| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
наал̣ааг̇ирибзсанам̣
Nāḷāgiripesanaṃ
342. д̇зна ко бана самаязна рааж̇аг̇ахз наал̣ааг̇ири наама хад̇т̇ий жан̣д̣о ход̇и, мануссагхаад̇аго. ат̇а ко д̣̇звад̣̇ад̇д̇о рааж̇аг̇ахам̣ бависид̇ваа хад̇т̇исаалам̣ г̇анд̇ваа хад̇т̇ибхан̣д̣з зд̇ад̣̇авожа – ‘‘маяам̣ ко, бхан̣з, рааж̇ан̃аад̇агаа наама бадиб̣алаа нийжадтаанияам̣ ужжадтаанз табзд̇ум̣, бхад̇д̇амби взд̇анамби вад̣дхаабзд̇ум̣. д̇зна хи, бхан̣з, яад̣̇аа саман̣о г̇од̇амо имам̣ ражчам̣ бадибанно ход̇и, д̇ад̣̇аа имам̣ наал̣ааг̇ирим̣ хад̇т̇им̣ мун̃жзд̇ваа имам̣ ражчам̣ бадибаад̣̇зт̇аа’’д̇и. ‘‘звам̣ бханд̇з’’д̇и ко д̇з хад̇т̇ибхан̣д̣аа д̣̇звад̣̇ад̇д̇асса бажжассосум̣. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа самб̣ахулзхи бхигкуухи сад̣̇д̇хим̣ рааж̇аг̇ахам̣ бин̣д̣ааяа баависи. ат̇а ко бхаг̇аваа д̇ам̣ ражчам̣ бадибаж̇ж̇и. ад̣̇д̣̇асаасум̣ ко д̇з хад̇т̇ибхан̣д̣аа бхаг̇аванд̇ам̣ д̇ам̣ ражчам̣ бадибаннам̣. д̣̇исваана наал̣ааг̇ирим̣ хад̇т̇им̣ мун̃жид̇ваа д̇ам̣ ражчам̣ бадибаад̣̇зсум̣. ад̣̇д̣̇асаа ко наал̣ааг̇ири хад̇т̇ий бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана сон̣д̣ам̣ уссаабзд̇ваа бахадтаган̣н̣аваало язна бхаг̇аваа д̇зна абхид̇хаави. ад̣̇д̣̇асаасум̣ ко д̇з бхигкуу наал̣ааг̇ирим̣ хад̇т̇им̣ д̣̇уурад̇ова ааг̇ажчанд̇ам̣. д̣̇исваана бхаг̇аванд̇ам̣ зд̇ад̣̇авожум̣ – ‘‘аяам̣, бханд̇з, наал̣ааг̇ири хад̇т̇ий жан̣д̣о мануссагхаад̇аго имам̣ ражчам̣ бадибанно. бадиггамад̇у, бханд̇з, бхаг̇аваа; бадиггамад̇у суг̇ад̇о’’д̇и. ‘‘ааг̇ажчат̇а, бхигкавз, маа бхааяид̇т̇а. адтаанамзд̇ам̣, бхигкавз, анавагаасо, яам̣ баруубаггамзна д̇ат̇ааг̇ад̇ам̣ ж̇ийвид̇аа воробзяяа. анубаггамзна, бхигкавз, д̇ат̇ааг̇ад̇аа бариниб̣б̣ааяанд̇ий’’д̇и. д̣̇уд̇ияамби ко д̇з бхигкуу…бз… д̇ад̇ияамби ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘аяам̣, бханд̇з, наал̣ааг̇ири хад̇т̇ий жан̣д̣о мануссагхаад̇аго имам̣ ражчам̣ бадибанно. бадиггамад̇у, бханд̇з, бхаг̇аваа; бадиггамад̇у суг̇ад̇о’’д̇и. ‘‘ааг̇ажчат̇а, бхигкавз, маа бхааяид̇т̇а. адтаанамзд̇ам̣ , бхигкавз, анавагаасо, яам̣ баруубаггамзна д̇ат̇ааг̇ад̇ам̣ ж̇ийвид̇аа воробзяяа. анубаггамзна, бхигкавз, д̇ат̇ааг̇ад̇аа бариниб̣б̣ааяанд̇ий’’д̇и.
