| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. нал̣агабаанасуд̇д̇ам̣
8. Naḷakapānasuttaṃ
166. звам̣ мз суд̇ам̣ – згам̣ самаяам̣ бхаг̇аваа госалзсу вихарад̇и нал̣агабаанз балаасаванз. д̇зна ко бана самаязна самб̣ахулаа абхин̃н̃аад̇аа абхин̃н̃аад̇аа гулабуд̇д̇аа бхаг̇аванд̇ам̣ уд̣̇д̣̇исса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа хонд̇и – ааяасмаа жа ануруд̣̇д̇хо, ааяасмаа жа бхад̣̇д̣̇ияо 1, ааяасмаа жа гимило 2, ааяасмаа жа бхаг̇у, ааяасмаа жа гон̣д̣ан̃н̃о 3, ааяасмаа жа рзвад̇о, ааяасмаа жа аананд̣̇о, ан̃н̃з жа абхин̃н̃аад̇аа абхин̃н̃аад̇аа гулабуд̇д̇аа. д̇зна ко бана самаязна бхаг̇аваа бхигкусан̇гхабаривуд̇о аб̣бхогаасз нисинно ход̇и. ат̇а ко бхаг̇аваа д̇з гулабуд̇д̇з аараб̣бха бхигкуу ааманд̇зси – ‘‘яз д̇з, бхигкавз, гулабуд̇д̇аа мамам̣ уд̣̇д̣̇исса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа, гажжи д̇з, бхигкавз, бхигкуу абхирад̇аа б̣рахмажарияз’’д̇и? звам̣ вуд̇д̇з, д̇з бхигкуу д̇ун̣хий ахзсум̣. д̣̇уд̇ияамби ко бхаг̇аваа д̇з гулабуд̇д̇з аараб̣бха бхигкуу ааманд̇зси – ‘‘яз д̇з, бхигкавз, гулабуд̇д̇аа мамам̣ уд̣̇д̣̇исса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа, гажжи д̇з, бхигкавз, бхигкуу абхирад̇аа б̣рахмажарияз’’д̇и? д̣̇уд̇ияамби ко д̇з бхигкуу д̇ун̣хий ахзсум̣. д̇ад̇ияамби ко бхаг̇аваа д̇з гулабуд̇д̇з аараб̣бха бхигкуу ааманд̇зси – ‘‘яз д̇з, бхигкавз, гулабуд̇д̇аа мамам̣ уд̣̇д̣̇исса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа , гажжи д̇з, бхигкавз, бхигкуу абхирад̇аа б̣рахмажарияз’’д̇и? д̇ад̇ияамби ко д̇з бхигкуу д̇ун̣хий ахзсум̣.
166. Evaṃ me sutaṃ – ekaṃ samayaṃ bhagavā kosalesu viharati naḷakapāne palāsavane. Tena kho pana samayena sambahulā abhiññātā abhiññātā kulaputtā bhagavantaṃ uddissa saddhā agārasmā anagāriyaṃ pabbajitā honti – āyasmā ca anuruddho, āyasmā ca bhaddiyo 4, āyasmā ca kimilo 5, āyasmā ca bhagu, āyasmā ca koṇḍañño 6, āyasmā ca revato, āyasmā ca ānando, aññe ca abhiññātā abhiññātā kulaputtā. Tena kho pana samayena bhagavā bhikkhusaṅghaparivuto abbhokāse nisinno hoti. Atha kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā, kacci te, bhikkhave, bhikkhū abhiratā brahmacariye’’ti? Evaṃ vutte, te bhikkhū tuṇhī ahesuṃ. Dutiyampi kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā, kacci te, bhikkhave, bhikkhū abhiratā brahmacariye’’ti? Dutiyampi kho te bhikkhū tuṇhī ahesuṃ. Tatiyampi kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā , kacci te, bhikkhave, bhikkhū abhiratā brahmacariye’’ti? Tatiyampi kho te bhikkhū tuṇhī ahesuṃ.
