| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. நளகலாபீஸுத்தவண்ணனா
7. Naḷakalāpīsuttavaṇṇanā
67. ஸத்தமே கின்னு கோ², ஆவுஸோதி கஸ்மா புச்ச²தி? ‘‘ஏவங் புட்டோ² கத²ங் நு கோ² ப்³யாகரெய்யா’’தி. தே²ரஸ்ஸ அஜ்ஜா²ஸயஜானநத்த²ங். அபிச அதீதே த்³வே அக்³க³ஸாவகா இமங் பஞ்ஹங் வினிச்ச²யிங்ஸூதி அனாக³தே பி⁴க்கூ² ஜானிஸ்ஸந்தீதிபி புச்ச²தி. இதா³னேவ கோ² மயந்தி இத³ங் தே²ரோ யஸ்ஸ நாமரூபஸ்ஸ விஞ்ஞாணங் பச்சயோதி வுத்தங், ததே³வ நாமரூபங் விஞ்ஞாணஸ்ஸ பச்சயோதி வுத்தத்தா ஆஹ . நளகலாபியோதி இத⁴ பன அயகலாபாதி³வஸேன உபமங் அனாஹரித்வா விஞ்ஞாணனாமரூபானங் அப³லது³ப்³ப³லபா⁴வத³ஸ்ஸனத்த²ங் அயங் உபமா ஆப⁴தா.
67. Sattame kinnu kho, āvusoti kasmā pucchati? ‘‘Evaṃ puṭṭho kathaṃ nu kho byākareyyā’’ti. Therassa ajjhāsayajānanatthaṃ. Apica atīte dve aggasāvakā imaṃ pañhaṃ vinicchayiṃsūti anāgate bhikkhū jānissantītipi pucchati. Idāneva kho mayanti idaṃ thero yassa nāmarūpassa viññāṇaṃ paccayoti vuttaṃ, tadeva nāmarūpaṃ viññāṇassa paccayoti vuttattā āha . Naḷakalāpiyoti idha pana ayakalāpādivasena upamaṃ anāharitvā viññāṇanāmarūpānaṃ abaladubbalabhāvadassanatthaṃ ayaṃ upamā ābhatā.
நிரோதோ⁴ ஹோதீதி எத்தகே டா²னே பச்சயுப்பன்னபஞ்சவோகாரப⁴வவஸேன தே³ஸனா கதி²தா. ச²த்திங்ஸாய வத்தூ²ஹீதி ஹெட்டா² விஸ்ஸஜ்ஜிதேஸு த்³வாத³ஸஸு பதே³ஸு ஏகேகஸ்மிங் திண்ணங் திண்ணங் வஸேன ச²த்திங்ஸாய காரணேஹி. எத்த² ச பட²மோ த⁴ம்மகதி²ககு³ணோ, து³தியா படிபத்தி, ததியங் படிபத்திப²லங். தத்த² பட²மனயேன தே³ஸனாஸம்பத்தி கதி²தா, து³தியேன ஸெக்க²பூ⁴மி, ததியேன அஸெக்க²பூ⁴மீதி. ஸத்தமங்.
Nirodho hotīti ettake ṭhāne paccayuppannapañcavokārabhavavasena desanā kathitā. Chattiṃsāya vatthūhīti heṭṭhā vissajjitesu dvādasasu padesu ekekasmiṃ tiṇṇaṃ tiṇṇaṃ vasena chattiṃsāya kāraṇehi. Ettha ca paṭhamo dhammakathikaguṇo, dutiyā paṭipatti, tatiyaṃ paṭipattiphalaṃ. Tattha paṭhamanayena desanāsampatti kathitā, dutiyena sekkhabhūmi, tatiyena asekkhabhūmīti. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. நளகலாபீஸுத்தங் • 7. Naḷakalāpīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. நளகலாபீஸுத்தவண்ணனா • 7. Naḷakalāpīsuttavaṇṇanā
