| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
6. нал̣амаалигаат̇зрийабад̣̇аанам̣
6. Naḷamālikātherīapadānaṃ
86.
86.
‘‘жанд̣̇абхааг̇аанад̣̇ийд̇ийрз , ахосим̣ гиннарий д̇ад̣̇аа;
‘‘Candabhāgānadītīre , ahosiṃ kinnarī tadā;
ад̣̇д̣̇асам̣ вираж̇ам̣ б̣уд̣̇д̇хам̣, саяамбхум̣ абарааж̇ид̇ам̣.
Addasaṃ virajaṃ buddhaṃ, sayambhuṃ aparājitaṃ.
87.
87.
‘‘басаннажид̇д̇аа суманаа, взд̣̇аж̇аад̇аа гад̇ан̃ж̇алий;
‘‘Pasannacittā sumanā, vedajātā katañjalī;
нал̣амаалам̣ г̇ахзд̇ваана, саяамбхум̣ абхибууж̇аяим̣.
Naḷamālaṃ gahetvāna, sayambhuṃ abhipūjayiṃ.
88.
88.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа гиннарийд̣̇зхам̣ 1, д̇аавад̇им̣самаг̇ажчахам̣.
Jahitvā kinnarīdehaṃ 2, tāvatiṃsamagacchahaṃ.
89.
89.
‘‘чад̇д̇им̣сад̣̇зварааж̇уунам̣, махзсид̇д̇амагаараяим̣;
‘‘Chattiṃsadevarājūnaṃ, mahesittamakārayiṃ;
манасаа бад̇т̇ид̇ам̣ маяхам̣, ниб̣б̣ад̇д̇ад̇и яат̇ижчид̇ам̣.
Manasā patthitaṃ mayhaṃ, nibbattati yathicchitaṃ.
90.
90.
‘‘д̣̇асаннам̣ жаггавад̇д̇ийнам̣, махзсид̇д̇амагаараяим̣;
‘‘Dasannaṃ cakkavattīnaṃ, mahesittamakārayiṃ;
91.
91.
‘‘гусалам̣ виж̇ж̇ад̇з маяхам̣, баб̣б̣аж̇им̣ анаг̇аарияам̣;
‘‘Kusalaṃ vijjate mayhaṃ, pabbajiṃ anagāriyaṃ;
бууж̇аарахаа ахам̣ аж̇ж̇а, сагяабуд̇д̇асса саасанз.
Pūjārahā ahaṃ ajja, sakyaputtassa sāsane.
92.
92.
‘‘висуд̣̇д̇хаманасаа аж̇ж̇а, абзд̇аманабаабигаа;
‘‘Visuddhamanasā ajja, apetamanapāpikā;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
93.
93.
‘‘жад̇уннавуд̇ид̇о габбз, яам̣ б̣уд̣̇д̇хамабхибууж̇аяим̣;
‘‘Catunnavutito kappe, yaṃ buddhamabhipūjayiṃ;
д̣̇уг̇г̇ад̇им̣ наабхиж̇аанаами, нал̣амаалааяид̣̇ам̣ палам̣.
Duggatiṃ nābhijānāmi, naḷamālāyidaṃ phalaṃ.
94.
94.
‘‘гилзсаа жхаабид̇аа маяхам̣…бз… вихараами анаасаваа.
‘‘Kilesā jhāpitā mayhaṃ…pe… viharāmi anāsavā.
95.
95.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
96.
96.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ нал̣амаалигаа бхигкуний имаа г̇аат̇ааяо абхаасид̇т̇аад̇и.
Itthaṃ sudaṃ naḷamālikā bhikkhunī imā gāthāyo abhāsitthāti.
нал̣амаалигаат̇зрияаабад̣̇аанам̣ чадтам̣.
Naḷamālikātheriyāpadānaṃ chaṭṭhaṃ.
Footnotes:
