ਅਞ੍ਞਤਰਾ। ਯਸ੍ਸ ਖੋ ਪਨਸ੍ਸ ਕਙ੍ਖਾ વਾ વਿਮਤਿ વਾ – ਅਯਂ ਸੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਭਗ੍ਗੇਸੁ વਿਹਰਤਿ ਸੁਸੁਮਾਰਗਿਰੇ ਭੇਸਕਲ਼ਾવਨੇ ਮਿਗਦਾਯੇ – ਤਂ ਭਗવਨ੍ਤਂ ਉਪਸਙ੍ਕਮਿਤ੍વਾ ਪੁਚ੍ਛਤੁ। ਤਸ੍ਮਾਤਿਹ ਤ੍વਂ, ਗਹਪਤਿ, ਮਾ ਸਾਪੇਕ੍ਖੋ ਕਾਲਮਕਾਸਿ । ਦੁਕ੍ਖਾ, ਗਹਪਤਿ, ਸਾਪੇਕ੍ਖਸ੍ਸ ਕਾਲਕਿਰਿਯਾ; ਗਰਹਿਤਾ ਚ ਭਗવਤਾ ਸਾਪੇਕ੍ਖਸ੍ਸ ਕਾਲਕਿਰਿਯਾ।
‘‘Siyā kho pana te, gahapati, evamassa – ‘na nakulamātā gahapatānī mamaccayena sīlesu 16 paripūrakārinī’ti. Na kho panetaṃ, gahapati, evaṃ daṭṭhabbaṃ. Yāvatā kho, gahapati, tassa bhagavato sāvikā gihī odātavasanā sīlesu paripūrakāriniyo, ahaṃ tāsaṃ aññatarā. Yassa kho panassa kaṅkhā vā vimati vā – ayaṃ so bhagavā arahaṃ sammāsambuddho bhaggesu viharati susumāragire bhesakaḷāvane migadāye – taṃ bhagavantaṃ upasaṅkamitvā pucchatu. Tasmātiha tvaṃ, gahapati, mā sāpekkho kālamakāsi . Dukkhā, gahapati, sāpekkhassa kālakiriyā; garahitā ca bhagavatā sāpekkhassa kālakiriyā.
‘‘ਸਿਯਾ ਖੋ ਪਨ ਤੇ, ਗਹਪਤਿ, ਏવਮਸ੍ਸ – ‘ਨ ਨਕੁਲਮਾਤਾ ਗਹਪਤਾਨੀ ਲਾਭਿਨੀ 17 ਅਜ੍ਝਤ੍ਤਂ ਚੇਤੋਸਮਥਸ੍ਸਾ’ਤਿ। ਨ ਖੋ ਪਨੇਤਂ, ਗਹਪਤਿ, ਏવਂ ਦਟ੍ਠਬ੍ਬਂ। ਯਾવਤਾ ਖੋ, ਗਹਪਤਿ, ਤਸ੍ਸ ਭਗવਤੋ ਸਾવਿਕਾ ਗਿਹੀ ਓਦਾਤવਸਨਾ ਲਾਭਿਨਿਯੋ ਅਜ੍ਝਤ੍ਤਂ ਚੇਤੋਸਮਥਸ੍ਸ, ਅਹਂ ਤਾਸਂ ਅਞ੍ਞਤਰਾ। ਯਸ੍ਸ ਖੋ ਪਨਸ੍ਸ ਕਙ੍ਖਾ વਾ વਿਮਤਿ વਾ – ਅਯਂ ਸੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਭਗ੍ਗੇਸੁ વਿਹਰਤਿ ਸੁਸੁਮਾਰਗਿਰੇ ਭੇਸਕਲ਼ਾવਨੇ ਮਿਗਦਾਯੇ – ਤਂ ਭਗવਨ੍ਤਂ ਉਪਸਙ੍ਕਮਿਤ੍વਾ ਪੁਚ੍ਛਤੁ। ਤਸ੍ਮਾਤਿਹ ਤ੍વਂ, ਗਹਪਤਿ, ਮਾ ਸਾਪੇਕ੍ਖੋ ਕਾਲਮਕਾਸਿ। ਦੁਕ੍ਖਾ, ਗਹਪਤਿ, ਸਾਪੇਕ੍ਖਸ੍ਸ ਕਾਲਕਿਰਿਯਾ; ਗਰਹਿਤਾ ਚ ਭਗવਤਾ ਸਾਪੇਕ੍ਖਸ੍ਸ ਕਾਲਕਿਰਿਯਾ।
