канд̇хаваг̇г̇адийгаа

Khandhavaggaṭīkā

1. канд̇хасам̣яуд̇д̇ам̣

1. Khandhasaṃyuttaṃ

1. нагулабид̇уваг̇г̇о

1. Nakulapituvaggo

1. нагулабид̇усуд̇д̇аван̣н̣анаа

1. Nakulapitusuttavaṇṇanā

1. бхаг̇г̇аа наама ж̇аанабад̣̇ино рааж̇агумаараа. д̇зсам̣ ниваасо згоби ж̇анабад̣̇о рул̣хийвасзна ‘‘бхаг̇г̇аа’’д̇взва вужжад̇ийд̇и гад̇ваа вуд̇д̇ам̣ ‘‘звам̣наамагз ж̇анабад̣̇з’’д̇и, звам̣ б̣ахуважанавасзна лад̣̇д̇ханаамз’’д̇и ад̇т̇о. д̇асмим̣ ванасан̣д̣зд̇и яо бана ванасан̣д̣о буб̣б̣з миг̇аанам̣ абхаяад̇т̇ааяа д̣̇инно, д̇асмим̣ ванасан̣д̣з. яасмаа со г̇ахабад̇и д̇асмим̣ наг̇арз ‘‘нагулабид̇аа’’д̇и буд̇д̇асса васзна бан̃н̃ааяид̇т̇а, д̇асмаа вуд̇д̇ам̣ ‘‘нагулабид̇аа’’д̇и нагуласса наама д̣̇аарагасса бид̇аад̇и ад̇т̇о. бхарияаабисса ‘‘нагуламаад̇аа’’д̇и бан̃н̃ааяид̇т̇а.

1. Bhaggā nāma jānapadino rājakumārā. Tesaṃ nivāso ekopi janapado ruḷhīvasena ‘‘bhaggā’’tveva vuccatīti katvā vuttaṃ ‘‘evaṃnāmake janapade’’ti, evaṃ bahuvacanavasena laddhanāme’’ti attho. Tasmiṃ vanasaṇḍeti yo pana vanasaṇḍo pubbe migānaṃ abhayatthāya dinno, tasmiṃ vanasaṇḍe. Yasmā so gahapati tasmiṃ nagare ‘‘nakulapitā’’ti puttassa vasena paññāyittha, tasmā vuttaṃ ‘‘nakulapitā’’ti nakulassa nāma dārakassa pitāti attho. Bhariyāpissa ‘‘nakulamātā’’ti paññāyittha.

ж̇арааж̇ин̣н̣од̇и ж̇араавасзна ж̇ин̣н̣о, на б̣яаад̇хиаад̣̇ийнам̣ васзна ж̇ин̣н̣о. ваяовуд̣дход̇и ж̇ин̣н̣ад̇д̇аа зва ваяовуд̣дхиббад̇д̇ияаа вуд̣дхо, на сийлаад̣̇ивуд̣дхияаа. ж̇аад̇ияаа маханд̇ад̇ааяа жирарад̇д̇ад̇ааяа ж̇аад̇имахаллаго. д̇ияад̣̇д̇хаг̇ад̇од̇и батамо маж̇жхимо бажчимод̇и д̇аяо ад̣̇д̇хз г̇ад̇о. д̇ад̇т̇а батамам̣ д̣̇уд̇ияан̃жа ад̇игганд̇ад̇д̇аа бажчимам̣ убаг̇ад̇ад̇д̇аа ваяоануббад̇д̇о. аад̇урагааяод̇и д̣̇угкавзд̣̇анаабависад̇ааяа анассаад̣̇агааяо. г̇злан̃н̃ам̣ бана д̣̇угкаг̇ад̇иганд̇и ‘‘г̇илаанагааяо’’д̇и вуд̇д̇ам̣. д̇ат̇аа хи сажжавибхан̇г̇з (вибха. 190 аад̣̇аяо) д̣̇угкасажжанид̣̇д̣̇зсз д̣̇угкаг̇г̇ахан̣знзва г̇ахид̇ад̇д̇аа б̣яаад̇хи на нид̣̇д̣̇идто. нижжабаг̇гхаран̣адтзнаад̇и саб̣б̣ад̣̇аа асужибаг̇гхаран̣абхаавзна. со банасса аад̇урабхаавзнаад̇и ааха – ‘‘аад̇урам̣язва наамаа’’д̇и. висзсзнаад̇и ад̇хигабхаавзна. аад̇урад̇ийд̇и аад̇уро. сан̇г̇аамаббад̇д̇о санд̇ад̇д̇агааяо. ж̇арааяа аад̇урад̇аа ж̇араад̇урад̇аа. гусалабагкавад̣дханзна мано бхаавзнд̇ийд̇и манобхааванийяаа. манасаа ваа бхааванийяаа самбхааванийяаад̇и манобхааванийяаа. анусаасад̇ууд̇и ану ану саасад̇ууд̇и аяамзд̇т̇а ад̇т̇од̇и ааха – ‘‘бунаббунам̣ саасад̇уу’’д̇и. абараабарам̣ бавад̇д̇ид̇ам̣ хид̇аважанам̣. анод̇ин̣н̣з вад̇т̇усмим̣ яо звам̣ гарод̇и, д̇асса аяам̣ г̇ун̣о д̣̇осод̇и важанам̣. д̇анд̇ивасзнаад̇и д̇анд̇исанниссаязна аяам̣ анусаасаний наама. бавзн̣ийд̇и д̇анд̇ияаа зва взважанам̣.

Jarājiṇṇoti jarāvasena jiṇṇo, na byādhiādīnaṃ vasena jiṇṇo. Vayovuḍḍhoti jiṇṇattā eva vayovuḍḍhippattiyā vuḍḍho, na sīlādivuḍḍhiyā. Jātiyā mahantatāya cirarattatāya jātimahallako. Tiyaddhagatoti paṭhamo majjhimo pacchimoti tayo addhe gato. Tattha paṭhamaṃ dutiyañca atikkantattā pacchimaṃ upagatattā vayoanuppatto. Āturakāyoti dukkhavedanāpavisatāya anassādakāyo. Gelaññaṃ pana dukkhagatikanti ‘‘gilānakāyo’’ti vuttaṃ. Tathā hi saccavibhaṅge (vibha. 190 ādayo) dukkhasaccaniddese dukkhaggahaṇeneva gahitattā byādhi na niddiṭṭho. Niccapaggharaṇaṭṭhenāti sabbadā asucipaggharaṇabhāvena. So panassa āturabhāvenāti āha – ‘‘āturaṃyeva nāmā’’ti. Visesenāti adhikabhāvena. Āturatīti āturo. Saṅgāmappatto santattakāyo. Jarāya āturatā jarāturatā. Kusalapakkhavaḍḍhanena mano bhāventīti manobhāvanīyā. Manasā vā bhāvanīyā sambhāvanīyāti manobhāvanīyā. Anusāsatūti anu anu sāsatūti ayamettha atthoti āha – ‘‘punappunaṃ sāsatū’’ti. Aparāparaṃ pavattitaṃ hitavacanaṃ. Anotiṇṇe vatthusmiṃ yo evaṃ karoti, tassa ayaṃ guṇo dosoti vacanaṃ. Tantivasenāti tantisannissayena ayaṃ anusāsanī nāma. Paveṇīti tantiyā eva vevacanaṃ.

