| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੭. ਨਲ਼ਕਲਾਪੀਸੁਤ੍ਤਂ
7. Naḷakalāpīsuttaṃ
੬੭. ਏਕਂ ਸਮਯਂ ਆਯਸ੍ਮਾ ਚ ਸਾਰਿਪੁਤ੍ਤੋ ਆਯਸ੍ਮਾ ਚ ਮਹਾਕੋਟ੍ਠਿਕੋ 1 ਬਾਰਾਣਸਿਯਂ વਿਹਰਨ੍ਤਿ ਇਸਿਪਤਨੇ ਮਿਗਦਾਯੇ। ਅਥ ਖੋ ਆਯਸ੍ਮਾ ਮਹਾਕੋਟ੍ਠਿਕੋ ਸਾਯਨ੍ਹਸਮਯਂ ਪਟਿਸਲ੍ਲਾਨਾ વੁਟ੍ਠਿਤੋ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਤਾ ਸਾਰਿਪੁਤ੍ਤੇਨ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਮਹਾਕੋਟ੍ਠਿਕੋ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਏਤਦવੋਚ – ‘‘ਕਿਂ ਨੁ ਖੋ, ਆવੁਸੋ ਸਾਰਿਪੁਤ੍ਤ, ਸਯਂਕਤਂ ਜਰਾਮਰਣਂ, ਪਰਂਕਤਂ ਜਰਾਮਰਣਂ, ਸਯਂਕਤਞ੍ਚ ਪਰਂਕਤਞ੍ਚ ਜਰਾਮਰਣਂ, ਉਦਾਹੁ ਅਸਯਂਕਾਰਂ ਅਪਰਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ ਜਰਾਮਰਣ’’ਨ੍ਤਿ? ‘‘ਨ ਖੋ, ਆવੁਸੋ ਕੋਟ੍ਠਿਕ, ਸਯਂਕਤਂ ਜਰਾਮਰਣਂ, ਨ ਪਰਂਕਤਂ ਜਰਾਮਰਣਂ, ਨ ਸਯਂਕਤਞ੍ਚ ਪਰਂਕਤਞ੍ਚ ਜਰਾਮਰਣਂ, ਨਾਪਿ ਅਸਯਂਕਾਰਂ ਅਪਰਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ ਜਰਾਮਰਣਂ। ਅਪਿ ਚ, ਜਾਤਿਪਚ੍ਚਯਾ ਜਰਾਮਰਣ’’ਨ੍ਤਿ।
67. Ekaṃ samayaṃ āyasmā ca sāriputto āyasmā ca mahākoṭṭhiko 2 bārāṇasiyaṃ viharanti isipatane migadāye. Atha kho āyasmā mahākoṭṭhiko sāyanhasamayaṃ paṭisallānā vuṭṭhito yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā mahākoṭṭhiko āyasmantaṃ sāriputtaṃ etadavoca – ‘‘kiṃ nu kho, āvuso sāriputta, sayaṃkataṃ jarāmaraṇaṃ, paraṃkataṃ jarāmaraṇaṃ, sayaṃkatañca paraṃkatañca jarāmaraṇaṃ, udāhu asayaṃkāraṃ aparaṃkāraṃ adhiccasamuppannaṃ jarāmaraṇa’’nti? ‘‘Na kho, āvuso koṭṭhika, sayaṃkataṃ jarāmaraṇaṃ, na paraṃkataṃ jarāmaraṇaṃ, na sayaṃkatañca paraṃkatañca jarāmaraṇaṃ, nāpi asayaṃkāraṃ aparaṃkāraṃ adhiccasamuppannaṃ jarāmaraṇaṃ. Api ca, jātipaccayā jarāmaraṇa’’nti.
