| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. നളകലാപീസുത്തവണ്ണനാ
7. Naḷakalāpīsuttavaṇṇanā
൬൭. സത്തമേ കിന്നു ഖോ, ആവുസോതി കസ്മാ പുച്ഛതി? ‘‘ഏവം പുട്ഠോ കഥം നു ഖോ ബ്യാകരേയ്യാ’’തി. ഥേരസ്സ അജ്ഝാസയജാനനത്ഥം. അപിച അതീതേ ദ്വേ അഗ്ഗസാവകാ ഇമം പഞ്ഹം വിനിച്ഛയിംസൂതി അനാഗതേ ഭിക്ഖൂ ജാനിസ്സന്തീതിപി പുച്ഛതി. ഇദാനേവ ഖോ മയന്തി ഇദം ഥേരോ യസ്സ നാമരൂപസ്സ വിഞ്ഞാണം പച്ചയോതി വുത്തം, തദേവ നാമരൂപം വിഞ്ഞാണസ്സ പച്ചയോതി വുത്തത്താ ആഹ . നളകലാപിയോതി ഇധ പന അയകലാപാദിവസേന ഉപമം അനാഹരിത്വാ വിഞ്ഞാണനാമരൂപാനം അബലദുബ്ബലഭാവദസ്സനത്ഥം അയം ഉപമാ ആഭതാ.
67. Sattame kinnu kho, āvusoti kasmā pucchati? ‘‘Evaṃ puṭṭho kathaṃ nu kho byākareyyā’’ti. Therassa ajjhāsayajānanatthaṃ. Apica atīte dve aggasāvakā imaṃ pañhaṃ vinicchayiṃsūti anāgate bhikkhū jānissantītipi pucchati. Idāneva kho mayanti idaṃ thero yassa nāmarūpassa viññāṇaṃ paccayoti vuttaṃ, tadeva nāmarūpaṃ viññāṇassa paccayoti vuttattā āha . Naḷakalāpiyoti idha pana ayakalāpādivasena upamaṃ anāharitvā viññāṇanāmarūpānaṃ abaladubbalabhāvadassanatthaṃ ayaṃ upamā ābhatā.
നിരോധോ ഹോതീതി ഏത്തകേ ഠാനേ പച്ചയുപ്പന്നപഞ്ചവോകാരഭവവസേന ദേസനാ കഥിതാ. ഛത്തിംസായ വത്ഥൂഹീതി ഹേട്ഠാ വിസ്സജ്ജിതേസു ദ്വാദസസു പദേസു ഏകേകസ്മിം തിണ്ണം തിണ്ണം വസേന ഛത്തിംസായ കാരണേഹി. ഏത്ഥ ച പഠമോ ധമ്മകഥികഗുണോ, ദുതിയാ പടിപത്തി, തതിയം പടിപത്തിഫലം. തത്ഥ പഠമനയേന ദേസനാസമ്പത്തി കഥിതാ, ദുതിയേന സേക്ഖഭൂമി, തതിയേന അസേക്ഖഭൂമീതി. സത്തമം.
Nirodho hotīti ettake ṭhāne paccayuppannapañcavokārabhavavasena desanā kathitā. Chattiṃsāya vatthūhīti heṭṭhā vissajjitesu dvādasasu padesu ekekasmiṃ tiṇṇaṃ tiṇṇaṃ vasena chattiṃsāya kāraṇehi. Ettha ca paṭhamo dhammakathikaguṇo, dutiyā paṭipatti, tatiyaṃ paṭipattiphalaṃ. Tattha paṭhamanayena desanāsampatti kathitā, dutiyena sekkhabhūmi, tatiyena asekkhabhūmīti. Sattamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. നളകലാപീസുത്തം • 7. Naḷakalāpīsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. നളകലാപീസുത്തവണ്ണനാ • 7. Naḷakalāpīsuttavaṇṇanā
