| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. нал̣агалаабийсуд̇д̇ам̣
7. Naḷakalāpīsuttaṃ
67. згам̣ самаяам̣ ааяасмаа жа саарибуд̇д̇о ааяасмаа жа махаагодтиго 1 б̣аараан̣асияам̣ вихаранд̇и исибад̇анз миг̇ад̣̇ааяз. ат̇а ко ааяасмаа махаагодтиго сааяанхасамаяам̣ бадисаллаанаа вудтид̇о язнааяасмаа саарибуд̇д̇о д̇знубасан̇гами; убасан̇гамид̇ваа ааяасмад̇аа саарибуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаагодтиго ааяасманд̇ам̣ саарибуд̇д̇ам̣ зд̇ад̣̇авожа – ‘‘гим̣ ну ко, аавусо саарибуд̇д̇а, саяам̣гад̇ам̣ ж̇араамаран̣ам̣, барам̣гад̇ам̣ ж̇араамаран̣ам̣, саяам̣гад̇ан̃жа барам̣гад̇ан̃жа ж̇араамаран̣ам̣, уд̣̇ааху асаяам̣гаарам̣ абарам̣гаарам̣ ад̇хижжасамуббаннам̣ ж̇араамаран̣а’’нд̇и? ‘‘на ко, аавусо годтига, саяам̣гад̇ам̣ ж̇араамаран̣ам̣, на барам̣гад̇ам̣ ж̇араамаран̣ам̣, на саяам̣гад̇ан̃жа барам̣гад̇ан̃жа ж̇араамаран̣ам̣, нааби асаяам̣гаарам̣ абарам̣гаарам̣ ад̇хижжасамуббаннам̣ ж̇араамаран̣ам̣. аби жа, ж̇аад̇ибажжаяаа ж̇араамаран̣а’’нд̇и.
67. Ekaṃ samayaṃ āyasmā ca sāriputto āyasmā ca mahākoṭṭhiko 2 bārāṇasiyaṃ viharanti isipatane migadāye. Atha kho āyasmā mahākoṭṭhiko sāyanhasamayaṃ paṭisallānā vuṭṭhito yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā mahākoṭṭhiko āyasmantaṃ sāriputtaṃ etadavoca – ‘‘kiṃ nu kho, āvuso sāriputta, sayaṃkataṃ jarāmaraṇaṃ, paraṃkataṃ jarāmaraṇaṃ, sayaṃkatañca paraṃkatañca jarāmaraṇaṃ, udāhu asayaṃkāraṃ aparaṃkāraṃ adhiccasamuppannaṃ jarāmaraṇa’’nti? ‘‘Na kho, āvuso koṭṭhika, sayaṃkataṃ jarāmaraṇaṃ, na paraṃkataṃ jarāmaraṇaṃ, na sayaṃkatañca paraṃkatañca jarāmaraṇaṃ, nāpi asayaṃkāraṃ aparaṃkāraṃ adhiccasamuppannaṃ jarāmaraṇaṃ. Api ca, jātipaccayā jarāmaraṇa’’nti.
‘‘гим̣ ну ко, аавусо саарибуд̇д̇а, саяам̣гад̇аа ж̇аад̇и, барам̣гад̇аа ж̇аад̇и, саяам̣гад̇аа жа барам̣гад̇аа жа ж̇аад̇и, уд̣̇ааху асаяам̣гаараа абарам̣гаараа ад̇хижжасамуббаннаа ж̇аад̇ий’’д̇и? ‘‘на ко, аавусо годтига, саяам̣гад̇аа ж̇аад̇и, на барам̣гад̇аа ж̇аад̇и, на саяам̣гад̇аа жа барам̣гад̇аа жа ж̇аад̇и, нааби асаяам̣гаараа абарам̣гаараа ад̇хижжасамуббаннаа ж̇аад̇и. аби жа, бхавабажжаяаа ж̇аад̇ий’’д̇и.
‘‘Kiṃ nu kho, āvuso sāriputta, sayaṃkatā jāti, paraṃkatā jāti, sayaṃkatā ca paraṃkatā ca jāti, udāhu asayaṃkārā aparaṃkārā adhiccasamuppannā jātī’’ti? ‘‘Na kho, āvuso koṭṭhika, sayaṃkatā jāti, na paraṃkatā jāti, na sayaṃkatā ca paraṃkatā ca jāti, nāpi asayaṃkārā aparaṃkārā adhiccasamuppannā jāti. Api ca, bhavapaccayā jātī’’ti.
