| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
7. නළකලාපීසුත්‌තවණ්‌ණනා
7. Naḷakalāpīsuttavaṇṇanā
67. සත්‌තමෙ කින්‌නු ඛො, ආවුසොති කස්‌මා පුච්‌ඡති? ‘‘එවං පුට්‌ඨො කථං නු ඛො බ්‍යාකරෙය්‍යා’’ති. ථෙරස්‌ස අජ්‌ඣාසයජානනත්‌ථං. අපිච අතීතෙ ද්‌වෙ අග්‌ගසාවකා ඉමං පඤ්‌හං විනිච්‌ඡයිංසූති අනාගතෙ භික්‌ඛූ ජානිස්‌සන්‌තීතිපි පුච්‌ඡති. ඉදානෙව ඛො මයන්‌ති ඉදං ථෙරො යස්‌ස නාමරූපස්‌ස විඤ්‌ඤාණං පච්‌චයොති වුත්‌තං, තදෙව නාමරූපං විඤ්‌ඤාණස්‌ස පච්‌චයොති වුත්‌තත්‌තා ආහ . නළකලාපියොති ඉධ පන අයකලාපාදිවසෙන උපමං අනාහරිත්‌වා විඤ්‌ඤාණනාමරූපානං අබලදුබ්‌බලභාවදස්‌සනත්‌ථං අයං උපමා ආභතා.
67. Sattame kinnu kho, āvusoti kasmā pucchati? ‘‘Evaṃ puṭṭho kathaṃ nu kho byākareyyā’’ti. Therassa ajjhāsayajānanatthaṃ. Apica atīte dve aggasāvakā imaṃ pañhaṃ vinicchayiṃsūti anāgate bhikkhū jānissantītipi pucchati. Idāneva kho mayanti idaṃ thero yassa nāmarūpassa viññāṇaṃ paccayoti vuttaṃ, tadeva nāmarūpaṃ viññāṇassa paccayoti vuttattā āha . Naḷakalāpiyoti idha pana ayakalāpādivasena upamaṃ anāharitvā viññāṇanāmarūpānaṃ abaladubbalabhāvadassanatthaṃ ayaṃ upamā ābhatā.
නිරොධො හොතීති එත්‌තකෙ ඨානෙ පච්‌චයුප්‌පන්‌නපඤ්‌චවොකාරභවවසෙන දෙසනා කථිතා. ඡත්‌තිංසාය වත්‌ථූහීති හෙට්‌ඨා විස්‌සජ්‌ජිතෙසු ද්‌වාදසසු පදෙසු එකෙකස්‌මිං තිණ්‌ණං තිණ්‌ණං වසෙන ඡත්‌තිංසාය කාරණෙහි. එත්‌ථ ච පඨමො ධම්‌මකථිකගුණො, දුතියා පටිපත්‌ති, තතියං පටිපත්‌තිඵලං. තත්‌ථ පඨමනයෙන දෙසනාසම්‌පත්‌ති කථිතා, දුතියෙන සෙක්‌ඛභූමි, තතියෙන අසෙක්‌ඛභූමීති. සත්‌තමං.
Nirodho hotīti ettake ṭhāne paccayuppannapañcavokārabhavavasena desanā kathitā. Chattiṃsāya vatthūhīti heṭṭhā vissajjitesu dvādasasu padesu ekekasmiṃ tiṇṇaṃ tiṇṇaṃ vasena chattiṃsāya kāraṇehi. Ettha ca paṭhamo dhammakathikaguṇo, dutiyā paṭipatti, tatiyaṃ paṭipattiphalaṃ. Tattha paṭhamanayena desanāsampatti kathitā, dutiyena sekkhabhūmi, tatiyena asekkhabhūmīti. Sattamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 7. නළකලාපීසුත්‌තං • 7. Naḷakalāpīsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7. නළකලාපීසුත්‌තවණ්‌ණනා • 7. Naḷakalāpīsuttavaṇṇanā