ан̣д̣ам̣ вияа бхууд̇од̇и ад̇хигобамаа гааяасса ан̣д̣агосад̇о аб̣алад̣̇уб̣б̣алабхаавад̇о. д̇знааха ‘‘ан̣д̣ам̣ хий’’д̇иаад̣̇и. б̣аалоязва д̇аад̣̇исад̇д̇абхаавасаман̇г̇ий мухуд̇д̇амби аарог̇яам̣ бадиж̇аананд̇о.

Aṇḍaṃ viya bhūtoti adhikopamā kāyassa aṇḍakosato abaladubbalabhāvato. Tenāha ‘‘aṇḍaṃ hī’’tiādi. Bāloyeva tādisattabhāvasamaṅgī muhuttampi ārogyaṃ paṭijānanto.

виббасаннаанийд̇и багад̇имаагаарам̣ ад̇иггамид̇ваа висзсзна басаннаани. д̇знааха – ‘‘суу басаннааний’’д̇и. басаннажид̇д̇асамудтид̇аруубасамбад̣̇аахи д̇аахи д̇асса мукаван̣н̣асса баарисуд̣̇д̇хийд̇и ааха – ‘‘барисуд̣̇д̇ход̇и нид̣̇д̣̇осо’’д̇и. д̇знзвааха ‘‘нирубаггилзсад̇ааяаа’’д̇иаад̣̇и. зд̇знзвассинд̣̇рияавиббасаннад̇аагааран̣амби сам̣ван̣н̣ид̇анд̇и д̣̇адтаб̣б̣ам̣. зса мукаван̣н̣о. наяаг̇г̇аахабан̃н̃аа гирзсаад̇и ид̣̇ам̣ анааваж̇ж̇анавасзнзва вуд̇д̇абхаавам̣ санд̇хааяааха.

Vippasannānīti pakatimākāraṃ atikkamitvā visesena pasannāni. Tenāha – ‘‘suu pasannānī’’ti. Pasannacittasamuṭṭhitarūpasampadāhi tāhi tassa mukhavaṇṇassa pārisuddhīti āha – ‘‘parisuddhoti niddoso’’ti. Tenevāha ‘‘nirupakkilesatāyā’’tiādi. Etenevassindriyavippasannatākāraṇampi saṃvaṇṇitanti daṭṭhabbaṃ. Esa mukhavaṇṇo. Nayaggāhapaññā kiresāti idaṃ anāvajjanavaseneva vuttabhāvaṃ sandhāyāha.

яам̣ нзва буд̇д̇ассаад̇иаад̣̇и ‘‘овад̣̇ад̇у но, бханд̇з, бхаг̇аваа яат̇аа маяам̣ баралогзби ан̃н̃аман̃н̃ам̣ самааг̇ажчзяяаамаа’’д̇и вуд̇д̇аважанам̣ санд̇хааяа вуд̇д̇амзва. мад̇хурад̇хаммад̣̇зсанааязва сад̇т̇у саммукаа бадилад̣̇д̇хаа, д̇асса ад̇д̇ано бзмаг̇аараваг̇ахид̇ад̇д̇аа ‘‘амад̇аабхисзго’’д̇и взд̣̇ид̇аб̣б̣о.

Yaṃ neva puttassātiādi ‘‘ovadatu no, bhante, bhagavā yathā mayaṃ paralokepi aññamaññaṃ samāgaccheyyāmā’’ti vuttavacanaṃ sandhāya vuttameva. Madhuradhammadesanāyeva satthu sammukhā paṭiladdhā, tassa attano pemagāravagahitattā ‘‘amatābhiseko’’ti veditabbo.

ид̣̇ам̣ бад̣̇ад̣̇ваяам̣. аарагад̇д̇аа гилзсзхи маг̇г̇зна самужчиннад̇д̇аа. анаязд̇и авад̣дхияам̣, анад̇т̇зд̇и ад̇т̇о. анаяз ваа анубааяз. на ирияанад̇о авад̇д̇анад̇о. аязд̇и вад̣дхияам̣ ад̇т̇з убааяз жа. аран̣ийяад̇од̇и баяирубаасид̇аб̣б̣ад̇о. нируд̇д̇инаязна бад̣̇асид̣̇д̇хи взд̣̇ид̇аб̣б̣аа буримзсу ад̇т̇авигаббзсу , бажчимз бана сад̣̇д̣̇асад̇т̇авасзнаби. яад̣̇иби арияасад̣̇д̣̇о ‘‘яз хи во арияаа барисуд̣̇д̇хагааяагамманд̇аа’’д̇иаад̣̇ийсу (ма. ни. 1.35) висуд̣̇д̇хаасаяабаяог̇зсу бут̇уж̇ж̇анзсуби ваддад̇и, ид̇ха бана арияамаг̇г̇аад̇хиг̇амзна саб̣б̣алогуд̇д̇арабхаавзна жа арияабхааво ад̇хиббзд̇од̇и д̣̇ассзнд̇о ааха – ‘‘б̣уд̣̇д̇хаа жаа’’д̇иаад̣̇и. д̇ад̇т̇а бажжзгаб̣уд̣̇д̇хаа д̇ат̇ааг̇ад̇асаавагаа жа саббурисаад̇и ид̣̇ам̣ ‘‘арияаа саббурисаа’’д̇и ид̇ха вуд̇д̇абад̣̇аанам̣ ад̇т̇ам̣ асан̇гарад̇о д̣̇ассзд̇ум̣ вуд̇д̇ам̣. яасмаа бана ниббарияааяад̇о арияасаббурисабхааваа абхиннасабхааваа, д̇асмаа ‘‘саб̣б̣зва ваа’’д̇иаад̣̇и вуд̇д̇ам̣.

