| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
сам̣яуд̇д̇анигааяз
Saṃyuttanikāye
канд̇хаваг̇г̇а-адтагат̇аа
Khandhavagga-aṭṭhakathā
1. канд̇хасам̣яуд̇д̇ам̣
1. Khandhasaṃyuttaṃ
1. нагулабид̇уваг̇г̇о
1. Nakulapituvaggo
1. нагулабид̇усуд̇д̇аван̣н̣анаа
1. Nakulapitusuttavaṇṇanā
1. канд̇хияаваг̇г̇асса батамз бхаг̇г̇зсууд̇и звам̣наамагз ж̇анабад̣̇з. сусумаараг̇ирзд̇и сусумаараг̇иранаг̇арз. д̇асмим̣ гира маабияамаанз сусумааро сад̣̇д̣̇амагааси, д̇знасса ‘‘сусумаараг̇ира’’нд̇взва наамам̣ агам̣су. бхзсагал̣ааванзд̇и бхзсагал̣ааяа наама яагкинияаа ад̇хивуд̇т̇ад̇д̇аа звам̣лад̣̇д̇ханаамз ванз. д̇ад̣̇зва миг̇аг̇ан̣асса абхаяад̇т̇ааяа д̣̇иннад̇д̇аа миг̇ад̣̇ааяод̇и вужжад̇и. бхаг̇аваа д̇асмим̣ ж̇анабад̣̇з д̇ам̣ наг̇арам̣ ниссааяа д̇асмим̣ ванасан̣д̣з вихарад̇и. нагулабид̇аад̇и нагуласса наама д̣̇аарагасса бид̇аа.
1.Khandhiyavaggassa paṭhame bhaggesūti evaṃnāmake janapade. Susumāragireti susumāragiranagare. Tasmiṃ kira māpiyamāne susumāro saddamakāsi, tenassa ‘‘susumāragira’’ntveva nāmaṃ akaṃsu. Bhesakaḷāvaneti bhesakaḷāya nāma yakkhiniyā adhivutthattā evaṃladdhanāme vane. Tadeva migagaṇassa abhayatthāya dinnattā migadāyoti vuccati. Bhagavā tasmiṃ janapade taṃ nagaraṃ nissāya tasmiṃ vanasaṇḍe viharati. Nakulapitāti nakulassa nāma dārakassa pitā.
ж̇ин̣н̣од̇и ж̇арааж̇ин̣н̣о. вуд̣дход̇и ваяовуд̣дхо. махаллагод̇и ж̇аад̇имахаллаго. ад̣̇д̇хаг̇ад̇од̇и д̇ияад̣̇д̇хаг̇ад̇о. ваяоануббад̇д̇од̇и д̇зсу д̇ийсу ад̣̇д̇хзсу бажчимаваяам̣ ануббад̇д̇о. аад̇урагааяод̇и г̇илаанагааяо. ид̣̇ан̃хи сарийрам̣ суван̣н̣аван̣н̣амби нижжабаг̇гхаран̣адтзна аад̇урам̣язва наама . висзсзна банасса ж̇араад̇урад̇аа б̣яаад̇хаад̇урад̇аа маран̣аад̇урад̇аад̇и д̇иссо аад̇урад̇аа хонд̇и. д̇аасу гин̃жааби зсо махаллагад̇д̇аа ж̇араад̇урова, абхин̣харог̇ад̇ааяа банасса б̣яаад̇хаад̇урад̇аа ид̇ха ад̇хиббзд̇аа. абхигкан̣аад̇ан̇год̇и абхин̣харог̇о ниранд̇арарог̇о. анижжад̣̇ассаавийд̇и д̇ааяа аад̇урад̇ааяа ижчид̇ижчид̇агкан̣з ааг̇анд̇ум̣ асаггонд̇о гад̣̇аажид̣̇зва д̣̇адтум̣ лабхаами, на саб̣б̣агааланд̇и ад̇т̇о. манобхааванийяаананд̇и манавад̣дхагаанам̣ . язсу хи д̣̇идтзсу гусалавасзна жид̇д̇ам̣ вад̣дхад̇и, д̇з саарибуд̇д̇амог̇г̇аллаанаад̣̇аяо махаат̇зраа манобхааванийяаа наама. анусаасад̇ууд̇и бунаббунам̣ саасад̇у. буриман̃хи важанам̣ оваад̣̇о наама, абараабарам̣ анусаасаний наама. од̇ин̣н̣з ваа вад̇т̇усмим̣ важанам̣ оваад̣̇о наама, анод̇ин̣н̣з д̇анд̇ивасзна ваа бавзн̣ивасзна ваа вуд̇д̇ам̣ анусаасаний наама. абижа оваад̣̇од̇и ваа анусаасанийд̇и ваа ад̇т̇ад̇о згамзва, б̣яан̃ж̇анамад̇д̇амзва наанам̣.
Jiṇṇoti jarājiṇṇo. Vuḍḍhoti vayovuḍḍho. Mahallakoti jātimahallako. Addhagatoti tiyaddhagato. Vayoanuppattoti tesu tīsu addhesu pacchimavayaṃ anuppatto. Āturakāyoti gilānakāyo. Idañhi sarīraṃ suvaṇṇavaṇṇampi niccapaggharaṇaṭṭhena āturaṃyeva nāma . Visesena panassa jarāturatā byādhāturatā maraṇāturatāti tisso āturatā honti. Tāsu kiñcāpi eso mahallakattā jarāturova, abhiṇharogatāya panassa byādhāturatā idha adhippetā. Abhikkhaṇātaṅkoti abhiṇharogo nirantararogo. Aniccadassāvīti tāya āturatāya icchiticchitakkhaṇe āgantuṃ asakkonto kadācideva daṭṭhuṃ labhāmi, na sabbakālanti attho. Manobhāvanīyānanti manavaḍḍhakānaṃ . Yesu hi diṭṭhesu kusalavasena cittaṃ vaḍḍhati, te sāriputtamoggallānādayo mahātherā manobhāvanīyā nāma. Anusāsatūti punappunaṃ sāsatu. Purimañhi vacanaṃ ovādo nāma, aparāparaṃ anusāsanī nāma. Otiṇṇe vā vatthusmiṃ vacanaṃ ovādo nāma, anotiṇṇe tantivasena vā paveṇivasena vā vuttaṃ anusāsanī nāma. Apica ovādoti vā anusāsanīti vā atthato ekameva, byañjanamattameva nānaṃ.
