| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. нал̣амаалияад̇т̇зраабад̣̇аанаван̣н̣анаа
7. Naḷamāliyattheraapadānavaṇṇanā
бад̣̇умуд̇д̇араб̣уд̣̇д̇хассаад̇иаад̣̇игам̣ ааяасмад̇о нал̣амаалияад̇т̇зрасса абад̣̇аанам̣. зсоби буримаж̇инаварзсу гад̇аад̇хигааро анзгаасу ж̇аад̇ийсу виваддуубаниссаяаани гусалагаммаани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇химанвааяа гхарааваасам̣ сан̣табзд̇ваа гаамз аад̣̇ийнавам̣ д̣̇исваа г̇зхам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇з васанд̇о д̇ад̇т̇ааг̇ад̇ам̣ бхаг̇аванд̇ам̣ д̣̇исваа басанно ванд̣̇ид̇ваа д̇ин̣асант̇арам̣ сант̇арид̇ваа д̇ад̇т̇а нисиннасса бхаг̇авад̇о нал̣амаалзхи б̣ийж̇аним̣ гад̇ваа б̣ийж̇зд̇ваа ад̣̇ааси. бадиг̇г̇ахзси бхаг̇аваа д̇ассаанугамбааяа, анумод̣̇анан̃жа агааси. со д̇зна бун̃н̃зна д̣̇звамануссзсу сам̣саранд̇о уббаннуббаннабхавз барил̣аахасанд̇аабавиваж̇ж̇ид̇о гааяажид̇д̇ажзд̇асигасукаббад̇д̇о анзгасукаманубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇химанвааяа буб̣б̣аваасанааб̣алзна сад̇т̇ари басанно баб̣б̣аж̇ид̇ваа нажирассзва арахаа ахоси.
Padumuttarabuddhassātiādikaṃ āyasmato naḷamāliyattherassa apadānaṃ. Esopi purimajinavaresu katādhikāro anekāsu jātīsu vivaṭṭūpanissayāni kusalakammāni upacinanto padumuttarassa bhagavato kāle kulagehe nibbatto vuddhimanvāya gharāvāsaṃ saṇṭhapetvā kāme ādīnavaṃ disvā gehaṃ pahāya tāpasapabbajjaṃ pabbajitvā himavante vasanto tatthāgataṃ bhagavantaṃ disvā pasanno vanditvā tiṇasantharaṃ santharitvā tattha nisinnassa bhagavato naḷamālehi bījaniṃ katvā bījetvā adāsi. Paṭiggahesi bhagavā tassānukampāya, anumodanañca akāsi. So tena puññena devamanussesu saṃsaranto uppannuppannabhave pariḷāhasantāpavivajjito kāyacittacetasikasukhappatto anekasukhamanubhavitvā imasmiṃ buddhuppāde ekasmiṃ kulagehe nibbatto vuddhimanvāya pubbavāsanābalena satthari pasanno pabbajitvā nacirasseva arahā ahosi.
36. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇араб̣уд̣̇д̇хассаад̇иаад̣̇имааха. д̇ам̣ хздтаа вуд̇д̇амзва.
36. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarabuddhassātiādimāha. Taṃ heṭṭhā vuttameva.
37. нал̣амаалам̣ г̇ахзд̇ваанаад̇и нал̣ад̇и асааро ниссааро худ̇ваа взл̣увам̣сад̇оби д̇ануго саллахуго ж̇аад̇од̇и нал̣о, нал̣асса маалаа бубпам̣ нал̣амаалам̣, д̇зна нал̣амаалзна б̣ийж̇аним̣ гаарзсинд̇и самб̣анд̇хо . б̣ийж̇иссад̇и ж̇аниссад̇и ваад̇о анзнаад̇и б̣ийж̇аний, д̇ам̣ б̣ийж̇аним̣ б̣уд̣̇д̇хасса убанаамзсим̣, бадиг̇г̇ахзсинд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
37.Naḷamālaṃ gahetvānāti naḷati asāro nissāro hutvā veḷuvaṃsatopi tanuko sallahuko jātoti naḷo, naḷassa mālā pupphaṃ naḷamālaṃ, tena naḷamālena bījaniṃ kāresinti sambandho . Bījissati janissati vāto anenāti bījanī, taṃ bījaniṃ buddhassa upanāmesiṃ, paṭiggahesinti attho. Sesaṃ sabbattha uttānamevāti.
нал̣амаалияад̇т̇зраабад̣̇аанаван̣н̣анаа самад̇д̇аа.
Naḷamāliyattheraapadānavaṇṇanā samattā.
сад̇д̇амабхаан̣аваараван̣н̣анаа самад̇д̇аа.
Sattamabhāṇavāravaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. нал̣амаалияад̇т̇зраабад̣̇аанам̣ • 7. Naḷamāliyattheraapadānaṃ