‘‘Siyā kho pana te, gahapati, evamassa – ‘na nakulamātā gahapatānī lābhinī 18 ajjhattaṃ cetosamathassā’ti. Na kho panetaṃ, gahapati, evaṃ daṭṭhabbaṃ. Yāvatā kho, gahapati, tassa bhagavato sāvikā gihī odātavasanā lābhiniyo ajjhattaṃ cetosamathassa, ahaṃ tāsaṃ aññatarā. Yassa kho panassa kaṅkhā vā vimati vā – ayaṃ so bhagavā arahaṃ sammāsambuddho bhaggesu viharati susumāragire bhesakaḷāvane migadāye – taṃ bhagavantaṃ upasaṅkamitvā pucchatu. Tasmātiha tvaṃ, gahapati, mā sāpekkho kālamakāsi. Dukkhā, gahapati, sāpekkhassa kālakiriyā; garahitā ca bhagavatā sāpekkhassa kālakiriyā.
‘‘ਸਿਯਾ ਖੋ ਪਨ ਤੇ, ਗਹਪਤਿ, ਏવਮਸ੍ਸ – ‘ਨ ਨਕੁਲਮਾਤਾ ਗਹਪਤਾਨੀ ਇਮਸ੍ਮਿਂ ਧਮ੍ਮવਿਨਯੇ ਓਗਾਧਪ੍ਪਤ੍ਤਾ ਪਤਿਗਾਧਪ੍ਪਤ੍ਤਾ ਅਸ੍ਸਾਸਪ੍ਪਤ੍ਤਾ ਤਿਣ੍ਣવਿਚਿਕਿਚ੍ਛਾ વਿਗਤਕਥਂਕਥਾ વੇਸਾਰਜ੍ਜਪ੍ਪਤ੍ਤਾ ਅਪਰਪ੍ਪਚ੍ਚਯਾ ਸਤ੍ਥੁਸਾਸਨੇ વਿਹਰਤੀ’ਤਿ। ਨ ਖੋ ਪਨੇਤਂ, ਗਹਪਤਿ, ਏવਂ ਦਟ੍ਠਬ੍ਬਂ। ਯਾવਤਾ ਖੋ, ਗਹਪਤਿ, ਤਸ੍ਸ ਭਗવਤੋ ਸਾવਿਕਾ ਗਿਹੀ ਓਦਾਤવਸਨਾ ਇਮਸ੍ਮਿਂ ਧਮ੍ਮવਿਨਯੇ ਓਗਾਧਪ੍ਪਤ੍ਤਾ ਪਤਿਗਾਧਪ੍ਪਤ੍ਤਾ ਅਸ੍ਸਾਸਪ੍ਪਤ੍ਤਾ ਤਿਣ੍ਣવਿਚਿਕਿਚ੍ਛਾ વਿਗਤਕਥਂਕਥਾ વੇਸਾਰਜ੍ਜਪ੍ਪਤ੍ਤਾ ਅਪਰਪ੍ਪਚ੍ਚਯਾ ਸਤ੍ਥੁਸਾਸਨੇ વਿਹਰਨ੍ਤਿ, ਅਹਂ ਤਾਸਂ ਅਞ੍ਞਤਰਾ। ਯਸ੍ਸ ਖੋ ਪਨਸ੍ਸ ਕਙ੍ਖਾ વਾ વਿਮਤਿ વਾ – ਅਯਂ ਸੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਭਗ੍ਗੇਸੁ વਿਹਰਤਿ ਸੁਸੁਮਾਰਗਿਰੇ ਭੇਸਕਲ਼ਾવਨੇ ਮਿਗਦਾਯੇ – ਤਂ ਭਗવਨ੍ਤਂ ਉਪਸਙ੍ਕਮਿਤ੍વਾ ਪੁਚ੍ਛਤੁ। ਤਸ੍ਮਾਤਿਹ ਤ੍વਂ, ਗਹਪਤਿ, ਮਾ ਸਾਪੇਕ੍ਖੋ ਕਾਲਮਕਾਸਿ। ਦੁਕ੍ਖਾ ਗਹਪਤਿ ਸਾਪੇਕ੍ਖਸ੍ਸ ਕਾਲਕਿਰਿਯਾ; ਗਰਹਿਤਾ ਚ ਭਗવਤਾ ਸਾਪੇਕ੍ਖਸ੍ਸ ਕਾਲਕਿਰਿਯਾ’’ਤਿ।