аад̇уро хааяанд̇и аад̇уро хи аяам̣, суван̣н̣аван̣н̣о бияан̇г̇усаамоби самаано нижжабаг̇гхаран̣адтзна аад̇уроязва. ан̣д̣абхууд̇од̇и ан̣д̣ам̣ вияа бхууд̇о д̣̇уб̣б̣ало. яат̇аа гуггудан̣д̣ам̣ ваа маяууран̣д̣ам̣ ваа г̇зн̣д̣угам̣ вияа г̇ахзд̇ваа кибанд̇зна ваа бахаранд̇зна ваа на саггаа гийл̣ид̇ум̣, д̇аавад̣̇зва бхиж̇ж̇ад̇и, звамаяамби гааяо ган̣дагзби каан̣угзби багкалид̇асса бхиж̇ж̇ад̇ийд̇и ан̣д̣ам̣ вияа бхууд̇од̇и ан̣д̣абхууд̇о. барияонад̣̇д̇ход̇и сукумзна чавимад̇д̇зна барияонад̣̇д̇хо. ан̣д̣ан̃хи саарад̇ажзна барияонад̣̇д̇хам̣, д̇зна д̣ам̣самагасаад̣̇аяо нилийяид̇вааби чавим̣ чинд̣̇ид̇ваа яуусам̣ баг̇гхараабзд̇ум̣ на саггонд̇и. имасмим̣ бана чавим̣ чинд̣̇ид̇ваа яам̣ ижчанд̇и, д̇ам̣ гаронд̇и. звам̣ сукумааяа чавияаа барияонад̣̇д̇хо. гиман̃н̃ад̇ра б̣ааляаад̇и б̣аалабхаавад̇о ан̃н̃ам̣ гимад̇т̇и? б̣аалоязва аяанд̇и ад̇т̇о. д̇асмаад̇и яасмаа аяам̣ гааяо зваруубо, д̇асмаа.
Āturo hāyanti āturo hi ayaṃ, suvaṇṇavaṇṇo piyaṅgusāmopi samāno niccapaggharaṇaṭṭhena āturoyeva. Aṇḍabhūtoti aṇḍaṃ viya bhūto dubbalo. Yathā kukkuṭaṇḍaṃ vā mayūraṇḍaṃ vā geṇḍukaṃ viya gahetvā khipantena vā paharantena vā na sakkā kīḷituṃ, tāvadeva bhijjati, evamayampi kāyo kaṇṭakepi khāṇukepi pakkhalitassa bhijjatīti aṇḍaṃ viya bhūtoti aṇḍabhūto. Pariyonaddhoti sukhumena chavimattena pariyonaddho. Aṇḍañhi sāratacena pariyonaddhaṃ, tena ḍaṃsamakasādayo nilīyitvāpi chaviṃ chinditvā yūsaṃ paggharāpetuṃ na sakkonti. Imasmiṃ pana chaviṃ chinditvā yaṃ icchanti, taṃ karonti. Evaṃ sukhumāya chaviyā pariyonaddho. Kimaññatra bālyāti bālabhāvato aññaṃ kimatthi? Bāloyeva ayanti attho. Tasmāti yasmā ayaṃ kāyo evarūpo, tasmā.
д̇знубасан̇гамийд̇и ран̃н̃о жаггавад̇д̇исса убадтаанам̣ г̇анд̇ваа ананд̇арам̣ барин̣ааяагарад̇анасса убадтаанам̣ г̇ажчанд̇о рааж̇абурисо вияа, сад̣̇д̇хаммажаггавад̇д̇исса бхаг̇авад̇о убадтаанам̣ г̇анд̇ваа, ананд̇арам̣ д̇хаммасзнаабад̇исса абажид̇им̣ гаад̇угаамо язнааяасмаа саарибуд̇д̇о, д̇знубасан̇гами. виббасаннаанийд̇и судту басаннаани. инд̣̇рияаанийд̇и манажчадтаани инд̣̇рияаани. барисуд̣̇д̇ход̇и нид̣̇д̣̇осо. барияод̣̇аад̇од̇и д̇ассзва взважанам̣. нирубаггилзсад̇ааязва хи зса барияод̣̇аад̇од̇и вуд̇д̇о, на сзд̇абхаавзна. зд̇асса жа барияод̣̇аад̇ад̇ам̣ д̣̇исваава инд̣̇рияаанам̣ виббасаннад̇ам̣ ан̃н̃ааси. наяаг̇г̇аахабан̃н̃аа гирзсаа т̇зрасса.
Tenupasaṅkamīti rañño cakkavattissa upaṭṭhānaṃ gantvā anantaraṃ pariṇāyakaratanassa upaṭṭhānaṃ gacchanto rājapuriso viya, saddhammacakkavattissa bhagavato upaṭṭhānaṃ gantvā, anantaraṃ dhammasenāpatissa apacitiṃ kātukāmo yenāyasmā sāriputto, tenupasaṅkami. Vippasannānīti suṭṭhu pasannāni. Indriyānīti manacchaṭṭhāni indriyāni. Parisuddhoti niddoso. Pariyodātoti tasseva vevacanaṃ. Nirupakkilesatāyeva hi esa pariyodātoti vutto, na setabhāvena. Etassa ca pariyodātataṃ disvāva indriyānaṃ vippasannataṃ aññāsi. Nayaggāhapaññā kiresā therassa.
