| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. нагулабид̇усуд̇д̇аван̣н̣анаа
6. Nakulapitusuttavaṇṇanā
16. чадтз б̣аал̣хаг̇илаанод̇и ад̇химад̇д̇аг̇илаано. зд̇ад̣̇авожаад̇и саамигасса бхзсаж̇ж̇ам̣ гад̇ваа б̣яаад̇хим̣ вуубасамзд̇ум̣ асаггонд̇ий ид̣̇аани сийханаад̣̇ам̣ над̣̇ид̇ваа сажжагирияааяа б̣яаад̇хим̣ вуубасамзд̇ум̣ санд̇игз нисийд̣̇ид̇ваа зд̇ам̣ ‘‘маа ко д̇ва’’нд̇иаад̣̇иважанам̣ авожа. саабзгкод̇и сад̇ан̣хо. на нагуламаад̇аад̇и зд̇т̇а на-гааро на сагкад̇ийд̇и звам̣ барабад̣̇зна яож̇зд̇аб̣б̣о. сант̇арид̇унд̇и нижчид̣̇д̣̇ам̣ гаад̇ум̣, сан̣табзд̇унд̇и ад̇т̇о. взн̣им̣ оликид̇унд̇и зл̣агаломаани габбзд̇ваа виж̇адзд̇ваа взн̣им̣ гаад̇ум̣.
16. Chaṭṭhe bāḷhagilānoti adhimattagilāno. Etadavocāti sāmikassa bhesajjaṃ katvā byādhiṃ vūpasametuṃ asakkontī idāni sīhanādaṃ naditvā saccakiriyāya byādhiṃ vūpasametuṃ santike nisīditvā etaṃ ‘‘mā kho tva’’ntiādivacanaṃ avoca. Sāpekkhoti sataṇho. Na nakulamātāti ettha na-kāro na sakkhatīti evaṃ parapadena yojetabbo. Santharitunti nicchiddaṃ kātuṃ, saṇṭhapetunti attho. Veṇiṃ olikhitunti eḷakalomāni kappetvā vijaṭetvā veṇiṃ kātuṃ.
ан̃н̃ам̣ гхарам̣ г̇амиссад̇ийд̇и ан̃н̃ам̣ саамигам̣ г̇ан̣хиссад̇и. сол̣аса вассаани г̇ахадтагам̣ б̣рахмажарияам̣ самаажин̣н̣анд̇и ид̇о сол̣асавассамад̇т̇агз г̇ахадтаб̣рахмажарияаваасо самаажин̣н̣о. д̣̇ассанагаамад̇араад̇и ад̇ирзгзна д̣̇ассанагаамаа. имзхи д̇ийхи ан̇г̇зхи сийханаад̣̇ам̣ над̣̇ид̇ваа ‘‘иминаа сажжзна д̇ава сарийрз б̣яаад̇хи паасу ход̇уу’’д̇и сажжагирияам̣ агааси.
Aññaṃ gharaṃ gamissatīti aññaṃ sāmikaṃ gaṇhissati. Soḷasa vassāni gahaṭṭhakaṃ brahmacariyaṃ samāciṇṇanti ito soḷasavassamatthake gahaṭṭhabrahmacariyavāso samāciṇṇo. Dassanakāmatarāti atirekena dassanakāmā. Imehi tīhi aṅgehi sīhanādaṃ naditvā ‘‘iminā saccena tava sarīre byādhi phāsu hotū’’ti saccakiriyaṃ akāsi.
ид̣̇аани бхаг̇аванд̇ам̣ сагким̣ гад̇ваа ад̇д̇ано сийлаад̣̇иг̇ун̣зхиби сажжагирияам̣ гаад̇ум̣ сияаа ко бана д̇зд̇иаад̣̇имааха. д̇ад̇т̇а барибуурагааринийд̇и самад̇д̇агаариний. жзд̇осамат̇ассаад̇и самаад̇хигаммадтаанасса. ог̇аад̇хаббад̇д̇аад̇и ог̇аад̇хам̣ ануббавзсам̣ бад̇д̇аа. бад̇иг̇аад̇хаббад̇д̇аад̇и бад̇иг̇аад̇хам̣ бад̇идтам̣ бад̇д̇аа. ассаасаббад̇д̇аад̇и ассаасам̣ авассаяам̣ бад̇д̇аа. взсаараж̇ж̇аббад̇д̇аад̇и соманассан̃аан̣ам̣ бад̇д̇аа. абараббажжаяаад̇и бараббажжаяо вужжад̇и барасад̣̇д̇хаа барабад̇д̇ияааяанаа, д̇ааяа вирахид̇аад̇и ад̇т̇о. имзхи д̇ийхи ан̇г̇зхи ад̇д̇ано г̇ун̣з аараб̣бха сажжагирияам̣ агааси. г̇илаанаа вудтид̇од̇и г̇илаано худ̇ваа вудтид̇о. яаавад̇аад̇и яад̇д̇игааяо. д̇аасам̣ ан̃н̃ад̇араад̇и д̇аасам̣ анд̇арз згаа. анугамбигаад̇и хид̇аанугамбигаа. оваад̣̇игаад̇и оваад̣̇ад̣̇ааяигаа. анусаасигаад̇и анусидтид̣̇ааяигаа.
Idāni bhagavantaṃ sakkhiṃ katvā attano sīlādiguṇehipi saccakiriyaṃ kātuṃ siyā khopana tetiādimāha. Tattha paripūrakārinīti samattakārinī. Cetosamathassāti samādhikammaṭṭhānassa. Ogādhappattāti ogādhaṃ anuppavesaṃ pattā. Patigādhappattāti patigādhaṃ patiṭṭhaṃ pattā. Assāsappattāti assāsaṃ avassayaṃ pattā. Vesārajjappattāti somanassañāṇaṃ pattā. Aparappaccayāti parappaccayo vuccati parasaddhā parapattiyāyanā, tāya virahitāti attho. Imehi tīhi aṅgehi attano guṇe ārabbha saccakiriyaṃ akāsi. Gilānā vuṭṭhitoti gilāno hutvā vuṭṭhito. Yāvatāti yattikāyo. Tāsaṃ aññatarāti tāsaṃ antare ekā. Anukampikāti hitānukampikā. Ovādikāti ovādadāyikā. Anusāsikāti anusiṭṭhidāyikā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. нагулабид̇усуд̇д̇ам̣ • 6. Nakulapitusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. нагулабид̇усуд̇д̇аван̣н̣анаа • 6. Nakulapitusuttavaṇṇanā