Idaṃ padadvayaṃ. Ārakattā kilesehi maggena samucchinnattā. Anayeti avaḍḍhiyaṃ, anattheti attho. Anaye vā anupāye. Na iriyanato avattanato. Ayeti vaḍḍhiyaṃ atthe upāye ca. Araṇīyatoti payirupāsitabbato. Niruttinayena padasiddhi veditabbā purimesu atthavikappesu , pacchime pana saddasatthavasenapi. Yadipi ariyasaddo ‘‘ye hi vo ariyā parisuddhakāyakammantā’’tiādīsu (ma. ni. 1.35) visuddhāsayapayogesu puthujjanesupi vaṭṭati, idha pana ariyamaggādhigamena sabbalokuttarabhāvena ca ariyabhāvo adhippetoti dassento āha – ‘‘buddhā cā’’tiādi. Tattha paccekabuddhā tathāgatasāvakā ca sappurisāti idaṃ ‘‘ariyā sappurisā’’ti idha vuttapadānaṃ atthaṃ asaṅkarato dassetuṃ vuttaṃ. Yasmā pana nippariyāyato ariyasappurisabhāvā abhinnasabhāvā, tasmā ‘‘sabbeva vā’’tiādi vuttaṃ.

зд̇д̇аавад̇аа хи б̣уд̣̇д̇хасааваго вуд̇д̇о, д̇асса хи зганд̇зна галяаан̣амид̇д̇о ижчид̇аб̣б̣о барад̇о гхосаманд̇арзна батамамаг̇г̇асса ануббаж̇ж̇анад̇о. висзсад̇о жасса бхаг̇аваава ‘‘галяаан̣амид̇д̇о’’д̇и ад̇хиббзд̇о. вуд̇д̇ан̃хзд̇ам̣ ‘‘маман̃хи, аананд̣̇а, галяаан̣амид̇д̇ам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇ий’’д̇иаад̣̇и (сам̣. ни. 1.129; 5.2). со зва жа авзжжабасаад̣̇аад̇хиг̇амзна д̣̇ал̣хабхад̇д̇и наама. вуд̇д̇амби жзд̇ам̣ ‘‘яам̣ маяаа саавагаанам̣ сигкаабад̣̇ам̣ бан̃н̃ад̇д̇ам̣, д̇ам̣ мама саавагаа ж̇ийвид̇ахзд̇уби наад̇иггаманд̇ий’’д̇и (уд̣̇аа. 45; жуул̣ава. 385). гад̇ан̃н̃уд̇аад̣̇ийхи бажжзгаб̣уд̣̇д̇хаб̣уд̣̇д̇хаад̇и зд̇т̇а гад̇ам̣ ж̇аанаад̇ийд̇и гад̇ан̃н̃уу. гад̇ам̣ вид̣̇ид̇ам̣ баагадам̣ гарод̇ийд̇и гад̇авзд̣̇ий. бажжзгаб̣уд̣̇д̇хаа хи анзгзсуби габбасад̇асахассзсу гад̇ам̣ убагаарам̣ ж̇аананд̇и, гад̇ан̃жа баагадам̣ гаронд̇и сад̇иж̇ананааамисабадиг̇г̇ахан̣аад̣̇инаа. д̇ат̇аа сам̣саарад̣̇угкад̣̇угкид̇асса саггажжам̣ гаронд̇и гижжам̣, яам̣ ад̇д̇анаа гаад̇ум̣ саггаа. саммаасамб̣уд̣̇д̇хо бана габбаанам̣ асан̇кязяяасахассзсуби гад̇ам̣ убагаарам̣ маг̇г̇апалаанам̣ убаниссаяан̃жа ж̇аананд̇и, баагадан̃жа гаронд̇и. сийхо вияа жа звам̣ саб̣б̣ад̇т̇а саггажжамзва д̇хаммад̣̇зсанам̣ гаронд̇зна б̣уд̣̇д̇хагижжам̣ гаронд̇и. яааяа бадибад̇д̇ияаа арияаа д̣̇идтаа наама хонд̇и, д̇ассаа аббадибаж̇ж̇анам̣, д̇ад̇т̇а жа аад̣̇араабхааво арияаанам̣ ад̣̇ассанасийлад̇аа, на жа д̣̇ассанз саад̇хугаарид̇аад̇и взд̣̇ид̇аб̣б̣аа. жагкунаа ад̣̇ассаавийд̇и зд̇т̇а жагку наама на мам̣сажагку зва, ат̇а ко д̣̇иб̣б̣ажагкубийд̇и ааха ‘‘д̣̇иб̣б̣ажагкунаа ваа’’д̇и. арияабхаавод̇и язхи яог̇ад̇о ‘‘арияаа’’д̇и вужжанд̇и, д̇з маг̇г̇апалад̇хаммаа д̣̇адтаб̣б̣аа.

Ettāvatā hi buddhasāvako vutto, tassa hi ekantena kalyāṇamitto icchitabbo parato ghosamantarena paṭhamamaggassa anuppajjanato. Visesato cassa bhagavāva ‘‘kalyāṇamitto’’ti adhippeto. Vuttañhetaṃ ‘‘mamañhi, ānanda, kalyāṇamittaṃ āgamma jātidhammā sattā jātiyā parimuccantī’’tiādi (saṃ. ni. 1.129; 5.2). So eva ca aveccapasādādhigamena daḷhabhatti nāma. Vuttampi cetaṃ ‘‘yaṃ mayā sāvakānaṃ sikkhāpadaṃ paññattaṃ, taṃ mama sāvakā jīvitahetupi nātikkamantī’’ti (udā. 45; cūḷava. 385). Kataññutādīhi paccekabuddhabuddhāti ettha kataṃ jānātīti kataññū. Kataṃ viditaṃ pākaṭaṃ karotīti katavedī. Paccekabuddhā hi anekesupi kappasatasahassesu kataṃ upakāraṃ jānanti, katañca pākaṭaṃ karonti satijananaāmisapaṭiggahaṇādinā. Tathā saṃsāradukkhadukkhitassa sakkaccaṃ karonti kiccaṃ, yaṃ attanā kātuṃ sakkā. Sammāsambuddho pana kappānaṃ asaṅkhyeyyasahassesupi kataṃ upakāraṃ maggaphalānaṃ upanissayañca jānanti, pākaṭañca karonti. Sīho viya ca evaṃ sabbattha sakkaccameva dhammadesanaṃ karontena buddhakiccaṃ karonti. Yāya paṭipattiyā ariyā diṭṭhā nāma honti, tassā appaṭipajjanaṃ, tattha ca ādarābhāvo ariyānaṃ adassanasīlatā, na ca dassane sādhukāritāti veditabbā. Cakkhunā adassāvīti ettha cakkhu nāma na maṃsacakkhu eva, atha kho dibbacakkhupīti āha ‘‘dibbacakkhunā vā’’ti. Ariyabhāvoti yehi yogato ‘‘ariyā’’ti vuccanti, te maggaphaladhammā daṭṭhabbā.

д̇ад̇раад̇и н̃аан̣ад̣̇ассанассзва д̣̇ассанабхаавз. вад̇т̇ууд̇и ад̇хиббзд̇ад̇т̇ан̃аабанагааран̣ам̣. звам̣ вуд̇д̇збийд̇и звам̣ ан̃н̃аабад̣̇зсзна ад̇д̇убанааяигам̣ гад̇ваа вуд̇д̇зби. д̇хамманд̇и логуд̇д̇арад̇хаммам̣, жад̇усажжад̇хаммам̣ ваа. арияагарад̇хаммаа анижжаанубассанаад̣̇аяо, вибассияамаанаа ваа анижжаад̣̇аяо, жад̇д̇аари ваа арияасажжаани.