гат̇ан̃хи но сияаад̇и гзна гааран̣зна на лад̣̇д̇хаа бхависсад̇и? лад̣̇д̇хааязваад̇и ад̇т̇о. иминаа гим̣ д̣̇ийбзд̇и? сад̇т̇увиссаасигабхаавам̣. аяам̣ гира сад̇т̇у д̣̇идтагаалад̇о бадтааяа бид̇ибзмам̣, убаасигаа жасса маад̇ибзмам̣ бадилабхад̇и. убхоби ‘‘мама буд̇д̇о’’д̇и сад̇т̇аарам̣ вад̣̇анд̇и. бхаванд̇араг̇ад̇о хи нзсам̣ синзхо. саа гира убаасигаа бан̃жа ж̇аад̇исад̇аани д̇ат̇ааг̇ад̇асса маад̇аава, со жа, г̇ахабад̇и, бид̇аава ахоси. буна бан̃жа ж̇аад̇исад̇аани убаасигаа махаамаад̇аа, убаасаго махаабид̇аа, д̇ат̇аа жуул̣аамаад̇аа жуул̣абид̇аад̇и. звам̣ сад̇т̇аа д̣̇ияад̣дхаад̇д̇абхаавасахассам̣ д̇зсам̣язва хад̇т̇з вад̣дхид̇о. д̇знзва д̇з яам̣ нзва буд̇д̇асса, на бид̇у санд̇игз гат̇зд̇ум̣ саггаа, д̇ам̣ сад̇т̇у санд̇игз нисиннаа гат̇знд̇и. иминааязва жа гааран̣зна бхаг̇аваа ‘‘зд̇ад̣̇аг̇г̇ам̣, бхигкавз, мама саавагаанам̣ убаасагаанам̣ виссаасигаанам̣ яад̣̇ид̣̇ам̣ нагулабид̇аа г̇ахабад̇и, яад̣̇ид̣̇ам̣ нагуламаад̇аа г̇ахабад̇ааний’’д̇и (а. ни. 1.257) д̇з зд̇ад̣̇аг̇г̇з табзси. ид̇и со имам̣ виссаасигабхаавам̣ багаасзнд̇о гат̇ан̃хи но сияаад̇и ааха. амад̇зна абхисид̇д̇од̇и нассид̇ха ан̃н̃ам̣ гин̃жи жхаанам̣ ваа вибассанаа ваа маг̇г̇о ваа палам̣ ваа ‘‘амад̇аабхисзго’’д̇и д̣̇адтаб̣б̣о, мад̇хурад̇хаммад̣̇зсанааязва бана ‘‘амад̇аабхисзго’’д̇и взд̣̇ид̇аб̣б̣о. д̣̇уурад̇обийд̇и д̇ирорадтааби д̇ирож̇анабад̣̇ааби.
Kathañhi no siyāti kena kāraṇena na laddhā bhavissati? Laddhāyevāti attho. Iminā kiṃ dīpeti? Satthuvissāsikabhāvaṃ. Ayaṃ kira satthu diṭṭhakālato paṭṭhāya pitipemaṃ, upāsikā cassa mātipemaṃ paṭilabhati. Ubhopi ‘‘mama putto’’ti satthāraṃ vadanti. Bhavantaragato hi nesaṃ sineho. Sā kira upāsikā pañca jātisatāni tathāgatassa mātāva, so ca, gahapati, pitāva ahosi. Puna pañca jātisatāni upāsikā mahāmātā, upāsako mahāpitā, tathā cūḷāmātā cūḷapitāti. Evaṃ satthā diyaḍḍhaattabhāvasahassaṃ tesaṃyeva hatthe vaḍḍhito. Teneva te yaṃ neva puttassa, na pitu santike kathetuṃ sakkā, taṃ satthu santike nisinnā kathenti. Imināyeva ca kāraṇena bhagavā ‘‘etadaggaṃ, bhikkhave, mama sāvakānaṃ upāsakānaṃ vissāsikānaṃ yadidaṃ nakulapitā gahapati, yadidaṃ nakulamātā gahapatānī’’ti (a. ni. 1.257) te etadagge ṭhapesi. Iti so imaṃ vissāsikabhāvaṃ pakāsento kathañhi no siyāti āha. Amatena abhisittoti nassidha aññaṃ kiñci jhānaṃ vā vipassanā vā maggo vā phalaṃ vā ‘‘amatābhiseko’’ti daṭṭhabbo, madhuradhammadesanāyeva pana ‘‘amatābhiseko’’ti veditabbo. Dūratopīti tiroraṭṭhāpi tirojanapadāpi.
ассуд̇аваа бут̇уж̇ж̇анод̇и ид̣̇ам̣ вуд̇д̇ад̇т̇амзва. арияаанам̣ ад̣̇ассаавийд̇иаад̣̇ийсу арияаад̇и аарагад̇д̇аа гилзсзхи, анаяз на ирияанад̇о, аяз ирияанад̇о, сад̣̇звагзна жа логзна аран̣ийяад̇о б̣уд̣̇д̇хаа жа бажжзгаб̣уд̣̇д̇хаа жа б̣уд̣̇д̇хасаавагаа жа вужжанд̇и. б̣уд̣̇д̇хаа зва ваа ид̇ха арияаа. яат̇ааха – ‘‘сад̣̇звагз, бхигкавз, логз…бз… д̇ат̇ааг̇ад̇о арияо’’д̇и вужжад̇ийд̇и (сам̣. ни. 5.1098). саббурисаананд̇и зд̇т̇а бана бажжзгаб̣уд̣̇д̇хаа д̇ат̇ааг̇ад̇асаавагаа жа саббурисаад̇и взд̣̇ид̇аб̣б̣аа. д̇з хи логуд̇д̇араг̇ун̣аяог̇зна собханаа бурисаад̇и саббурисаа. саб̣б̣зва ваа зд̇з д̣̇взд̇хааби вуд̇д̇аа. б̣уд̣̇д̇хааби хи арияаа жа саббурисаа жа, бажжзгаб̣уд̣̇д̇хаа б̣уд̣̇д̇хасаавагааби. яат̇ааха –