342. Tena kho pana samayena rājagahe nāḷāgiri nāma hatthī caṇḍo hoti, manussaghātako. Atha kho devadatto rājagahaṃ pavisitvā hatthisālaṃ gantvā hatthibhaṇḍe etadavoca – ‘‘mayaṃ kho, bhaṇe, rājañātakā nāma paṭibalā nīcaṭṭhāniyaṃ uccaṭṭhāne ṭhapetuṃ, bhattampi vetanampi vaḍḍhāpetuṃ. Tena hi, bhaṇe, yadā samaṇo gotamo imaṃ racchaṃ paṭipanno hoti, tadā imaṃ nāḷāgiriṃ hatthiṃ muñcetvā imaṃ racchaṃ paṭipādethā’’ti. ‘‘Evaṃ bhante’’ti kho te hatthibhaṇḍā devadattassa paccassosuṃ. Atha kho bhagavā pubbaṇhasamayaṃ nivāsetvā pattacīvaramādāya sambahulehi bhikkhūhi saddhiṃ rājagahaṃ piṇḍāya pāvisi. Atha kho bhagavā taṃ racchaṃ paṭipajji. Addasāsuṃ kho te hatthibhaṇḍā bhagavantaṃ taṃ racchaṃ paṭipannaṃ. Disvāna nāḷāgiriṃ hatthiṃ muñcitvā taṃ racchaṃ paṭipādesuṃ. Addasā kho nāḷāgiri hatthī bhagavantaṃ dūratova āgacchantaṃ. Disvāna soṇḍaṃ ussāpetvā pahaṭṭhakaṇṇavālo yena bhagavā tena abhidhāvi. Addasāsuṃ kho te bhikkhū nāḷāgiriṃ hatthiṃ dūratova āgacchantaṃ. Disvāna bhagavantaṃ etadavocuṃ – ‘‘ayaṃ, bhante, nāḷāgiri hatthī caṇḍo manussaghātako imaṃ racchaṃ paṭipanno. Paṭikkamatu, bhante, bhagavā; paṭikkamatu sugato’’ti. ‘‘Āgacchatha, bhikkhave, mā bhāyittha. Aṭṭhānametaṃ, bhikkhave, anavakāso, yaṃ parūpakkamena tathāgataṃ jīvitā voropeyya. Anupakkamena, bhikkhave, tathāgatā parinibbāyantī’’ti. Dutiyampi kho te bhikkhū…pe… tatiyampi kho te bhikkhū bhagavantaṃ etadavocuṃ – ‘‘ayaṃ, bhante, nāḷāgiri hatthī caṇḍo manussaghātako imaṃ racchaṃ paṭipanno. Paṭikkamatu, bhante, bhagavā; paṭikkamatu sugato’’ti. ‘‘Āgacchatha, bhikkhave, mā bhāyittha. Aṭṭhānametaṃ , bhikkhave, anavakāso, yaṃ parūpakkamena tathāgataṃ jīvitā voropeyya. Anupakkamena, bhikkhave, tathāgatā parinibbāyantī’’ti.
д̇зна ко бана самаязна мануссаа баасаад̣̇зсуби хаммиязсуби чад̣̇анзсуби аарул̣хаа ажчанд̇и. д̇ад̇т̇а яз д̇з мануссаа ассад̣̇д̇хаа аббасаннаа д̣̇уб̣б̣уд̣̇д̇хино, д̇з звамаахам̣су – ‘‘абхируубо вад̇а, бхо 1, махаасаман̣о нааг̇зна вихзтийяиссад̇ий’’д̇и. яз бана д̇з мануссаа сад̣̇д̇хаа басаннаа бан̣д̣ид̇аа б̣яад̇д̇аа б̣уд̣̇д̇химанд̇о, д̇з звамаахам̣су – ‘‘нажирассам̣ вад̇а, бхо, нааг̇о нааг̇зна сан̇г̇аамзссад̇ий’’д̇и. ат̇а ко бхаг̇аваа наал̣ааг̇ирим̣ хад̇т̇им̣ мзд̇д̇зна жид̇д̇зна пари. ат̇а ко наал̣ааг̇ири хад̇т̇ий бхаг̇авад̇о 2 мзд̇д̇зна жид̇д̇зна пудто 3 сон̣д̣ам̣ оробзд̇ваа язна бхаг̇аваа д̇знубасан̇гами, убасан̇гамид̇ваа бхаг̇авад̇о бурад̇о адтааси. ат̇а ко бхаг̇аваа д̣̇агкин̣зна хад̇т̇зна наал̣ааг̇ирисса хад̇т̇исса гумбхам̣ бараамасанд̇о наал̣ааг̇ирим̣ хад̇т̇им̣ имаахи г̇аат̇аахи аж̇жхабхааси –
Tena kho pana samayena manussā pāsādesupi hammiyesupi chadanesupi āruḷhā acchanti. Tattha ye te manussā assaddhā appasannā dubbuddhino, te evamāhaṃsu – ‘‘abhirūpo vata, bho 4, mahāsamaṇo nāgena viheṭhīyissatī’’ti. Ye pana te manussā saddhā pasannā paṇḍitā byattā buddhimanto, te evamāhaṃsu – ‘‘nacirassaṃ vata, bho, nāgo nāgena saṅgāmessatī’’ti. Atha kho bhagavā nāḷāgiriṃ hatthiṃ mettena cittena phari. Atha kho nāḷāgiri hatthī bhagavato 5 mettena cittena phuṭṭho 6 soṇḍaṃ oropetvā yena bhagavā tenupasaṅkami, upasaṅkamitvā bhagavato purato aṭṭhāsi. Atha kho bhagavā dakkhiṇena hatthena nāḷāgirissa hatthissa kumbhaṃ parāmasanto nāḷāgiriṃ hatthiṃ imāhi gāthāhi ajjhabhāsi –
‘‘маа гун̃ж̇ара нааг̇амаасад̣̇о, д̣̇угкан̃хи гун̃ж̇ара нааг̇амаасад̣̇о;
‘‘Mā kuñjara nāgamāsado, dukkhañhi kuñjara nāgamāsado;
на хи нааг̇ахад̇асса гун̃ж̇ара суг̇ад̇и, ход̇и ид̇о барам̣ яад̇о.