‘‘ਕਿਂ ਨੁ ਖੋ, ਆવੁਸੋ ਸਾਰਿਪੁਤ੍ਤ, ਸਯਂਕਤਾ ਜਾਤਿ, ਪਰਂਕਤਾ ਜਾਤਿ, ਸਯਂਕਤਾ ਚ ਪਰਂਕਤਾ ਚ ਜਾਤਿ, ਉਦਾਹੁ ਅਸਯਂਕਾਰਾ ਅਪਰਂਕਾਰਾ ਅਧਿਚ੍ਚਸਮੁਪ੍ਪਨ੍ਨਾ ਜਾਤੀ’’ਤਿ? ‘‘ਨ ਖੋ, ਆવੁਸੋ ਕੋਟ੍ਠਿਕ, ਸਯਂਕਤਾ ਜਾਤਿ, ਨ ਪਰਂਕਤਾ ਜਾਤਿ, ਨ ਸਯਂਕਤਾ ਚ ਪਰਂਕਤਾ ਚ ਜਾਤਿ, ਨਾਪਿ ਅਸਯਂਕਾਰਾ ਅਪਰਂਕਾਰਾ ਅਧਿਚ੍ਚਸਮੁਪ੍ਪਨ੍ਨਾ ਜਾਤਿ। ਅਪਿ ਚ, ਭવਪਚ੍ਚਯਾ ਜਾਤੀ’’ਤਿ।
‘‘Kiṃ nu kho, āvuso sāriputta, sayaṃkatā jāti, paraṃkatā jāti, sayaṃkatā ca paraṃkatā ca jāti, udāhu asayaṃkārā aparaṃkārā adhiccasamuppannā jātī’’ti? ‘‘Na kho, āvuso koṭṭhika, sayaṃkatā jāti, na paraṃkatā jāti, na sayaṃkatā ca paraṃkatā ca jāti, nāpi asayaṃkārā aparaṃkārā adhiccasamuppannā jāti. Api ca, bhavapaccayā jātī’’ti.
‘‘ਕਿਂ ਨੁ ਖੋ, ਆવੁਸੋ ਸਾਰਿਪੁਤ੍ਤ, ਸਯਂਕਤੋ ਭવੋ…ਪੇ॰… ਸਯਂਕਤਂ ਉਪਾਦਾਨਂ… ਸਯਂਕਤਾ ਤਣ੍ਹਾ… ਸਯਂਕਤਾ વੇਦਨਾ… ਸਯਂਕਤੋ ਫਸ੍ਸੋ… ਸਯਂਕਤਂ ਸਲ਼ਾਯਤਨਂ… ਸਯਂਕਤਂ ਨਾਮਰੂਪਂ, ਪਰਂਕਤਂ ਨਾਮਰੂਪਂ, ਸਯਂਕਤਞ੍ਚ ਪਰਂਕਤਞ੍ਚ ਨਾਮਰੂਪਂ, ਉਦਾਹੁ ਅਸਯਂਕਾਰਂ ਅਪਰਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ ਨਾਮਰੂਪ’’ਨ੍ਤਿ ? ‘‘ਨ ਖੋ, ਆવੁਸੋ ਕੋਟ੍ਠਿਕ, ਸਯਂਕਤਂ ਨਾਮਰੂਪਂ, ਨ ਪਰਂਕਤਂ ਨਾਮਰੂਪਂ, ਨ ਸਯਂਕਤਞ੍ਚ ਪਰਂਕਤਞ੍ਚ ਨਾਮਰੂਪਂ, ਨਾਪਿ ਅਸਯਂਕਾਰਂ ਅਪਰਂਕਾਰਂ, ਅਧਿਚ੍ਚਸਮੁਪ੍ਪਨ੍ਨਂ ਨਾਮਰੂਪਂ। ਅਪਿ ਚ, વਿਞ੍ਞਾਣਪਚ੍ਚਯਾ ਨਾਮਰੂਪ’’ਨ੍ਤਿ।
‘‘Kiṃ nu kho, āvuso sāriputta, sayaṃkato bhavo…pe… sayaṃkataṃ upādānaṃ… sayaṃkatā taṇhā… sayaṃkatā vedanā… sayaṃkato phasso… sayaṃkataṃ saḷāyatanaṃ… sayaṃkataṃ nāmarūpaṃ, paraṃkataṃ nāmarūpaṃ, sayaṃkatañca paraṃkatañca nāmarūpaṃ, udāhu asayaṃkāraṃ aparaṃkāraṃ adhiccasamuppannaṃ nāmarūpa’’nti ? ‘‘Na kho, āvuso koṭṭhika, sayaṃkataṃ nāmarūpaṃ, na paraṃkataṃ nāmarūpaṃ, na sayaṃkatañca paraṃkatañca nāmarūpaṃ, nāpi asayaṃkāraṃ aparaṃkāraṃ, adhiccasamuppannaṃ nāmarūpaṃ. Api ca, viññāṇapaccayā nāmarūpa’’nti.