‘‘Siyā kho pana te, gahapati, evamassa – ‘na nakulamātā gahapatānī imasmiṃ dhammavinaye ogādhappattā patigādhappattā assāsappattā tiṇṇavicikicchā vigatakathaṃkathā vesārajjappattā aparappaccayā satthusāsane viharatī’ti. Na kho panetaṃ, gahapati, evaṃ daṭṭhabbaṃ. Yāvatā kho, gahapati, tassa bhagavato sāvikā gihī odātavasanā imasmiṃ dhammavinaye ogādhappattā patigādhappattā assāsappattā tiṇṇavicikicchā vigatakathaṃkathā vesārajjappattā aparappaccayā satthusāsane viharanti, ahaṃ tāsaṃ aññatarā. Yassa kho panassa kaṅkhā vā vimati vā – ayaṃ so bhagavā arahaṃ sammāsambuddho bhaggesu viharati susumāragire bhesakaḷāvane migadāye – taṃ bhagavantaṃ upasaṅkamitvā pucchatu. Tasmātiha tvaṃ, gahapati, mā sāpekkho kālamakāsi. Dukkhā gahapati sāpekkhassa kālakiriyā; garahitā ca bhagavatā sāpekkhassa kālakiriyā’’ti.
ਅਥ ਖੋ ਨਕੁਲਪਿਤੁਨੋ ਗਹਪਤਿਸ੍ਸ ਨਕੁਲਮਾਤਰਾ 19 ਗਹਪਤਾਨਿਯਾ ਇਮਿਨਾ ਓવਾਦੇਨ ਓવਦਿਯਮਾਨਸ੍ਸ ਸੋ ਆਬਾਧੋ ਠਾਨਸੋ ਪਟਿਪ੍ਪਸ੍ਸਮ੍ਭਿ। વੁਟ੍ਠਹਿ 20 ਚ ਨਕੁਲਪਿਤਾ ਗਹਪਤਿ ਤਮ੍ਹਾ ਆਬਾਧਾ; ਤਥਾ ਪਹੀਨੋ ਚ ਪਨ ਨਕੁਲਪਿਤੁਨੋ ਗਹਪਤਿਸ੍ਸ ਸੋ ਆਬਾਧੋ ਅਹੋਸਿ। ਅਥ ਖੋ ਨਕੁਲਪਿਤਾ ਗਹਪਤਿ ਗਿਲਾਨਾ વੁਟ੍ਠਿਤੋ 21 ਅਚਿਰવੁਟ੍ਠਿਤੋ ਗੇਲਞ੍ਞਾ ਦਣ੍ਡਮੋਲੁਬ੍ਭ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਨਕੁਲਪਿਤਰਂ ਗਹਪਤਿਂ ਭਗવਾ ਏਤਦવੋਚ –
Atha kho nakulapituno gahapatissa nakulamātarā 22 gahapatāniyā iminā ovādena ovadiyamānassa so ābādho ṭhānaso paṭippassambhi. Vuṭṭhahi 23 ca nakulapitā gahapati tamhā ābādhā; tathā pahīno ca pana nakulapituno gahapatissa so ābādho ahosi. Atha kho nakulapitā gahapati gilānā vuṭṭhito 24 aciravuṭṭhito gelaññā daṇḍamolubbha yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho nakulapitaraṃ gahapatiṃ bhagavā etadavoca –
