| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਨਲ਼ਮਾਲਿਯਤ੍ਥੇਰਅਪਦਾਨવਣ੍ਣਨਾ
7. Naḷamāliyattheraapadānavaṇṇanā
ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਕਂ ਆਯਸ੍ਮਤੋ ਨਲ਼ਮਾਲਿਯਤ੍ਥੇਰਸ੍ਸ ਅਪਦਾਨਂ। ਏਸੋਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਅਨੇਕਾਸੁ ਜਾਤੀਸੁ વਿવਟ੍ਟੂਪਨਿਸ੍ਸਯਾਨਿ ਕੁਸਲਕਮ੍ਮਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਘਰਾવਾਸਂ ਸਣ੍ਠਪੇਤ੍વਾ ਕਾਮੇ ਆਦੀਨવਂ ਦਿਸ੍વਾ ਗੇਹਂ ਪਹਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ ਹਿਮવਨ੍ਤੇ વਸਨ੍ਤੋ ਤਤ੍ਥਾਗਤਂ ਭਗવਨ੍ਤਂ ਦਿਸ੍વਾ ਪਸਨ੍ਨੋ વਨ੍ਦਿਤ੍વਾ ਤਿਣਸਨ੍ਥਰਂ ਸਨ੍ਥਰਿਤ੍વਾ ਤਤ੍ਥ ਨਿਸਿਨ੍ਨਸ੍ਸ ਭਗવਤੋ ਨਲ਼ਮਾਲੇਹਿ ਬੀਜਨਿਂ ਕਤ੍વਾ ਬੀਜੇਤ੍વਾ ਅਦਾਸਿ। ਪਟਿਗ੍ਗਹੇਸਿ ਭਗવਾ ਤਸ੍ਸਾਨੁਕਮ੍ਪਾਯ, ਅਨੁਮੋਦਨਞ੍ਚ ਅਕਾਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਪ੍ਪਨ੍ਨੁਪ੍ਪਨ੍ਨਭવੇ ਪਰਿਲ਼ਾਹਸਨ੍ਤਾਪવਿવਜ੍ਜਿਤੋ ਕਾਯਚਿਤ੍ਤਚੇਤਸਿਕਸੁਖਪ੍ਪਤ੍ਤੋ ਅਨੇਕਸੁਖਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਪੁਬ੍ਬવਾਸਨਾਬਲੇਨ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Padumuttarabuddhassātiādikaṃ āyasmato naḷamāliyattherassa apadānaṃ. Esopi purimajinavaresu katādhikāro anekāsu jātīsu vivaṭṭūpanissayāni kusalakammāni upacinanto padumuttarassa bhagavato kāle kulagehe nibbatto vuddhimanvāya gharāvāsaṃ saṇṭhapetvā kāme ādīnavaṃ disvā gehaṃ pahāya tāpasapabbajjaṃ pabbajitvā himavante vasanto tatthāgataṃ bhagavantaṃ disvā pasanno vanditvā tiṇasantharaṃ santharitvā tattha nisinnassa bhagavato naḷamālehi bījaniṃ katvā bījetvā adāsi. Paṭiggahesi bhagavā tassānukampāya, anumodanañca akāsi. So tena puññena devamanussesu saṃsaranto uppannuppannabhave pariḷāhasantāpavivajjito kāyacittacetasikasukhappatto anekasukhamanubhavitvā imasmiṃ buddhuppāde ekasmiṃ kulagehe nibbatto vuddhimanvāya pubbavāsanābalena satthari pasanno pabbajitvā nacirasseva arahā ahosi.
੩੬. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਮੇવ।
36. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarabuddhassātiādimāha. Taṃ heṭṭhā vuttameva.
੩੭. ਨਲ਼ਮਾਲਂ ਗਹੇਤ੍વਾਨਾਤਿ ਨਲ਼ਤਿ ਅਸਾਰੋ ਨਿਸ੍ਸਾਰੋ ਹੁਤ੍વਾ વੇਲ਼ੁવਂਸਤੋਪਿ ਤਨੁਕੋ ਸਲ੍ਲਹੁਕੋ ਜਾਤੋਤਿ ਨਲ਼ੋ, ਨਲ਼ਸ੍ਸ ਮਾਲਾ ਪੁਪ੍ਫਂ ਨਲ਼ਮਾਲਂ, ਤੇਨ ਨਲ਼ਮਾਲੇਨ ਬੀਜਨਿਂ ਕਾਰੇਸਿਨ੍ਤਿ ਸਮ੍ਬਨ੍ਧੋ । ਬੀਜਿਸ੍ਸਤਿ ਜਨਿਸ੍ਸਤਿ વਾਤੋ ਅਨੇਨਾਤਿ ਬੀਜਨੀ, ਤਂ ਬੀਜਨਿਂ ਬੁਦ੍ਧਸ੍ਸ ਉਪਨਾਮੇਸਿਂ, ਪਟਿਗ੍ਗਹੇਸਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
37.Naḷamālaṃ gahetvānāti naḷati asāro nissāro hutvā veḷuvaṃsatopi tanuko sallahuko jātoti naḷo, naḷassa mālā pupphaṃ naḷamālaṃ, tena naḷamālena bījaniṃ kāresinti sambandho . Bījissati janissati vāto anenāti bījanī, taṃ bījaniṃ buddhassa upanāmesiṃ, paṭiggahesinti attho. Sesaṃ sabbattha uttānamevāti.
ਨਲ਼ਮਾਲਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Naḷamāliyattheraapadānavaṇṇanā samattā.
ਸਤ੍ਤਮਭਾਣવਾਰવਣ੍ਣਨਾ ਸਮਤ੍ਤਾ।
Sattamabhāṇavāravaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਨਲ਼ਮਾਲਿਯਤ੍ਥੇਰਅਪਦਾਨਂ • 7. Naḷamāliyattheraapadānaṃ