167. ат̇а ко бхаг̇авад̇о зд̇ад̣̇ахоси – ‘‘яам̣нуунаахам̣ д̇з гулабуд̇д̇з бужчзяяа’’нд̇и! ат̇а ко бхаг̇аваа ааяасманд̇ам̣ ануруд̣̇д̇хам̣ ааманд̇зси – ‘‘гажжи д̇умхз, ануруд̣̇д̇хаа, абхирад̇аа б̣рахмажарияз’’д̇и? ‘‘д̇аг̇гха маяам̣, бханд̇з, абхирад̇аа б̣рахмажарияз’’д̇и. ‘‘саад̇ху саад̇ху, ануруд̣̇д̇хаа! зд̇ам̣ ко, ануруд̣̇д̇хаа, д̇умхаагам̣ бад̇ируубам̣ гулабуд̇д̇аанам̣ сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аанам̣ яам̣ д̇умхз абхирамзяяаат̇а б̣рахмажарияз. язна д̇умхз ануруд̣̇д̇хаа, бхад̣̇рзна яоб̣б̣анзна саманнааг̇ад̇аа батамзна ваяасаа сусугаал̣агзсаа гаамз барибхун̃ж̇зяяаат̇а д̇зна д̇умхз, ануруд̣̇д̇хаа, бхад̣̇рзнаби яоб̣б̣анзна саманнааг̇ад̇аа батамзна ваяасаа сусугаал̣агзсаа аг̇аарасмаа анаг̇аарияам̣ баб̣б̣аж̇ид̇аа. д̇з жа ко бана д̇умхз, ануруд̣̇д̇хаа, нзва рааж̇аабхинийд̇аа аг̇аарасмаа анаг̇аарияам̣ баб̣б̣аж̇ид̇аа, на жораабхинийд̇аа аг̇аарасмаа анаг̇аарияам̣ баб̣б̣аж̇ид̇аа, на ин̣аддаа аг̇аарасмаа анаг̇аарияам̣ баб̣б̣аж̇ид̇аа, на бхаяаддаа аг̇аарасмаа анаг̇аарияам̣ баб̣б̣аж̇ид̇аа, нааж̇ийвигаабагад̇аа аг̇аарасмаа анаг̇аарияам̣ баб̣б̣аж̇ид̇аа. аби жа комхи од̇ин̣н̣о ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аад̇и – нану д̇умхз, ануруд̣̇д̇хаа, звам̣ сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа’’д̇и? ‘‘звам̣, бханд̇з’’. ‘‘звам̣ баб̣б̣аж̇ид̇зна жа бана, ануруд̣̇д̇хаа, гулабуд̇д̇зна гимасса гаран̣ийяам̣? вивзгам̣, ануруд̣̇д̇хаа, гаамзхи вивзгам̣ агусалзхи д̇хаммзхи бийд̇исукам̣ наад̇хиг̇ажчад̇и ан̃н̃ам̣ ваа 7 д̇ад̇о санд̇ад̇арам̣, д̇асса абхиж̇жхааби жид̇д̇ам̣ барияаад̣̇ааяа д̇идтад̇и, б̣яаабаад̣̇оби жид̇д̇ам̣ барияаад̣̇ааяа д̇идтад̇и, т̇ийнамид̣̇д̇хамби 8 жид̇д̇ам̣ барияаад̣̇ааяа д̇идтад̇и уд̣̇д̇хажжагуггужжамби жид̇д̇ам̣ барияаад̣̇ааяа д̇идтад̇и, вижигижчааби жид̇д̇ам̣ барияаад̣̇ааяа д̇идтад̇и, арад̇ийби жид̇д̇ам̣ барияаад̣̇ааяа д̇идтад̇и, д̇анд̣̇ийби жид̇д̇ам̣ барияаад̣̇ааяа д̇идтад̇и. вивзгам̣, ануруд̣̇д̇хаа, гаамзхи вивзгам̣ агусалзхи д̇хаммзхи бийд̇исукам̣ наад̇хиг̇ажчад̇и ан̃н̃ам̣ ваа д̇ад̇о санд̇ад̇арам̣’’.