‘‘ਲਾਭਾ ਤੇ, ਗਹਪਤਿ, ਸੁਲਦ੍ਧਂ ਤੇ, ਗਹਪਤਿ! ਯਸ੍ਸ ਤੇ ਨਕੁਲਮਾਤਾ ਗਹਪਤਾਨੀ ਅਨੁਕਮ੍ਪਿਕਾ ਅਤ੍ਥਕਾਮਾ ਓવਾਦਿਕਾ ਅਨੁਸਾਸਿਕਾ। ਯਾવਤਾ ਖੋ, ਗਹਪਤਿ, ਮਮ ਸਾવਿਕਾ ਗਿਹੀ ਓਦਾਤવਸਨਾ ਸੀਲੇਸੁ ਪਰਿਪੂਰਕਾਰਿਨਿਯੋ, ਨਕੁਲਮਾਤਾ ਗਹਪਤਾਨੀ ਤਾਸਂ ਅਞ੍ਞਤਰਾ। ਯਾવਤਾ ਖੋ, ਗਹਪਤਿ, ਮਮ ਸਾવਿਕਾ ਗਿਹੀ ਓਦਾਤવਸਨਾ ਲਾਭਿਨਿਯੋ ਅਜ੍ਝਤ੍ਤਂ ਚੇਤੋਸਮਥਸ੍ਸ, ਨਕੁਲਮਾਤਾ ਗਹਪਤਾਨੀ ਤਾਸਂ ਅਞ੍ਞਤਰਾ। ਯਾવਤਾ ਖੋ, ਗਹਪਤਿ, ਮਮ ਸਾવਿਕਾ ਗਿਹੀ ਓਦਾਤવਸਨਾ ਇਮਸ੍ਮਿਂ ਧਮ੍ਮવਿਨਯੇ ਓਗਾਧਪ੍ਪਤ੍ਤਾ ਪਤਿਗਾਧਪ੍ਪਤ੍ਤਾ ਅਸ੍ਸਾਸਪ੍ਪਤ੍ਤਾ ਤਿਣ੍ਣવਿਚਿਕਿਚ੍ਛਾ વਿਗਤਕਥਂਕਥਾ વੇਸਾਰਜ੍ਜਪ੍ਪਤ੍ਤਾ ਅਪਰਪ੍ਪਚ੍ਚਯਾ ਸਤ੍ਥੁਸਾਸਨੇ વਿਹਰਨ੍ਤਿ, ਨਕੁਲਮਾਤਾ ਗਹਪਤਾਨੀ ਤਾਸਂ ਅਞ੍ਞਤਰਾ। ਲਾਭਾ ਤੇ, ਗਹਪਤਿ, ਸੁਲਦ੍ਧਂ ਤੇ, ਗਹਪਤਿ! ਯਸ੍ਸ ਤੇ ਨਕੁਲਮਾਤਾ ਗਹਪਤਾਨੀ ਅਨੁਕਮ੍ਪਿਕਾ ਅਤ੍ਥਕਾਮਾ ਓવਾਦਿਕਾ ਅਨੁਸਾਸਿਕਾ’’ਤਿ। ਛਟ੍ਠਂ।
‘‘Lābhā te, gahapati, suladdhaṃ te, gahapati! Yassa te nakulamātā gahapatānī anukampikā atthakāmā ovādikā anusāsikā. Yāvatā kho, gahapati, mama sāvikā gihī odātavasanā sīlesu paripūrakāriniyo, nakulamātā gahapatānī tāsaṃ aññatarā. Yāvatā kho, gahapati, mama sāvikā gihī odātavasanā lābhiniyo ajjhattaṃ cetosamathassa, nakulamātā gahapatānī tāsaṃ aññatarā. Yāvatā kho, gahapati, mama sāvikā gihī odātavasanā imasmiṃ dhammavinaye ogādhappattā patigādhappattā assāsappattā tiṇṇavicikicchā vigatakathaṃkathā vesārajjappattā aparappaccayā satthusāsane viharanti, nakulamātā gahapatānī tāsaṃ aññatarā. Lābhā te, gahapati, suladdhaṃ te, gahapati! Yassa te nakulamātā gahapatānī anukampikā atthakāmā ovādikā anusāsikā’’ti. Chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਨਕੁਲਪਿਤੁਸੁਤ੍ਤવਣ੍ਣਨਾ • 6. Nakulapitusuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਨਕੁਲਪਿਤੁਸੁਤ੍ਤવਣ੍ਣਨਾ • 6. Nakulapitusuttavaṇṇanā