‘‘ਕਿਂ ਨੁ ਖੋ, ਆવੁਸੋ ਸਾਰਿਪੁਤ੍ਤ, ਸਯਙ੍ਕਤਂ વਿਞ੍ਞਾਣਂ, ਪਰਙ੍ਕਤਂ વਿਞ੍ਞਾਣਂ, ਸਯਂਕਤਞ੍ਚ ਪਰਂਕਤਞ੍ਚ વਿਞ੍ਞਾਣਂ, ਉਦਾਹੁ ਅਸਯਂਕਾਰਂ ਅਪਰਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ વਿਞ੍ਞਾਣ’’ਨ੍ਤਿ? ‘‘ਨ ਖੋ, ਆવੁਸੋ ਕੋਟ੍ਠਿਕ, ਸਯਂਕਤਂ વਿਞ੍ਞਾਣਂ, ਨ ਪਰਂਕਤਂ વਿਞ੍ਞਾਣਂ ਨ ਸਯਂਕਤਞ੍ਚ ਪਰਂਕਤਞ੍ਚ વਿਞ੍ਞਾਣਂ, ਨਾਪਿ ਅਸਯਂਕਾਰਂ ਅਪਰਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ વਿਞ੍ਞਾਣਂ। ਅਪਿ ਚ, ਨਾਮਰੂਪਪਚ੍ਚਯਾ વਿਞ੍ਞਾਣ’’ਨ੍ਤਿ।
‘‘Kiṃ nu kho, āvuso sāriputta, sayaṅkataṃ viññāṇaṃ, paraṅkataṃ viññāṇaṃ, sayaṃkatañca paraṃkatañca viññāṇaṃ, udāhu asayaṃkāraṃ aparaṃkāraṃ adhiccasamuppannaṃ viññāṇa’’nti? ‘‘Na kho, āvuso koṭṭhika, sayaṃkataṃ viññāṇaṃ, na paraṃkataṃ viññāṇaṃ na sayaṃkatañca paraṃkatañca viññāṇaṃ, nāpi asayaṃkāraṃ aparaṃkāraṃ adhiccasamuppannaṃ viññāṇaṃ. Api ca, nāmarūpapaccayā viññāṇa’’nti.
‘‘ਇਦਾਨੇવ ਖੋ ਮਯਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਭਾਸਿਤਂ ਏવਂ ਆਜਾਨਾਮ – ‘ਨ ਖ੍વਾવੁਸੋ ਕੋਟ੍ਠਿਕ, ਸਯਂਕਤਂ ਨਾਮਰੂਪਂ, ਨ ਪਰਂਕਤਂ ਨਾਮਰੂਪਂ, ਨ ਸਯਂਕਤਞ੍ਚ ਪਰਂਕਤਞ੍ਚ ਨਾਮਰੂਪਂ, ਨਾਪਿ ਅਸਯਂਕਾਰਂ ਅਪਰਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ ਨਾਮਰੂਪਂ। ਅਪਿ ਚ, વਿਞ੍ਞਾਣਪਚ੍ਚਯਾ ਨਾਮਰੂਪ’’’ਨ੍ਤਿ।
‘‘Idāneva kho mayaṃ āyasmato sāriputtassa bhāsitaṃ evaṃ ājānāma – ‘na khvāvuso koṭṭhika, sayaṃkataṃ nāmarūpaṃ, na paraṃkataṃ nāmarūpaṃ, na sayaṃkatañca paraṃkatañca nāmarūpaṃ, nāpi asayaṃkāraṃ aparaṃkāraṃ adhiccasamuppannaṃ nāmarūpaṃ. Api ca, viññāṇapaccayā nāmarūpa’’’nti.