Tatrāti ñāṇadassanasseva dassanabhāve. Vatthūti adhippetatthañāpanakāraṇaṃ. Evaṃ vuttepīti evaṃ aññāpadesena attupanāyikaṃ katvā vuttepi. Dhammanti lokuttaradhammaṃ, catusaccadhammaṃ vā. Ariyakaradhammā aniccānupassanādayo, vipassiyamānā vā aniccādayo, cattāri vā ariyasaccāni.

авинийд̇од̇и на винийд̇о ад̇хисийласигкаад̣̇ийнам̣ васзна на сигкид̇о. язсам̣ сам̣варавинаяаад̣̇ийнам̣ абхаавзна аяам̣ ‘‘авинийд̇о’’д̇и вужжад̇и, д̇з д̇аава д̣̇ассзд̇ум̣ ‘‘д̣̇увид̇хо винаяо наамаа’’д̇иаад̣̇имааха. д̇ад̇т̇а сийласам̣варод̇и баад̇имогкасам̣варо взд̣̇ид̇аб̣б̣о, со жа ад̇т̇ад̇о гааяигаваажасиго авийд̇иггамо. сад̇исам̣варод̇и инд̣̇рияаарагкаа, саа жа д̇ат̇аабавад̇д̇аа сад̇иязва. н̃аан̣асам̣варод̇и ‘‘сод̇аанам̣ сам̣варам̣ б̣руумий’’д̇и (су. ни. 1041) вад̇ваа ‘‘бан̃н̃ааязд̇з бид̇хийяарз’’д̇и (су. ни. 1041) важанад̇о сод̇асан̇каад̇аанам̣ д̇ан̣хаад̣̇идтид̣̇ужжарид̇аавиж̇ж̇ааавасидтагилзсаанам̣ сам̣варо бид̣̇аханам̣ самужчзд̣̇ан̃аан̣анд̇и взд̣̇ид̇аб̣б̣ам̣. канд̇исам̣варод̇и ад̇хиваасанаа, саа жа д̇ат̇аабавад̇д̇аа канд̇хаа, ад̣̇осо ваа, ‘‘бан̃н̃аа’’д̇и гзжи вад̣̇анд̇и. вийрияасам̣варо гаамавид̇аггаад̣̇ийнам̣ винод̣̇анавасзна бавад̇д̇ам̣ вийрияамзва. д̇зна д̇зна ан̇г̇зна д̇асса д̇асса ан̇г̇асса бахаанам̣ д̇ад̣̇ан̇г̇аббахаанам̣. вигкамбханавасзна бахаанам̣ вигкамбханаббахаанам̣. сзсабад̣̇ад̇д̇аязби зсзва наяо.

Avinītoti na vinīto adhisīlasikkhādīnaṃ vasena na sikkhito. Yesaṃ saṃvaravinayādīnaṃ abhāvena ayaṃ ‘‘avinīto’’ti vuccati, te tāva dassetuṃ ‘‘duvidho vinayo nāmā’’tiādimāha. Tattha sīlasaṃvaroti pātimokkhasaṃvaro veditabbo, so ca atthato kāyikavācasiko avītikkamo. Satisaṃvaroti indriyārakkhā, sā ca tathāpavattā satiyeva. Ñāṇasaṃvaroti ‘‘sotānaṃ saṃvaraṃ brūmī’’ti (su. ni. 1041) vatvā ‘‘paññāyete pidhīyare’’ti (su. ni. 1041) vacanato sotasaṅkhātānaṃ taṇhādiṭṭhiduccaritaavijjāavasiṭṭhakilesānaṃ saṃvaro pidahanaṃ samucchedañāṇanti veditabbaṃ. Khantisaṃvaroti adhivāsanā, sā ca tathāpavattā khandhā, adoso vā, ‘‘paññā’’ti keci vadanti. Vīriyasaṃvaro kāmavitakkādīnaṃ vinodanavasena pavattaṃ vīriyameva. Tena tena aṅgena tassa tassa aṅgassa pahānaṃ tadaṅgappahānaṃ. Vikkhambhanavasena pahānaṃ vikkhambhanappahānaṃ. Sesapadattayepi eseva nayo.

иминаа баад̇имогкасам̣варзнаад̇иаад̣̇и сийласам̣вараад̣̇ийнам̣ виваран̣ам̣. д̇ад̇т̇а самубзд̇од̇и ид̇и-сад̣̇д̣̇о аад̣̇иад̇т̇о. д̇зна ‘‘убаг̇ад̇о’’д̇иаад̣̇инаа вибхан̇г̇з (вибха. 511) ааг̇ад̇ам̣ сам̣варавибхан̇г̇ам̣ д̣̇ассзд̇и. гааяад̣̇ужжарид̇аад̣̇ийнанд̇и д̣̇уссийляасан̇каад̇аанам̣ гааяаважийд̣̇ужжарид̇аад̣̇ийнам̣ мудтасажжасан̇каад̇асса бамаад̣̇асса, абхиж̇жхаад̣̇ийнам̣ ваа агканд̇иан̃н̃аан̣агосаж̇ж̇аанан̃жа. сам̣варан̣ад̇од̇и бид̣̇аханад̇о, винаяанад̇од̇и гааяаваажаажид̇д̇аанам̣ вируубабавад̇д̇ияаа винаяанад̇о, гааяад̣̇ужжарид̇аад̣̇ийнам̣ ваа абанаяанад̇о, гааяаад̣̇ийнам̣ ваа ж̇имхабавад̇д̇им̣ вижчинд̣̇ид̇ваа уж̇уганаяанад̇од̇и ад̇т̇о. бажжаяасамавааяз уббаж̇ж̇анаарахаанам̣ гааяад̣̇ужжарид̇аад̣̇ийнам̣ д̇ат̇аа д̇ат̇аа ануббаад̣̇анамзва сам̣варан̣ам̣ винаяанан̃жа взд̣̇ид̇аб̣б̣ам̣.

Iminā pātimokkhasaṃvarenātiādi sīlasaṃvarādīnaṃ vivaraṇaṃ. Tattha samupetoti iti-saddo ādiattho. Tena ‘‘upagato’’tiādinā vibhaṅge (vibha. 511) āgataṃ saṃvaravibhaṅgaṃ dasseti. Kāyaduccaritādīnanti dussīlyasaṅkhātānaṃ kāyavacīduccaritādīnaṃ muṭṭhasaccasaṅkhātassa pamādassa, abhijjhādīnaṃ vā akkhantiaññāṇakosajjānañca. Saṃvaraṇatoti pidahanato, vinayanatoti kāyavācācittānaṃ virūpapavattiyā vinayanato, kāyaduccaritādīnaṃ vā apanayanato, kāyādīnaṃ vā jimhapavattiṃ vicchinditvā ujukanayanatoti attho. Paccayasamavāye uppajjanārahānaṃ kāyaduccaritādīnaṃ tathā tathā anuppādanameva saṃvaraṇaṃ vinayanañca veditabbaṃ.

