| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੮. ਨਲ਼ਕਪਾਨਸੁਤ੍ਤਂ
8. Naḷakapānasuttaṃ
੧੬੬. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਕੋਸਲੇਸੁ વਿਹਰਤਿ ਨਲ਼ਕਪਾਨੇ ਪਲਾਸવਨੇ। ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਅਭਿਞ੍ਞਾਤਾ ਅਭਿਞ੍ਞਾਤਾ ਕੁਲਪੁਤ੍ਤਾ ਭਗવਨ੍ਤਂ ਉਦ੍ਦਿਸ੍ਸ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ ਹੋਨ੍ਤਿ – ਆਯਸ੍ਮਾ ਚ ਅਨੁਰੁਦ੍ਧੋ, ਆਯਸ੍ਮਾ ਚ ਭਦ੍ਦਿਯੋ 1, ਆਯਸ੍ਮਾ ਚ ਕਿਮਿਲੋ 2, ਆਯਸ੍ਮਾ ਚ ਭਗੁ, ਆਯਸ੍ਮਾ ਚ ਕੋਣ੍ਡਞ੍ਞੋ 3, ਆਯਸ੍ਮਾ ਚ ਰੇવਤੋ, ਆਯਸ੍ਮਾ ਚ ਆਨਨ੍ਦੋ, ਅਞ੍ਞੇ ਚ ਅਭਿਞ੍ਞਾਤਾ ਅਭਿਞ੍ਞਾਤਾ ਕੁਲਪੁਤ੍ਤਾ। ਤੇਨ ਖੋ ਪਨ ਸਮਯੇਨ ਭਗવਾ ਭਿਕ੍ਖੁਸਙ੍ਘਪਰਿવੁਤੋ ਅਬ੍ਭੋਕਾਸੇ ਨਿਸਿਨ੍ਨੋ ਹੋਤਿ। ਅਥ ਖੋ ਭਗવਾ ਤੇ ਕੁਲਪੁਤ੍ਤੇ ਆਰਬ੍ਭ ਭਿਕ੍ਖੂ ਆਮਨ੍ਤੇਸਿ – ‘‘ਯੇ ਤੇ, ਭਿਕ੍ਖવੇ, ਕੁਲਪੁਤ੍ਤਾ ਮਮਂ ਉਦ੍ਦਿਸ੍ਸ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ, ਕਚ੍ਚਿ ਤੇ, ਭਿਕ੍ਖવੇ, ਭਿਕ੍ਖੂ ਅਭਿਰਤਾ ਬ੍ਰਹ੍ਮਚਰਿਯੇ’’ਤਿ? ਏવਂ વੁਤ੍ਤੇ, ਤੇ ਭਿਕ੍ਖੂ ਤੁਣ੍ਹੀ ਅਹੇਸੁਂ। ਦੁਤਿਯਮ੍ਪਿ ਖੋ ਭਗવਾ ਤੇ ਕੁਲਪੁਤ੍ਤੇ ਆਰਬ੍ਭ ਭਿਕ੍ਖੂ ਆਮਨ੍ਤੇਸਿ – ‘‘ਯੇ ਤੇ, ਭਿਕ੍ਖવੇ, ਕੁਲਪੁਤ੍ਤਾ ਮਮਂ ਉਦ੍ਦਿਸ੍ਸ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ, ਕਚ੍ਚਿ ਤੇ, ਭਿਕ੍ਖવੇ, ਭਿਕ੍ਖੂ ਅਭਿਰਤਾ ਬ੍ਰਹ੍ਮਚਰਿਯੇ’’ਤਿ? ਦੁਤਿਯਮ੍ਪਿ ਖੋ ਤੇ ਭਿਕ੍ਖੂ ਤੁਣ੍ਹੀ ਅਹੇਸੁਂ। ਤਤਿਯਮ੍ਪਿ ਖੋ ਭਗવਾ ਤੇ ਕੁਲਪੁਤ੍ਤੇ ਆਰਬ੍ਭ ਭਿਕ੍ਖੂ ਆਮਨ੍ਤੇਸਿ – ‘‘ਯੇ ਤੇ, ਭਿਕ੍ਖવੇ, ਕੁਲਪੁਤ੍ਤਾ ਮਮਂ ਉਦ੍ਦਿਸ੍ਸ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ , ਕਚ੍ਚਿ ਤੇ, ਭਿਕ੍ਖવੇ, ਭਿਕ੍ਖੂ ਅਭਿਰਤਾ ਬ੍ਰਹ੍ਮਚਰਿਯੇ’’ਤਿ? ਤਤਿਯਮ੍ਪਿ ਖੋ ਤੇ ਭਿਕ੍ਖੂ ਤੁਣ੍ਹੀ ਅਹੇਸੁਂ।
166. Evaṃ me sutaṃ – ekaṃ samayaṃ bhagavā kosalesu viharati naḷakapāne palāsavane. Tena kho pana samayena sambahulā abhiññātā abhiññātā kulaputtā bhagavantaṃ uddissa saddhā agārasmā anagāriyaṃ pabbajitā honti – āyasmā ca anuruddho, āyasmā ca bhaddiyo 4, āyasmā ca kimilo 5, āyasmā ca bhagu, āyasmā ca koṇḍañño 6, āyasmā ca revato, āyasmā ca ānando, aññe ca abhiññātā abhiññātā kulaputtā. Tena kho pana samayena bhagavā bhikkhusaṅghaparivuto abbhokāse nisinno hoti. Atha kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā, kacci te, bhikkhave, bhikkhū abhiratā brahmacariye’’ti? Evaṃ vutte, te bhikkhū tuṇhī ahesuṃ. Dutiyampi kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā, kacci te, bhikkhave, bhikkhū abhiratā brahmacariye’’ti? Dutiyampi kho te bhikkhū tuṇhī ahesuṃ. Tatiyampi kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā , kacci te, bhikkhave, bhikkhū abhiratā brahmacariye’’ti? Tatiyampi kho te bhikkhū tuṇhī ahesuṃ.
੧੬੭. ਅਥ ਖੋ ਭਗવਤੋ ਏਤਦਹੋਸਿ – ‘‘ਯਂਨੂਨਾਹਂ ਤੇ ਕੁਲਪੁਤ੍ਤੇ ਪੁਚ੍ਛੇਯ੍ਯ’’ਨ੍ਤਿ! ਅਥ ਖੋ ਭਗવਾ ਆਯਸ੍ਮਨ੍ਤਂ ਅਨੁਰੁਦ੍ਧਂ ਆਮਨ੍ਤੇਸਿ – ‘‘ਕਚ੍ਚਿ ਤੁਮ੍ਹੇ, ਅਨੁਰੁਦ੍ਧਾ, ਅਭਿਰਤਾ ਬ੍ਰਹ੍ਮਚਰਿਯੇ’’ਤਿ? ‘‘ਤਗ੍ਘ ਮਯਂ, ਭਨ੍ਤੇ, ਅਭਿਰਤਾ ਬ੍ਰਹ੍ਮਚਰਿਯੇ’’ਤਿ। ‘‘ਸਾਧੁ ਸਾਧੁ, ਅਨੁਰੁਦ੍ਧਾ! ਏਤਂ ਖੋ, ਅਨੁਰੁਦ੍ਧਾ, ਤੁਮ੍ਹਾਕਂ ਪਤਿਰੂਪਂ ਕੁਲਪੁਤ੍ਤਾਨਂ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾਨਂ ਯਂ ਤੁਮ੍ਹੇ ਅਭਿਰਮੇਯ੍ਯਾਥ ਬ੍ਰਹ੍ਮਚਰਿਯੇ। ਯੇਨ ਤੁਮ੍ਹੇ ਅਨੁਰੁਦ੍ਧਾ, ਭਦ੍ਰੇਨ ਯੋਬ੍ਬਨੇਨ ਸਮਨ੍ਨਾਗਤਾ ਪਠਮੇਨ વਯਸਾ ਸੁਸੁਕਾਲ਼ਕੇਸਾ ਕਾਮੇ ਪਰਿਭੁਞ੍ਜੇਯ੍ਯਾਥ ਤੇਨ ਤੁਮ੍ਹੇ, ਅਨੁਰੁਦ੍ਧਾ, ਭਦ੍ਰੇਨਪਿ ਯੋਬ੍ਬਨੇਨ ਸਮਨ੍ਨਾਗਤਾ ਪਠਮੇਨ વਯਸਾ ਸੁਸੁਕਾਲ਼ਕੇਸਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ। ਤੇ ਚ ਖੋ ਪਨ ਤੁਮ੍ਹੇ, ਅਨੁਰੁਦ੍ਧਾ, ਨੇવ ਰਾਜਾਭਿਨੀਤਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ, ਨ ਚੋਰਾਭਿਨੀਤਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ, ਨ ਇਣਟ੍ਟਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ, ਨ ਭਯਟ੍ਟਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ, ਨਾਜੀવਿਕਾਪਕਤਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ। ਅਪਿ ਚ ਖੋਮ੍ਹਿ ਓਤਿਣ੍ਣੋ ਜਾਤਿਯਾ ਜਰਾਯ ਮਰਣੇਨ ਸੋਕੇਹਿ ਪਰਿਦੇવੇਹਿ ਦੁਕ੍ਖੇਹਿ ਦੋਮਨਸ੍ਸੇਹਿ ਉਪਾਯਾਸੇਹਿ, ਦੁਕ੍ਖੋਤਿਣ੍ਣੋ ਦੁਕ੍ਖਪਰੇਤੋ; ਅਪ੍ਪੇવ ਨਾਮ ਇਮਸ੍ਸ ਕੇવਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਅਨ੍ਤਕਿਰਿਯਾ ਪਞ੍ਞਾਯੇਥਾਤਿ – ਨਨੁ ਤੁਮ੍ਹੇ, ਅਨੁਰੁਦ੍ਧਾ, ਏવਂ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ’’ਤਿ? ‘‘ਏવਂ, ਭਨ੍ਤੇ’’। ‘‘ਏવਂ ਪਬ੍ਬਜਿਤੇਨ ਚ ਪਨ, ਅਨੁਰੁਦ੍ਧਾ, ਕੁਲਪੁਤ੍ਤੇਨ ਕਿਮਸ੍ਸ ਕਰਣੀਯਂ? વਿવੇਕਂ, ਅਨੁਰੁਦ੍ਧਾ, ਕਾਮੇਹਿ વਿવੇਕਂ ਅਕੁਸਲੇਹਿ ਧਮ੍ਮੇਹਿ ਪੀਤਿਸੁਖਂ ਨਾਧਿਗਚ੍ਛਤਿ ਅਞ੍ਞਂ વਾ 7 ਤਤੋ ਸਨ੍ਤਤਰਂ, ਤਸ੍ਸ ਅਭਿਜ੍ਝਾਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਬ੍ਯਾਪਾਦੋਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਥੀਨਮਿਦ੍ਧਮ੍ਪਿ 8 ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ ਉਦ੍ਧਚ੍ਚਕੁਕ੍ਕੁਚ੍ਚਮ੍ਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, વਿਚਿਕਿਚ੍ਛਾਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਅਰਤੀਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਤਨ੍ਦੀਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ। વਿવੇਕਂ, ਅਨੁਰੁਦ੍ਧਾ, ਕਾਮੇਹਿ વਿવੇਕਂ ਅਕੁਸਲੇਹਿ ਧਮ੍ਮੇਹਿ ਪੀਤਿਸੁਖਂ ਨਾਧਿਗਚ੍ਛਤਿ ਅਞ੍ਞਂ વਾ ਤਤੋ ਸਨ੍ਤਤਰਂ’’।
167. Atha kho bhagavato etadahosi – ‘‘yaṃnūnāhaṃ te kulaputte puccheyya’’nti! Atha kho bhagavā āyasmantaṃ anuruddhaṃ āmantesi – ‘‘kacci tumhe, anuruddhā, abhiratā brahmacariye’’ti? ‘‘Taggha mayaṃ, bhante, abhiratā brahmacariye’’ti. ‘‘Sādhu sādhu, anuruddhā! Etaṃ kho, anuruddhā, tumhākaṃ patirūpaṃ kulaputtānaṃ saddhā agārasmā anagāriyaṃ pabbajitānaṃ yaṃ tumhe abhirameyyātha brahmacariye. Yena tumhe anuruddhā, bhadrena yobbanena samannāgatā paṭhamena vayasā susukāḷakesā kāme paribhuñjeyyātha tena tumhe, anuruddhā, bhadrenapi yobbanena samannāgatā paṭhamena vayasā susukāḷakesā agārasmā anagāriyaṃ pabbajitā. Te ca kho pana tumhe, anuruddhā, neva rājābhinītā agārasmā anagāriyaṃ pabbajitā, na corābhinītā agārasmā anagāriyaṃ pabbajitā, na iṇaṭṭā agārasmā anagāriyaṃ pabbajitā, na bhayaṭṭā agārasmā anagāriyaṃ pabbajitā, nājīvikāpakatā agārasmā anagāriyaṃ pabbajitā. Api ca khomhi otiṇṇo jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto; appeva nāma imassa kevalassa dukkhakkhandhassa antakiriyā paññāyethāti – nanu tumhe, anuruddhā, evaṃ saddhā agārasmā anagāriyaṃ pabbajitā’’ti? ‘‘Evaṃ, bhante’’. ‘‘Evaṃ pabbajitena ca pana, anuruddhā, kulaputtena kimassa karaṇīyaṃ? Vivekaṃ, anuruddhā, kāmehi vivekaṃ akusalehi dhammehi pītisukhaṃ nādhigacchati aññaṃ vā 9 tato santataraṃ, tassa abhijjhāpi cittaṃ pariyādāya tiṭṭhati, byāpādopi cittaṃ pariyādāya tiṭṭhati, thīnamiddhampi 10 cittaṃ pariyādāya tiṭṭhati uddhaccakukkuccampi cittaṃ pariyādāya tiṭṭhati, vicikicchāpi cittaṃ pariyādāya tiṭṭhati, aratīpi cittaṃ pariyādāya tiṭṭhati, tandīpi cittaṃ pariyādāya tiṭṭhati. Vivekaṃ, anuruddhā, kāmehi vivekaṃ akusalehi dhammehi pītisukhaṃ nādhigacchati aññaṃ vā tato santataraṃ’’.
‘‘વਿવੇਕਂ, ਅਨੁਰੁਦ੍ਧਾ, ਕਾਮੇਹਿ વਿવੇਕਂ ਅਕੁਸਲੇਹਿ ਧਮ੍ਮੇਹਿ ਪੀਤਿਸੁਖਂ ਅਧਿਗਚ੍ਛਤਿ ਅਞ੍ਞਂ વਾ ਤਤੋ ਸਨ੍ਤਤਰਂ, ਤਸ੍ਸ ਅਭਿਜ੍ਝਾਪਿ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਤਿ, ਬ੍ਯਾਪਾਦੋਪਿ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਤਿ, ਥੀਨਮਿਦ੍ਧਮ੍ਪਿ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਤਿ, ਉਦ੍ਧਚ੍ਚਕੁਕ੍ਕੁਚ੍ਚਮ੍ਪਿ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਤਿ, વਿਚਿਕਿਚ੍ਛਾਪਿ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਤਿ, ਅਰਤੀਪਿ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਤਿ, ਤਨ੍ਦੀਪਿ ਚਿਤ੍ਤਂ ਨ ਪਰਿਯਾਦਾਯ ਤਿਟ੍ਠਤਿ। વਿવੇਕਂ, ਅਨੁਰੁਦ੍ਧਾ, ਕਾਮੇਹਿ વਿવੇਕਂ ਅਕੁਸਲੇਹਿ ਧਮ੍ਮੇਹਿ ਪੀਤਿਸੁਖਂ ਅਧਿਗਚ੍ਛਤਿ ਅਞ੍ਞਂ વਾ ਤਤੋ ਸਨ੍ਤਤਰਂ।
‘‘Vivekaṃ, anuruddhā, kāmehi vivekaṃ akusalehi dhammehi pītisukhaṃ adhigacchati aññaṃ vā tato santataraṃ, tassa abhijjhāpi cittaṃ na pariyādāya tiṭṭhati, byāpādopi cittaṃ na pariyādāya tiṭṭhati, thīnamiddhampi cittaṃ na pariyādāya tiṭṭhati, uddhaccakukkuccampi cittaṃ na pariyādāya tiṭṭhati, vicikicchāpi cittaṃ na pariyādāya tiṭṭhati, aratīpi cittaṃ na pariyādāya tiṭṭhati, tandīpi cittaṃ na pariyādāya tiṭṭhati. Vivekaṃ, anuruddhā, kāmehi vivekaṃ akusalehi dhammehi pītisukhaṃ adhigacchati aññaṃ vā tato santataraṃ.
੧੬੮. ‘‘ਕਿਨ੍ਤਿ વੋ, ਅਨੁਰੁਦ੍ਧਾ, ਮਯਿ ਹੋਤਿ – ‘ਯੇ ਆਸવਾ ਸਂਕਿਲੇਸਿਕਾ ਪੋਨੋਬ੍ਭવਿਕਾ 11 ਸਦਰਾ ਦੁਕ੍ਖવਿਪਾਕਾ ਆਯਤਿਂ ਜਾਤਿਜਰਾਮਰਣਿਯਾ, ਅਪ੍ਪਹੀਨਾ ਤੇ ਤਥਾਗਤਸ੍ਸ; ਤਸ੍ਮਾ ਤਥਾਗਤੋ ਸਙ੍ਖਾਯੇਕਂ ਪਟਿਸੇવਤਿ, ਸਙ੍ਖਾਯੇਕਂ ਅਧਿવਾਸੇਤਿ, ਸਙ੍ਖਾਯੇਕਂ ਪਰਿવਜ੍ਜੇਤਿ, ਸਙ੍ਖਾਯੇਕਂ વਿਨੋਦੇਤੀ’’’ਤਿ? ‘‘ਨ ਖੋ ਨੋ, ਭਨ੍ਤੇ, ਭਗવਤਿ ਏવਂ ਹੋਤਿ – ‘ਯੇ ਆਸવਾ ਸਂਕਿਲੇਸਿਕਾ ਪੋਨੋਬ੍ਭવਿਕਾ ਸਦਰਾ ਦੁਕ੍ਖવਿਪਾਕਾ ਆਯਤਿਂ ਜਾਤਿਜਰਾਮਰਣਿਯਾ, ਅਪ੍ਪਹੀਨਾ ਤੇ ਤਥਾਗਤਸ੍ਸ; ਤਸ੍ਮਾ ਤਥਾਗਤੋ ਸਙ੍ਖਾਯੇਕਂ ਪਟਿਸੇવਤਿ, ਸਙ੍ਖਾਯੇਕਂ ਅਧਿવਾਸੇਤਿ, ਸਙ੍ਖਾਯੇਕਂ ਪਰਿવਜ੍ਜੇਤਿ, ਸਙ੍ਖਾਯੇਕਂ વਿਨੋਦੇਤੀ’ਤਿ। ਏવਂ ਖੋ ਨੋ, ਭਨ੍ਤੇ, ਭਗવਤਿ ਹੋਤਿ – ‘ਯੇ ਆਸવਾ ਸਂਕਿਲੇਸਿਕਾ ਪੋਨੋਬ੍ਭવਿਕਾ ਸਦਰਾ ਦੁਕ੍ਖવਿਪਾਕਾ ਆਯਤਿਂ ਜਾਤਿਜਰਾਮਰਣਿਯਾ, ਪਹੀਨਾ ਤੇ ਤਥਾਗਤਸ੍ਸ; ਤਸ੍ਮਾ ਤਥਾਗਤੋ ਸਙ੍ਖਾਯੇਕਂ ਪਟਿਸੇવਤਿ, ਸਙ੍ਖਾਯੇਕਂ ਅਧਿવਾਸੇਤਿ, ਸਙ੍ਖਾਯੇਕਂ ਪਰਿવਜ੍ਜੇਤਿ, ਸਙ੍ਖਾਯੇਕਂ વਿਨੋਦੇਤੀ’’’ਤਿ। ‘‘ਸਾਧੁ ਸਾਧੁ, ਅਨੁਰੁਦ੍ਧਾ! ਤਥਾਗਤਸ੍ਸ, ਅਨੁਰੁਦ੍ਧਾ, ਯੇ ਆਸવਾ ਸਂਕਿਲੇਸਿਕਾ ਪੋਨੋਬ੍ਭવਿਕਾ ਸਦਰਾ ਦੁਕ੍ਖવਿਪਾਕਾ ਆਯਤਿਂ ਜਾਤਿਜਰਾਮਰਣਿਯਾ, ਪਹੀਨਾ ਤੇ ਉਚ੍ਛਿਨ੍ਨਮੂਲਾ ਤਾਲਾવਤ੍ਥੁਕਤਾ ਅਨਭਾવਂਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ। ਸੇਯ੍ਯਥਾਪਿ, ਅਨੁਰੁਦ੍ਧਾ, ਤਾਲੋ ਮਤ੍ਥਕਚ੍ਛਿਨ੍ਨੋ ਅਭਬ੍ਬੋ ਪੁਨવਿਰੂਲ਼੍ਹਿਯਾ; ਏવਮੇવ ਖੋ, ਅਨੁਰੁਦ੍ਧਾ , ਤਥਾਗਤਸ੍ਸ ਯੇ ਆਸવਾ ਸਂਕਿਲੇਸਿਕਾ ਪੋਨੋਬ੍ਭવਿਕਾ ਸਦਰਾ ਦੁਕ੍ਖવਿਪਾਕਾ ਆਯਤਿਂ ਜਾਤਿਜਰਾਮਰਣਿਯਾ, ਪਹੀਨਾ ਤੇ ਉਚ੍ਛਿਨ੍ਨਮੂਲਾ ਤਾਲਾવਤ੍ਥੁਕਤਾ ਅਨਭਾવਂਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ; ਤਸ੍ਮਾ ਤਥਾਗਤੋ ਸਙ੍ਖਾਯੇਕਂ ਪਟਿਸੇવਤਿ, ਸਙ੍ਖਾਯੇਕਂ ਅਧਿવਾਸੇਤਿ, ਸਙ੍ਖਾਯੇਕਂ ਪਰਿવਜ੍ਜੇਤਿ, ਸਙ੍ਖਾਯੇਕਂ વਿਨੋਦੇਤਿ’’।
168. ‘‘Kinti vo, anuruddhā, mayi hoti – ‘ye āsavā saṃkilesikā ponobbhavikā 12 sadarā dukkhavipākā āyatiṃ jātijarāmaraṇiyā, appahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’’’ti? ‘‘Na kho no, bhante, bhagavati evaṃ hoti – ‘ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, appahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’ti. Evaṃ kho no, bhante, bhagavati hoti – ‘ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’’’ti. ‘‘Sādhu sādhu, anuruddhā! Tathāgatassa, anuruddhā, ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te ucchinnamūlā tālāvatthukatā anabhāvaṃkatā āyatiṃ anuppādadhammā. Seyyathāpi, anuruddhā, tālo matthakacchinno abhabbo punavirūḷhiyā; evameva kho, anuruddhā , tathāgatassa ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te ucchinnamūlā tālāvatthukatā anabhāvaṃkatā āyatiṃ anuppādadhammā; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodeti’’.
‘‘ਤਂ ਕਿਂ ਮਞ੍ਞਸਿ, ਅਨੁਰੁਦ੍ਧਾ, ਕਂ ਅਤ੍ਥવਸਂ ਸਮ੍ਪਸ੍ਸਮਾਨੋ ਤਥਾਗਤੋ ਸਾવਕੇ ਅਬ੍ਭਤੀਤੇ ਕਾਲਙ੍ਕਤੇ ਉਪਪਤ੍ਤੀਸੁ ਬ੍ਯਾਕਰੋਤਿ – ‘ਅਸੁ ਅਮੁਤ੍ਰ ਉਪਪਨ੍ਨੋ; ਅਸੁ ਅਮੁਤ੍ਰ ਉਪਪਨ੍ਨੋ’’’ਤਿ? ‘‘ਭਗવਂਮੂਲਕਾ ਨੋ, ਭਨ੍ਤੇ, ਧਮ੍ਮਾ ਭਗવਂਨੇਤ੍ਤਿਕਾ ਭਗવਂਪਟਿਸਰਣਾ। ਸਾਧੁ વਤ, ਭਨ੍ਤੇ, ਭਗવਨ੍ਤਂਯੇવ ਪਟਿਭਾਤੁ ਏਤਸ੍ਸ ਭਾਸਿਤਸ੍ਸ ਅਤ੍ਥੋ। ਭਗવਤੋ ਸੁਤ੍વਾ ਭਿਕ੍ਖੂ ਧਾਰੇਸ੍ਸਨ੍ਤੀ’’ਤਿ । ‘‘ਨ ਖੋ, ਅਨੁਰੁਦ੍ਧਾ, ਤਥਾਗਤੋ ਜਨਕੁਹਨਤ੍ਥਂ ਨ ਜਨਲਪਨਤ੍ਥਂ ਨ ਲਾਭਸਕ੍ਕਾਰਸਿਲੋਕਾਨਿਸਂਸਤ੍ਥਂ ਨ ‘ਇਤਿ ਮਂ ਜਨੋ ਜਾਨਾਤੂ’ਤਿ ਸਾવਕੇ ਅਬ੍ਭਤੀਤੇ ਕਾਲਙ੍ਕਤੇ ਉਪਪਤ੍ਤੀਸੁ ਬ੍ਯਾਕਰੋਤਿ – ‘ਅਸੁ ਅਮੁਤ੍ਰ ਉਪਪਨ੍ਨੋ, ਅਸੁ ਅਮੁਤ੍ਰ ਉਪਪਨ੍ਨੋ’ਤਿ। ਸਨ੍ਤਿ ਚ ਖੋ, ਅਨੁਰੁਦ੍ਧਾ, ਕੁਲਪੁਤ੍ਤਾ ਸਦ੍ਧਾ ਉਲ਼ਾਰવੇਦਾ ਉਲ਼ਾਰਪਾਮੋਜ੍ਜਾ। ਤੇ ਤਂ ਸੁਤ੍વਾ ਤਦਤ੍ਥਾਯ ਚਿਤ੍ਤਂ ਉਪਸਂਹਰਨ੍ਤਿ। ਤੇਸਂ ਤਂ, ਅਨੁਰੁਦ੍ਧਾ, ਹੋਤਿ ਦੀਘਰਤ੍ਤਂ ਹਿਤਾਯ ਸੁਖਾਯ’’।
‘‘Taṃ kiṃ maññasi, anuruddhā, kaṃ atthavasaṃ sampassamāno tathāgato sāvake abbhatīte kālaṅkate upapattīsu byākaroti – ‘asu amutra upapanno; asu amutra upapanno’’’ti? ‘‘Bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā. Sādhu vata, bhante, bhagavantaṃyeva paṭibhātu etassa bhāsitassa attho. Bhagavato sutvā bhikkhū dhāressantī’’ti . ‘‘Na kho, anuruddhā, tathāgato janakuhanatthaṃ na janalapanatthaṃ na lābhasakkārasilokānisaṃsatthaṃ na ‘iti maṃ jano jānātū’ti sāvake abbhatīte kālaṅkate upapattīsu byākaroti – ‘asu amutra upapanno, asu amutra upapanno’ti. Santi ca kho, anuruddhā, kulaputtā saddhā uḷāravedā uḷārapāmojjā. Te taṃ sutvā tadatthāya cittaṃ upasaṃharanti. Tesaṃ taṃ, anuruddhā, hoti dīgharattaṃ hitāya sukhāya’’.
੧੬੯. ‘‘ਇਧਾਨੁਰੁਦ੍ਧਾ, ਭਿਕ੍ਖੁ ਸੁਣਾਤਿ – ‘ਇਤ੍ਥਨ੍ਨਾਮੋ ਭਿਕ੍ਖੁ ਕਾਲਙ੍ਕਤੋ 13; ਸੋ ਭਗવਤਾ ਬ੍ਯਾਕਤੋ – ਅਞ੍ਞਾਯ ਸਣ੍ਠਹੀ’ਤਿ। ਸੋ ਖੋ ਪਨਸ੍ਸ ਆਯਸ੍ਮਾ ਸਾਮਂ ਦਿਟ੍ਠੋ વਾ ਹੋਤਿ ਅਨੁਸ੍ਸવਸ੍ਸੁਤੋ વਾ – ‘ਏવਂਸੀਲੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਧਮ੍ਮੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਪਞ੍ਞੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂવਿਹਾਰੀ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂવਿਮੁਤ੍ਤੋ ਸੋ ਆਯਸ੍ਮਾ ਅਹੋਸਿ ਇਤਿਪੀ’ਤਿ। ਸੋ ਤਸ੍ਸ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੋ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਭਿਕ੍ਖੁਨੋ ਫਾਸੁવਿਹਾਰੋ ਹੋਤਿ।
169. ‘‘Idhānuruddhā, bhikkhu suṇāti – ‘itthannāmo bhikkhu kālaṅkato 14; so bhagavatā byākato – aññāya saṇṭhahī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo so āyasmā ahosi itipi, evaṃpañño so āyasmā ahosi itipi, evaṃvihārī so āyasmā ahosi itipi, evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
‘‘ਇਧਾਨੁਰੁਦ੍ਧਾ , ਭਿਕ੍ਖੁ ਸੁਣਾਤਿ – ‘ਇਤ੍ਥਨ੍ਨਾਮੋ ਭਿਕ੍ਖੁ ਕਾਲਙ੍ਕਤੋ; ਸੋ ਭਗવਤਾ ਬ੍ਯਾਕਤੋ – ਪਞ੍ਚਨ੍ਨਂ ਓਰਮ੍ਭਾਗਿਯਾਨਂ ਸਂਯੋਜਨਾਨਂ ਪਰਿਕ੍ਖਯਾ ਓਪਪਾਤਿਕੋ ਤਤ੍ਥ ਪਰਿਨਿਬ੍ਬਾਯੀ ਅਨਾવਤ੍ਤਿਧਮ੍ਮੋ ਤਸ੍ਮਾ ਲੋਕਾ’ਤਿ। ਸੋ ਖੋ ਪਨਸ੍ਸ ਆਯਸ੍ਮਾ ਸਾਮਂ ਦਿਟ੍ਠੋ વਾ ਹੋਤਿ ਅਨੁਸ੍ਸવਸ੍ਸੁਤੋ વਾ – ‘ਏવਂਸੀਲੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਧਮ੍ਮੋ…ਪੇ॰… ਏવਂਪਞ੍ਞੋ… ਏવਂવਿਹਾਰੀ… ਏવਂવਿਮੁਤ੍ਤੋ ਸੋ ਆਯਸ੍ਮਾ ਅਹੋਸਿ ਇਤਿਪੀ’ਤਿ। ਸੋ ਤਸ੍ਸ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੋ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਭਿਕ੍ਖੁਨੋ ਫਾਸੁવਿਹਾਰੋ ਹੋਤਿ।
‘‘Idhānuruddhā , bhikkhu suṇāti – ‘itthannāmo bhikkhu kālaṅkato; so bhagavatā byākato – pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
‘‘ਇਧਾਨੁਰੁਦ੍ਧਾ, ਭਿਕ੍ਖੁ ਸੁਣਾਤਿ – ‘ਇਤ੍ਥਨ੍ਨਾਮੋ ਭਿਕ੍ਖੁ ਕਾਲਙ੍ਕਤੋ; ਸੋ ਭਗવਤਾ ਬ੍ਯਾਕਤੋ – ਤਿਣ੍ਣਂ ਸਂਯੋਜਨਾਨਂ ਪਰਿਕ੍ਖਯਾ ਰਾਗਦੋਸਮੋਹਾਨਂ ਤਨੁਤ੍ਤਾ ਸਕਦਾਗਾਮੀ ਸਕਿਦੇવ ਇਮਂ ਲੋਕਂ ਆਗਨ੍ਤ੍વਾ ਦੁਕ੍ਖਸ੍ਸਨ੍ਤਂ ਕਰਿਸ੍ਸਤੀ’ਤਿ। ਸੋ ਖੋ ਪਨਸ੍ਸ ਆਯਸ੍ਮਾ ਸਾਮਂ ਦਿਟ੍ਠੋ વਾ ਹੋਤਿ ਅਨੁਸ੍ਸવਸ੍ਸੁਤੋ વਾ – ‘ਏવਂਸੀਲੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਧਮ੍ਮੋ…ਪੇ॰… ਏવਂਪਞ੍ਞੋ… ਏવਂવਿਹਾਰੀ… ਏવਂવਿਮੁਤ੍ਤੋ ਸੋ ਆਯਸ੍ਮਾ ਅਹੋਸਿ ਇਤਿਪੀ’ਤਿ। ਸੋ ਤਸ੍ਸ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੋ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਭਿਕ੍ਖੁਨੋ ਫਾਸੁવਿਹਾਰੋ ਹੋਤਿ।
‘‘Idhānuruddhā, bhikkhu suṇāti – ‘itthannāmo bhikkhu kālaṅkato; so bhagavatā byākato – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī sakideva imaṃ lokaṃ āgantvā dukkhassantaṃ karissatī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
‘‘ਇਧਾਨੁਰੁਦ੍ਧਾ, ਭਿਕ੍ਖੁ ਸੁਣਾਤਿ – ‘ਇਤ੍ਥਨ੍ਨਾਮੋ ਭਿਕ੍ਖੁ ਕਾਲਙ੍ਕਤੋ; ਸੋ ਭਗવਤਾ ਬ੍ਯਾਕਤੋ – ਤਿਣ੍ਣਂ ਸਂਯੋਜਨਾਨਂ ਪਰਿਕ੍ਖਯਾ ਸੋਤਾਪਨ੍ਨੋ ਅવਿਨਿਪਾਤਧਮ੍ਮੋ ਨਿਯਤੋ ਸਮ੍ਬੋਧਿਪਰਾਯਣੋ’ਤਿ। ਸੋ ਖੋ ਪਨਸ੍ਸ ਆਯਸ੍ਮਾ ਸਾਮਂ ਦਿਟ੍ਠੋ વਾ ਹੋਤਿ ਅਨੁਸ੍ਸવਸ੍ਸੁਤੋ વਾ – ‘ਏવਂਸੀਲੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਧਮ੍ਮੋ…ਪੇ॰… ਏવਂਪਞ੍ਞੋ… ਏવਂવਿਹਾਰੀ… ਏવਂવਿਮੁਤ੍ਤੋ ਸੋ ਆਯਸ੍ਮਾ ਅਹੋਸਿ ਇਤਿਪੀ’ਤਿ। ਸੋ ਤਸ੍ਸ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੋ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਭਿਕ੍ਖੁਨੋ ਫਾਸੁવਿਹਾਰੋ ਹੋਤਿ।
‘‘Idhānuruddhā, bhikkhu suṇāti – ‘itthannāmo bhikkhu kālaṅkato; so bhagavatā byākato – tiṇṇaṃ saṃyojanānaṃ parikkhayā sotāpanno avinipātadhammo niyato sambodhiparāyaṇo’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
੧੭੦. ‘‘ਇਧਾਨੁਰੁਦ੍ਧਾ, ਭਿਕ੍ਖੁਨੀ ਸੁਣਾਤਿ – ‘ਇਤ੍ਥਨ੍ਨਾਮਾ ਭਿਕ੍ਖੁਨੀ ਕਾਲਙ੍ਕਤਾ; ਸਾ ਭਗવਤਾ ਬ੍ਯਾਕਤਾ – ਅਞ੍ਞਾਯ ਸਣ੍ਠਹੀ’ਤਿ। ਸਾ ਖੋ ਪਨਸ੍ਸਾ ਭਗਿਨੀ ਸਾਮਂ ਦਿਟ੍ਠਾ વਾ ਹੋਤਿ ਅਨੁਸ੍ਸવਸ੍ਸੁਤਾ વਾ – ‘ਏવਂਸੀਲਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂਧਮ੍ਮਾ ਸਾ ਭਗਿਨੀ ਅਹੋਸਿ ਇਤਿਪਿ , ਏવਂਪਞ੍ਞਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂવਿਹਾਰਿਨੀ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂવਿਮੁਤ੍ਤਾ ਸਾ ਭਗਿਨੀ ਅਹੋਸਿ ਇਤਿਪੀ’ਤਿ। ਸਾ ਤਸ੍ਸਾ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੀ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਭਿਕ੍ਖੁਨਿਯਾ ਫਾਸੁવਿਹਾਰੋ ਹੋਤਿ।
170. ‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – aññāya saṇṭhahī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā sā bhaginī ahosi itipi , evaṃpaññā sā bhaginī ahosi itipi, evaṃvihārinī sā bhaginī ahosi itipi, evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
‘‘ਇਧਾਨੁਰੁਦ੍ਧਾ , ਭਿਕ੍ਖੁਨੀ ਸੁਣਾਤਿ – ‘ਇਤ੍ਥਨ੍ਨਾਮਾ ਭਿਕ੍ਖੁਨੀ ਕਾਲਙ੍ਕਤਾ; ਸਾ ਭਗવਤਾ ਬ੍ਯਾਕਤਾ – ਪਞ੍ਚਨ੍ਨਂ ਓਰਮ੍ਭਾਗਿਯਾਨਂ ਸਂਯੋਜਨਾਨਂ ਪਰਿਕ੍ਖਯਾ ਓਪਪਾਤਿਕਾ ਤਤ੍ਥ ਪਰਿਨਿਬ੍ਬਾਯਿਨੀ ਅਨਾવਤ੍ਤਿਧਮ੍ਮਾ ਤਸ੍ਮਾ ਲੋਕਾ’ਤਿ। ਸਾ ਖੋ ਪਨਸ੍ਸਾ ਭਗਿਨੀ ਸਾਮਂ ਦਿਟ੍ਠਾ વਾ ਹੋਤਿ ਅਨੁਸ੍ਸવਸ੍ਸੁਤਾ વਾ – ‘ਏવਂਸੀਲਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂਧਮ੍ਮਾ…ਪੇ॰… ਏવਂਪਞ੍ਞਾ… ਏવਂવਿਹਾਰਿਨੀ… ਏવਂવਿਮੁਤ੍ਤਾ ਸਾ ਭਗਿਨੀ ਅਹੋਸਿ ਇਤਿਪੀ’ਤਿ। ਸਾ ਤਸ੍ਸਾ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੀ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਭਿਕ੍ਖੁਨਿਯਾ ਫਾਸੁવਿਹਾਰੋ ਹੋਤਿ।
‘‘Idhānuruddhā , bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyinī anāvattidhammā tasmā lokā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā…pe… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
‘‘ਇਧਾਨੁਰੁਦ੍ਧਾ, ਭਿਕ੍ਖੁਨੀ ਸੁਣਾਤਿ – ‘ਇਤ੍ਥਨ੍ਨਾਮਾ ਭਿਕ੍ਖੁਨੀ ਕਾਲਙ੍ਕਤਾ; ਸਾ ਭਗવਤਾ ਬ੍ਯਾਕਤਾ – ਤਿਣ੍ਣਂ ਸਂਯੋਜਨਾਨਂ ਪਰਿਕ੍ਖਯਾ ਰਾਗਦੋਸਮੋਹਾਨਂ ਤਨੁਤ੍ਤਾ ਸਕਦਾਗਾਮਿਨੀ ਸਕਿਦੇવ ਇਮਂ ਲੋਕਂ ਆਗਨ੍ਤ੍વਾ ਦੁਕ੍ਖਸ੍ਸਨ੍ਤਂ ਕਰਿਸ੍ਸਤੀ’ਤਿ। ਸਾ ਖੋ ਪਨਸ੍ਸਾ ਭਗਿਨੀ ਸਾਮਂ ਦਿਟ੍ਠਾ વਾ ਹੋਤਿ ਅਨੁਸ੍ਸવਸ੍ਸੁਤਾ વਾ – ‘ਏવਂਸੀਲਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂਧਮ੍ਮਾ…ਪੇ॰… ਏવਂਪਞ੍ਞਾ… ਏવਂવਿਹਾਰਿਨੀ… ਏવਂવਿਮੁਤ੍ਤਾ ਸਾ ਭਗਿਨੀ ਅਹੋਸਿ ਇਤਿਪੀ’ਤਿ। ਸਾ ਤਸ੍ਸਾ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੀ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਭਿਕ੍ਖੁਨਿਯਾ ਫਾਸੁવਿਹਾਰੋ ਹੋਤਿ।
‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāminī sakideva imaṃ lokaṃ āgantvā dukkhassantaṃ karissatī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā…pe… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
‘‘ਇਧਾਨੁਰੁਦ੍ਧਾ, ਭਿਕ੍ਖੁਨੀ ਸੁਣਾਤਿ – ‘ਇਤ੍ਥਨ੍ਨਾਮਾ ਭਿਕ੍ਖੁਨੀ ਕਾਲਙ੍ਕਤਾ; ਸਾ ਭਗવਤਾ ਬ੍ਯਾਕਤਾ – ਤਿਣ੍ਣਂ ਸਂਯੋਜਨਾਨਂ ਪਰਿਕ੍ਖਯਾ ਸੋਤਾਪਨ੍ਨਾ ਅવਿਨਿਪਾਤਧਮ੍ਮਾ ਨਿਯਤਾ ਸਮ੍ਬੋਧਿਪਰਾਯਣਾ’ਤਿ । ਸਾ ਖੋ ਪਨਸ੍ਸਾ ਭਗਿਨੀ ਸਾਮਂ ਦਿਟ੍ਠਾ વਾ ਹੋਤਿ ਅਨੁਸ੍ਸવਸ੍ਸੁਤਾ વਾ – ‘ਏવਂਸੀਲਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂਧਮ੍ਮਾ… ਏવਂਪਞ੍ਞਾ… ਏવਂવਿਹਾਰਿਨੀ… ਏવਂવਿਮੁਤ੍ਤਾ ਸਾ ਭਗਿਨੀ ਅਹੋਸਿ ਇਤਿਪੀ’ਤਿ। ਸਾ ਤਸ੍ਸਾ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੀ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਭਿਕ੍ਖੁਨਿਯਾ ਫਾਸੁવਿਹਾਰੋ ਹੋਤਿ।
‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’ti . Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
੧੭੧. ‘‘ਇਧਾਨੁਰੁਦ੍ਧਾ, ਉਪਾਸਕੋ ਸੁਣਾਤਿ – ‘ਇਤ੍ਥਨ੍ਨਾਮੋ ਉਪਾਸਕੋ ਕਾਲਙ੍ਕਤੋ; ਸੋ ਭਗવਤਾ ਬ੍ਯਾਕਤੋ – ਪਞ੍ਚਨ੍ਨਂ ਓਰਮ੍ਭਾਗਿਯਾਨਂ ਸਂਯੋਜਨਾਨਂ ਪਰਿਕ੍ਖਯਾ ਓਪਪਾਤਿਕੋ ਤਤ੍ਥ ਪਰਿਨਿਬ੍ਬਾਯੀ ਅਨਾવਤ੍ਤਿਧਮ੍ਮੋ ਤਸ੍ਮਾ ਲੋਕਾ’ਤਿ। ਸੋ ਖੋ ਪਨਸ੍ਸ ਆਯਸ੍ਮਾ ਸਾਮਂ ਦਿਟ੍ਠੋ વਾ ਹੋਤਿ ਅਨੁਸ੍ਸવਸ੍ਸੁਤੋ વਾ – ‘ਏવਂਸੀਲੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਧਮ੍ਮੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਪਞ੍ਞੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂવਿਹਾਰੀ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂવਿਮੁਤ੍ਤੋ ਸੋ ਆਯਸ੍ਮਾ ਅਹੋਸਿ ਇਤਿਪੀ’ਤਿ। ਸੋ ਤਸ੍ਸ ਸਦ੍ਧਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੋ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਉਪਾਸਕਸ੍ਸ ਫਾਸੁવਿਹਾਰੋ ਹੋਤਿ।
171. ‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo so āyasmā ahosi itipi, evaṃpañño so āyasmā ahosi itipi, evaṃvihārī so āyasmā ahosi itipi, evaṃvimutto so āyasmā ahosi itipī’ti. So tassa saddhañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, upāsakassa phāsuvihāro hoti.
‘‘ਇਧਾਨੁਰੁਦ੍ਧਾ, ਉਪਾਸਕੋ ਸੁਣਾਤਿ – ‘ਇਤ੍ਥਨ੍ਨਾਮੋ ਉਪਾਸਕੋ ਕਾਲਙ੍ਕਤੋ; ਸੋ ਭਗવਤਾ ਬ੍ਯਾਕਤੋ – ਤਿਣ੍ਣਂ ਸਂਯੋਜਨਾਨਂ ਪਰਿਕ੍ਖਯਾ ਰਾਗਦੋਸਮੋਹਾਨਂ ਤਨੁਤ੍ਤਾ ਸਕਦਾਗਾਮੀ ਸਕਿਦੇવ ਇਮਂ ਲੋਕਂ ਆਗਨ੍ਤ੍વਾ ਦੁਕ੍ਖਸ੍ਸਨ੍ਤਂ ਕਰਿਸ੍ਸਤੀ’ਤਿ। ਸੋ ਖੋ ਪਨਸ੍ਸ ਆਯਸ੍ਮਾ ਸਾਮਂ ਦਿਟ੍ਠੋ વਾ ਹੋਤਿ ਅਨੁਸ੍ਸવਸ੍ਸੁਤੋ વਾ – ‘ਏવਂਸੀਲੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਧਮ੍ਮੋ… ਏવਂਪਞ੍ਞੋ… ਏવਂવਿਹਾਰੀ… ਏવਂવਿਮੁਤ੍ਤੋ ਸੋ ਆਯਸ੍ਮਾ ਅਹੋਸਿ ਇਤਿਪੀ’ਤਿ। ਸੋ ਤਸ੍ਸ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੋ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਉਪਾਸਕਸ੍ਸ ਫਾਸੁવਿਹਾਰੋ ਹੋਤਿ।
‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī sakideva imaṃ lokaṃ āgantvā dukkhassantaṃ karissatī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, upāsakassa phāsuvihāro hoti.
‘‘ਇਧਾਨੁਰੁਦ੍ਧਾ, ਉਪਾਸਕੋ ਸੁਣਾਤਿ – ‘ਇਤ੍ਥਨ੍ਨਾਮੋ ਉਪਾਸਕੋ ਕਾਲਙ੍ਕਤੋ; ਸੋ ਭਗવਤਾ ਬ੍ਯਾਕਤੋ – ਤਿਣ੍ਣਂ ਸਂਯੋਜਨਾਨਂ ਪਰਿਕ੍ਖਯਾ ਸੋਤਾਪਨ੍ਨੋ ਅવਿਨਿਪਾਤਧਮ੍ਮੋ ਨਿਯਤੋ ਸਮ੍ਬੋਧਿਪਰਾਯਣੋ’ਤਿ। ਸੋ ਖੋ ਪਨਸ੍ਸ ਆਯਸ੍ਮਾ ਸਾਮਂ ਦਿਟ੍ਠੋ વਾ ਹੋਤਿ ਅਨੁਸ੍ਸવਸ੍ਸੁਤੋ વਾ – ‘ਏવਂਸੀਲੋ ਸੋ ਆਯਸ੍ਮਾ ਅਹੋਸਿ ਇਤਿਪਿ, ਏવਂਧਮ੍ਮੋ…ਪੇ॰… ਏવਂਪਞ੍ਞੋ… ਏવਂવਿਹਾਰੀ… ਏવਂવਿਮੁਤ੍ਤੋ ਸੋ ਆਯਸ੍ਮਾ ਅਹੋਸਿ ਇਤਿਪੀ’ਤਿ। ਸੋ ਤਸ੍ਸ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੋ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ ਉਪਾਸਕਸ੍ਸ ਫਾਸੁવਿਹਾਰੋ ਹੋਤਿ।
‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – tiṇṇaṃ saṃyojanānaṃ parikkhayā sotāpanno avinipātadhammo niyato sambodhiparāyaṇo’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā upāsakassa phāsuvihāro hoti.
੧੭੨. ‘‘ਇਧਾਨੁਰੁਦ੍ਧਾ , ਉਪਾਸਿਕਾ ਸੁਣਾਤਿ – ‘ਇਤ੍ਥਨ੍ਨਾਮਾ ਉਪਾਸਿਕਾ ਕਾਲਙ੍ਕਤਾ; ਸਾ ਭਗવਤਾ ਬ੍ਯਾਕਤਾ – ਪਞ੍ਚਨ੍ਨਂ ਓਰਮ੍ਭਾਗਿਯਾਨਂ ਸਂਯੋਜਨਾਨਂ ਪਰਿਕ੍ਖਯਾ ਓਪਪਾਤਿਕਾ ਤਤ੍ਥ ਪਰਿਨਿਬ੍ਬਾਯਿਨੀ ਅਨਾવਤ੍ਤਿਧਮ੍ਮਾ ਤਸ੍ਮਾ ਲੋਕਾ’ਤਿ। ਸਾ ਖੋ ਪਨਸ੍ਸਾ ਭਗਿਨੀ ਸਾਮਂ ਦਿਟ੍ਠਾ વਾ ਹੋਤਿ ਅਨੁਸ੍ਸવਸ੍ਸੁਤਾ વਾ – ‘ਏવਂਸੀਲਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂਧਮ੍ਮਾ… ਏવਂਪਞ੍ਞਾ… ਏવਂવਿਹਾਰਿਨੀ… ਏવਂવਿਮੁਤ੍ਤਾ ਸਾ ਭਗਿਨੀ ਅਹੋਸਿ ਇਤਿਪੀ’ਤਿ। ਸਾ ਤਸ੍ਸਾ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੀ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਉਪਾਸਿਕਾਯ ਫਾਸੁવਿਹਾਰੋ ਹੋਤਿ।
172. ‘‘Idhānuruddhā , upāsikā suṇāti – ‘itthannāmā upāsikā kālaṅkatā; sā bhagavatā byākatā – pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyinī anāvattidhammā tasmā lokā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘ਇਧਾਨੁਰੁਦ੍ਧਾ, ਉਪਾਸਿਕਾ ਸੁਣਾਤਿ – ‘ਇਤ੍ਥਨ੍ਨਾਮਾ ਉਪਾਸਿਕਾ ਕਾਲਙ੍ਕਤਾ; ਸਾ ਭਗવਤਾ ਬ੍ਯਾਕਤਾ – ਤਿਣ੍ਣਂ ਸਂਯੋਜਨਾਨਂ ਪਰਿਕ੍ਖਯਾ ਰਾਗਦੋਸਮੋਹਾਨਂ ਤਨੁਤ੍ਤਾ ਸਕਦਾਗਾਮਿਨੀ ਸਕਿਦੇવ ਇਮਂ ਲੋਕਂ ਆਗਨ੍ਤ੍વਾ ਦੁਕ੍ਖਸ੍ਸਨ੍ਤਂ ਕਰਿਸ੍ਸਤੀ’ਤਿ। ਸਾ ਖੋ ਪਨਸ੍ਸਾ ਭਗਿਨੀ ਸਾਮਂ ਦਿਟ੍ਠਾ વਾ ਹੋਤਿ ਅਨੁਸ੍ਸવਸ੍ਸੁਤਾ વਾ – ‘ਏવਂਸੀਲਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂਧਮ੍ਮਾ… ਏવਂਪਞ੍ਞਾ… ਏવਂવਿਹਾਰਿਨੀ… ਏવਂવਿਮੁਤ੍ਤਾ ਸਾ ਭਗਿਨੀ ਅਹੋਸਿ ਇਤਿਪੀ’ਤਿ। ਸਾ ਤਸ੍ਸਾ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੀ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਉਪਾਸਿਕਾਯ ਫਾਸੁવਿਹਾਰੋ ਹੋਤਿ।
‘‘Idhānuruddhā, upāsikā suṇāti – ‘itthannāmā upāsikā kālaṅkatā; sā bhagavatā byākatā – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāminī sakideva imaṃ lokaṃ āgantvā dukkhassantaṃ karissatī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘ਇਧਾਨੁਰੁਦ੍ਧਾ, ਉਪਾਸਿਕਾ ਸੁਣਾਤਿ – ‘ਇਤ੍ਥਨ੍ਨਾਮਾ ਉਪਾਸਿਕਾ ਕਾਲਙ੍ਕਤਾ; ਸਾ ਭਗવਤਾ ਬ੍ਯਾਕਤਾ – ਤਿਣ੍ਣਂ ਸਂਯੋਜਨਾਨਂ ਪਰਿਕ੍ਖਯਾ ਸੋਤਾਪਨ੍ਨਾ ਅવਿਨਿਪਾਤਧਮ੍ਮਾ ਨਿਯਤਾ ਸਮ੍ਬੋਧਿਪਰਾਯਣਾ’ਤਿ। ਸਾ ਖੋ ਪਨਸ੍ਸਾ ਭਗਿਨੀ ਸਾਮਂ ਦਿਟ੍ਠਾ વਾ ਹੋਤਿ ਅਨੁਸ੍ਸવਸ੍ਸੁਤਾ વਾ – ‘ਏવਂਸੀਲਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂਧਮ੍ਮਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂਪਞ੍ਞਾ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂવਿਹਾਰਿਨੀ ਸਾ ਭਗਿਨੀ ਅਹੋਸਿ ਇਤਿਪਿ, ਏવਂવਿਮੁਤ੍ਤਾ ਸਾ ਭਗਿਨੀ ਅਹੋਸਿ ਇਤਿਪੀ’ਤਿ। ਸਾ ਤਸ੍ਸਾ ਸਦ੍ਧਞ੍ਚ ਸੀਲਞ੍ਚ ਸੁਤਞ੍ਚ ਚਾਗਞ੍ਚ ਪਞ੍ਞਞ੍ਚ ਅਨੁਸ੍ਸਰਨ੍ਤੀ ਤਦਤ੍ਥਾਯ ਚਿਤ੍ਤਂ ਉਪਸਂਹਰਤਿ। ਏવਮ੍ਪਿ ਖੋ, ਅਨੁਰੁਦ੍ਧਾ, ਉਪਾਸਿਕਾਯ ਫਾਸੁવਿਹਾਰੋ ਹੋਤਿ।
‘‘Idhānuruddhā, upāsikā suṇāti – ‘itthannāmā upāsikā kālaṅkatā; sā bhagavatā byākatā – tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā sā bhaginī ahosi itipi, evaṃpaññā sā bhaginī ahosi itipi, evaṃvihārinī sā bhaginī ahosi itipi, evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘ਇਤਿ ਖੋ, ਅਨੁਰੁਦ੍ਧਾ, ਤਥਾਗਤੋ ਨ ਜਨਕੁਹਨਤ੍ਥਂ ਨ ਜਨਲਪਨਤ੍ਥਂ ਨ ਲਾਭਸਕ੍ਕਾਰਸਿਲੋਕਾਨਿਸਂਸਤ੍ਥਂ ਨ ‘ਇਤਿ ਮਂ ਜਨੋ ਜਾਨਾਤੂ’ਤਿ ਸਾવਕੇ ਅਬ੍ਭਤੀਤੇ ਕਾਲਙ੍ਕਤੇ ਉਪਪਤ੍ਤੀਸੁ ਬ੍ਯਾਕਰੋਤਿ – ‘ਅਸੁ ਅਮੁਤ੍ਰ ਉਪਪਨ੍ਨੋ, ਅਸੁ ਅਮੁਤ੍ਰ ਉਪਪਨ੍ਨੋ’ਤਿ। ਸਨ੍ਤਿ ਚ ਖੋ, ਅਨੁਰੁਦ੍ਧਾ, ਕੁਲਪੁਤ੍ਤਾ ਸਦ੍ਧਾ ਉਲ਼ਾਰવੇਦਾ ਉਲ਼ਾਰਪਾਮੋਜ੍ਜਾ। ਤੇ ਤਂ ਸੁਤ੍વਾ ਤਦਤ੍ਥਾਯ ਚਿਤ੍ਤਂ ਉਪਸਂਹਰਨ੍ਤਿ। ਤੇਸਂ ਤਂ, ਅਨੁਰੁਦ੍ਧਾ, ਹੋਤਿ ਦੀਘਰਤ੍ਤਂ ਹਿਤਾਯ ਸੁਖਾਯਾ’’ਤਿ।
‘‘Iti kho, anuruddhā, tathāgato na janakuhanatthaṃ na janalapanatthaṃ na lābhasakkārasilokānisaṃsatthaṃ na ‘iti maṃ jano jānātū’ti sāvake abbhatīte kālaṅkate upapattīsu byākaroti – ‘asu amutra upapanno, asu amutra upapanno’ti. Santi ca kho, anuruddhā, kulaputtā saddhā uḷāravedā uḷārapāmojjā. Te taṃ sutvā tadatthāya cittaṃ upasaṃharanti. Tesaṃ taṃ, anuruddhā, hoti dīgharattaṃ hitāya sukhāyā’’ti.
ਇਦਮવੋਚ ਭਗવਾ। ਅਤ੍ਤਮਨੋ ਆਯਸ੍ਮਾ ਅਨੁਰੁਦ੍ਧੋ ਭਗવਤੋ ਭਾਸਿਤਂ ਅਭਿਨਨ੍ਦੀਤਿ।
Idamavoca bhagavā. Attamano āyasmā anuruddho bhagavato bhāsitaṃ abhinandīti.
ਨਲ਼ਕਪਾਨਸੁਤ੍ਤਂ ਨਿਟ੍ਠਿਤਂ ਅਟ੍ਠਮਂ।
Naḷakapānasuttaṃ niṭṭhitaṃ aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੮. ਨਲ਼ਕਪਾਨਸੁਤ੍ਤવਣ੍ਣਨਾ • 8. Naḷakapānasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੮. ਨਲ਼ਕਪਾਨਸੁਤ੍ਤવਣ੍ਣਨਾ • 8. Naḷakapānasuttavaṇṇanā