167. Atha kho bhagavato etadahosi – ‘‘yaṃnūnāhaṃ te kulaputte puccheyya’’nti! Atha kho bhagavā āyasmantaṃ anuruddhaṃ āmantesi – ‘‘kacci tumhe, anuruddhā, abhiratā brahmacariye’’ti? ‘‘Taggha mayaṃ, bhante, abhiratā brahmacariye’’ti. ‘‘Sādhu sādhu, anuruddhā! Etaṃ kho, anuruddhā, tumhākaṃ patirūpaṃ kulaputtānaṃ saddhā agārasmā anagāriyaṃ pabbajitānaṃ yaṃ tumhe abhirameyyātha brahmacariye. Yena tumhe anuruddhā, bhadrena yobbanena samannāgatā paṭhamena vayasā susukāḷakesā kāme paribhuñjeyyātha tena tumhe, anuruddhā, bhadrenapi yobbanena samannāgatā paṭhamena vayasā susukāḷakesā agārasmā anagāriyaṃ pabbajitā. Te ca kho pana tumhe, anuruddhā, neva rājābhinītā agārasmā anagāriyaṃ pabbajitā, na corābhinītā agārasmā anagāriyaṃ pabbajitā, na iṇaṭṭā agārasmā anagāriyaṃ pabbajitā, na bhayaṭṭā agārasmā anagāriyaṃ pabbajitā, nājīvikāpakatā agārasmā anagāriyaṃ pabbajitā. Api ca khomhi otiṇṇo jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto; appeva nāma imassa kevalassa dukkhakkhandhassa antakiriyā paññāyethāti – nanu tumhe, anuruddhā, evaṃ saddhā agārasmā anagāriyaṃ pabbajitā’’ti? ‘‘Evaṃ, bhante’’. ‘‘Evaṃ pabbajitena ca pana, anuruddhā, kulaputtena kimassa karaṇīyaṃ? Vivekaṃ, anuruddhā, kāmehi vivekaṃ akusalehi dhammehi pītisukhaṃ nādhigacchati aññaṃ vā 9 tato santataraṃ, tassa abhijjhāpi cittaṃ pariyādāya tiṭṭhati, byāpādopi cittaṃ pariyādāya tiṭṭhati, thīnamiddhampi 10 cittaṃ pariyādāya tiṭṭhati uddhaccakukkuccampi cittaṃ pariyādāya tiṭṭhati, vicikicchāpi cittaṃ pariyādāya tiṭṭhati, aratīpi cittaṃ pariyādāya tiṭṭhati, tandīpi cittaṃ pariyādāya tiṭṭhati. Vivekaṃ, anuruddhā, kāmehi vivekaṃ akusalehi dhammehi pītisukhaṃ nādhigacchati aññaṃ vā tato santataraṃ’’.
‘‘вивзгам̣, ануруд̣̇д̇хаа, гаамзхи вивзгам̣ агусалзхи д̇хаммзхи бийд̇исукам̣ ад̇хиг̇ажчад̇и ан̃н̃ам̣ ваа д̇ад̇о санд̇ад̇арам̣, д̇асса абхиж̇жхааби жид̇д̇ам̣ на барияаад̣̇ааяа д̇идтад̇и, б̣яаабаад̣̇оби жид̇д̇ам̣ на барияаад̣̇ааяа д̇идтад̇и, т̇ийнамид̣̇д̇хамби жид̇д̇ам̣ на барияаад̣̇ааяа д̇идтад̇и, уд̣̇д̇хажжагуггужжамби жид̇д̇ам̣ на барияаад̣̇ааяа д̇идтад̇и, вижигижчааби жид̇д̇ам̣ на барияаад̣̇ааяа д̇идтад̇и, арад̇ийби жид̇д̇ам̣ на барияаад̣̇ааяа д̇идтад̇и, д̇анд̣̇ийби жид̇д̇ам̣ на барияаад̣̇ааяа д̇идтад̇и. вивзгам̣, ануруд̣̇д̇хаа, гаамзхи вивзгам̣ агусалзхи д̇хаммзхи бийд̇исукам̣ ад̇хиг̇ажчад̇и ан̃н̃ам̣ ваа д̇ад̇о санд̇ад̇арам̣.
‘‘Vivekaṃ, anuruddhā, kāmehi vivekaṃ akusalehi dhammehi pītisukhaṃ adhigacchati aññaṃ vā tato santataraṃ, tassa abhijjhāpi cittaṃ na pariyādāya tiṭṭhati, byāpādopi cittaṃ na pariyādāya tiṭṭhati, thīnamiddhampi cittaṃ na pariyādāya tiṭṭhati, uddhaccakukkuccampi cittaṃ na pariyādāya tiṭṭhati, vicikicchāpi cittaṃ na pariyādāya tiṭṭhati, aratīpi cittaṃ na pariyādāya tiṭṭhati, tandīpi cittaṃ na pariyādāya tiṭṭhati. Vivekaṃ, anuruddhā, kāmehi vivekaṃ akusalehi dhammehi pītisukhaṃ adhigacchati aññaṃ vā tato santataraṃ.