‘‘гим̣ ну ко, аавусо саарибуд̇д̇а, саяам̣гад̇о бхаво…бз… саяам̣гад̇ам̣ убаад̣̇аанам̣… саяам̣гад̇аа д̇ан̣хаа… саяам̣гад̇аа взд̣̇анаа… саяам̣гад̇о пассо… саяам̣гад̇ам̣ сал̣ааяад̇анам̣… саяам̣гад̇ам̣ наамаруубам̣, барам̣гад̇ам̣ наамаруубам̣, саяам̣гад̇ан̃жа барам̣гад̇ан̃жа наамаруубам̣, уд̣̇ааху асаяам̣гаарам̣ абарам̣гаарам̣ ад̇хижжасамуббаннам̣ наамарууба’’нд̇и ? ‘‘на ко, аавусо годтига, саяам̣гад̇ам̣ наамаруубам̣, на барам̣гад̇ам̣ наамаруубам̣, на саяам̣гад̇ан̃жа барам̣гад̇ан̃жа наамаруубам̣, нааби асаяам̣гаарам̣ абарам̣гаарам̣, ад̇хижжасамуббаннам̣ наамаруубам̣. аби жа, вин̃н̃аан̣абажжаяаа наамарууба’’нд̇и.
‘‘Kiṃ nu kho, āvuso sāriputta, sayaṃkato bhavo…pe… sayaṃkataṃ upādānaṃ… sayaṃkatā taṇhā… sayaṃkatā vedanā… sayaṃkato phasso… sayaṃkataṃ saḷāyatanaṃ… sayaṃkataṃ nāmarūpaṃ, paraṃkataṃ nāmarūpaṃ, sayaṃkatañca paraṃkatañca nāmarūpaṃ, udāhu asayaṃkāraṃ aparaṃkāraṃ adhiccasamuppannaṃ nāmarūpa’’nti ? ‘‘Na kho, āvuso koṭṭhika, sayaṃkataṃ nāmarūpaṃ, na paraṃkataṃ nāmarūpaṃ, na sayaṃkatañca paraṃkatañca nāmarūpaṃ, nāpi asayaṃkāraṃ aparaṃkāraṃ, adhiccasamuppannaṃ nāmarūpaṃ. Api ca, viññāṇapaccayā nāmarūpa’’nti.
‘‘гим̣ ну ко, аавусо саарибуд̇д̇а, саяан̇гад̇ам̣ вин̃н̃аан̣ам̣, баран̇гад̇ам̣ вин̃н̃аан̣ам̣, саяам̣гад̇ан̃жа барам̣гад̇ан̃жа вин̃н̃аан̣ам̣, уд̣̇ааху асаяам̣гаарам̣ абарам̣гаарам̣ ад̇хижжасамуббаннам̣ вин̃н̃аан̣а’’нд̇и? ‘‘на ко, аавусо годтига, саяам̣гад̇ам̣ вин̃н̃аан̣ам̣, на барам̣гад̇ам̣ вин̃н̃аан̣ам̣ на саяам̣гад̇ан̃жа барам̣гад̇ан̃жа вин̃н̃аан̣ам̣, нааби асаяам̣гаарам̣ абарам̣гаарам̣ ад̇хижжасамуббаннам̣ вин̃н̃аан̣ам̣. аби жа, наамаруубабажжаяаа вин̃н̃аан̣а’’нд̇и.
‘‘Kiṃ nu kho, āvuso sāriputta, sayaṅkataṃ viññāṇaṃ, paraṅkataṃ viññāṇaṃ, sayaṃkatañca paraṃkatañca viññāṇaṃ, udāhu asayaṃkāraṃ aparaṃkāraṃ adhiccasamuppannaṃ viññāṇa’’nti? ‘‘Na kho, āvuso koṭṭhika, sayaṃkataṃ viññāṇaṃ, na paraṃkataṃ viññāṇaṃ na sayaṃkatañca paraṃkatañca viññāṇaṃ, nāpi asayaṃkāraṃ aparaṃkāraṃ adhiccasamuppannaṃ viññāṇaṃ. Api ca, nāmarūpapaccayā viññāṇa’’nti.
‘‘ид̣̇аанзва ко маяам̣ ааяасмад̇о саарибуд̇д̇асса бхаасид̇ам̣ звам̣ ааж̇аанаама – ‘на кваавусо годтига, саяам̣гад̇ам̣ наамаруубам̣, на барам̣гад̇ам̣ наамаруубам̣, на саяам̣гад̇ан̃жа барам̣гад̇ан̃жа наамаруубам̣, нааби асаяам̣гаарам̣ абарам̣гаарам̣ ад̇хижжасамуббаннам̣ наамаруубам̣. аби жа, вин̃н̃аан̣абажжаяаа наамарууба’’’нд̇и.