яам̣ бахаананд̇и самб̣анд̇хо. ‘‘наамаруубабарижчзд̣̇аад̣̇ийсу вибассанаан̃аан̣зсуу’’д̇и гасмаа вуд̇д̇ам̣? нану наамаруубабарижчзд̣̇абажжаяабариг̇г̇ахаган̇каавид̇аран̣аани на вибассанаан̃аан̣аани саммасанаагаарзна аббавад̇д̇анад̇о? сажжамзд̇ам̣, вибассанаан̃аан̣асса бана ад̇хидтаанабхаавад̇о звам̣ вуд̇д̇ам̣. наамаруубамад̇д̇амид̣̇ам̣, ‘‘над̇т̇и зд̇т̇а ад̇д̇аа ваа ад̇д̇анияам̣ ваа’’д̇и звам̣ бавад̇д̇ан̃аан̣ам̣ наамаруубававад̇т̇аанам̣. сад̇и виж̇ж̇амаанз канд̇хабан̃жагасан̇каад̇з гааяз, саяам̣ ваа сад̇ий д̇асмим̣ гааяз д̣̇идти саггааяад̣̇идти, саа жа ‘‘руубам̣ ад̇д̇ад̇о саманубассад̇ий’’д̇и звам̣ бавад̇д̇аа ад̇д̇ад̣̇идти. д̇асса наамаруубасса гаммаавиж̇ж̇аад̣̇ибажжаяабариг̇г̇ан̣ханан̃аан̣ам̣ бажжаяабариг̇г̇ахо. ‘‘над̇т̇и хзд̇у, над̇т̇и бажжаяо сад̇д̇аанам̣ сам̣гилзсааяаа’’д̇иаад̣̇инаяаббавад̇д̇аа ахзд̇уд̣̇идти. ‘‘иссарабурисабаж̇аабад̇ибагад̇иан̣угаалаад̣̇ийхи лого бавад̇д̇ад̇и нивад̇д̇ад̇и жаа’’д̇и д̇ат̇аа д̇ат̇аа бавад̇д̇аа д̣̇идти висамахзд̇уд̣̇идти. д̇ассзваад̇и бажжаяабариг̇г̇ахассзва. ган̇каавид̇аран̣знаад̇и яат̇аа зд̇арахи наамаруубасса гаммаад̣̇ибажжаяад̇о уббад̇д̇и, звам̣ ад̇ийд̇з анааг̇ад̇збийд̇и д̇ийсу гаалзсу вижигижчаабанаяанан̃аан̣зна. гат̇ам̣гат̇ийбхаавассаад̇и ‘‘ахосим̣ ну ко ахам̣ ад̇ийд̇амад̣̇д̇хаана’’нд̇иаад̣̇инаяабавад̇д̇ааяа (ма. ни. 1.18; сам̣. ни. 2.20) сам̣саяаббавад̇д̇ияаа. галаабасаммасанзнаад̇и ‘‘яам̣ гин̃жи руубам̣ ад̇ийд̇аанааг̇ад̇абажжуббанна’’нд̇иаад̣̇инаа (сам̣. ни. 3.48-49) канд̇хабан̃жагам̣ згаад̣̇асасу огаасзсу багкибид̇ваа саммасанавасзна бавад̇д̇зна вибассанаан̃аан̣зна. ахам̣ мамаад̇и г̇аахассаад̇и ‘‘ад̇д̇аа ад̇д̇анияа’’нд̇и г̇ахан̣асса. маг̇г̇аамаг̇г̇ававад̇т̇аанзнаад̇и маг̇г̇аамаг̇г̇ан̃аан̣ависуд̣̇д̇хияаа. амаг̇г̇з маг̇г̇асан̃н̃ааяаад̇и амаг̇г̇з обхаасаад̣̇игз ‘‘маг̇г̇о’’д̇и уббаннасан̃н̃ааяа. яасмаа саммад̣̇зва сан̇каараанам̣ уд̣̇аяам̣ бассанд̇о ‘‘звамзд̇з сан̇каараа ануруубагааран̣ад̇о уббаж̇ж̇анд̇и, на бана ужчиж̇ж̇анд̇ий’’д̇и г̇ан̣хаад̇и, д̇асмаа вуд̇д̇ам̣ ‘‘уд̣̇аяад̣̇ассанзна ужчзд̣̇ад̣̇идтияаа’’д̇и. яасмаа бана сан̇каараанам̣ ваяам̣ ‘‘яад̣̇ибимз сан̇каараа авижчиннаа вад̇д̇анд̇и, уббаннуббаннаа бана аббадисанд̇хигаа нируж̇жханд̇зваа’’д̇и бассад̇о гуд̇о сассад̇аг̇г̇аахо. д̇асмаа вуд̇д̇ам̣ ‘‘ваяад̣̇ассанзна сассад̇ад̣̇идтияаа’’д̇и. бхаяад̣̇ассанзнаад̇и бхаяад̇уубадтаанан̃аан̣зна. сабхаязд̇и саб̣б̣абхаяаанам̣ аагарабхаавад̇о сагалад̣̇угкавуубасамасан̇каад̇асса барамассаасасса бадибагкабхаавад̇о жа сабхаяз канд̇хабан̃жагз. абхаяасан̃н̃ааяаад̇и ‘‘абхаяам̣ кзма’’нд̇и уббаннасан̃н̃ааяа. ассаад̣̇асан̃н̃аа наама бан̃жубаад̣̇аанагканд̇хзсу ассаад̣̇анавасзна бавад̇д̇асан̃н̃аа, яо ‘‘аалаяаабхинивзсо’’д̇иби вужжад̇и. абхирад̇исан̃н̃аа д̇ад̇т̇зва абхираман̣авасзна бавад̇д̇асан̃н̃аа, яаа ‘‘нанд̣̇ий’’д̇иби вужжад̇и. амужжид̇угаамад̇аа аад̣̇аанам̣. анубзгкаа сан̇каарзхи аниб̣б̣инд̣̇анам̣, саалаяад̇аад̇и ад̇т̇о. д̇хаммадтид̇ияам̣ бадижжасамуббаад̣̇з. бадиломабхааво сассад̇ужчзд̣̇аг̇г̇аахо, бажжаяаагаарабадижчаад̣̇агамохо ваа. ниб̣б̣аанз жа бадиломабхааво сан̇каарзсу над̇и, ниб̣б̣аанабадижчаад̣̇агамохо ваа. сан̇кааранимид̇д̇аг̇г̇ааход̇и яаад̣̇исасса гилзсасса аббахийнад̇аа вибассанаа сан̇кааранимид̇д̇ам̣ на мун̃жад̇и, со гилзсо, яо ‘‘сам̣яог̇аабхинивзсо’’д̇иби вужжад̇и, сан̇кааранимид̇д̇аг̇г̇аахасса, ад̇иггаманамзва ваа бахаанам̣.

