| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
6. நகுலபிதுஸுத்தவண்ணனா
6. Nakulapitusuttavaṇṇanā
16. ச²ட்டே² விஸபா⁴க³வேத³னுப்பத்தியா ககசேனேவ சதுஇரியாபத²ங் சி²ந்த³ந்தோ ஆபா³த⁴யதீதி ஆபா³தோ⁴, ஸோ யஸ்ஸ அத்தீ²தி ஆபா³தி⁴கோ. தங்ஸமுட்டா²னது³க்கே²ன து³க்கி²தோ. அதி⁴மத்தகி³லானோதி தா⁴துஸங்க²யேன பரிக்கீ²ணஸரீரோ.
16. Chaṭṭhe visabhāgavedanuppattiyā kakaceneva catuiriyāpathaṃ chindanto ābādhayatīti ābādho, so yassa atthīti ābādhiko. Taṃsamuṭṭhānadukkhena dukkhito. Adhimattagilānoti dhātusaṅkhayena parikkhīṇasarīro.
ஸப்படிப⁴யகந்தாரஸதி³ஸா ஸோளஸவத்து²கா அட்ட²வத்து²கா ச விசிகிச்சா² திண்ணா இமாயாதி திண்ணவிசிகிச்சா². விக³தா ஸமுச்சி²ன்னா பவத்திஆதீ³ஸு ‘‘ஏவங் நு கோ² ந நு கோ²’’தி ஏவங் பவத்திகா கத²ங்கதா² அஸ்ஸாதி விக³தகத²ங்கதா². ஸாரஜ்ஜகரானங் பாபத⁴ம்மானங் பஹீனத்தா ராக³விக்கே²பேஸு ஸீலாதி³கு³ணேஸு ச திட்ட²கத்தா வேஸாரஜ்ஜங், விஸாரத³பா⁴வங் வெய்யத்தியங் பத்தாதி வேஸாரஜ்ஜப்பத்தா. அத்தனா ஏவ பச்சக்க²தோ தி³ட்ட²த்தா ந பரங் பச்சேதி, நஸ்ஸ பரோ பச்சேதப்³போ³ அத்தீ²தி அபரப்பச்சயா.
Sappaṭibhayakantārasadisā soḷasavatthukā aṭṭhavatthukā ca vicikicchā tiṇṇā imāyāti tiṇṇavicikicchā. Vigatā samucchinnā pavattiādīsu ‘‘evaṃ nu kho na nu kho’’ti evaṃ pavattikā kathaṃkathā assāti vigatakathaṃkathā. Sārajjakarānaṃ pāpadhammānaṃ pahīnattā rāgavikkhepesu sīlādiguṇesu ca tiṭṭhakattā vesārajjaṃ, visāradabhāvaṃ veyyattiyaṃ pattāti vesārajjappattā. Attanā eva paccakkhato diṭṭhattā na paraṃ pacceti, nassa paro paccetabbo atthīti aparappaccayā.
கி³லானா வுட்டி²தோதி கி³லானபா⁴வதோ வுட்டா²ய டி²தோ. பா⁴வப்பதா⁴னோ ஹி அயங் நித்³தே³ஸோ. கி³லானோ ஹுத்வா வுட்டி²தோதி இத³ங் பன அத்த²மத்தனித³ஸ்ஸனங்.
Gilānā vuṭṭhitoti gilānabhāvato vuṭṭhāya ṭhito. Bhāvappadhāno hi ayaṃ niddeso. Gilāno hutvā vuṭṭhitoti idaṃ pana atthamattanidassanaṃ.
நகுலபிதுஸுத்தவண்ணனா நிட்டி²தா.
Nakulapitusuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. நகுலபிதுஸுத்தங் • 6. Nakulapitusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. நகுலபிதுஸுத்தவண்ணனா • 6. Nakulapitusuttavaṇṇanā
