| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਨਲ਼ਕਲਾਪੀਸੁਤ੍ਤવਣ੍ਣਨਾ
7. Naḷakalāpīsuttavaṇṇanā
੬੭. ਸਤ੍ਤਮੇ ਕਿਨ੍ਨੁ ਖੋ, ਆવੁਸੋਤਿ ਕਸ੍ਮਾ ਪੁਚ੍ਛਤਿ? ‘‘ਏવਂ ਪੁਟ੍ਠੋ ਕਥਂ ਨੁ ਖੋ ਬ੍ਯਾਕਰੇਯ੍ਯਾ’’ਤਿ। ਥੇਰਸ੍ਸ ਅਜ੍ਝਾਸਯਜਾਨਨਤ੍ਥਂ। ਅਪਿਚ ਅਤੀਤੇ ਦ੍વੇ ਅਗ੍ਗਸਾવਕਾ ਇਮਂ ਪਞ੍ਹਂ વਿਨਿਚ੍ਛਯਿਂਸੂਤਿ ਅਨਾਗਤੇ ਭਿਕ੍ਖੂ ਜਾਨਿਸ੍ਸਨ੍ਤੀਤਿਪਿ ਪੁਚ੍ਛਤਿ। ਇਦਾਨੇવ ਖੋ ਮਯਨ੍ਤਿ ਇਦਂ ਥੇਰੋ ਯਸ੍ਸ ਨਾਮਰੂਪਸ੍ਸ વਿਞ੍ਞਾਣਂ ਪਚ੍ਚਯੋਤਿ વੁਤ੍ਤਂ, ਤਦੇવ ਨਾਮਰੂਪਂ વਿਞ੍ਞਾਣਸ੍ਸ ਪਚ੍ਚਯੋਤਿ વੁਤ੍ਤਤ੍ਤਾ ਆਹ । ਨਲ਼ਕਲਾਪਿਯੋਤਿ ਇਧ ਪਨ ਅਯਕਲਾਪਾਦਿવਸੇਨ ਉਪਮਂ ਅਨਾਹਰਿਤ੍વਾ વਿਞ੍ਞਾਣਨਾਮਰੂਪਾਨਂ ਅਬਲਦੁਬ੍ਬਲਭਾવਦਸ੍ਸਨਤ੍ਥਂ ਅਯਂ ਉਪਮਾ ਆਭਤਾ।
67. Sattame kinnu kho, āvusoti kasmā pucchati? ‘‘Evaṃ puṭṭho kathaṃ nu kho byākareyyā’’ti. Therassa ajjhāsayajānanatthaṃ. Apica atīte dve aggasāvakā imaṃ pañhaṃ vinicchayiṃsūti anāgate bhikkhū jānissantītipi pucchati. Idāneva kho mayanti idaṃ thero yassa nāmarūpassa viññāṇaṃ paccayoti vuttaṃ, tadeva nāmarūpaṃ viññāṇassa paccayoti vuttattā āha . Naḷakalāpiyoti idha pana ayakalāpādivasena upamaṃ anāharitvā viññāṇanāmarūpānaṃ abaladubbalabhāvadassanatthaṃ ayaṃ upamā ābhatā.
ਨਿਰੋਧੋ ਹੋਤੀਤਿ ਏਤ੍ਤਕੇ ਠਾਨੇ ਪਚ੍ਚਯੁਪ੍ਪਨ੍ਨਪਞ੍ਚવੋਕਾਰਭવવਸੇਨ ਦੇਸਨਾ ਕਥਿਤਾ। ਛਤ੍ਤਿਂਸਾਯ વਤ੍ਥੂਹੀਤਿ ਹੇਟ੍ਠਾ વਿਸ੍ਸਜ੍ਜਿਤੇਸੁ ਦ੍વਾਦਸਸੁ ਪਦੇਸੁ ਏਕੇਕਸ੍ਮਿਂ ਤਿਣ੍ਣਂ ਤਿਣ੍ਣਂ વਸੇਨ ਛਤ੍ਤਿਂਸਾਯ ਕਾਰਣੇਹਿ। ਏਤ੍ਥ ਚ ਪਠਮੋ ਧਮ੍ਮਕਥਿਕਗੁਣੋ, ਦੁਤਿਯਾ ਪਟਿਪਤ੍ਤਿ, ਤਤਿਯਂ ਪਟਿਪਤ੍ਤਿਫਲਂ। ਤਤ੍ਥ ਪਠਮਨਯੇਨ ਦੇਸਨਾਸਮ੍ਪਤ੍ਤਿ ਕਥਿਤਾ, ਦੁਤਿਯੇਨ ਸੇਕ੍ਖਭੂਮਿ, ਤਤਿਯੇਨ ਅਸੇਕ੍ਖਭੂਮੀਤਿ। ਸਤ੍ਤਮਂ।
Nirodho hotīti ettake ṭhāne paccayuppannapañcavokārabhavavasena desanā kathitā. Chattiṃsāya vatthūhīti heṭṭhā vissajjitesu dvādasasu padesu ekekasmiṃ tiṇṇaṃ tiṇṇaṃ vasena chattiṃsāya kāraṇehi. Ettha ca paṭhamo dhammakathikaguṇo, dutiyā paṭipatti, tatiyaṃ paṭipattiphalaṃ. Tattha paṭhamanayena desanāsampatti kathitā, dutiyena sekkhabhūmi, tatiyena asekkhabhūmīti. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਨਲ਼ਕਲਾਪੀਸੁਤ੍ਤਂ • 7. Naḷakalāpīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਨਲ਼ਕਲਾਪੀਸੁਤ੍ਤવਣ੍ਣਨਾ • 7. Naḷakalāpīsuttavaṇṇanā
