| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ನಾಳಾಗಿರಿಪೇಸನಕಥಾವಣ್ಣನಾ
Nāḷāgiripesanakathāvaṇṇanā
೩೪೨. ಮಾ ಕುಞ್ಜರ ನಾಗಮಾಸದೋತಿ ಭೋ, ಕುಞ್ಜರ, ಬುದ್ಧನಾಗಂ ವಧಕಚಿತ್ತೇನ ಮಾ ಉಪಗಚ್ಛ। ದುಕ್ಖನ್ತಿ ದುಕ್ಖಕಾರಣತ್ತಾ ದುಕ್ಖಂ। ಕಥಂ ತಂ ದುಕ್ಖನ್ತಿ ಆಹ ‘‘ನ ಹಿ ನಾಗಹತಸ್ಸಾ’’ತಿಆದಿ। ನಾಗಹತಸ್ಸ ಸುಗತಿಪಟಿಕ್ಖೇಪೇನ ಬುದ್ಧನಾಗಸ್ಸ ಘಾತೋ ದುಗ್ಗತಿದುಕ್ಖಕಾರಣನ್ತಿ ದಸ್ಸೇತಿ। ಇತೋತಿ ಇತೋ ಜಾತಿತೋ। ಯತೋತಿ ಯಸ್ಮಾ। ಇತೋ ಪರಂ ಯತೋತಿ ಇತೋ ಪರಂ ಗಚ್ಛನ್ತಸ್ಸಾತಿ ವಾ ಅತ್ಥೋ। ಮದೋತಿ ಮಾನಮದೋ। ಪಮಾದೋತಿ ಪಮತ್ತಭಾವೋ। ಪಟಿಕುಟಿತೋತಿ ಸಙ್ಕುಟಿತೋ। ಅಲಕ್ಖಿಕೋತಿ ಅಹಿರಿಕೋ। ಯತ್ರ ಹಿ ನಾಮಾತಿ ಯೋ ನಾಮ।
342.Mā kuñjara nāgamāsadoti bho, kuñjara, buddhanāgaṃ vadhakacittena mā upagaccha. Dukkhanti dukkhakāraṇattā dukkhaṃ. Kathaṃ taṃ dukkhanti āha ‘‘na hi nāgahatassā’’tiādi. Nāgahatassa sugatipaṭikkhepena buddhanāgassa ghāto duggatidukkhakāraṇanti dasseti. Itoti ito jātito. Yatoti yasmā. Ito paraṃ yatoti ito paraṃ gacchantassāti vā attho. Madoti mānamado. Pamādoti pamattabhāvo. Paṭikuṭitoti saṅkuṭito. Alakkhikoti ahiriko. Yatra hi nāmāti yo nāma.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi / ನಾಳಾಗಿರಿಪೇಸನಂ • Nāḷāgiripesanaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ಪಕಾಸನೀಯಕಮ್ಮಾದಿಕಥಾ • Pakāsanīyakammādikathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಛಸಕ್ಯಪಬ್ಬಜ್ಜಾಕಥಾವಣ್ಣನಾ • Chasakyapabbajjākathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಛಸಕ್ಯಪಬ್ಬಜ್ಜಾಕಥಾದಿವಣ್ಣನಾ • Chasakyapabbajjākathādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಪಕಾಸನೀಯಕಮ್ಮಾದಿಕಥಾ • Pakāsanīyakammādikathā
