| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. нал̣агалаабийсуд̇д̇аван̣н̣анаа
7. Naḷakalāpīsuttavaṇṇanā
67. сад̇д̇амз гасмаа бужчад̇ийд̇и махаагодтигад̇т̇зро саяам̣ д̇ад̇т̇а нигган̇ко самаано гасмаа бужчад̇ийд̇и ад̇хиббааяо. аж̇жхаасаяаж̇аананад̇т̇анд̇и ид̣̇амби д̇асса махаасаавагасса баражид̇д̇аж̇аананзна аббаадихийрам̣ сияаа, д̇зна д̇ам̣ абарид̇уссанд̇о ‘‘абижаа’’д̇иаад̣̇имааха. д̇ад̇т̇а д̣̇вз аг̇г̇асаавагаад̇и сийлаад̣̇иг̇ун̣зхи уд̇д̇амасаавагаад̇и ад̇т̇о, на хи махаагодтигад̇т̇зро аг̇г̇асаавагалагкан̣аббад̇д̇о, ат̇а ко махаасаавагалагкан̣аббад̇д̇о. ид̣̇аанзва ко маяанд̇иаад̣̇и хздтаа бажжаяуббаннам̣ анаалол̣знд̇зна д̣̇ассзд̇ваа д̣̇зсанаа аахадаа, на ан̃н̃аман̃н̃абажжаяад̇аавасзна, ид̇ха бана язнаад̇хиббааязна д̇ам̣ аалол̣зд̇ваа нивад̇д̇зд̇ваа гат̇ид̇ам̣ махаат̇зрзна, д̇амзвасса ад̇хиббааяам̣ д̇знзва багаасзд̇угаамо махаагодтигад̇т̇зро ааха ‘‘ид̣̇аанзва ко маяа’’нд̇иаад̣̇и. д̇знааха ‘‘ид̣̇ам̣ т̇зро’’д̇иаад̣̇и.
67. Sattame kasmā pucchatīti mahākoṭṭhikatthero sayaṃ tattha nikkaṅkho samāno kasmā pucchatīti adhippāyo. Ajjhāsayajānanatthanti idampi tassa mahāsāvakassa paracittajānanena appāṭihīraṃ siyā, tena taṃ aparitussanto ‘‘apicā’’tiādimāha. Tattha dve aggasāvakāti sīlādiguṇehi uttamasāvakāti attho, na hi mahākoṭṭhikatthero aggasāvakalakkhaṇappatto, atha kho mahāsāvakalakkhaṇappatto. Idāneva kho mayantiādi heṭṭhā paccayuppannaṃ anāloḷentena dassetvā desanā āhaṭā, na aññamaññapaccayatāvasena, idha pana yenādhippāyena taṃ āloḷetvā nivattetvā kathitaṃ mahātherena, tamevassa adhippāyaṃ teneva pakāsetukāmo mahākoṭṭhikatthero āha ‘‘idāneva kho maya’’ntiādi. Tenāha ‘‘idaṃ thero’’tiādi.
зд̇д̇агз таанзд̇и ‘‘гим̣ ну ко аавусо’’д̇иаад̣̇инаа батамаарамбхад̇о бадтааяа яаава ‘‘нирод̇хо ход̇ий’’д̇и бад̣̇ам̣, зд̇д̇агз таанз. авиж̇ж̇аасан̇каарз аг̇г̇ахзд̇ваа ‘‘наамаруубабажжаяаа вин̃н̃аан̣а’’нд̇и д̣̇зсанааяа бавад̇д̇ад̇д̇аа ‘‘бажжаяуббаннабан̃жавогаарабхававасзна д̣̇зсанаа гат̇ид̇аа’’д̇и вуд̇д̇ам̣. ‘‘палз г̇ахид̇з гааран̣ам̣ г̇ахид̇амзваа’’д̇и вин̃н̃аан̣з г̇ахид̇з сан̇каараа, д̇зсан̃жа гааран̣абхууд̇аа авиж̇ж̇аа г̇ахид̇аа зва ход̇ийд̇и вуд̇д̇ам̣ ‘‘хздтаа виссаж̇ж̇ид̇зсу д̣̇ваад̣̇асасу бад̣̇зсуу’’д̇и. згзгасминд̇и згзгасмим̣ бад̣̇з. д̇ин̣н̣ам̣ д̇ин̣н̣ам̣ васзнаад̇и ‘‘нирод̇хааяа д̇хаммам̣ д̣̇зсзси, нирод̇хааяа бадибанно ход̇и, нирод̇хаа анубаад̣̇аавинимуд̇д̇о ход̇ий’’д̇и звамааг̇ад̇аанам̣ д̇ин̣н̣ам̣ д̇ин̣н̣ам̣ ваараанам̣ васзна. ‘‘адтаарасахи вад̇т̇уухий’’д̇иаад̣̇ийсу (махаава. 468) вияа ид̇ха вад̇т̇усад̣̇д̣̇о гааран̣абарияааяод̇и ааха ‘‘чад̇д̇им̣сааяа гааран̣зхий’’д̇и. батамо анумод̣̇анаавид̇хи. д̇хаммагат̇игаг̇ун̣од̇и вибассанаависаяо абхзд̣̇обажаарзна вуд̇д̇о. сзсад̣̇ваязсуби зсзва наяо. д̣̇уд̇ияо анумод̣̇анаа, д̇ад̇ияам̣ анумод̣̇ананд̇и абхид̇хзяяаануруубам̣ вад̇д̇аб̣б̣ам̣. д̣̇зсанаасамбад̇д̇и гат̇ид̇аа ‘‘ниб̣б̣ид̣̇ааяа…бз… д̇хаммам̣ д̣̇зсзд̇ий’’д̇и вуд̇д̇ад̇д̇аа. сзгкабхууми гат̇ид̇аа ‘‘ниб̣б̣ид̣̇ааяа…бз… бадибанно ход̇ий’’д̇и вуд̇д̇ад̇д̇аа. асзгкабхууми гат̇ид̇аа ‘‘ниб̣б̣ид̣̇аа …бз… анубаад̣̇аавимуд̇д̇о ход̇ий’’д̇и вуд̇д̇ад̇д̇аа.
Ettake ṭhāneti ‘‘kiṃ nu kho āvuso’’tiādinā paṭhamārambhato paṭṭhāya yāva ‘‘nirodho hotī’’ti padaṃ, ettake ṭhāne. Avijjāsaṅkhāre aggahetvā ‘‘nāmarūpapaccayā viññāṇa’’nti desanāya pavattattā ‘‘paccayuppannapañcavokārabhavavasena desanā kathitā’’ti vuttaṃ. ‘‘Phale gahite kāraṇaṃ gahitamevā’’ti viññāṇe gahite saṅkhārā, tesañca kāraṇabhūtā avijjā gahitā eva hotīti vuttaṃ ‘‘heṭṭhā vissajjitesu dvādasasu padesū’’ti. Ekekasminti ekekasmiṃ pade. Tiṇṇaṃ tiṇṇaṃ vasenāti ‘‘nirodhāya dhammaṃ desesi, nirodhāya paṭipanno hoti, nirodhā anupādāvinimutto hotī’’ti evamāgatānaṃ tiṇṇaṃ tiṇṇaṃ vārānaṃ vasena. ‘‘Aṭṭhārasahi vatthūhī’’tiādīsu (mahāva. 468) viya idha vatthusaddo kāraṇapariyāyoti āha ‘‘chattiṃsāya kāraṇehī’’ti. Paṭhamo anumodanāvidhi. Dhammakathikaguṇoti vipassanāvisayo abhedopacārena vutto. Sesadvayesupi eseva nayo. Dutiyo anumodanā, tatiyaṃ anumodananti abhidheyyānurūpaṃ vattabbaṃ. Desanāsampatti kathitā ‘‘nibbidāya…pe… dhammaṃ desetī’’ti vuttattā. Sekkhabhūmi kathitā ‘‘nibbidāya…pe… paṭipanno hotī’’ti vuttattā. Asekkhabhūmi kathitā ‘‘nibbidā …pe… anupādāvimutto hotī’’ti vuttattā.
нал̣агалаабийсуд̇д̇аван̣н̣анаа нидтид̇аа.
Naḷakalāpīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. нал̣агалаабийсуд̇д̇ам̣ • 7. Naḷakalāpīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. нал̣агалаабийсуд̇д̇аван̣н̣анаа • 7. Naḷakalāpīsuttavaṇṇanā