Assutavā puthujjanoti idaṃ vuttatthameva. Ariyānaṃ adassāvītiādīsu ariyāti ārakattā kilesehi, anaye na iriyanato, aye iriyanato, sadevakena ca lokena araṇīyato buddhā ca paccekabuddhā ca buddhasāvakā ca vuccanti. Buddhā eva vā idha ariyā. Yathāha – ‘‘sadevake, bhikkhave, loke…pe… tathāgato ariyo’’ti vuccatīti (saṃ. ni. 5.1098). Sappurisānanti ettha pana paccekabuddhā tathāgatasāvakā ca sappurisāti veditabbā. Te hi lokuttaraguṇayogena sobhanā purisāti sappurisā. Sabbeva vā ete dvedhāpi vuttā. Buddhāpi hi ariyā ca sappurisā ca, paccekabuddhā buddhasāvakāpi. Yathāha –
‘‘яо вз гад̇ан̃н̃уу гад̇авзд̣̇и д̇хийро,
‘‘Yo ve kataññū katavedi dhīro,
галяаан̣амид̇д̇о д̣̇ал̣хабхад̇д̇и жа ход̇и;
Kalyāṇamitto daḷhabhatti ca hoti;
д̣̇укид̇асса саггажжа гарод̇и гижжам̣,
Dukhitassa sakkacca karoti kiccaṃ,
д̇ат̇аавид̇хам̣ саббурисам̣ вад̣̇анд̇ий’’д̇и. (ж̇аа. 2.17.78);
Tathāvidhaṃ sappurisaṃ vadantī’’ti. (jā. 2.17.78);
‘‘галяаан̣амид̇д̇о д̣̇ал̣хабхад̇д̇и жа ход̇ий’’д̇и зд̇д̇аавад̇аа хи б̣уд̣̇д̇хасааваго вуд̇д̇о, гад̇ан̃н̃уд̇аад̣̇ийхи бажжзгаб̣уд̣̇д̇хаб̣уд̣̇д̇хаад̇и. ид̣̇аани яо д̇зсам̣ арияаанам̣ ад̣̇ассанасийло, на жа д̣̇ассанз саад̇хугаарий, со ‘‘арияаанам̣ ад̣̇ассаавий’’д̇и взд̣̇ид̇аб̣б̣о. со жа жагкунаа ад̣̇ассаавий, н̃аан̣зна ад̣̇ассаавийд̇и д̣̇увид̇хо. д̇зсу н̃аан̣зна ад̣̇ассаавий ид̇ха ад̇хиббзд̇о. мам̣сажагкунаа хи д̣̇иб̣б̣ажагкунаа ваа арияаа д̣̇идтааби ад̣̇идтаава хонд̇и д̇зсам̣ жагкуунам̣ ван̣н̣амад̇д̇аг̇г̇ахан̣ад̇о на арияабхааваг̇ожарад̇о. сон̣асин̇г̇аалаад̣̇аяоби жагкунаа арияз бассанд̇и, на жзд̇з арияаанам̣ д̣̇ассаавино наама.
‘‘Kalyāṇamitto daḷhabhatti ca hotī’’ti ettāvatā hi buddhasāvako vutto, kataññutādīhi paccekabuddhabuddhāti. Idāni yo tesaṃ ariyānaṃ adassanasīlo, na ca dassane sādhukārī, so ‘‘ariyānaṃ adassāvī’’ti veditabbo. So ca cakkhunā adassāvī, ñāṇena adassāvīti duvidho. Tesu ñāṇena adassāvī idha adhippeto. Maṃsacakkhunā hi dibbacakkhunā vā ariyā diṭṭhāpi adiṭṭhāva honti tesaṃ cakkhūnaṃ vaṇṇamattaggahaṇato na ariyabhāvagocarato. Soṇasiṅgālādayopi cakkhunā ariye passanti, na cete ariyānaṃ dassāvino nāma.
д̇ад̇рид̣̇ам̣ вад̇т̇у – жид̇д̇алабаб̣б̣ад̇аваасино гира кийн̣аасавад̇т̇зрасса убадтааго вуд̣дхабаб̣б̣аж̇ид̇о згад̣̇ивасам̣ т̇зрзна сад̣̇д̇хим̣ бин̣д̣ааяа жарид̇ваа, т̇зрасса бад̇д̇ажийварам̣ г̇ахзд̇ваа, бидтид̇о ааг̇ажчанд̇о т̇зрам̣ бужчи – ‘‘арияаа наама, бханд̇з, гийд̣̇исаа’’д̇и? т̇зро ааха – ‘‘ид̇хзгажжо махаллаго арияаанам̣ бад̇д̇ажийварам̣ г̇ахзд̇ваа вад̇д̇абадивад̇д̇ам̣ гад̇ваа сахажаранд̇оби нзва арияз ж̇аанаад̇и, звам̣ д̣̇уж̇ж̇аанаавусо, арияаа’’д̇и. звам̣ вуд̇д̇зби со нзва ан̃н̃ааси. д̇асмаа на жагкунаа д̣̇ассанам̣ д̣̇ассанам̣, н̃аан̣зна д̣̇ассанамзва д̣̇ассанам̣. яат̇ааха – ‘‘гим̣ д̇з, ваггали, иминаа бууд̇игааязна д̣̇идтзна? яо ко, ваггали, д̇хаммам̣ бассад̇и, со мам̣ бассад̇и. яо мам̣ бассад̇и, со д̇хаммам̣ бассад̇ий’’д̇и (сам̣. ни. 3.87). д̇асмаа жагкунаа бассанд̇оби н̃аан̣зна ариязхи д̣̇идтам̣ анижжаад̣̇илагкан̣ам̣ абассанд̇о, арияаад̇хиг̇ад̇ан̃жа д̇хаммам̣ анад̇хиг̇ажчанд̇о арияагарад̇хаммаанам̣ арияабхаавасса жа ад̣̇идтад̇д̇аа ‘‘арияаанам̣ ад̣̇ассаавий’’д̇и взд̣̇ид̇аб̣б̣о.
Tatridaṃ vatthu – cittalapabbatavāsino kira khīṇāsavattherassa upaṭṭhāko vuḍḍhapabbajito ekadivasaṃ therena saddhiṃ piṇḍāya caritvā, therassa pattacīvaraṃ gahetvā, piṭṭhito āgacchanto theraṃ pucchi – ‘‘ariyā nāma, bhante, kīdisā’’ti? Thero āha – ‘‘idhekacco mahallako ariyānaṃ pattacīvaraṃ gahetvā vattapaṭivattaṃ katvā sahacarantopi neva ariye jānāti, evaṃ dujjānāvuso, ariyā’’ti. Evaṃ vuttepi so neva aññāsi. Tasmā na cakkhunā dassanaṃ dassanaṃ, ñāṇena dassanameva dassanaṃ. Yathāha – ‘‘kiṃ te, vakkali, iminā pūtikāyena diṭṭhena? Yo kho, vakkali, dhammaṃ passati, so maṃ passati. Yo maṃ passati, so dhammaṃ passatī’’ti (saṃ. ni. 3.87). Tasmā cakkhunā passantopi ñāṇena ariyehi diṭṭhaṃ aniccādilakkhaṇaṃ apassanto, ariyādhigatañca dhammaṃ anadhigacchanto ariyakaradhammānaṃ ariyabhāvassa ca adiṭṭhattā ‘‘ariyānaṃ adassāvī’’ti veditabbo.
арияад̇хаммасса аговид̣̇од̇и, сад̇ибадтаанаад̣̇ибхзд̣̇з арияад̇хаммз агусало. арияад̇хаммз авинийд̇од̇и зд̇т̇а бана –
Ariyadhammassa akovidoti, satipaṭṭhānādibhede ariyadhamme akusalo. Ariyadhamme avinītoti ettha pana –
‘‘д̣̇увид̇хо винаяо наама, згамзгзд̇т̇а бан̃жад̇хаа;
‘‘Duvidho vinayo nāma, ekamekettha pañcadhā;
абхаавад̇о д̇асса аяам̣, авинийд̇од̇и вужжад̇и’’.
Abhāvato tassa ayaṃ, avinītoti vuccati’’.
аяан̃хи сам̣варавинаяо бахаанавинаяод̇и д̣̇увид̇хо винаяо. зд̇т̇а жа д̣̇увид̇хзби винаяз згамзго винаяо бан̃жад̇хаа бхиж̇ж̇ад̇и. сам̣варавинаяоби хи сийласам̣варо сад̇исам̣варо н̃аан̣асам̣варо канд̇исам̣варо вийрияасам̣варод̇и бан̃жавид̇хо. бахаанавинаяоби д̇ад̣̇ан̇г̇аббахаанам̣, вигкамбханаббахаанам̣ самужчзд̣̇аббахаанам̣ бадиббассад̣̇д̇хиббахаанам̣ ниссаран̣аббахаананд̇и бан̃жавид̇хо.
Ayañhi saṃvaravinayo pahānavinayoti duvidho vinayo. Ettha ca duvidhepi vinaye ekameko vinayo pañcadhā bhijjati. Saṃvaravinayopi hi sīlasaṃvaro satisaṃvaro ñāṇasaṃvaro khantisaṃvaro vīriyasaṃvaroti pañcavidho. Pahānavinayopi tadaṅgappahānaṃ, vikkhambhanappahānaṃ samucchedappahānaṃ paṭippassaddhippahānaṃ nissaraṇappahānanti pañcavidho.
д̇ад̇т̇а ‘‘иминаа баад̇имогкасам̣варзна убзд̇о ход̇и самубзд̇о’’д̇и (вибха. 511) аяам̣ сийласам̣варо. ‘‘рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇и аяам̣ (д̣̇ий. ни. 1.213; ма. ни. 1.295; сам̣. ни. 4.239; а. ни. 3.16) сад̇исам̣варо.
Tattha ‘‘iminā pātimokkhasaṃvarena upeto hoti samupeto’’ti (vibha. 511) ayaṃ sīlasaṃvaro. ‘‘Rakkhati cakkhundriyaṃ, cakkhundriye saṃvaraṃ āpajjatī’’ti ayaṃ (dī. ni. 1.213; ma. ni. 1.295; saṃ. ni. 4.239; a. ni. 3.16) satisaṃvaro.
‘‘яаани сод̇аани логасмим̣, (аж̇ид̇аад̇и бхаг̇аваа)
‘‘Yāni sotāni lokasmiṃ, (ajitāti bhagavā)
сад̇и д̇зсам̣ нивааран̣ам̣;
Sati tesaṃ nivāraṇaṃ;
сод̇аанам̣ сам̣варам̣ б̣рууми,
Sotānaṃ saṃvaraṃ brūmi,
бан̃н̃ааязд̇з бид̇хийяарз’’д̇и. (су. ни. 1041; жуул̣ани. аж̇ид̇амаан̣авабужчаанид̣̇д̣̇зса.4) –
Paññāyete pidhīyare’’ti. (su. ni. 1041; cūḷani. ajitamāṇavapucchāniddesa.4) –
аяам̣ н̃аан̣асам̣варо. ‘‘камо ход̇и сийд̇асса ун̣хассаа’’д̇и (ма. ни. 1.24; а. ни. 4.114; 6.58) аяам̣ канд̇исам̣варо. ‘‘уббаннам̣ гаамавид̇аггам̣ наад̇хиваасзд̇ий’’д̇и (ма. ни. 1.26; а. ни. 4.114; 6.58) аяам̣ вийрияасам̣варо. саб̣б̣оби жааяам̣ сам̣варо яат̇аасагам̣ сам̣варид̇аб̣б̣аанам̣ винзд̇аб̣б̣аанан̃жа гааяад̣̇ужжарид̇аад̣̇ийнам̣ сам̣варан̣ад̇о ‘‘сам̣варо’’ винаяанад̇о ‘‘винаяо’’д̇и вужжад̇и. звам̣ д̇аава сам̣варавинаяо бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.
Ayaṃ ñāṇasaṃvaro. ‘‘Khamo hoti sītassa uṇhassā’’ti (ma. ni. 1.24; a. ni. 4.114; 6.58) ayaṃ khantisaṃvaro. ‘‘Uppannaṃ kāmavitakkaṃ nādhivāsetī’’ti (ma. ni. 1.26; a. ni. 4.114; 6.58) ayaṃ vīriyasaṃvaro. Sabbopi cāyaṃ saṃvaro yathāsakaṃ saṃvaritabbānaṃ vinetabbānañca kāyaduccaritādīnaṃ saṃvaraṇato ‘‘saṃvaro’’ vinayanato ‘‘vinayo’’ti vuccati. Evaṃ tāva saṃvaravinayo pañcadhā bhijjatīti veditabbo.