168. ‘‘гинд̇и во, ануруд̣̇д̇хаа, маяи ход̇и – ‘яз аасаваа сам̣гилзсигаа боноб̣бхавигаа 11 сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа, аббахийнаа д̇з д̇ат̇ааг̇ад̇асса; д̇асмаа д̇ат̇ааг̇ад̇о сан̇кааязгам̣ бадисзвад̇и, сан̇кааязгам̣ ад̇хиваасзд̇и, сан̇кааязгам̣ бариваж̇ж̇зд̇и, сан̇кааязгам̣ винод̣̇зд̇ий’’’д̇и? ‘‘на ко но, бханд̇з, бхаг̇авад̇и звам̣ ход̇и – ‘яз аасаваа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа, аббахийнаа д̇з д̇ат̇ааг̇ад̇асса; д̇асмаа д̇ат̇ааг̇ад̇о сан̇кааязгам̣ бадисзвад̇и, сан̇кааязгам̣ ад̇хиваасзд̇и, сан̇кааязгам̣ бариваж̇ж̇зд̇и, сан̇кааязгам̣ винод̣̇зд̇ий’д̇и. звам̣ ко но, бханд̇з, бхаг̇авад̇и ход̇и – ‘яз аасаваа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа, бахийнаа д̇з д̇ат̇ааг̇ад̇асса; д̇асмаа д̇ат̇ааг̇ад̇о сан̇кааязгам̣ бадисзвад̇и, сан̇кааязгам̣ ад̇хиваасзд̇и, сан̇кааязгам̣ бариваж̇ж̇зд̇и, сан̇кааязгам̣ винод̣̇зд̇ий’’’д̇и. ‘‘саад̇ху саад̇ху, ануруд̣̇д̇хаа! д̇ат̇ааг̇ад̇асса, ануруд̣̇д̇хаа, яз аасаваа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа, бахийнаа д̇з ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. сзяяат̇ааби, ануруд̣̇д̇хаа, д̇аало мад̇т̇агажчинно абхаб̣б̣о бунавируул̣хияаа; звамзва ко, ануруд̣̇д̇хаа , д̇ат̇ааг̇ад̇асса яз аасаваа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа, бахийнаа д̇з ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа; д̇асмаа д̇ат̇ааг̇ад̇о сан̇кааязгам̣ бадисзвад̇и, сан̇кааязгам̣ ад̇хиваасзд̇и, сан̇кааязгам̣ бариваж̇ж̇зд̇и, сан̇кааязгам̣ винод̣̇зд̇и’’.
168. ‘‘Kinti vo, anuruddhā, mayi hoti – ‘ye āsavā saṃkilesikā ponobbhavikā 12 sadarā dukkhavipākā āyatiṃ jātijarāmaraṇiyā, appahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’’’ti? ‘‘Na kho no, bhante, bhagavati evaṃ hoti – ‘ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, appahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’ti. Evaṃ kho no, bhante, bhagavati hoti – ‘ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’’’ti. ‘‘Sādhu sādhu, anuruddhā! Tathāgatassa, anuruddhā, ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te ucchinnamūlā tālāvatthukatā anabhāvaṃkatā āyatiṃ anuppādadhammā. Seyyathāpi, anuruddhā, tālo matthakacchinno abhabbo punavirūḷhiyā; evameva kho, anuruddhā , tathāgatassa ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te ucchinnamūlā tālāvatthukatā anabhāvaṃkatā āyatiṃ anuppādadhammā; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodeti’’.
‘‘д̇ам̣ гим̣ ман̃н̃аси, ануруд̣̇д̇хаа, гам̣ ад̇т̇авасам̣ самбассамаано д̇ат̇ааг̇ад̇о саавагз аб̣бхад̇ийд̇з гаалан̇гад̇з убабад̇д̇ийсу б̣яаагарод̇и – ‘асу амуд̇ра убабанно; асу амуд̇ра убабанно’’’д̇и? ‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и . ‘‘на ко, ануруд̣̇д̇хаа, д̇ат̇ааг̇ад̇о ж̇анагуханад̇т̇ам̣ на ж̇аналабанад̇т̇ам̣ на лаабхасаггаарасилогаанисам̣сад̇т̇ам̣ на ‘ид̇и мам̣ ж̇ано ж̇аанаад̇уу’д̇и саавагз аб̣бхад̇ийд̇з гаалан̇гад̇з убабад̇д̇ийсу б̣яаагарод̇и – ‘асу амуд̇ра убабанно, асу амуд̇ра убабанно’д̇и. санд̇и жа ко, ануруд̣̇д̇хаа, гулабуд̇д̇аа сад̣̇д̇хаа ул̣ааравзд̣̇аа ул̣аарабаамож̇ж̇аа. д̇з д̇ам̣ суд̇ваа д̇ад̣̇ад̇т̇ааяа жид̇д̇ам̣ убасам̣харанд̇и. д̇зсам̣ д̇ам̣, ануруд̣̇д̇хаа, ход̇и д̣̇ийгхарад̇д̇ам̣ хид̇ааяа сукааяа’’.
