| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. นฬาคาริกเตฺถรอปทานํ
5. Naḷāgārikattheraapadānaṃ
๓๑.
31.
‘‘หิมวนฺตสฺสาวิทูเร , หาริโต นาม ปพฺพโต;
‘‘Himavantassāvidūre , hārito nāma pabbato;
สยมฺภู นารโท นาม, รุกฺขมูเล วสี ตทาฯ
Sayambhū nārado nāma, rukkhamūle vasī tadā.
๓๒.
32.
‘‘นฬาคารํ กริตฺวาน, ติเณน ฉาทยิํ อหํ;
‘‘Naḷāgāraṃ karitvāna, tiṇena chādayiṃ ahaṃ;
จงฺกมํ โสธยิตฺวาน, สยมฺภุสฺส อทาสหํฯ
Caṅkamaṃ sodhayitvāna, sayambhussa adāsahaṃ.
๓๓.
33.
‘‘จตุทฺทสสุ กเปฺปสุ, เทวโลเก รมิํ อหํ;
‘‘Catuddasasu kappesu, devaloke ramiṃ ahaṃ;
จตุสตฺตติกฺขตฺตุญฺจ, เทวรชฺชํ อการยิํฯ
Catusattatikkhattuñca, devarajjaṃ akārayiṃ.
๓๔.
34.
ปเทสรชฺชํ วิปุลํ, คณนาโต อสงฺขิยํฯ
Padesarajjaṃ vipulaṃ, gaṇanāto asaṅkhiyaṃ.
๓๕.
35.
‘‘อุพฺพิทฺธํ ภวนํ มยฺหํ, อินฺทลฎฺฐีว อุคฺคตํ;
‘‘Ubbiddhaṃ bhavanaṃ mayhaṃ, indalaṭṭhīva uggataṃ;
สหสฺสถมฺภํ อตุลํ, วิมานํ สปภสฺสรํฯ
Sahassathambhaṃ atulaṃ, vimānaṃ sapabhassaraṃ.
๓๖.
36.
‘‘เทฺว สมฺปตฺตี อนุโภตฺวา, สุกฺกมูเลน โจทิโต;
‘‘Dve sampattī anubhotvā, sukkamūlena codito;
โคตมสฺส ภควโต, สาสเน ปพฺพชิํ อหํฯ
Gotamassa bhagavato, sāsane pabbajiṃ ahaṃ.
๓๗.
37.
‘‘ปธานปหิตโตฺตมฺหิ , อุปสโนฺต นิรูปธิ;
‘‘Padhānapahitattomhi , upasanto nirūpadhi;
นาโคว พนฺธนํ เฉตฺวา, วิหรามิ อนาสโวฯ
Nāgova bandhanaṃ chetvā, viharāmi anāsavo.
๓๘.
38.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา นฬาคาริโก เถโร อิมา คาถาโย อภาสิตฺถาติฯ
Itthaṃ sudaṃ āyasmā naḷāgāriko thero imā gāthāyo abhāsitthāti.
นฬาคาริกเตฺถรสฺสาปทานํ ปญฺจมํฯ
Naḷāgārikattherassāpadānaṃ pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. กงฺขาเรวตเตฺถรอปทานวณฺณนา • 2. Kaṅkhārevatattheraapadānavaṇṇanā