Yaṃ pahānanti sambandho. ‘‘Nāmarūpaparicchedādīsu vipassanāñāṇesū’’ti kasmā vuttaṃ? Nanu nāmarūpaparicchedapaccayapariggahakaṅkhāvitaraṇāni na vipassanāñāṇāni sammasanākārena appavattanato? Saccametaṃ, vipassanāñāṇassa pana adhiṭṭhānabhāvato evaṃ vuttaṃ. Nāmarūpamattamidaṃ, ‘‘natthi ettha attā vā attaniyaṃ vā’’ti evaṃ pavattañāṇaṃ nāmarūpavavatthānaṃ. Sati vijjamāne khandhapañcakasaṅkhāte kāye, sayaṃ vā satī tasmiṃ kāye diṭṭhi sakkāyadiṭṭhi, sā ca ‘‘rūpaṃ attato samanupassatī’’ti evaṃ pavattā attadiṭṭhi. Tassa nāmarūpassa kammāvijjādipaccayapariggaṇhanañāṇaṃ paccayapariggaho. ‘‘Natthi hetu, natthi paccayo sattānaṃ saṃkilesāyā’’tiādinayappavattā ahetudiṭṭhi. ‘‘Issarapurisapajāpatipakatiaṇukālādīhi loko pavattati nivattati cā’’ti tathā tathā pavattā diṭṭhi visamahetudiṭṭhi. Tassevāti paccayapariggahasseva. Kaṅkhāvitaraṇenāti yathā etarahi nāmarūpassa kammādipaccayato uppatti, evaṃ atīte anāgatepīti tīsu kālesu vicikicchāpanayanañāṇena. Kathaṃkathībhāvassāti ‘‘ahosiṃ nu kho ahaṃ atītamaddhāna’’ntiādinayapavattāya (ma. ni. 1.18; saṃ. ni. 2.20) saṃsayappavattiyā. Kalāpasammasanenāti ‘‘yaṃ kiñci rūpaṃ atītānāgatapaccuppanna’’ntiādinā (saṃ. ni. 3.48-49) khandhapañcakaṃ ekādasasu okāsesu pakkhipitvā sammasanavasena pavattena vipassanāñāṇena. Ahaṃ mamāti gāhassāti ‘‘attā attaniya’’nti gahaṇassa. Maggāmaggavavatthānenāti maggāmaggañāṇavisuddhiyā. Amagge maggasaññāyāti amagge obhāsādike ‘‘maggo’’ti uppannasaññāya. Yasmā sammadeva saṅkhārānaṃ udayaṃ passanto ‘‘evamete saṅkhārā anurūpakāraṇato uppajjanti, na pana ucchijjantī’’ti gaṇhāti, tasmā vuttaṃ ‘‘udayadassanena ucchedadiṭṭhiyā’’ti. Yasmā pana saṅkhārānaṃ vayaṃ ‘‘yadipime saṅkhārā avicchinnā vattanti, uppannuppannā pana appaṭisandhikā nirujjhantevā’’ti passato kuto sassataggāho. Tasmā vuttaṃ ‘‘vayadassanena sassatadiṭṭhiyā’’ti. Bhayadassanenāti bhayatūpaṭṭhānañāṇena. Sabhayeti sabbabhayānaṃ ākarabhāvato sakaladukkhavūpasamasaṅkhātassa paramassāsassa paṭipakkhabhāvato ca sabhaye khandhapañcake. Abhayasaññāyāti ‘‘abhayaṃ khema’’nti uppannasaññāya. Assādasaññā nāma pañcupādānakkhandhesu assādanavasena pavattasaññā, yo ‘‘ālayābhiniveso’’tipi vuccati. Abhiratisaññā tattheva abhiramaṇavasena pavattasaññā, yā ‘‘nandī’’tipi vuccati. Amuccitukāmatā ādānaṃ. Anupekkhā saṅkhārehi anibbindanaṃ, sālayatāti attho. Dhammaṭṭhitiyaṃ paṭiccasamuppāde. Paṭilomabhāvo sassatucchedaggāho, paccayākārapaṭicchādakamoho vā. Nibbāneca paṭilomabhāvo saṅkhāresu nati, nibbānapaṭicchādakamoho vā. Saṅkhāranimittaggāhoti yādisassa kilesassa appahīnatā vipassanā saṅkhāranimittaṃ na muñcati, so kileso, yo ‘‘saṃyogābhiniveso’’tipi vuccati, saṅkhāranimittaggāhassa, atikkamanameva vā pahānaṃ.

бавад̇д̇и зва бавад̇д̇ибхааво, барияудтаананд̇и ад̇т̇о. нийваран̣аад̣̇ид̇хаммаананд̇и аад̣̇и-сад̣̇д̣̇зна нийваран̣абагкияаа гилзсаа вид̇аггавижаараад̣̇аяо жа г̇аяханд̇и. жад̇уннам̣ арияамаг̇г̇аанам̣ бхаавид̇ад̇д̇аа ажжанд̇ам̣ аббавад̇д̇ибхаавзна яам̣ бахаананд̇и самб̣анд̇хо. гзна бана бахаананд̇и? ‘‘арияамаг̇г̇зхзваа’’д̇и вин̃н̃ааяамаанояамад̇т̇о д̇зсам̣ бхаавид̇ад̇д̇аа аббавад̇д̇иважанад̇о. ‘‘самуд̣̇аяабагкигассаа’’д̇и зд̇т̇а жад̇д̇аароби маг̇г̇аа жад̇усажжаабхисамаяаад̇и гад̇ваа д̇зхи бахаад̇аб̣б̣зна д̇зна д̇зна самуд̣̇аяасан̇каад̇зна лобхзна саха бахаад̇аб̣б̣ад̇д̇аа самуд̣̇аяасабхаавад̇д̇аа жа. сажжавибхан̇г̇з жа саб̣б̣агилзсаанам̣ самуд̣̇аяабхаавасса вуд̇д̇ад̇д̇аа ‘‘самуд̣̇аяабагкигаа’’д̇и д̣̇идтиаад̣̇аяо вужжанд̇и. бадибассад̣̇д̇хад̇д̇ам̣ вуубасанд̇ад̇аа.