‘‘Taṃ kiṃ maññasi, anuruddhā, kaṃ atthavasaṃ sampassamāno tathāgato sāvake abbhatīte kālaṅkate upapattīsu byākaroti – ‘asu amutra upapanno; asu amutra upapanno’’’ti? ‘‘Bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā. Sādhu vata, bhante, bhagavantaṃyeva paṭibhātu etassa bhāsitassa attho. Bhagavato sutvā bhikkhū dhāressantī’’ti . ‘‘Na kho, anuruddhā, tathāgato janakuhanatthaṃ na janalapanatthaṃ na lābhasakkārasilokānisaṃsatthaṃ na ‘iti maṃ jano jānātū’ti sāvake abbhatīte kālaṅkate upapattīsu byākaroti – ‘asu amutra upapanno, asu amutra upapanno’ti. Santi ca kho, anuruddhā, kulaputtā saddhā uḷāravedā uḷārapāmojjā. Te taṃ sutvā tadatthāya cittaṃ upasaṃharanti. Tesaṃ taṃ, anuruddhā, hoti dīgharattaṃ hitāya sukhāya’’.
169. ‘‘ид̇хаануруд̣̇д̇хаа, бхигку сун̣аад̇и – ‘ид̇т̇аннаамо бхигку гаалан̇гад̇о 13; со бхаг̇авад̇аа б̣яаагад̇о – ан̃н̃ааяа сан̣тахий’д̇и. со ко банасса ааяасмаа саамам̣ д̣̇идто ваа ход̇и ануссавассуд̇о ваа – ‘звам̣сийло со ааяасмаа ахоси ид̇иби, звам̣д̇хаммо со ааяасмаа ахоси ид̇иби, звам̣бан̃н̃о со ааяасмаа ахоси ид̇иби, звам̣вихаарий со ааяасмаа ахоси ид̇иби, звам̣вимуд̇д̇о со ааяасмаа ахоси ид̇ибий’д̇и. со д̇асса сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇о д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, бхигкуно паасувихааро ход̇и.
169. ‘‘Idhānuruddhā, bhikkhu suṇāti – ‘itthannāmo bhikkhu kālaṅkato 14; so bhagavatā byākato – aññāya saṇṭhahī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo so āyasmā ahosi itipi, evaṃpañño so āyasmā ahosi itipi, evaṃvihārī so āyasmā ahosi itipi, evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
‘‘ид̇хаануруд̣̇д̇хаа , бхигку сун̣аад̇и – ‘ид̇т̇аннаамо бхигку гаалан̇гад̇о; со бхаг̇авад̇аа б̣яаагад̇о – бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа’д̇и. со ко банасса ааяасмаа саамам̣ д̣̇идто ваа ход̇и ануссавассуд̇о ваа – ‘звам̣сийло со ааяасмаа ахоси ид̇иби, звам̣д̇хаммо…бз… звам̣бан̃н̃о… звам̣вихаарий… звам̣вимуд̇д̇о со ааяасмаа ахоси ид̇ибий’д̇и. со д̇асса сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇о д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, бхигкуно паасувихааро ход̇и.
‘‘Idhānuruddhā , bhikkhu suṇāti – ‘itthannāmo bhikkhu kālaṅkato; so bhagavatā byākato – pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
‘‘ид̇хаануруд̣̇д̇хаа, бхигку сун̣аад̇и – ‘ид̇т̇аннаамо бхигку гаалан̇гад̇о; со бхаг̇авад̇аа б̣яаагад̇о – д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇ий’д̇и. со ко банасса ааяасмаа саамам̣ д̣̇идто ваа ход̇и ануссавассуд̇о ваа – ‘звам̣сийло со ааяасмаа ахоси ид̇иби, звам̣д̇хаммо…бз… звам̣бан̃н̃о… звам̣вихаарий… звам̣вимуд̇д̇о со ааяасмаа ахоси ид̇ибий’д̇и. со д̇асса сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇о д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, бхигкуно паасувихааро ход̇и.
‘‘Idhānuruddhā, bhikkhu suṇāti – ‘itthannāmo bhikkhu kālaṅkato; so bhagavatā byākato – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī sakideva imaṃ lokaṃ āgantvā dukkhassantaṃ karissatī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
‘‘ид̇хаануруд̣̇д̇хаа, бхигку сун̣аад̇и – ‘ид̇т̇аннаамо бхигку гаалан̇гад̇о; со бхаг̇авад̇аа б̣яаагад̇о – д̇ин̣н̣ам̣ сам̣яож̇анаанам̣ баригкаяаа сод̇аабанно авинибаад̇ад̇хаммо нияад̇о самб̣од̇хибарааяан̣о’д̇и. со ко банасса ааяасмаа саамам̣ д̣̇идто ваа ход̇и ануссавассуд̇о ваа – ‘звам̣сийло со ааяасмаа ахоси ид̇иби, звам̣д̇хаммо…бз… звам̣бан̃н̃о… звам̣вихаарий… звам̣вимуд̇д̇о со ааяасмаа ахоси ид̇ибий’д̇и. со д̇асса сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇о д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, бхигкуно паасувихааро ход̇и.
