| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. নল়কলাপীসুত্তৰণ্ণনা
7. Naḷakalāpīsuttavaṇṇanā
৬৭. সত্তমে কিন্নু খো, আৰুসোতি কস্মা পুচ্ছতি? ‘‘এৰং পুট্ঠো কথং নু খো ব্যাকরেয্যা’’তি। থেরস্স অজ্ঝাসযজাননত্থং। অপিচ অতীতে দ্ৰে অগ্গসাৰকা ইমং পঞ্হং ৰিনিচ্ছযিংসূতি অনাগতে ভিক্খূ জানিস্সন্তীতিপি পুচ্ছতি। ইদানেৰ খো মযন্তি ইদং থেরো যস্স নামরূপস্স ৰিঞ্ঞাণং পচ্চযোতি ৰুত্তং, তদেৰ নামরূপং ৰিঞ্ঞাণস্স পচ্চযোতি ৰুত্তত্তা আহ । নল়কলাপিযোতি ইধ পন অযকলাপাদিৰসেন উপমং অনাহরিত্ৰা ৰিঞ্ঞাণনামরূপানং অবলদুব্বলভাৰদস্সনত্থং অযং উপমা আভতা।
67. Sattame kinnu kho, āvusoti kasmā pucchati? ‘‘Evaṃ puṭṭho kathaṃ nu kho byākareyyā’’ti. Therassa ajjhāsayajānanatthaṃ. Apica atīte dve aggasāvakā imaṃ pañhaṃ vinicchayiṃsūti anāgate bhikkhū jānissantītipi pucchati. Idāneva kho mayanti idaṃ thero yassa nāmarūpassa viññāṇaṃ paccayoti vuttaṃ, tadeva nāmarūpaṃ viññāṇassa paccayoti vuttattā āha . Naḷakalāpiyoti idha pana ayakalāpādivasena upamaṃ anāharitvā viññāṇanāmarūpānaṃ abaladubbalabhāvadassanatthaṃ ayaṃ upamā ābhatā.
নিরোধো হোতীতি এত্তকে ঠানে পচ্চযুপ্পন্নপঞ্চৰোকারভৰৰসেন দেসনা কথিতা। ছত্তিংসায ৰত্থূহীতি হেট্ঠা ৰিস্সজ্জিতেসু দ্ৰাদসসু পদেসু একেকস্মিং তিণ্ণং তিণ্ণং ৰসেন ছত্তিংসায কারণেহি। এত্থ চ পঠমো ধম্মকথিকগুণো, দুতিযা পটিপত্তি, ততিযং পটিপত্তিফলং। তত্থ পঠমনযেন দেসনাসম্পত্তি কথিতা, দুতিযেন সেক্খভূমি, ততিযেন অসেক্খভূমীতি। সত্তমং।
Nirodho hotīti ettake ṭhāne paccayuppannapañcavokārabhavavasena desanā kathitā. Chattiṃsāya vatthūhīti heṭṭhā vissajjitesu dvādasasu padesu ekekasmiṃ tiṇṇaṃ tiṇṇaṃ vasena chattiṃsāya kāraṇehi. Ettha ca paṭhamo dhammakathikaguṇo, dutiyā paṭipatti, tatiyaṃ paṭipattiphalaṃ. Tattha paṭhamanayena desanāsampatti kathitā, dutiyena sekkhabhūmi, tatiyena asekkhabhūmīti. Sattamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. নল়কলাপীসুত্তং • 7. Naḷakalāpīsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. নল়কলাপীসুত্তৰণ্ণনা • 7. Naḷakalāpīsuttavaṇṇanā
