| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. නළාගාරිකත්‌ථෙරඅපදානං
5. Naḷāgārikattheraapadānaṃ
31.
31.
‘‘හිමවන්‌තස්‌සාවිදූරෙ , හාරිතො නාම පබ්‌බතො;
‘‘Himavantassāvidūre , hārito nāma pabbato;
සයම්‌භූ නාරදො නාම, රුක්‌ඛමූලෙ වසී තදා.
Sayambhū nārado nāma, rukkhamūle vasī tadā.
32.
32.
‘‘නළාගාරං කරිත්‌වාන, තිණෙන ඡාදයිං අහං;
‘‘Naḷāgāraṃ karitvāna, tiṇena chādayiṃ ahaṃ;
චඞ්‌කමං සොධයිත්‌වාන, සයම්‌භුස්‌ස අදාසහං.
Caṅkamaṃ sodhayitvāna, sayambhussa adāsahaṃ.
33.
33.
‘‘චතුද්‌දසසු කප්‌පෙසු, දෙවලොකෙ රමිං අහං;
‘‘Catuddasasu kappesu, devaloke ramiṃ ahaṃ;
චතුසත්‌තතික්‌ඛත්‌තුඤ්‌ච, දෙවරජ්‌ජං අකාරයිං.
Catusattatikkhattuñca, devarajjaṃ akārayiṃ.
34.
34.
‘‘චතුසත්‌තති 1 ක්‌ඛත්‌තුඤ්‌ච , චක්‌කවත්‌තී අහොසහං;
‘‘Catusattati 2 kkhattuñca , cakkavattī ahosahaṃ;
පදෙසරජ්‌ජං විපුලං, ගණනාතො අසඞ්‌ඛියං.
Padesarajjaṃ vipulaṃ, gaṇanāto asaṅkhiyaṃ.
35.
35.
‘‘උබ්‌බිද්‌ධං භවනං මය්‌හං, ඉන්‌දලට්‌ඨීව උග්‌ගතං;
‘‘Ubbiddhaṃ bhavanaṃ mayhaṃ, indalaṭṭhīva uggataṃ;
සහස්‌සථම්‌භං අතුලං, විමානං සපභස්‌සරං.
Sahassathambhaṃ atulaṃ, vimānaṃ sapabhassaraṃ.
36.
36.
‘‘ද්‌වෙ සම්‌පත්‌තී අනුභොත්‌වා, සුක්‌කමූලෙන චොදිතො;
‘‘Dve sampattī anubhotvā, sukkamūlena codito;
ගොතමස්‌ස භගවතො, සාසනෙ පබ්‌බජිං අහං.
Gotamassa bhagavato, sāsane pabbajiṃ ahaṃ.
37.
37.
‘‘පධානපහිතත්‌තොම්‌හි , උපසන්‌තො නිරූපධි;
‘‘Padhānapahitattomhi , upasanto nirūpadhi;
නාගොව බන්‌ධනං ඡෙත්‌වා, විහරාමි අනාසවො.
Nāgova bandhanaṃ chetvā, viharāmi anāsavo.
38.
38.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා නළාගාරිකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā naḷāgāriko thero imā gāthāyo abhāsitthāti.
නළාගාරිකත්‌ථෙරස්‌සාපදානං පඤ්‌චමං.
Naḷāgārikattherassāpadānaṃ pañcamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 2. කඞ්‌ඛාරෙවතත්‌ථෙරඅපදානවණ්‌ණනා • 2. Kaṅkhārevatattheraapadānavaṇṇanā