‘‘ਇਦਾਨੇવ ਚ ਪਨ ਮਯਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਭਾਸਿਤਂ ਏવਂ ਆਜਾਨਾਮ – ‘ਨ ਖ੍વਾવੁਸੋ ਕੋਟ੍ਠਿਕ, ਸਯਂਕਤਂ વਿਞ੍ਞਾਣਂ, ਨ ਪਰਂਕਤਂ વਿਞ੍ਞਾਣਂ, ਨ ਸਯਂਕਤਞ੍ਚ ਪਰਂਕਤਞ੍ਚ વਿਞ੍ਞਾਣਂ , ਨਾਪਿ ਅਸਯਂਕਾਰਂ ਅਪਰਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ વਿਞ੍ਞਾਣਂ। ਅਪਿ ਚ, ਨਾਮਰੂਪਪਚ੍ਚਯਾ વਿਞ੍ਞਾਣ’’’ਨ੍ਤਿ।
‘‘Idāneva ca pana mayaṃ āyasmato sāriputtassa bhāsitaṃ evaṃ ājānāma – ‘na khvāvuso koṭṭhika, sayaṃkataṃ viññāṇaṃ, na paraṃkataṃ viññāṇaṃ, na sayaṃkatañca paraṃkatañca viññāṇaṃ , nāpi asayaṃkāraṃ aparaṃkāraṃ adhiccasamuppannaṃ viññāṇaṃ. Api ca, nāmarūpapaccayā viññāṇa’’’nti.
‘‘ਯਥਾ ਕਥਂ ਪਨਾવੁਸੋ ਸਾਰਿਪੁਤ੍ਤ, ਇਮਸ੍ਸ ਭਾਸਿਤਸ੍ਸ ਅਤ੍ਥੋ ਦਟ੍ਠਬ੍ਬੋ’’ਤਿ? ‘‘ਤੇਨਹਾવੁਸੋ, ਉਪਮਂ ਤੇ ਕਰਿਸ੍ਸਾਮਿ। ਉਪਮਾਯਪਿਧੇਕਚ੍ਚੇ વਿਞ੍ਞੂ ਪੁਰਿਸਾ ਭਾਸਿਤਸ੍ਸ ਅਤ੍ਥਂ ਜਾਨਨ੍ਤਿ। ਸੇਯ੍ਯਥਾਪਿ, ਆવੁਸੋ, ਦ੍વੇ ਨਲ਼ਕਲਾਪਿਯੋ ਅਞ੍ਞਮਞ੍ਞਂ ਨਿਸ੍ਸਾਯ ਤਿਟ੍ਠੇਯ੍ਯੁਂ। ਏવਮੇવ ਖੋ, ਆવੁਸੋ, ਨਾਮਰੂਪਪਚ੍ਚਯਾ વਿਞ੍ਞਾਣਂ; વਿਞ੍ਞਾਣਪਚ੍ਚਯਾ ਨਾਮਰੂਪਂ; ਨਾਮਰੂਪਪਚ੍ਚਯਾ ਸਲ਼ਾਯਤਨਂ; ਸਲ਼ਾਯਤਨਪਚ੍ਚਯਾ ਫਸ੍ਸੋ…ਪੇ॰… ਏવਮੇਤਸ੍ਸ ਕੇવਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਸਮੁਦਯੋ ਹੋਤਿ। ਤਾਸਂ ਚੇ, ਆવੁਸੋ , ਨਲ਼ਕਲਾਪੀਨਂ ਏਕਂ ਆਕਡ੍ਢੇਯ੍ਯ, ਏਕਾ ਪਪਤੇਯ੍ਯ; ਅਪਰਂ ਚੇ ਆਕਡ੍ਢੇਯ੍ਯ, ਅਪਰਾ ਪਪਤੇਯ੍ਯ। ਏવਮੇવ ਖੋ, ਆવੁਸੋ, ਨਾਮਰੂਪਨਿਰੋਧਾ વਿਞ੍ਞਾਣਨਿਰੋਧੋ; વਿਞ੍ਞਾਣਨਿਰੋਧਾ ਨਾਮਰੂਪਨਿਰੋਧੋ; ਨਾਮਰੂਪਨਿਰੋਧਾ ਸਲ਼ਾਯਤਨਨਿਰੋਧੋ; ਸਲ਼ਾਯਤਨਨਿਰੋਧਾ ਫਸ੍ਸਨਿਰੋਧੋ…ਪੇ॰… ਏવਮੇਤਸ੍ਸ ਕੇવਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਨਿਰੋਧੋ ਹੋਤੀ’’ਤਿ। ‘‘ਅਚ੍ਛਰਿਯਂ , ਆવੁਸੋ ਸਾਰਿਪੁਤ੍ਤ; ਅਬ੍ਭੁਤਂ, ਆવੁਸੋ ਸਾਰਿਪੁਤ੍ਤ! ਯਾવਸੁਭਾਸਿਤਂ ਚਿਦਂ ਆਯਸ੍ਮਤਾ ਸਾਰਿਪੁਤ੍ਤੇਨ। ਇਦਞ੍ਚ ਪਨ ਮਯਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਭਾਸਿਤਂ ਇਮੇਹਿ ਛਤ੍ਤਿਂਸਾਯ વਤ੍ਥੂਹਿ ਅਨੁਮੋਦਾਮ – ‘ਜਰਾਮਰਣਸ੍ਸ ਚੇ, ਆવੁਸੋ, ਭਿਕ੍ਖੁ ਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਧਮ੍ਮਂ ਦੇਸੇਤਿ, ਧਮ੍ਮਕਥਿਕੋ ਭਿਕ੍ਖੂਤਿ ਅਲਂ વਚਨਾਯ। ਜਰਾਮਰਣਸ੍ਸ ਚੇ, ਆવੁਸੋ, ਭਿਕ੍ਖੁ ਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਪਟਿਪਨ੍ਨੋ ਹੋਤਿ, ਧਮ੍ਮਾਨੁਧਮ੍ਮਪ੍ਪਟਿਪਨ੍ਨੋ ਭਿਕ੍ਖੂਤਿ ਅਲਂ વਚਨਾਯ। ਜਰਾਮਰਣਸ੍ਸ ਚੇ, ਆવੁਸੋ, ਭਿਕ੍ਖੁ ਨਿਬ੍ਬਿਦਾ વਿਰਾਗਾ ਨਿਰੋਧਾ ਅਨੁਪਾਦਾ વਿਮੁਤ੍ਤੋ ਹੋਤਿ, ਦਿਟ੍ਠਧਮ੍ਮਨਿਬ੍ਬਾਨਪ੍ਪਤ੍ਤੋ ਭਿਕ੍ਖੂਤਿ ਅਲਂ વਚਨਾਯ। ਜਾਤਿਯਾ ਚੇ… ਭવਸ੍ਸ ਚੇ… ਉਪਾਦਾਨਸ੍ਸ ਚੇ… ਤਣ੍ਹਾਯ ਚੇ… વੇਦਨਾਯ ਚੇ… ਫਸ੍ਸਸ੍ਸ ਚੇ… ਸਲ਼ਾਯਤਨਸ੍ਸ ਚੇ… ਨਾਮਰੂਪਸ੍ਸ ਚੇ… વਿਞ੍ਞਾਣਸ੍ਸ ਚੇ… ਸਙ੍ਖਾਰਾਨਂ ਚੇ… ਅવਿਜ੍ਜਾਯ ਚੇ, ਆવੁਸੋ, ਭਿਕ੍ਖੁ ਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਧਮ੍ਮਂ ਦੇਸੇਤਿ, ਧਮ੍ਮਕਥਿਕੋ ਭਿਕ੍ਖੂਤਿ ਅਲਂ વਚਨਾਯ। ਅવਿਜ੍ਜਾਯ ਚੇ, ਆવੁਸੋ, ਭਿਕ੍ਖੁ ਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਪਟਿਪਨ੍ਨੋ ਹੋਤਿ, ਧਮ੍ਮਾਨੁਧਮ੍ਮਪ੍ਪਟਿਪਨ੍ਨੋ ਭਿਕ੍ਖੂਤਿ ਅਲਂ વਚਨਾਯ । ਅવਿਜ੍ਜਾਯ ਚੇ, ਆવੁਸੋ, ਭਿਕ੍ਖੁ ਨਿਬ੍ਬਿਦਾ વਿਰਾਗਾ ਨਿਰੋਧਾ ਅਨੁਪਾਦਾ વਿਮੁਤ੍ਤੋ ਹੋਤਿ, ਦਿਟ੍ਠਧਮ੍ਮਨਿਬ੍ਬਾਨਪ੍ਪਤ੍ਤੋ ਭਿਕ੍ਖੂਤਿ ਅਲਂ વਚਨਾਯਾ’’’ਤਿ। ਸਤ੍ਤਮਂ।
‘‘Yathā kathaṃ panāvuso sāriputta, imassa bhāsitassa attho daṭṭhabbo’’ti? ‘‘Tenahāvuso, upamaṃ te karissāmi. Upamāyapidhekacce viññū purisā bhāsitassa atthaṃ jānanti. Seyyathāpi, āvuso, dve naḷakalāpiyo aññamaññaṃ nissāya tiṭṭheyyuṃ. Evameva kho, āvuso, nāmarūpapaccayā viññāṇaṃ; viññāṇapaccayā nāmarūpaṃ; nāmarūpapaccayā saḷāyatanaṃ; saḷāyatanapaccayā phasso…pe… evametassa kevalassa dukkhakkhandhassa samudayo hoti. Tāsaṃ ce, āvuso , naḷakalāpīnaṃ ekaṃ ākaḍḍheyya, ekā papateyya; aparaṃ ce ākaḍḍheyya, aparā papateyya. Evameva