‘‘Idāneva kho mayaṃ āyasmato sāriputtassa bhāsitaṃ evaṃ ājānāma – ‘na khvāvuso koṭṭhika, sayaṃkataṃ nāmarūpaṃ, na paraṃkataṃ nāmarūpaṃ, na sayaṃkatañca paraṃkatañca nāmarūpaṃ, nāpi asayaṃkāraṃ aparaṃkāraṃ adhiccasamuppannaṃ nāmarūpaṃ. Api ca, viññāṇapaccayā nāmarūpa’’’nti.
‘‘ид̣̇аанзва жа бана маяам̣ ааяасмад̇о саарибуд̇д̇асса бхаасид̇ам̣ звам̣ ааж̇аанаама – ‘на кваавусо годтига, саяам̣гад̇ам̣ вин̃н̃аан̣ам̣, на барам̣гад̇ам̣ вин̃н̃аан̣ам̣, на саяам̣гад̇ан̃жа барам̣гад̇ан̃жа вин̃н̃аан̣ам̣ , нааби асаяам̣гаарам̣ абарам̣гаарам̣ ад̇хижжасамуббаннам̣ вин̃н̃аан̣ам̣. аби жа, наамаруубабажжаяаа вин̃н̃аан̣а’’’нд̇и.
‘‘Idāneva ca pana mayaṃ āyasmato sāriputtassa bhāsitaṃ evaṃ ājānāma – ‘na khvāvuso koṭṭhika, sayaṃkataṃ viññāṇaṃ, na paraṃkataṃ viññāṇaṃ, na sayaṃkatañca paraṃkatañca viññāṇaṃ , nāpi asayaṃkāraṃ aparaṃkāraṃ adhiccasamuppannaṃ viññāṇaṃ. Api ca, nāmarūpapaccayā viññāṇa’’’nti.
‘‘яат̇аа гат̇ам̣ банаавусо саарибуд̇д̇а, имасса бхаасид̇асса ад̇т̇о д̣̇адтаб̣б̣о’’д̇и? ‘‘д̇знахаавусо, убамам̣ д̇з гариссаами. убамааяабид̇хзгажжз вин̃н̃уу бурисаа бхаасид̇асса ад̇т̇ам̣ ж̇аананд̇и. сзяяат̇ааби, аавусо, д̣̇вз нал̣агалаабияо ан̃н̃аман̃н̃ам̣ ниссааяа д̇идтзяяум̣. звамзва ко, аавусо, наамаруубабажжаяаа вин̃н̃аан̣ам̣; вин̃н̃аан̣абажжаяаа наамаруубам̣; наамаруубабажжаяаа сал̣ааяад̇анам̣; сал̣ааяад̇анабажжаяаа пассо…бз… звамзд̇асса гзваласса д̣̇угкагканд̇хасса самуд̣̇аяо ход̇и. д̇аасам̣ жз, аавусо , нал̣агалаабийнам̣ згам̣ аагад̣дхзяяа, згаа бабад̇зяяа; абарам̣ жз аагад̣дхзяяа, абараа бабад̇зяяа. звамзва ко, аавусо, наамаруубанирод̇хаа вин̃н̃аан̣анирод̇хо; вин̃н̃аан̣анирод̇хаа наамаруубанирод̇хо; наамаруубанирод̇хаа сал̣ааяад̇ананирод̇хо; сал̣ааяад̇ананирод̇хаа пассанирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и. ‘‘ажчарияам̣ , аавусо саарибуд̇д̇а; аб̣бхуд̇ам̣, аавусо саарибуд̇д̇а! яаавасубхаасид̇ам̣ жид̣̇ам̣ ааяасмад̇аа саарибуд̇д̇зна. ид̣̇ан̃жа бана маяам̣ ааяасмад̇о саарибуд̇д̇асса бхаасид̇ам̣ имзхи чад̇д̇им̣сааяа вад̇т̇уухи анумод̣̇аама – ‘ж̇араамаран̣асса жз, аавусо, бхигку ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, д̇хаммагат̇иго бхигкууд̇и алам̣ важанааяа. ж̇араамаран̣асса жз, аавусо, бхигку ниб̣б̣ид̣̇ааяа вирааг̇ааяа нирод̇хааяа бадибанно ход̇и, д̇хаммаануд̇хаммаббадибанно бхигкууд̇и алам̣ важанааяа. ж̇араамаран̣асса жз, аавусо, бхигку ниб̣б̣ид̣̇аа вирааг̇аа нирод̇хаа анубаад̣̇аа вимуд̇д̇о ход̇и, д̣̇идтад̇хамманиб̣б̣аанаббад̇д̇о бхигкууд̇и алам̣ важанааяа. ж̇аад̇ияаа жз… бхавасса жз… убаад̣̇аанасса жз… д̇ан̣хааяа жз… взд̣̇анааяа жз… пассасса жз… сал̣ааяад̇анасса жз… наамаруубасса жз… вин̃н̃аан̣асса жз… сан̇каараанам̣ жз… авиж̇ж̇ааяа жз, аавусо, бхигку ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, д̇хаммагат̇иго бхигкууд̇и алам̣ важанааяа. авиж̇ж̇ааяа жз, аавусо, бхигку ниб̣б̣ид̣̇ааяа вирааг̇ааяа нирод̇хааяа бадибанно ход̇и, д̇хаммаануд̇хаммаббадибанно бхигкууд̇и алам̣ важанааяа . авиж̇ж̇ааяа жз, аавусо, бхигку ниб̣б̣ид̣̇аа вирааг̇аа нирод̇хаа анубаад̣̇аа вимуд̇д̇о ход̇и, д̣̇идтад̇хамманиб̣б̣аанаббад̇д̇о бхигкууд̇и алам̣ важанааяаа’’’д̇и. сад̇д̇амам̣.