Pavatti eva pavattibhāvo, pariyuṭṭhānanti attho. Nīvaraṇādidhammānanti ādi-saddena nīvaraṇapakkhiyā kilesā vitakkavicārādayo ca gayhanti. Catunnaṃ ariyamaggānaṃ bhāvitattā accantaṃ appavattibhāvena yaṃ pahānanti sambandho. Kena pana pahānanti? ‘‘Ariyamaggehevā’’ti viññāyamānoyamattho tesaṃ bhāvitattā appavattivacanato. ‘‘Samudayapakkhikassā’’ti ettha cattāropi maggā catusaccābhisamayāti katvā tehi pahātabbena tena tena samudayasaṅkhātena lobhena saha pahātabbattā samudayasabhāvattā ca. Saccavibhaṅge ca sabbakilesānaṃ samudayabhāvassa vuttattā ‘‘samudayapakkhikā’’ti diṭṭhiādayo vuccanti. Paṭipassaddhattaṃ vūpasantatā.

сан̇кад̇аниссадад̇аа сан̇каарасабхааваабхааво. бахийнасаб̣б̣асан̇кад̇анд̇и вирахид̇асаб̣б̣асан̇кад̇ам̣, висан̇кааранд̇и ад̇т̇о. бахаанан̃жа д̇ам̣ винаяо жаад̇и бахаанавинаяо буримзна ад̇т̇зна. д̣̇уд̇иязна бана бахийяад̇ийд̇и бахаанам̣, д̇асса винаяод̇и яож̇зд̇аб̣б̣о.

Saṅkhatanissaṭatā saṅkhārasabhāvābhāvo. Pahīnasabbasaṅkhatanti virahitasabbasaṅkhataṃ, visaṅkhāranti attho. Pahānañca taṃ vinayo cāti pahānavinayo purimena atthena. Dutiyena pana pahīyatīti pahānaṃ, tassa vinayoti yojetabbo.

бхиннасам̣варад̇д̇аад̇и надтасам̣варад̇д̇аа, сам̣вараабхаавад̇од̇и ад̇т̇о. д̇зна асамаад̣̇иннасам̣вароби сан̇г̇ахид̇ова ход̇и. самаад̣̇аанзна хи самбаад̣̇зд̇аб̣б̣о сам̣варо, д̇ад̣̇абхаавз на ход̇ийд̇и. ариязд̇и арияо. бажжад̇д̇аважанан̃хзд̇ам̣. зсзсзд̇и зсо зсо, ад̇т̇ад̇о анан̃н̃од̇и ад̇т̇о. д̇аж̇ж̇аад̇зд̇и ад̇т̇ад̇о д̇ам̣сабхааво, саббурисо арияасабхааво, арияо жа саббурисабхаавод̇и ад̇т̇о.

Bhinnasaṃvarattāti naṭṭhasaṃvarattā, saṃvarābhāvatoti attho. Tena asamādinnasaṃvaropi saṅgahitova hoti. Samādānena hi sampādetabbo saṃvaro, tadabhāve na hotīti. Ariyeti ariyo. Paccattavacanañhetaṃ. Eseseti eso eso, atthato anaññoti attho. Tajjāteti atthato taṃsabhāvo, sappuriso ariyasabhāvo, ariyo ca sappurisabhāvoti attho.

со аханд̇и ад̇д̇анаа баригаббид̇ам̣ ад̇д̇аанам̣ д̣̇идтиг̇ад̇иго вад̣̇ад̇и. ‘‘ахам̣б̣уд̣̇д̇хиниб̣анд̇хано ад̇д̇аа’’д̇и хи ад̇д̇аваад̣̇ино лад̣̇д̇хи. ад̣̇ваяанд̇и д̣̇ваяад̇аарахид̇ам̣. абхиннам̣ ван̣н̣амзва ‘‘ажжий’’д̇и г̇ахзд̇ваа ‘‘ажжийд̇и ван̣н̣о зваа’’д̇и д̇зсам̣ згад̇д̇ам̣ бассанд̇о вияа яат̇аабаригаббид̇ам̣ ад̇д̇аанам̣ ‘‘рууба’’нд̇и, яат̇аад̣̇идтам̣ ваа руубам̣, ‘‘ад̇д̇аа’’д̇и г̇ахзд̇ваа д̇зсам̣ згад̇д̇ам̣ бассанд̇о д̣̇адтаб̣б̣о. зд̇т̇а жа ‘‘руубам̣ ад̇д̇аа’’д̇и имиссаа бавад̇д̇ияаа абхаавзби руубз ад̇д̇аг̇г̇ахан̣ам̣ бавад̇д̇амаанам̣ ажжияам̣ ван̣н̣аг̇г̇ахан̣ам̣ вияа ‘‘ад̣̇ваяад̣̇ассана’’нд̇и вуд̇д̇ам̣. убамааяо жа анан̃н̃ад̇д̇аад̣̇иг̇ахан̣анид̣̇ассанавасзнзва вуд̇д̇аа, на ван̣н̣аад̣̇ийнам̣ вияа ад̇д̇ано виж̇ж̇амаанад̣̇ассанад̇т̇ам̣. на хи ад̇д̇ани саамибхаавзна руубан̃жа сагин̃жанабхаавзна саманубассад̇и. ад̇д̇ани ваа руубанд̇и ад̇д̇аанам̣ руубасса сабхаавад̇о аад̇хааран̣абхаавзна. руубасмим̣ ваа ад̇д̇аананд̇и руубасса ад̇д̇ано аад̇хааран̣абхаавзна д̣̇идтибассанааяа бассад̇и. барияудтадтааяийд̇и барияудтаанаббад̇д̇аахи д̣̇идтид̇ан̣хаахи ‘‘руубам̣ ад̇д̇аа, руубаваа ад̇д̇аа’’д̇иаад̣̇инаа канд̇хабан̃жагам̣ мижчаа г̇ахзд̇ваа д̇идтанад̇о. д̇знааха ‘‘барияудтаанаагаарзнаа’’д̇иаад̣̇и. зсзва наяод̇и яо ‘‘ид̇хзгажжо руубам̣ ад̇д̇ад̇о саманубассад̇ий’’д̇иаад̣̇инаа руубагканд̇хз вуд̇д̇о сам̣ван̣н̣анаанаяо, взд̣̇анаагканд̇хаад̣̇ийсуби зсо зва наяо взд̣̇ид̇аб̣б̣о.