kho, āvuso, nāmarūpanirodhā viññāṇanirodho; viññāṇanirodhā nāmarūpanirodho; nāmarūpanirodhā saḷāyatananirodho; saḷāyatananirodhā phassanirodho…pe… evametassa kevalassa dukkhakkhandhassa nirodho hotī’’ti. ‘‘Acchariyaṃ , āvuso sāriputta; abbhutaṃ, āvuso sāriputta! Yāvasubhāsitaṃ cidaṃ āyasmatā sāriputtena. Idañca pana mayaṃ āyasmato sāriputtassa bhāsitaṃ imehi chattiṃsāya vatthūhi anumodāma – ‘jarāmaraṇassa ce, āvuso, bhikkhu nibbidāya virāgāya nirodhāya dhammaṃ deseti, dhammakathiko bhikkhūti alaṃ vacanāya. Jarāmaraṇassa ce, āvuso, bhikkhu nibbidāya virāgāya nirodhāya paṭipanno hoti, dhammānudhammappaṭipanno bhikkhūti alaṃ vacanāya. Jarāmaraṇassa ce, āvuso, bhikkhu nibbidā virāgā nirodhā anupādā vimutto hoti, diṭṭhadhammanibbānappatto bhikkhūti alaṃ vacanāya. Jātiyā ce… bhavassa ce… upādānassa ce… taṇhāya ce… vedanāya ce… phassassa ce… saḷāyatanassa ce… nāmarūpassa ce… viññāṇassa ce… saṅkhārānaṃ ce… avijjāya ce, āvuso, bhikkhu nibbidāya virāgāya nirodhāya dhammaṃ deseti, dhammakathiko bhikkhūti alaṃ vacanāya. Avijjāya ce, āvuso, bhikkhu nibbidāya virāgāya nirodhāya paṭipanno hoti, dhammānudhammappaṭipanno bhikkhūti alaṃ vacanāya . Avijjāya ce, āvuso, bhikkhu nibbidā virāgā nirodhā anupādā vimutto hoti, diṭṭhadhammanibbānappatto bhikkhūti alaṃ vacanāyā’’’ti. Sattamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਨਲ਼ਕਲਾਪੀਸੁਤ੍ਤવਣ੍ਣਨਾ • 7. Naḷakalāpīsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਨਲ਼ਕਲਾਪੀਸੁਤ੍ਤવਣ੍ਣਨਾ • 7. Naḷakalāpīsuttavaṇṇanā