‘‘Yathā kathaṃ panāvuso sāriputta, imassa bhāsitassa attho daṭṭhabbo’’ti? ‘‘Tenahāvuso, upamaṃ te karissāmi. Upamāyapidhekacce viññū purisā bhāsitassa atthaṃ jānanti. Seyyathāpi, āvuso, dve naḷakalāpiyo aññamaññaṃ nissāya tiṭṭheyyuṃ. Evameva kho, āvuso, nāmarūpapaccayā viññāṇaṃ; viññāṇapaccayā nāmarūpaṃ; nāmarūpapaccayā saḷāyatanaṃ; saḷāyatanapaccayā phasso…pe… evametassa kevalassa dukkhakkhandhassa samudayo hoti. Tāsaṃ ce, āvuso , naḷakalāpīnaṃ ekaṃ ākaḍḍheyya, ekā papateyya; aparaṃ ce ākaḍḍheyya, aparā papateyya. Evameva kho, āvuso, nāmarūpanirodhā viññāṇanirodho; viññāṇanirodhā nāmarūpanirodho; nāmarūpanirodhā saḷāyatananirodho; saḷāyatananirodhā phassanirodho…pe… evametassa kevalassa dukkhakkhandhassa nirodho hotī’’ti. ‘‘Acchariyaṃ , āvuso sāriputta; abbhutaṃ, āvuso sāriputta! Yāvasubhāsitaṃ cidaṃ āyasmatā sāriputtena. Idañca pana mayaṃ āyasmato sāriputtassa bhāsitaṃ imehi chattiṃsāya vatthūhi anumodāma – ‘jarāmaraṇassa ce, āvuso, bhikkhu nibbidāya virāgāya nirodhāya dhammaṃ deseti, dhammakathiko bhikkhūti alaṃ vacanāya. Jarāmaraṇassa ce, āvuso, bhikkhu nibbidāya virāgāya nirodhāya paṭipanno hoti, dhammānudhammappaṭipanno bhikkhūti alaṃ vacanāya. Jarāmaraṇassa ce, āvuso, bhikkhu nibbidā virāgā nirodhā anupādā vimutto hoti, diṭṭhadhammanibbānappatto bhikkhūti alaṃ vacanāya. Jātiyā ce… bhavassa ce… upādānassa ce… taṇhāya ce… vedanāya ce… phassassa ce… saḷāyatanassa ce… nāmarūpassa ce… viññāṇassa ce… saṅkhārānaṃ ce… avijjāya ce, āvuso, bhikkhu nibbidāya virāgāya nirodhāya dhammaṃ deseti, dhammakathiko bhikkhūti alaṃ vacanāya. Avijjāya ce, āvuso, bhikkhu nibbidāya virāgāya nirodhāya paṭipanno hoti, dhammānudhammappaṭipanno bhikkhūti alaṃ vacanāya . Avijjāya ce, āvuso, bhikkhu nibbidā virāgā nirodhā anupādā vimutto hoti, diṭṭhadhammanibbānappatto bhikkhūti alaṃ vacanāyā’’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. нал̣агалаабийсуд̇д̇аван̣н̣анаа • 7. Naḷakalāpīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. нал̣агалаабийсуд̇д̇аван̣н̣анаа • 7. Naḷakalāpīsuttavaṇṇanā
