| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๖. นกุลปิตุสุตฺตวณฺณนา
6. Nakulapitusuttavaṇṇanā
๑๖. ฉเฎฺฐ วิสภาคเวทนุปฺปตฺติยา กกเจเนว จตุอิริยาปถํ ฉินฺทโนฺต อาพาธยตีติ อาพาโธ, โส ยสฺส อตฺถีติ อาพาธิโกฯ ตํสมุฎฺฐานทุเกฺขน ทุกฺขิโตฯ อธิมตฺตคิลาโนติ ธาตุสงฺขเยน ปริกฺขีณสรีโรฯ
16. Chaṭṭhe visabhāgavedanuppattiyā kakaceneva catuiriyāpathaṃ chindanto ābādhayatīti ābādho, so yassa atthīti ābādhiko. Taṃsamuṭṭhānadukkhena dukkhito. Adhimattagilānoti dhātusaṅkhayena parikkhīṇasarīro.
สปฺปฎิภยกนฺตารสทิสา โสฬสวตฺถุกา อฎฺฐวตฺถุกา จ วิจิกิจฺฉา ติณฺณา อิมายาติ ติณฺณวิจิกิจฺฉาฯ วิคตา สมุจฺฉินฺนา ปวตฺติอาทีสุ ‘‘เอวํ นุ โข น นุ โข’’ติ เอวํ ปวตฺติกา กถํกถา อสฺสาติ วิคตกถํกถาฯ สารชฺชกรานํ ปาปธมฺมานํ ปหีนตฺตา ราควิเกฺขเปสุ สีลาทิคุเณสุ จ ติฎฺฐกตฺตา เวสารชฺชํ, วิสารทภาวํ เวยฺยตฺติยํ ปตฺตาติ เวสารชฺชปฺปตฺตาฯ อตฺตนา เอว ปจฺจกฺขโต ทิฎฺฐตฺตา น ปรํ ปเจฺจติ, นสฺส ปโร ปเจฺจตโพฺพ อตฺถีติ อปรปฺปจฺจยาฯ
Sappaṭibhayakantārasadisā soḷasavatthukā aṭṭhavatthukā ca vicikicchā tiṇṇā imāyāti tiṇṇavicikicchā. Vigatā samucchinnā pavattiādīsu ‘‘evaṃ nu kho na nu kho’’ti evaṃ pavattikā kathaṃkathā assāti vigatakathaṃkathā. Sārajjakarānaṃ pāpadhammānaṃ pahīnattā rāgavikkhepesu sīlādiguṇesu ca tiṭṭhakattā vesārajjaṃ, visāradabhāvaṃ veyyattiyaṃ pattāti vesārajjappattā. Attanā eva paccakkhato diṭṭhattā na paraṃ pacceti, nassa paro paccetabbo atthīti aparappaccayā.
คิลานา วุฎฺฐิโตติ คิลานภาวโต วุฎฺฐาย ฐิโตฯ ภาวปฺปธาโน หิ อยํ นิเทฺทโสฯ คิลาโน หุตฺวา วุฎฺฐิโตติ อิทํ ปน อตฺถมตฺตนิทสฺสนํฯ
Gilānā vuṭṭhitoti gilānabhāvato vuṭṭhāya ṭhito. Bhāvappadhāno hi ayaṃ niddeso. Gilāno hutvā vuṭṭhitoti idaṃ pana atthamattanidassanaṃ.
นกุลปิตุสุตฺตวณฺณนา นิฎฺฐิตาฯ
Nakulapitusuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๖. นกุลปิตุสุตฺตํ • 6. Nakulapitusuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๖. นกุลปิตุสุตฺตวณฺณนา • 6. Nakulapitusuttavaṇṇanā