д̇ат̇аа яам̣ наамаруубабарижчзд̣̇аад̣̇ийсу вибассанаан̃аан̣зсу бадибагкабхаавад̇о д̣̇ийбаалогзнзва д̇амасса, д̇зна д̇зна вибассанаан̃аан̣зна д̇асса д̇асса анад̇т̇асса бахаанам̣. сзяяат̇ид̣̇ам̣ – наамаруубававад̇т̇аанзна саггааяад̣̇идтияаа, бажжаяабариг̇г̇ахзна ахзд̇увисамахзд̇уд̣̇идтийнам̣, д̇ассзва абарабхааг̇зна ган̇каавид̇аран̣зна гат̇ам̣гат̇ийбхаавасса, галаабасаммасанзна ‘‘ахам̣ мамаа’’д̇и г̇аахасса, маг̇г̇аамаг̇г̇ававад̇т̇аанзна амаг̇г̇з маг̇г̇асан̃н̃ааяа, уд̣̇аяад̣̇ассанзна ужчзд̣̇ад̣̇идтияаа, ваяад̣̇ассанзна сассад̇ад̣̇идтияаа, бхаяад̣̇ассанзна сабхаяз абхаяасан̃н̃ааяа, аад̣̇ийнавад̣̇ассанзна ассаад̣̇асан̃н̃ааяа, ниб̣б̣ид̣̇аанубассанааяа абхирад̇исан̃н̃ааяа , мужжид̇угамяад̇аан̃аан̣зна амужжид̇угаамад̇ааяа. убзгкаан̃аан̣зна анубзгкааяа, ануломзна д̇хаммадтид̇ияам̣ ниб̣б̣аанз жа бадиломабхаавасса, г̇од̇рабхунаа сан̇кааранимид̇д̇аг̇аахасса бахаанам̣, зд̇ам̣ д̇ад̣̇ан̇г̇аббахаанам̣ наама.
Tathā yaṃ nāmarūpaparicchedādīsu vipassanāñāṇesu paṭipakkhabhāvato dīpālokeneva tamassa, tena tena vipassanāñāṇena tassa tassa anatthassa pahānaṃ. Seyyathidaṃ – nāmarūpavavatthānena sakkāyadiṭṭhiyā, paccayapariggahena ahetuvisamahetudiṭṭhīnaṃ, tasseva aparabhāgena kaṅkhāvitaraṇena kathaṃkathībhāvassa, kalāpasammasanena ‘‘ahaṃ mamā’’ti gāhassa, maggāmaggavavatthānena amagge maggasaññāya, udayadassanena ucchedadiṭṭhiyā, vayadassanena sassatadiṭṭhiyā, bhayadassanena sabhaye abhayasaññāya, ādīnavadassanena assādasaññāya, nibbidānupassanāya abhiratisaññāya , muccitukamyatāñāṇena amuccitukāmatāya. Upekkhāñāṇena anupekkhāya, anulomena dhammaṭṭhitiyaṃ nibbāne ca paṭilomabhāvassa, gotrabhunā saṅkhāranimittagāhassa pahānaṃ, etaṃ tadaṅgappahānaṃ nāma.
яам̣ бана убажаараббанаабхзд̣̇зна самаад̇хинаа бавад̇д̇ибхааванивааран̣ад̇о гхадаббахаарзнзва уд̣̇агабидтз сзвааласса, д̇зсам̣ д̇зсам̣ нийваран̣аад̣̇ид̇хаммаанам̣ бахаанам̣, зд̇ам̣ вигкамбханаббахаанам̣ наама. яам̣ жад̇уннам̣ арияамаг̇г̇аанам̣ бхаавид̇ад̇д̇аа д̇ам̣д̇ам̣маг̇г̇авад̇о ад̇д̇ано санд̇аанз ‘‘д̣̇идтиг̇ад̇аанам̣ бахаанааяаа’’д̇иаад̣̇инаа наязна (д̇ха. са. 277; вибха. 628) вуд̇д̇асса самуд̣̇аяабагкигасса гилзсаг̇ан̣асса ажжанд̇ам̣ аббавад̇д̇ибхаавзна бахаанам̣, ид̣̇ам̣ самужчзд̣̇аббахаанам̣ наама. яам̣ бана палагкан̣з бадиббассад̣̇д̇хад̇д̇ам̣ гилзсаанам̣, зд̇ам̣ бадиббассад̣̇д̇хиббахаанам̣ наама.
Yaṃ pana upacārappanābhedena samādhinā pavattibhāvanivāraṇato ghaṭappahāreneva udakapiṭṭhe sevālassa, tesaṃ tesaṃ nīvaraṇādidhammānaṃ pahānaṃ, etaṃ vikkhambhanappahānaṃ nāma. Yaṃ catunnaṃ ariyamaggānaṃ bhāvitattā taṃtaṃmaggavato attano santāne ‘‘diṭṭhigatānaṃ pahānāyā’’tiādinā nayena (dha. sa. 277; vibha. 628) vuttassa samudayapakkhikassa kilesagaṇassa accantaṃ appavattibhāvena pahānaṃ, idaṃ samucchedappahānaṃ nāma. Yaṃ pana phalakkhaṇe paṭippassaddhattaṃ kilesānaṃ, etaṃ paṭippassaddhippahānaṃ nāma.
яам̣ саб̣б̣асан̇кад̇аниссадад̇д̇аа бахийнасаб̣б̣асан̇кад̇ам̣ ниб̣б̣аанам̣, зд̇ам̣ ниссаран̣аббахаанам̣ наама. саб̣б̣амби жзд̇ам̣ бахаанам̣ яасмаа жааг̇адтзна бахаанам̣, винаяадтзна винаяо, д̇асмаа ‘‘бахаанавинаяо’’д̇и вужжад̇и. д̇ам̣д̇ам̣бахаанавад̇о ваа д̇асса д̇асса винаяасса самбхавад̇обзд̇ам̣ ‘‘бахаанавинаяо’’д̇и вужжад̇и. звам̣ бахаанавинаяоби бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.
Yaṃ sabbasaṅkhatanissaṭattā pahīnasabbasaṅkhataṃ nibbānaṃ, etaṃ nissaraṇappahānaṃ nāma. Sabbampi cetaṃ pahānaṃ yasmā cāgaṭṭhena pahānaṃ, vinayaṭṭhena vinayo, tasmā ‘‘pahānavinayo’’ti vuccati. Taṃtaṃpahānavato vā tassa tassa vinayassa sambhavatopetaṃ ‘‘pahānavinayo’’ti vuccati. Evaṃ pahānavinayopi pañcadhā bhijjatīti veditabbo.
звамаяам̣ сан̇кзбад̇о д̣̇увид̇хо, бхзд̣̇ад̇о жа д̣̇асавид̇хо винаяо бхиннасам̣варад̇д̇аа бахаад̇аб̣б̣асса жа аббахийнад̇д̇аа яасмаа зд̇асса ассуд̇авад̇о бут̇уж̇ж̇анасса над̇т̇и, д̇асмаа абхаавад̇о д̇асса аяам̣ ‘‘авинийд̇о’’д̇и вужжад̇ийд̇и. зса наяо саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇од̇и зд̇т̇ааби. ниннаанаагаран̣ан̃хи зд̇ам̣ ад̇т̇ад̇о. яат̇ааха –
Evamayaṃ saṅkhepato duvidho, bhedato ca dasavidho vinayo bhinnasaṃvarattā pahātabbassa ca appahīnattā yasmā etassa assutavato puthujjanassa natthi, tasmā abhāvato tassa ayaṃ ‘‘avinīto’’ti vuccatīti. Esa nayo sappurisānaṃ adassāvī sappurisadhammassa akovido sappurisadhamme avinītoti etthāpi. Ninnānākaraṇañhi etaṃ atthato. Yathāha –
‘‘язва д̇з арияаа, д̇зва д̇з саббурисаа. язва д̇з саббурисаа, д̇зва д̇з арияаа. яо зва со арияаанам̣ д̇хаммо, со зва со саббурисаанам̣ д̇хаммо. яо зва со саббурисаанам̣ д̇хаммо, со зва со арияаанам̣ д̇хаммо. язва д̇з арияавинаяаа, д̇зва д̇з саббурисавинаяаа. язва д̇з саббурисавинаяаа , д̇зва д̇з арияавинаяаа. ариязд̇и ваа саббурисзд̇и ваа, арияад̇хаммзд̇и ваа саббурисад̇хаммзд̇и ваа, арияавинаязд̇и ваа саббурисавинаязд̇и ваа зсзсз згз згадтз самз самабхааг̇з д̇аж̇ж̇аад̇з д̇ан̃н̃зваа’’д̇и.
‘‘Yeva te ariyā, teva te sappurisā. Yeva te sappurisā, teva te ariyā. Yo eva so ariyānaṃ dhammo, so eva so sappurisānaṃ dhammo. Yo eva so sappurisānaṃ dhammo, so eva so ariyānaṃ dhammo. Yeva te ariyavinayā, teva te sappurisavinayā. Yeva te sappurisavinayā , teva te ariyavinayā. Ariyeti vā sappuriseti vā, ariyadhammeti vā sappurisadhammeti vā, ariyavinayeti vā sappurisavinayeti vā esese eke ekaṭṭhe same samabhāge tajjāte taññevā’’ti.
руубам̣ ад̇д̇ад̇о саманубассад̇ийд̇и ид̇хзгажжо руубам̣ ад̇д̇ад̇о саманубассад̇и, ‘‘яам̣ руубам̣, со ахам̣ , яо ахам̣, д̇ам̣ рууба’’нд̇и руубан̃жа ад̇д̇ан̃жа ад̣̇ваяам̣ саманубассад̇и. сзяяат̇ааби наама д̇злаббад̣̇ийбасса жхааяад̇о яаа ажжи, со ван̣н̣о. яо ван̣н̣о, саа ажжийд̇и ажжин̃жа ван̣н̣ан̃жа ад̣̇ваяам̣ саманубассад̇и, звамзва ид̇хзгажжо руубам̣ ад̇д̇ад̇о саманубассад̇и…бз… ад̣̇ваяам̣ саманубассад̇ийд̇и звам̣ руубам̣ ‘‘ад̇д̇аа’’д̇и д̣̇идтибассанааяа бассад̇и. руубаванд̇ам̣ ваа ад̇д̇аананд̇и аруубам̣ ‘‘ад̇д̇аа’’д̇и г̇ахзд̇ваа чааяааванд̇ам̣ ругкам̣ вияа д̇ам̣ руубаванд̇ам̣ саманубассад̇и. ад̇д̇ани ваа руубанд̇и аруубамзва ‘‘ад̇д̇аа’’д̇и г̇ахзд̇ваа бубпасмим̣ г̇анд̇хам̣ вияа ад̇д̇ани руубам̣ саманубассад̇и. руубасмим̣ ваа ад̇д̇аананд̇и аруубамзва ‘‘ад̇д̇аа’’д̇и г̇ахзд̇ваа гаран̣д̣агз ман̣им̣ вияа д̇ам̣ ад̇д̇аанам̣ руубасмим̣ саманубассад̇и. барияудтадтааяийд̇и барияудтаанаагаарзна абхибхаванаагаарзна тид̇о, ‘‘ахам̣ руубам̣, мама рууба’’нд̇и звам̣ д̇ан̣хаад̣̇идтийхи г̇илид̇ваа баринидтабзд̇ваа г̇ан̣ханаго наама ход̇ийд̇и ад̇т̇о. д̇асса д̇ам̣ руубанд̇и д̇асса д̇ам̣ звам̣ г̇ахид̇ам̣ руубам̣. взд̣̇анаад̣̇ийсуби зсзва наяо.
Rūpaṃ attato samanupassatīti idhekacco rūpaṃ attato samanupassati, ‘‘yaṃ rūpaṃ, so ahaṃ , yo ahaṃ, taṃ rūpa’’nti rūpañca attañca advayaṃ samanupassati. Seyyathāpi nāma telappadīpassa jhāyato yā acci, so vaṇṇo. Yo vaṇṇo, sā accīti acciñca vaṇṇañca advayaṃ samanupassati, evameva idhekacco rūpaṃ attato samanupassati…pe… advayaṃ samanupassatīti evaṃ rūpaṃ ‘‘attā’’ti diṭṭhipassanāya passati. Rūpavantaṃ vā attānanti arūpaṃ ‘‘attā’’ti gahetvā chāyāvantaṃ rukkhaṃ viya taṃ rūpavantaṃ samanupassati. Attani vā rūpanti arūpameva ‘‘attā’’ti gahetvā pupphasmiṃ gandhaṃ viya attani rūpaṃ samanupassati. Rūpasmiṃ vā attānanti arūpameva ‘‘attā’’ti gahetvā karaṇḍake maṇiṃ viya taṃ attānaṃ rūpasmiṃ samanupassati. Pariyuṭṭhaṭṭhāyīti pariyuṭṭhānākārena abhibhavanākārena ṭhito, ‘‘ahaṃ rūpaṃ, mama rūpa’’nti evaṃ taṇhādiṭṭhīhi gilitvā pariniṭṭhapetvā gaṇhanako nāma hotīti attho. Tassa taṃ rūpanti tassa taṃ evaṃ gahitaṃ rūpaṃ. Vedanādīsupi eseva nayo.
д̇ад̇т̇а ‘‘руубам̣ ад̇д̇ад̇о саманубассад̇ий’’д̇и суд̣̇д̇харуубамзва ад̇д̇аад̇и гат̇ид̇ам̣. ‘‘руубаванд̇ам̣ ваа ад̇д̇аанам̣, ад̇д̇ани ваа руубам̣, руубасмим̣ ваа ад̇д̇аанам̣, взд̣̇анам̣ ад̇д̇ад̇о…бз… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ий’’д̇и имзсу сад̇д̇асу таанзсу аруубам̣ ад̇д̇аад̇и гат̇ид̇ам̣. ‘‘взд̣̇анааванд̇ам̣ ваа ад̇д̇аанам̣, ад̇д̇ани ваа взд̣̇анам̣, взд̣̇анааяа ваа ад̇д̇аана’’нд̇и звам̣ жад̇уусу канд̇хзсу д̇ин̣н̣ам̣ д̇ин̣н̣ам̣ васзна д̣̇ваад̣̇асасу таанзсу руубааруубамиссаго ад̇д̇аа гат̇ид̇о. д̇ад̇т̇а ‘‘руубам̣ ад̇д̇ад̇о саманубассад̇и, взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ий’’д̇и имзсу бан̃жасу таанзсу ужчзд̣̇ад̣̇идти гат̇ид̇аа, авасзсзсу сассад̇ад̣̇идтийд̇и звамзд̇т̇а баннараса бхавад̣̇идтияо бан̃жа вибхавад̣̇идтияо хонд̇и, д̇аа саб̣б̣ааби маг̇г̇ааваран̣аа, на саг̇г̇ааваран̣аа, батамамаг̇г̇аваж̇жхаад̇и взд̣̇ид̇аб̣б̣аа.
Tattha ‘‘rūpaṃ attato samanupassatī’’ti suddharūpameva attāti kathitaṃ. ‘‘Rūpavantaṃ vā attānaṃ, attani vā rūpaṃ, rūpasmiṃ vā attānaṃ, vedanaṃ attato…pe… saññaṃ… saṅkhāre… viññāṇaṃ attato samanupassatī’’ti imesu sattasu ṭhānesu arūpaṃ attāti kathitaṃ. ‘‘Vedanāvantaṃ vā attānaṃ, attani vā vedanaṃ, vedanāya vā attāna’’nti evaṃ catūsu khandhesu tiṇṇaṃ tiṇṇaṃ vasena dvādasasu ṭhānesu rūpārūpamissako attā kathito. Tattha ‘‘rūpaṃ attato samanupassati, vedanaṃ… saññaṃ… saṅkhāre… viññāṇaṃ attato samanupassatī’’ti imesu pañcasu ṭhānesu ucchedadiṭṭhi kathitā, avasesesu sassatadiṭṭhīti evamettha pannarasa bhavadiṭṭhiyo pañca vibhavadiṭṭhiyo honti, tā sabbāpi maggāvaraṇā, na saggāvaraṇā, paṭhamamaggavajjhāti veditabbā.
звам̣ ко, г̇ахабад̇и, аад̇урагааяо жзва ход̇и аад̇уражид̇д̇о жаад̇и гааяо наама б̣уд̣̇д̇хаанамби аад̇уроязва. жид̇д̇ам̣ бана рааг̇ад̣̇осамохаануг̇ад̇ам̣ аад̇урам̣ наама, д̇ам̣ ид̇ха д̣̇ассид̇ам̣. но жа аад̇уражид̇д̇од̇и ид̇ха ниггилзсад̇ааяа жид̇д̇асса анаад̇урабхааво д̣̇ассид̇о. ид̇и имасмим̣ суд̇д̇з логияамахааж̇ано аад̇урагааяо жзва аад̇уражид̇д̇о жаад̇и д̣̇ассид̇о, кийн̣аасаваа аад̇урагааяаа анаад̇уражид̇д̇аа, сад̇д̇а сзкаа нзва аад̇уражид̇д̇аа, на анаад̇уражид̇д̇аад̇и взд̣̇ид̇аб̣б̣аа. бхаж̇амаанаа бана анаад̇уражид̇д̇ад̇ам̣язва бхаж̇анд̇ийд̇и. батамам̣.
Evaṃkho, gahapati, āturakāyo ceva hoti āturacitto cāti kāyo nāma buddhānampi āturoyeva. Cittaṃ pana rāgadosamohānugataṃ āturaṃ nāma, taṃ idha dassitaṃ. No ca āturacittoti idha nikkilesatāya cittassa anāturabhāvo dassito. Iti imasmiṃ sutte lokiyamahājano āturakāyo ceva āturacitto cāti dassito, khīṇāsavā āturakāyā anāturacittā, satta sekhā neva āturacittā, na anāturacittāti veditabbā. Bhajamānā pana anāturacittataṃyeva bhajantīti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. нагулабид̇усуд̇д̇ам̣ • 1. Nakulapitusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. нагулабид̇усуд̇д̇аван̣н̣анаа • 1. Nakulapitusuttavaṇṇanā