Na hi nāgahatassa kuñjara sugati, hoti ito paraṃ yato.
‘‘маа жа мад̣̇о маа жа бамаад̣̇о, на хи бамад̇д̇аа суг̇ад̇им̣ важ̇анд̇и д̇з;
‘‘Mā ca mado mā ca pamādo, na hi pamattā sugatiṃ vajanti te;
д̇ван̃н̃зва д̇ат̇аа гариссаси, язна д̇вам̣ суг̇ад̇им̣ г̇амиссасий’’д̇и.
Tvaññeva tathā karissasi, yena tvaṃ sugatiṃ gamissasī’’ti.
ат̇а ко наал̣ааг̇ири хад̇т̇ий сон̣д̣ааяа бхаг̇авад̇о баад̣̇абам̣сууни г̇ахзд̇ваа убаримуд̣̇д̇хани аагирид̇ваа бадигудияова 7 осагги, яаава бхаг̇аванд̇ам̣ ад̣̇д̣̇агки. ат̇а ко наал̣ааг̇ири хад̇т̇ий хад̇т̇исаалам̣ г̇анд̇ваа сагз таанз адтааси. д̇ат̇аа д̣̇анд̇о жа бана наал̣ааг̇ири хад̇т̇ий ахоси. д̇зна ко бана самаязна мануссаа имам̣ г̇аат̇ам̣ г̇ааяанд̇и –
Atha kho nāḷāgiri hatthī soṇḍāya bhagavato pādapaṃsūni gahetvā uparimuddhani ākiritvā paṭikuṭiyova 8 osakki, yāva bhagavantaṃ addakkhi. Atha kho nāḷāgiri hatthī hatthisālaṃ gantvā sake ṭhāne aṭṭhāsi. Tathā danto ca pana nāḷāgiri hatthī ahosi. Tena kho pana samayena manussā imaṃ gāthaṃ gāyanti –
ад̣̇ан̣д̣зна асад̇т̇зна, нааг̇о д̣̇анд̇о махзсинаа’’д̇и.
Adaṇḍena asatthena, nāgo danto mahesinā’’ti.
мануссаа уж̇жхааяанд̇и кияяанд̇и вибаажзнд̇и – ‘‘яаава баабо аяам̣ д̣̇звад̣̇ад̇д̇о, алагкиго, яад̇ра хи наама саман̣асса г̇од̇амасса звам̣махид̣̇д̇хигасса звам̣ махаанубхаавасса вад̇хааяа бараггамиссад̇ий’’д̇и. д̣̇звад̣̇ад̇д̇асса лаабхасаггааро барихааяи. бхаг̇авад̇о жа лаабхасаггааро абхивад̣дхи.
Manussā ujjhāyanti khiyyanti vipācenti – ‘‘yāva pāpo ayaṃ devadatto, alakkhiko, yatra hi nāma samaṇassa gotamassa evaṃmahiddhikassa evaṃ mahānubhāvassa vadhāya parakkamissatī’’ti. Devadattassa lābhasakkāro parihāyi. Bhagavato ca lābhasakkāro abhivaḍḍhi.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / багаасанийяагаммаад̣̇игат̇аа • Pakāsanīyakammādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / наал̣ааг̇ирибзсанагат̇ааван̣н̣анаа • Nāḷāgiripesanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / часагяабаб̣б̣аж̇ж̇аагат̇аад̣̇иван̣н̣анаа • Chasakyapabbajjākathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / багаасанийяагаммаад̣̇игат̇аа • Pakāsanīyakammādikathā