So ahanti attanā parikappitaṃ attānaṃ diṭṭhigatiko vadati. ‘‘Ahaṃbuddhinibandhano attā’’ti hi attavādino laddhi. Advayanti dvayatārahitaṃ. Abhinnaṃ vaṇṇameva ‘‘accī’’ti gahetvā ‘‘accīti vaṇṇo evā’’ti tesaṃ ekattaṃ passanto viya yathāparikappitaṃ attānaṃ ‘‘rūpa’’nti, yathādiṭṭhaṃ vā rūpaṃ, ‘‘attā’’ti gahetvā tesaṃ ekattaṃ passanto daṭṭhabbo. Ettha ca ‘‘rūpaṃ attā’’ti imissā pavattiyā abhāvepi rūpe attaggahaṇaṃ pavattamānaṃ acciyaṃ vaṇṇaggahaṇaṃ viya ‘‘advayadassana’’nti vuttaṃ. Upamāyo ca anaññattādigahaṇanidassanavaseneva vuttā, na vaṇṇādīnaṃ viya attano vijjamānadassanatthaṃ. Na hi attani sāmibhāvena rūpañca sakiñcanabhāvena samanupassati. Attani vā rūpanti attānaṃ rūpassa sabhāvato ādhāraṇabhāvena. Rūpasmiṃ vā attānanti rūpassa attano ādhāraṇabhāvena diṭṭhipassanāya passati. Pariyuṭṭhaṭṭhāyīti pariyuṭṭhānappattāhi diṭṭhitaṇhāhi ‘‘rūpaṃ attā, rūpavā attā’’tiādinā khandhapañcakaṃ micchā gahetvā tiṭṭhanato. Tenāha ‘‘pariyuṭṭhānākārenā’’tiādi. Eseva nayoti yo ‘‘idhekacco rūpaṃ attato samanupassatī’’tiādinā rūpakkhandhe vutto saṃvaṇṇanānayo, vedanākkhandhādīsupi eso eva nayo veditabbo.

суд̣̇д̇харуубамзваад̇и аруубзна амиссид̇ам̣ гзвалам̣ руубамзва. аруубанд̇и суд̣̇д̇хааруубам̣ руубасса аг̇г̇ахид̇ад̇д̇аа. жад̇уусу канд̇хзсу д̇ин̣н̣ам̣ д̇ин̣н̣ам̣ васзнаад̇и жад̇уусу канд̇хзсу д̇ин̣н̣ам̣ д̇ин̣н̣ам̣ г̇ахан̣авасзна руубааруубамиссаго ад̇д̇аа гат̇ид̇о д̇асмим̣ д̇асмим̣ г̇ахан̣з взд̣̇анаад̣̇ивинимуд̇д̇ааруубад̇хаммз гасин̣аруубзна сад̣̇д̇хим̣ саб̣б̣аруубад̇хаммз жа згаж̇жхам̣ г̇ахан̣асид̣̇д̇хид̇о. бан̃жасу таанзсу ужчзд̣̇ад̣̇идти гат̇ид̇аа, д̇з д̇з зва д̇хаммз ‘‘ад̇д̇аа’’д̇и г̇ахан̣ад̇о д̇зсан̃жа ужчзд̣̇абхаавад̇о. авасзсзсу бана баннарасасу таанзсу руубам̣ ‘‘ад̇д̇аа’’д̇и г̇ахзд̇вааби д̣̇идтиг̇ад̇иго д̇ад̇т̇а нижжасан̃н̃ам̣ на виссаж̇ж̇зд̇и гасин̣аруубзна д̇ам̣ миссзд̇ваа д̇асса жа уббаад̣̇аад̣̇ийнам̣ ад̣̇ассанад̇о, д̇асмаасса д̇ад̇т̇аби ход̇иязва сассад̇ад̣̇идти згажжасассад̇аг̇аахавасзнаби. маг̇г̇ааваран̣аа вибарийд̇ад̣̇ассанад̇о. на саг̇г̇ааваран̣аа агаммабат̇аббад̇д̇ад̇ааяа. агирияаахзд̇уганад̇т̇игад̣̇идтияо зва хи гаммабат̇ад̣̇идтияо.

Suddharūpamevāti arūpena amissitaṃ kevalaṃ rūpameva. Arūpanti suddhaarūpaṃ rūpassa aggahitattā. Catūsu khandhesu tiṇṇaṃ tiṇṇaṃ vasenāti catūsu khandhesu tiṇṇaṃ tiṇṇaṃ gahaṇavasena rūpārūpamissako attā kathito tasmiṃ tasmiṃ gahaṇe vedanādivinimuttaarūpadhamme kasiṇarūpena saddhiṃ sabbarūpadhamme ca ekajjhaṃ gahaṇasiddhito. Pañcasu ṭhānesu ucchedadiṭṭhi kathitā, te te eva dhamme ‘‘attā’’ti gahaṇato tesañca ucchedabhāvato. Avasesesu pana pannarasasu ṭhānesu rūpaṃ ‘‘attā’’ti gahetvāpi diṭṭhigatiko tattha niccasaññaṃ na vissajjeti kasiṇarūpena taṃ missetvā tassa ca uppādādīnaṃ adassanato, tasmāssa tatthapi hotiyeva sassatadiṭṭhi ekaccasassatagāhavasenapi. Maggāvaraṇā viparītadassanato. Na saggāvaraṇā akammapathappattatāya. Akiriyāhetukanatthikadiṭṭhiyo eva hi kammapathadiṭṭhiyo.

гааяод̇и руубагааяо. со аад̇уроязва асавасабхаавад̇о. рааг̇ад̣̇осамохаануг̇ад̇анд̇и аббахийнарааг̇ад̣̇осамохасанд̇аанз бавад̇д̇ам̣. ид̇хаад̇и имасмим̣ суд̇д̇з. д̣̇ассид̇ам̣ аад̇урабхаавзна. ниггилзсад̇ааяаад̇и саяам̣ бахийнагилзсасанд̇аанаг̇ад̇ад̇ааяа. сзкаа нзва аад̇уражид̇д̇аа бахийнагилзсз убаад̣̇ааяа, аббахийнз бана убаад̣̇ааяа аад̇уражид̇д̇аа. анаад̇уражид̇д̇ад̇ам̣язва бхаж̇анд̇и ваддаанусааримахааж̇анасса вияа д̇зсам̣ жид̇д̇асса гилзсавасзна аад̇урад̇д̇аабхаавад̇о.

Kāyoti rūpakāyo. So āturoyeva asavasabhāvato. Rāgadosamohānugatanti appahīnarāgadosamohasantāne pavattaṃ. Idhāti imasmiṃ sutte. Dassitaṃ āturabhāvena. Nikkilesatāyāti sayaṃ pahīnakilesasantānagatatāya. Sekhā neva āturacittā pahīnakilese upādāya, appahīne pana upādāya āturacittā. Anāturacittataṃyeva bhajanti vaṭṭānusārimahājanassa viya tesaṃ cittassa kilesavasena āturattābhāvato.

нагулабид̇усуд̇д̇аван̣н̣анаа нидтид̇аа.

Nakulapitusuttavaṇṇanā niṭṭhitā.

Next: 2. д̣̇звад̣̇ахасуд̇д̇аван̣н̣анаа • 2. Devadahasuttavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. нагулабид̇усуд̇д̇ам̣ • 1. Nakulapitusuttaṃ

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. нагулабид̇усуд̇д̇аван̣н̣анаа • 1. Nakulapitusuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact