| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. нал̣агабаанасуд̇д̇аван̣н̣анаа
8. Naḷakapānasuttavaṇṇanā
166. звам̣ мз суд̇анд̇и нал̣агабаанасуд̇д̇ам̣. д̇ад̇т̇а нал̣агабаанзд̇и звам̣наамагз г̇аамз. буб̣б̣з гира амхаагам̣ б̣од̇хисад̇д̇о ваанараяонияам̣ ниб̣б̣ад̇д̇о, махаагааяо габирааж̇аа анзгаваанарасахассабаривуд̇о баб̣б̣ад̇абаад̣̇з вижарад̇и. бан̃н̃аваа ко бана ход̇и махаабун̃н̃о. со барисам̣ звам̣ овад̣̇ад̇и – ‘‘имасмим̣ баб̣б̣ад̇абаад̣̇з д̇аад̇аа, висапалаани наама хонд̇и, амануссабариг̇г̇ахид̇аа богкаран̣ияо наама хонд̇и, д̇умхз буб̣б̣з каад̣̇ид̇абуб̣б̣аанзва палаани каад̣̇ат̇а, бийд̇абуб̣б̣аанзва баанийяаани жа биват̇а, зд̇т̇а во мам̣ бадибужчид̇аб̣б̣агижжам̣ над̇т̇и, акаад̣̇ид̇абуб̣б̣аани бана палаани абийд̇абуб̣б̣аани жа баанийяаани мам̣ абужчид̇ваа маа каад̣̇ид̇т̇а маа бивид̇т̇аа’’д̇и.
166.Evaṃme sutanti naḷakapānasuttaṃ. Tattha naḷakapāneti evaṃnāmake gāme. Pubbe kira amhākaṃ bodhisatto vānarayoniyaṃ nibbatto, mahākāyo kapirājā anekavānarasahassaparivuto pabbatapāde vicarati. Paññavā kho pana hoti mahāpuñño. So parisaṃ evaṃ ovadati – ‘‘imasmiṃ pabbatapāde tātā, visaphalāni nāma honti, amanussapariggahitā pokkharaṇiyo nāma honti, tumhe pubbe khāditapubbāneva phalāni khādatha, pītapubbāneva pānīyāni ca pivatha, ettha vo maṃ paṭipucchitabbakiccaṃ natthi, akhāditapubbāni pana phalāni apītapubbāni ca pānīyāni maṃ apucchitvā mā khādittha mā pivitthā’’ti.
д̇з згад̣̇ивасам̣ жарамаанаа ан̃н̃ам̣ баб̣б̣ад̇абаад̣̇ам̣ г̇анд̇ваа г̇ожарам̣ г̇ахзд̇ваа баанийяам̣ ологзнд̇аа згам̣ амануссабариг̇г̇ахид̇ам̣ богкаран̣им̣ д̣̇исваа сахасаа абивид̇ваа саманд̇аа бариваарзд̇ваа махаасад̇д̇асса ааг̇аманам̣ ологаяамаанаа нисийд̣̇им̣су. махаасад̇д̇о ааг̇анд̇ваа ‘‘гим̣ д̇аад̇аа баанийяам̣ на биват̇аа’’д̇и ааха. д̇умхаагам̣ ааг̇аманам̣ ологзмаад̇и. саад̇ху д̇аад̇аад̇и саманд̇аа бад̣̇ам̣ бариязсамаано од̇ин̣н̣абад̣̇ам̣язва ад̣̇д̣̇аса, на уд̇д̇ин̣н̣абад̣̇ам̣, д̣̇исваа сабариссаяаад̇и ан̃н̃ааси. д̇аавад̣̇зва жа д̇ад̇т̇а абхиниб̣б̣ад̇д̇аамануссо уд̣̇агам̣ д̣̇взд̇хаа гад̇ваа удтааси сзд̇амуко нийлагужчи рад̇д̇ахад̇т̇абаад̣̇о махаад̣̇аатиго ван̇гад̣̇аато вируубо б̣ийбхажчо уд̣̇агарагкасо. со звамааха – ‘‘гасмаа баанийяам̣ на биват̇а, мад̇хурам̣ уд̣̇агам̣ биват̇а, гим̣ д̇умхз зд̇асса важанам̣ сун̣аат̇аа’’д̇и? махаасад̇д̇о ааха – ‘‘д̇вам̣ ид̇ха ад̇хивад̇т̇о амануссо’’д̇и? аамааханд̇и. д̇вам̣ ид̇ха од̇ин̣н̣з лабхасийд̇и? аама лабхаами, д̇умхз бана саб̣б̣з каад̣̇иссаамийд̇и. на сагкиссаси, яагкаад̇и. баанийяам̣ бана бивиссат̇аад̇и? аама бивиссаамаад̇и. звам̣ санд̇з згоби во на мужжиссад̇ийд̇и. баанийяан̃жа бивиссаама, на жа д̇з васам̣ г̇амиссаамаад̇и зганал̣ам̣ аахараабзд̇ваа годияам̣ г̇ахзд̇ваа д̇хами, саб̣б̣о згажчид̣̇д̣̇о ахоси, д̇ийрз нисийд̣̇ид̇ваава баанийяам̣ биви, сзсаваанараанам̣ баадиязггз нал̣з аахараабзд̇ваа д̇хамид̇ваа ад̣̇ааси. саб̣б̣з яагкасса бассанд̇ассзва баанийяам̣ бивим̣су. вуд̇д̇амби жзд̇ам̣ –
Te ekadivasaṃ caramānā aññaṃ pabbatapādaṃ gantvā gocaraṃ gahetvā pānīyaṃ olokentā ekaṃ amanussapariggahitaṃ pokkharaṇiṃ disvā sahasā apivitvā samantā parivāretvā mahāsattassa āgamanaṃ olokayamānā nisīdiṃsu. Mahāsatto āgantvā ‘‘kiṃ tātā pānīyaṃ na pivathā’’ti āha. Tumhākaṃ āgamanaṃ olokemāti. Sādhu tātāti samantā padaṃ pariyesamāno otiṇṇapadaṃyeva addasa, na uttiṇṇapadaṃ, disvā saparissayāti aññāsi. Tāvadeva ca tattha abhinibbattaamanusso udakaṃ dvedhā katvā uṭṭhāsi setamukho nīlakucchi rattahatthapādo mahādāṭhiko vaṅkadāṭho virūpo bībhaccho udakarakkhaso. So evamāha – ‘‘kasmā pānīyaṃ na pivatha, madhuraṃ udakaṃ pivatha, kiṃ tumhe etassa vacanaṃ suṇāthā’’ti? Mahāsatto āha – ‘‘tvaṃ idha adhivattho amanusso’’ti? Āmāhanti. Tvaṃ idha otiṇṇe labhasīti? Āma labhāmi, tumhe pana sabbe khādissāmīti. Na sakkhissasi, yakkhāti. Pānīyaṃ pana pivissathāti? Āma pivissāmāti. Evaṃ sante ekopi vo na muccissatīti. Pānīyañca pivissāma, na ca te vasaṃ gamissāmāti ekanaḷaṃ āharāpetvā koṭiyaṃ gahetvā dhami, sabbo ekacchiddo ahosi, tīre nisīditvāva pānīyaṃ pivi, sesavānarānaṃ pāṭiyekke naḷe āharāpetvā dhamitvā adāsi. Sabbe yakkhassa passantasseva pānīyaṃ piviṃsu. Vuttampi cetaṃ –
‘‘д̣̇исваа бад̣̇амануд̇д̇ин̣н̣ам̣, д̣̇исваано’ д̇арид̇ам̣ бад̣̇ам̣;
‘‘Disvā padamanuttiṇṇaṃ, disvāno’ taritaṃ padaṃ;
нал̣зна ваарим̣ биссаама, нзва мам̣ д̇вам̣ вад̇хиссасий’’д̇и. (ж̇аа. 1.1.20);
Naḷena vāriṃ pissāma, neva maṃ tvaṃ vadhissasī’’ti. (jā. 1.1.20);
д̇ад̇о бадтааяа яаава аж̇ж̇ад̣̇ивасаа д̇асмим̣ таанз нал̣аа згажчид̣̇д̣̇аава хонд̇и. иминаа хи сад̣̇д̇хим̣ имасмим̣ габбз жад̇д̇аари габбадтияабаадихаарияаани наама – жанд̣̇з сасаб̣имб̣ам̣ , ваддагаж̇аад̇агамхи сажжагирияадтаанз аг̇г̇исса г̇аманубажчзд̣̇о, гхадигаарагумбхагаарасса маад̇аабид̇уунам̣ васанадтаанз д̣̇звасса авассанам̣, д̇ассаа богкаран̣ияаа д̇ийрз нал̣аанам̣ згажчид̣̇д̣̇абхаавод̇и. ид̇и саа богкаран̣ий нал̣зна баанийяасса бийд̇ад̇д̇аа нал̣агабаанаад̇и наамам̣ лабхи. абарабхааг̇з д̇ам̣ богкаран̣им̣ ниссааяа г̇аамо бад̇идтааси, д̇ассааби нал̣агабаананд̇зва наамам̣ ж̇аад̇ам̣. д̇ам̣ санд̇хааяа вуд̇д̇ам̣ ‘‘нал̣агабаанз’’д̇и. балаасаванзд̇и гим̣сугаванз.
Tato paṭṭhāya yāva ajjadivasā tasmiṃ ṭhāne naḷā ekacchiddāva honti. Iminā hi saddhiṃ imasmiṃ kappe cattāri kappaṭṭhiyapāṭihāriyāni nāma – cande sasabimbaṃ , vaṭṭakajātakamhi saccakiriyaṭṭhāne aggissa gamanupacchedo, ghaṭikārakumbhakārassa mātāpitūnaṃ vasanaṭṭhāne devassa avassanaṃ, tassā pokkharaṇiyā tīre naḷānaṃ ekacchiddabhāvoti. Iti sā pokkharaṇī naḷena pānīyassa pītattā naḷakapānāti nāmaṃ labhi. Aparabhāge taṃ pokkharaṇiṃ nissāya gāmo patiṭṭhāsi, tassāpi naḷakapānanteva nāmaṃ jātaṃ. Taṃ sandhāya vuttaṃ ‘‘naḷakapāne’’ti. Palāsavaneti kiṃsukavane.
167. д̇аг̇гха маяам̣, бханд̇зд̇и згам̣сзнзва маяам̣, бханд̇з, абхирад̇аа. ан̃н̃зби яз д̇умхаагам̣ саасанз абхираманд̇и, д̇з амхзхи сад̣̇исаава худ̇ваа абхираманд̇ийд̇и д̣̇ийбзнд̇и.
167.Tagghamayaṃ, bhanteti ekaṃseneva mayaṃ, bhante, abhiratā. Aññepi ye tumhākaṃ sāsane abhiramanti, te amhehi sadisāva hutvā abhiramantīti dīpenti.
нзва рааж̇аабхинийд̇аад̇иаад̣̇ийсу зго ран̃н̃о абараад̇хам̣ гад̇ваа балааяад̇и. рааж̇аа гухим̣, бхо, асугод̇и? балаад̇о д̣̇зваад̇и. балаад̇адтаанзби мз на мужжиссад̇и, сажз бана баб̣б̣аж̇зяяа, мужжзяяаад̇и вад̣̇ад̇и. д̇асса гожид̣̇зва сухад̣̇о г̇анд̇ваа д̇ам̣ бавад̇д̇им̣ аарожзд̇ваа д̇вам̣ сажз ж̇ийвид̇умижчаси, баб̣б̣аж̇аахийд̇и. со баб̣б̣аж̇ид̇ваа ж̇ийвид̇ам̣ рагкамаано жарад̇и. аяам̣ рааж̇аабхинийд̇о наама.
Neva rājābhinītātiādīsu eko rañño aparādhaṃ katvā palāyati. Rājā kuhiṃ, bho, asukoti? Palāto devāti. Palātaṭṭhānepi me na muccissati, sace pana pabbajeyya, mucceyyāti vadati. Tassa kocideva suhado gantvā taṃ pavattiṃ ārocetvā tvaṃ sace jīvitumicchasi, pabbajāhīti. So pabbajitvā jīvitaṃ rakkhamāno carati. Ayaṃ rājābhinīto nāma.
зго бана жораанам̣ муулам̣ чинд̣̇анд̇о жарад̇и. жораа суд̇ваа ‘‘бурисаанам̣ ад̇т̇игабхаавам̣ на ж̇аанаад̇и, ж̇аанаабзссаама на’’нд̇и вад̣̇анд̇и. со д̇ам̣ бавад̇д̇им̣ суд̇ваа балааяад̇и. жораа балаад̇од̇и суд̇ваа ‘‘балаад̇адтаанзби но на мужжиссад̇и, сажз бана баб̣б̣аж̇зяяа, мужжзяяаа’’д̇и вад̣̇анд̇и. со д̇ам̣ бавад̇д̇им̣ суд̇ваа баб̣б̣аж̇ад̇и. аяам̣ жораабхинийд̇о наама.
Eko pana corānaṃ mūlaṃ chindanto carati. Corā sutvā ‘‘purisānaṃ atthikabhāvaṃ na jānāti, jānāpessāma na’’nti vadanti. So taṃ pavattiṃ sutvā palāyati. Corā palātoti sutvā ‘‘palātaṭṭhānepi no na muccissati, sace pana pabbajeyya, mucceyyā’’ti vadanti. So taṃ pavattiṃ sutvā pabbajati. Ayaṃ corābhinīto nāma.
зго бана б̣ахум̣ ин̣ам̣ каад̣̇ид̇ваа д̇зна ин̣зна аддо бийл̣ид̇о д̇амхаа г̇аамаа балааяад̇и. ин̣асаамигаа суд̇ваа ‘‘балаад̇адтаанзби но на мужжиссад̇и, сажз бана баб̣б̣аж̇зяяа, мужжзяяаа’’д̇и вад̣̇анд̇и. со д̇ам̣ бавад̇д̇им̣ суд̇ваа баб̣б̣аж̇ад̇и. аяам̣ ин̣аддо наама.
Eko pana bahuṃ iṇaṃ khāditvā tena iṇena aṭṭo pīḷito tamhā gāmā palāyati. Iṇasāmikā sutvā ‘‘palātaṭṭhānepi no na muccissati, sace pana pabbajeyya, mucceyyā’’ti vadanti. So taṃ pavattiṃ sutvā pabbajati. Ayaṃ iṇaṭṭo nāma.
рааж̇абхаяаад̣̇ийнам̣ бана ан̃н̃ад̇арзна бхаязна бхийд̇о аддо аад̇уро худ̇ваа нигкамма баб̣б̣аж̇ид̇о бхаяаддо наама. д̣̇уб̣бхигкаад̣̇ийсу ж̇ийвид̇ум̣ асаггонд̇о баб̣б̣аж̇ид̇о ааж̇ийвигаабагад̇о наама, ааж̇ийвигааяа багад̇о абхибхууд̇од̇и ад̇т̇о. имзсу бана згоби имзхи гааран̣зхи баб̣б̣аж̇ид̇о наама над̇т̇и, д̇асмаа ‘‘нзва рааж̇аабхинийд̇о’’д̇иаад̣̇имааха.
Rājabhayādīnaṃ pana aññatarena bhayena bhīto aṭṭo āturo hutvā nikkhamma pabbajito bhayaṭṭo nāma. Dubbhikkhādīsu jīvituṃ asakkonto pabbajito ājīvikāpakato nāma, ājīvikāya pakato abhibhūtoti attho. Imesu pana ekopi imehi kāraṇehi pabbajito nāma natthi, tasmā ‘‘neva rājābhinīto’’tiādimāha.
вивзганд̇и вивижжа вивид̇д̇о худ̇ваа. ид̣̇ам̣ вуд̇д̇ам̣ ход̇и – яам̣ гаамзхи жа агусалад̇хаммзхи жа вивид̇д̇зна батамад̣̇уд̇ияаж̇жхаанасан̇каад̇ам̣ бийд̇исукам̣ ад̇хиг̇анд̇аб̣б̣ам̣, сажз д̇ам̣ вивижжа гаамзхи вивижжа агусалзхи д̇хаммзхи бийд̇исукам̣ наад̇хиг̇ажчад̇и, ан̃н̃ам̣ ваа убари д̣̇виннам̣ жхаанаанам̣ жад̇уннан̃жа маг̇г̇аанам̣ васзна санд̇ад̇арам̣ сукам̣ наад̇хиг̇ажчад̇и, д̇асса имз абхиж̇жхаад̣̇аяо жид̇д̇ам̣ барияаад̣̇ааяа д̇идтанд̇ийд̇и. д̇ад̇т̇а арад̇ийд̇и ад̇хигусалзсу д̇хаммзсу угган̣тид̇ад̇аа. д̇анд̣̇ийд̇и ааласияабхааво. звам̣ яо баб̣б̣аж̇ид̇ваа баб̣б̣аж̇ид̇агижжам̣ гаад̇ум̣ на саггод̇и, д̇асса имз сад̇д̇а баабад̇хаммаа уббаж̇ж̇ид̇ваа жид̇д̇ам̣ барияаад̣̇ияанд̇ийд̇и д̣̇ассзд̇ваа ид̣̇аани яасса д̇з д̇хаммаа жид̇д̇ам̣ барияаад̣̇ааяа д̇идтанд̇и, соязва саман̣агижжамби гаад̇ум̣ на саггод̇ийд̇и буна вивзгам̣ ануруд̣̇д̇хаа…бз… ан̃н̃ам̣ ваа д̇ад̇о санд̇ад̇аранд̇и ааха.
Vivekanti vivicca vivitto hutvā. Idaṃ vuttaṃ hoti – yaṃ kāmehi ca akusaladhammehi ca vivittena paṭhamadutiyajjhānasaṅkhātaṃ pītisukhaṃ adhigantabbaṃ, sace taṃ vivicca kāmehi vivicca akusalehi dhammehi pītisukhaṃ nādhigacchati, aññaṃ vā upari dvinnaṃ jhānānaṃ catunnañca maggānaṃ vasena santataraṃ sukhaṃ nādhigacchati, tassa ime abhijjhādayo cittaṃ pariyādāya tiṭṭhantīti. Tattha aratīti adhikusalesu dhammesu ukkaṇṭhitatā. Tandīti ālasiyabhāvo. Evaṃ yo pabbajitvā pabbajitakiccaṃ kātuṃ na sakkoti, tassa ime satta pāpadhammā uppajjitvā cittaṃ pariyādiyantīti dassetvā idāni yassa te dhammā cittaṃ pariyādāya tiṭṭhanti, soyeva samaṇakiccampi kātuṃ na sakkotīti puna vivekaṃ anuruddhā…pe… aññaṃ vā tato santataranti āha.
звам̣ ган̣хабагкам̣ д̣̇ассзд̇ваа ид̣̇аани д̇знзва наязна суггабагкам̣ д̣̇ассзд̇ум̣ буна вивзганд̇иаад̣̇имааха. д̇ассад̇т̇о вуд̇д̇анаязнзва взд̣̇ид̇аб̣б̣о.
Evaṃ kaṇhapakkhaṃ dassetvā idāni teneva nayena sukkapakkhaṃ dassetuṃ puna vivekantiādimāha. Tassattho vuttanayeneva veditabbo.
168. сан̇кааяаад̇и ж̇аанид̇ваа. зганд̇и згажжам̣. бадисзвад̇ийд̇и сзвид̇аб̣б̣аяуд̇д̇агам̣ сзвад̇и. сзсабад̣̇зсуби зсзва наяо. убабад̇д̇ийсу б̣яаагарод̇ийд̇и саббадисанд̇хигз д̇аава б̣яаагарод̇у, аббадисанд̇хигз гат̇ам̣ б̣яаагарод̇ийд̇и. аббадисанд̇хигасса буна бхавз бадисанд̇хи над̇т̇ийд̇и вад̣̇анд̇о убабад̇д̇ийсу б̣яаагарод̇и наама.
168.Saṅkhāyāti jānitvā. Ekanti ekaccaṃ. Paṭisevatīti sevitabbayuttakaṃ sevati. Sesapadesupi eseva nayo. Upapattīsu byākarotīti sappaṭisandhike tāva byākarotu, appaṭisandhike kathaṃ byākarotīti. Appaṭisandhikassa puna bhave paṭisandhi natthīti vadanto upapattīsu byākaroti nāma.
ж̇анагуханад̇т̇анд̇и ж̇анавимхаабанад̇т̇ам̣. ж̇аналабанад̇т̇анд̇и махааж̇анасса убалаабанад̇т̇ам̣. на ид̇и мам̣ ж̇ано ж̇аанаад̇ууд̇и звам̣ мам̣ махааж̇ано ж̇ааниссад̇и, звам̣ мз махааж̇анасса анд̇арз гид̇д̇исад̣̇д̣̇о уг̇г̇ажчиссад̇ийд̇и иминааби гааран̣зна на б̣яаагарод̇ийд̇и ад̇т̇о. ул̣ааравзд̣̇аад̇и маханд̇ад̇удтино.
Janakuhanatthanti janavimhāpanatthaṃ. Janalapanatthanti mahājanassa upalāpanatthaṃ. Na iti maṃ jano jānātūti evaṃ maṃ mahājano jānissati, evaṃ me mahājanassa antare kittisaddo uggacchissatīti imināpi kāraṇena na byākarotīti attho. Uḷāravedāti mahantatuṭṭhino.
169. со ко банасса ааяасмаад̇и со бариниб̣б̣уд̇о ааяасмаа имасса тид̇асса ааяасмад̇о. звам̣сийлод̇иаад̣̇ийсу логияалогуд̇д̇арамиссагаава сийлаад̣̇аяо взд̣̇ид̇аб̣б̣о. звам̣д̇хаммод̇и зд̇т̇а бана самаад̇хибагкигаа д̇хаммаа д̇хаммаад̇и ад̇хиббзд̇аа. паасувихааро ход̇ийд̇и д̇зна бхигкунаа буурид̇абадибад̇д̇им̣ буурзнд̇асса арахад̇д̇апалам̣ сажчигад̇ваа паласамаабад̇д̇ивихаарзна паасувихааро ход̇и, арахад̇д̇ам̣ бад̇д̇умасаггонд̇асса бадибад̇д̇им̣ буураяамаанасса жарад̇оби паасувихаароязва наама ход̇и. иминаа наязна саб̣б̣аваарзсу ад̇т̇о взд̣̇ид̇аб̣б̣од̇и.
169.So kho panassa āyasmāti so parinibbuto āyasmā imassa ṭhitassa āyasmato. Evaṃsīlotiādīsu lokiyalokuttaramissakāva sīlādayo veditabbo. Evaṃdhammoti ettha pana samādhipakkhikā dhammā dhammāti adhippetā. Phāsuvihāro hotīti tena bhikkhunā pūritapaṭipattiṃ pūrentassa arahattaphalaṃ sacchikatvā phalasamāpattivihārena phāsuvihāro hoti, arahattaṃ pattumasakkontassa paṭipattiṃ pūrayamānassa caratopi phāsuvihāroyeva nāma hoti. Iminā nayena sabbavāresu attho veditabboti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
нал̣агабаанасуд̇д̇аван̣н̣анаа нидтид̇аа.
Naḷakapānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. нал̣агабаанасуд̇д̇ам̣ • 8. Naḷakapānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. нал̣агабаанасуд̇д̇аван̣н̣анаа • 8. Naḷakapānasuttavaṇṇanā
