| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༦. ནཀུལཔིཏུསུཏྟཝཎྞནཱ
6. Nakulapitusuttavaṇṇanā
༡༦. ཚཊྛེ ཝིསབྷཱགཝེདནུཔྤཏྟིཡཱ ཀཀཙེནེཝ ཙཏུཨིརིཡཱཔཐཾ ཚིནྡནྟོ ཨཱབཱདྷཡཏཱིཏི ཨཱབཱདྷོ, སོ ཡསྶ ཨཏྠཱིཏི ཨཱབཱདྷིཀོ། ཏཾསམུཊྛཱནདུཀྑེན དུཀྑིཏོ། ཨདྷིམཏྟགིལཱནོཏི དྷཱཏུསངྑཡེན པརིཀྑཱིཎསརཱིརོ།
16. Chaṭṭhe visabhāgavedanuppattiyā kakaceneva catuiriyāpathaṃ chindanto ābādhayatīti ābādho, so yassa atthīti ābādhiko. Taṃsamuṭṭhānadukkhena dukkhito. Adhimattagilānoti dhātusaṅkhayena parikkhīṇasarīro.
སཔྤཊིབྷཡཀནྟཱརསདིསཱ སོལ༹སཝཏྠུཀཱ ཨཊྛཝཏྠུཀཱ ཙ ཝིཙིཀིཙྪཱ ཏིཎྞཱ ཨིམཱཡཱཏི ཏིཎྞཝིཙིཀིཙྪཱ། ཝིགཏཱ སམུཙྪིནྣཱ པཝཏྟིཨཱདཱིསུ ‘‘ཨེཝཾ ནུ ཁོ ན ནུ ཁོ’’ཏི ཨེཝཾ པཝཏྟིཀཱ ཀཐཾཀཐཱ ཨསྶཱཏི ཝིགཏཀཐཾཀཐཱ། སཱརཛྫཀརཱནཾ པཱཔདྷམྨཱནཾ པཧཱིནཏྟཱ རཱགཝིཀྑེཔེསུ སཱིལཱདིགུཎེསུ ཙ ཏིཊྛཀཏྟཱ ཝེསཱརཛྫཾ, ཝིསཱརདབྷཱཝཾ ཝེཡྻཏྟིཡཾ པཏྟཱཏི ཝེསཱརཛྫཔྤཏྟཱ། ཨཏྟནཱ ཨེཝ པཙྩཀྑཏོ དིཊྛཏྟཱ ན པརཾ པཙྩེཏི, ནསྶ པརོ པཙྩེཏབྦོ ཨཏྠཱིཏི ཨཔརཔྤཙྩཡཱ།
Sappaṭibhayakantārasadisā soḷasavatthukā aṭṭhavatthukā ca vicikicchā tiṇṇā imāyāti tiṇṇavicikicchā. Vigatā samucchinnā pavattiādīsu ‘‘evaṃ nu kho na nu kho’’ti evaṃ pavattikā kathaṃkathā assāti vigatakathaṃkathā. Sārajjakarānaṃ pāpadhammānaṃ pahīnattā rāgavikkhepesu sīlādiguṇesu ca tiṭṭhakattā vesārajjaṃ, visāradabhāvaṃ veyyattiyaṃ pattāti vesārajjappattā. Attanā eva paccakkhato diṭṭhattā na paraṃ pacceti, nassa paro paccetabbo atthīti aparappaccayā.
གིལཱནཱ ཝུཊྛིཏོཏི གིལཱནབྷཱཝཏོ ཝུཊྛཱཡ ཋིཏོ། བྷཱཝཔྤདྷཱནོ ཧི ཨཡཾ ནིདྡེསོ། གིལཱནོ ཧུཏྭཱ ཝུཊྛིཏོཏི ཨིདཾ པན ཨཏྠམཏྟནིདསྶནཾ།
Gilānā vuṭṭhitoti gilānabhāvato vuṭṭhāya ṭhito. Bhāvappadhāno hi ayaṃ niddeso. Gilāno hutvā vuṭṭhitoti idaṃ pana atthamattanidassanaṃ.
ནཀུལཔིཏུསུཏྟཝཎྞནཱ ནིཊྛིཏཱ།
Nakulapitusuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༦. ནཀུལཔིཏུསུཏྟཾ • 6. Nakulapitusuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༦. ནཀུལཔིཏུསུཏྟཝཎྞནཱ • 6. Nakulapitusuttavaṇṇanā