‘‘Idhānuruddhā, bhikkhu suṇāti – ‘itthannāmo bhikkhu kālaṅkato; so bhagavatā byākato – tiṇṇaṃ saṃyojanānaṃ parikkhayā sotāpanno avinipātadhammo niyato sambodhiparāyaṇo’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
170. ‘‘ид̇хаануруд̣̇д̇хаа, бхигкуний сун̣аад̇и – ‘ид̇т̇аннаамаа бхигкуний гаалан̇гад̇аа; саа бхаг̇авад̇аа б̣яаагад̇аа – ан̃н̃ааяа сан̣тахий’д̇и. саа ко банассаа бхаг̇иний саамам̣ д̣̇идтаа ваа ход̇и ануссавассуд̇аа ваа – ‘звам̣сийлаа саа бхаг̇иний ахоси ид̇иби, звам̣д̇хаммаа саа бхаг̇иний ахоси ид̇иби , звам̣бан̃н̃аа саа бхаг̇иний ахоси ид̇иби, звам̣вихаариний саа бхаг̇иний ахоси ид̇иби, звам̣вимуд̇д̇аа саа бхаг̇иний ахоси ид̇ибий’д̇и. саа д̇ассаа сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇ий д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, бхигкунияаа паасувихааро ход̇и.
170. ‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – aññāya saṇṭhahī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā sā bhaginī ahosi itipi , evaṃpaññā sā bhaginī ahosi itipi, evaṃvihārinī sā bhaginī ahosi itipi, evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
‘‘ид̇хаануруд̣̇д̇хаа , бхигкуний сун̣аад̇и – ‘ид̇т̇аннаамаа бхигкуний гаалан̇гад̇аа; саа бхаг̇авад̇аа б̣яаагад̇аа – бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяиний анаавад̇д̇ид̇хаммаа д̇асмаа логаа’д̇и. саа ко банассаа бхаг̇иний саамам̣ д̣̇идтаа ваа ход̇и ануссавассуд̇аа ваа – ‘звам̣сийлаа саа бхаг̇иний ахоси ид̇иби, звам̣д̇хаммаа…бз… звам̣бан̃н̃аа… звам̣вихаариний… звам̣вимуд̇д̇аа саа бхаг̇иний ахоси ид̇ибий’д̇и. саа д̇ассаа сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇ий д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, бхигкунияаа паасувихааро ход̇и.
‘‘Idhānuruddhā , bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyinī anāvattidhammā tasmā lokā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā…pe… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
‘‘ид̇хаануруд̣̇д̇хаа, бхигкуний сун̣аад̇и – ‘ид̇т̇аннаамаа бхигкуний гаалан̇гад̇аа; саа бхаг̇авад̇аа б̣яаагад̇аа – д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇ааминий сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇ий’д̇и. саа ко банассаа бхаг̇иний саамам̣ д̣̇идтаа ваа ход̇и ануссавассуд̇аа ваа – ‘звам̣сийлаа саа бхаг̇иний ахоси ид̇иби, звам̣д̇хаммаа…бз… звам̣бан̃н̃аа… звам̣вихаариний… звам̣вимуд̇д̇аа саа бхаг̇иний ахоси ид̇ибий’д̇и. саа д̇ассаа сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇ий д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, бхигкунияаа паасувихааро ход̇и.
‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāminī sakideva imaṃ lokaṃ āgantvā dukkhassantaṃ karissatī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā…pe… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
‘‘ид̇хаануруд̣̇д̇хаа, бхигкуний сун̣аад̇и – ‘ид̇т̇аннаамаа бхигкуний гаалан̇гад̇аа; саа бхаг̇авад̇аа б̣яаагад̇аа – д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’д̇и . саа ко банассаа бхаг̇иний саамам̣ д̣̇идтаа ваа ход̇и ануссавассуд̇аа ваа – ‘звам̣сийлаа саа бхаг̇иний ахоси ид̇иби, звам̣д̇хаммаа… звам̣бан̃н̃аа… звам̣вихаариний… звам̣вимуд̇д̇аа саа бхаг̇иний ахоси ид̇ибий’д̇и. саа д̇ассаа сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇ий д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, бхигкунияаа паасувихааро ход̇и.
‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’ti . Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
171. ‘‘ид̇хаануруд̣̇д̇хаа, убаасаго сун̣аад̇и – ‘ид̇т̇аннаамо убаасаго гаалан̇гад̇о; со бхаг̇авад̇аа б̣яаагад̇о – бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа’д̇и. со ко банасса ааяасмаа саамам̣ д̣̇идто ваа ход̇и ануссавассуд̇о ваа – ‘звам̣сийло со ааяасмаа ахоси ид̇иби, звам̣д̇хаммо со ааяасмаа ахоси ид̇иби, звам̣бан̃н̃о со ааяасмаа ахоси ид̇иби, звам̣вихаарий со ааяасмаа ахоси ид̇иби, звам̣вимуд̇д̇о со ааяасмаа ахоси ид̇ибий’д̇и. со д̇асса сад̣̇д̇хан̃жа суд̇ан̃жа жааг̇ан̃жа бан̃н̃ан̃жа ануссаранд̇о д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, убаасагасса паасувихааро ход̇и.
171. ‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo so āyasmā ahosi itipi, evaṃpañño so āyasmā ahosi itipi, evaṃvihārī so āyasmā ahosi itipi, evaṃvimutto so āyasmā ahosi itipī’ti. So tassa saddhañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, upāsakassa phāsuvihāro hoti.
‘‘ид̇хаануруд̣̇д̇хаа, убаасаго сун̣аад̇и – ‘ид̇т̇аннаамо убаасаго гаалан̇гад̇о; со бхаг̇авад̇аа б̣яаагад̇о – д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇ий’д̇и. со ко банасса ааяасмаа саамам̣ д̣̇идто ваа ход̇и ануссавассуд̇о ваа – ‘звам̣сийло со ааяасмаа ахоси ид̇иби, звам̣д̇хаммо… звам̣бан̃н̃о… звам̣вихаарий… звам̣вимуд̇д̇о со ааяасмаа ахоси ид̇ибий’д̇и. со д̇асса сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇о д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, убаасагасса паасувихааро ход̇и.
‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī sakideva imaṃ lokaṃ āgantvā dukkhassantaṃ karissatī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, upāsakassa phāsuvihāro hoti.
‘‘ид̇хаануруд̣̇д̇хаа, убаасаго сун̣аад̇и – ‘ид̇т̇аннаамо убаасаго гаалан̇гад̇о; со бхаг̇авад̇аа б̣яаагад̇о – д̇ин̣н̣ам̣ сам̣яож̇анаанам̣ баригкаяаа сод̇аабанно авинибаад̇ад̇хаммо нияад̇о самб̣од̇хибарааяан̣о’д̇и. со ко банасса ааяасмаа саамам̣ д̣̇идто ваа ход̇и ануссавассуд̇о ваа – ‘звам̣сийло со ааяасмаа ахоси ид̇иби, звам̣д̇хаммо…бз… звам̣бан̃н̃о… звам̣вихаарий… звам̣вимуд̇д̇о со ааяасмаа ахоси ид̇ибий’д̇и. со д̇асса сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇о д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа убаасагасса паасувихааро ход̇и.
‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – tiṇṇaṃ saṃyojanānaṃ parikkhayā sotāpanno avinipātadhammo niyato sambodhiparāyaṇo’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā upāsakassa phāsuvihāro hoti.
172. ‘‘ид̇хаануруд̣̇д̇хаа , убаасигаа сун̣аад̇и – ‘ид̇т̇аннаамаа убаасигаа гаалан̇гад̇аа; саа бхаг̇авад̇аа б̣яаагад̇аа – бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяиний анаавад̇д̇ид̇хаммаа д̇асмаа логаа’д̇и. саа ко банассаа бхаг̇иний саамам̣ д̣̇идтаа ваа ход̇и ануссавассуд̇аа ваа – ‘звам̣сийлаа саа бхаг̇иний ахоси ид̇иби, звам̣д̇хаммаа… звам̣бан̃н̃аа… звам̣вихаариний… звам̣вимуд̇д̇аа саа бхаг̇иний ахоси ид̇ибий’д̇и. саа д̇ассаа сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇ий д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, убаасигааяа паасувихааро ход̇и.
172. ‘‘Idhānuruddhā , upāsikā suṇāti – ‘itthannāmā upāsikā kālaṅkatā; sā bhagavatā byākatā – pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyinī anāvattidhammā tasmā lokā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘ид̇хаануруд̣̇д̇хаа, убаасигаа сун̣аад̇и – ‘ид̇т̇аннаамаа убаасигаа гаалан̇гад̇аа; саа бхаг̇авад̇аа б̣яаагад̇аа – д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇ааминий сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇ий’д̇и. саа ко банассаа бхаг̇иний саамам̣ д̣̇идтаа ваа ход̇и ануссавассуд̇аа ваа – ‘звам̣сийлаа саа бхаг̇иний ахоси ид̇иби, звам̣д̇хаммаа… звам̣бан̃н̃аа… звам̣вихаариний… звам̣вимуд̇д̇аа саа бхаг̇иний ахоси ид̇ибий’д̇и. саа д̇ассаа сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇ий д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, убаасигааяа паасувихааро ход̇и.
‘‘Idhānuruddhā, upāsikā suṇāti – ‘itthannāmā upāsikā kālaṅkatā; sā bhagavatā byākatā – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāminī sakideva imaṃ lokaṃ āgantvā dukkhassantaṃ karissatī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘ид̇хаануруд̣̇д̇хаа, убаасигаа сун̣аад̇и – ‘ид̇т̇аннаамаа убаасигаа гаалан̇гад̇аа; саа бхаг̇авад̇аа б̣яаагад̇аа – д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’д̇и. саа ко банассаа бхаг̇иний саамам̣ д̣̇идтаа ваа ход̇и ануссавассуд̇аа ваа – ‘звам̣сийлаа саа бхаг̇иний ахоси ид̇иби, звам̣д̇хаммаа саа бхаг̇иний ахоси ид̇иби, звам̣бан̃н̃аа саа бхаг̇иний ахоси ид̇иби, звам̣вихаариний саа бхаг̇иний ахоси ид̇иби, звам̣вимуд̇д̇аа саа бхаг̇иний ахоси ид̇ибий’д̇и. саа д̇ассаа сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссаранд̇ий д̇ад̣̇ад̇т̇ааяа жид̇д̇ам̣ убасам̣харад̇и. звамби ко, ануруд̣̇д̇хаа, убаасигааяа паасувихааро ход̇и.
‘‘Idhānuruddhā, upāsikā suṇāti – ‘itthannāmā upāsikā kālaṅkatā; sā bhagavatā byākatā – tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā sā bhaginī ahosi itipi, evaṃpaññā sā bhaginī ahosi itipi, evaṃvihārinī sā bhaginī ahosi itipi, evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘ид̇и ко, ануруд̣̇д̇хаа, д̇ат̇ааг̇ад̇о на ж̇анагуханад̇т̇ам̣ на ж̇аналабанад̇т̇ам̣ на лаабхасаггаарасилогаанисам̣сад̇т̇ам̣ на ‘ид̇и мам̣ ж̇ано ж̇аанаад̇уу’д̇и саавагз аб̣бхад̇ийд̇з гаалан̇гад̇з убабад̇д̇ийсу б̣яаагарод̇и – ‘асу амуд̇ра убабанно, асу амуд̇ра убабанно’д̇и. санд̇и жа ко, ануруд̣̇д̇хаа, гулабуд̇д̇аа сад̣̇д̇хаа ул̣ааравзд̣̇аа ул̣аарабаамож̇ж̇аа. д̇з д̇ам̣ суд̇ваа д̇ад̣̇ад̇т̇ааяа жид̇д̇ам̣ убасам̣харанд̇и. д̇зсам̣ д̇ам̣, ануруд̣̇д̇хаа, ход̇и д̣̇ийгхарад̇д̇ам̣ хид̇ааяа сукааяаа’’д̇и.
‘‘Iti kho, anuruddhā, tathāgato na janakuhanatthaṃ na janalapanatthaṃ na lābhasakkārasilokānisaṃsatthaṃ na ‘iti maṃ jano jānātū’ti sāvake abbhatīte kālaṅkate upapattīsu byākaroti – ‘asu amutra upapanno, asu amutra upapanno’ti. Santi ca kho, anuruddhā, kulaputtā saddhā uḷāravedā uḷārapāmojjā. Te taṃ sutvā tadatthāya cittaṃ upasaṃharanti. Tesaṃ taṃ, anuruddhā, hoti dīgharattaṃ hitāya sukhāyā’’ti.
ид̣̇амавожа бхаг̇аваа. ад̇д̇амано ааяасмаа ануруд̣̇д̇хо бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā anuruddho bhagavato bhāsitaṃ abhinandīti.
нал̣агабаанасуд̇д̇ам̣ нидтид̇ам̣ адтамам̣.
Naḷakapānasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. нал̣агабаанасуд̇д̇аван̣н̣анаа • 8. Naḷakapānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. нал̣агабаанасуд̇д̇аван̣н̣анаа • 8. Naḷakapānasuttavaṇṇanā
