| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. нааланд̣̇аваг̇г̇о
2. Nālandavaggo
2. нааланд̣̇асуд̇д̇аван̣н̣анаа
2. Nālandasuttavaṇṇanā
378. д̣̇уд̇ияаваг̇г̇асса д̣̇уд̇ияз нааланд̣̇ааяанд̇и нааланд̣̇аад̇и звам̣наамагз наг̇арз, д̇ам̣ наг̇арам̣ г̇ожараг̇аамам̣ гад̇ваа. баавааригамб̣аванзд̇и д̣̇уссабаавааригасздтино амб̣аванз. д̇ам̣ гира д̇асса уяяаанам̣ ахоси. со бхаг̇авад̇о д̇хаммад̣̇зсанам̣ суд̇ваа бхаг̇авад̇и басанно д̇асмим̣ уяяаанз гудилзн̣аман̣д̣абаад̣̇ибадиман̣д̣ид̇ам̣ бхаг̇авад̇о вихаарам̣ гад̇ваа нияяаад̇зси. со вихааро ж̇ийвагамб̣аванам̣ вияа баавааригамб̣авананд̇взва сан̇кам̣ г̇ад̇о. д̇асмим̣ баавааригамб̣аванз вихарад̇ийд̇и ад̇т̇о.
378. Dutiyavaggassa dutiye nālandāyanti nālandāti evaṃnāmake nagare, taṃ nagaraṃ gocaragāmaṃ katvā. Pāvārikambavaneti dussapāvārikaseṭṭhino ambavane. Taṃ kira tassa uyyānaṃ ahosi. So bhagavato dhammadesanaṃ sutvā bhagavati pasanno tasmiṃ uyyāne kuṭileṇamaṇḍapādipaṭimaṇḍitaṃ bhagavato vihāraṃ katvā niyyātesi. So vihāro jīvakambavanaṃ viya pāvārikambavanantveva saṅkhaṃ gato. Tasmiṃ pāvārikambavane viharatīti attho.
звам̣басаннод̇и звам̣ уббаннасад̣̇д̇хо, звам̣ сад̣̇д̣̇ахаамийд̇и ад̇т̇о. бхияяобхин̃н̃ад̇арод̇и бхияяад̇аро абхин̃н̃аад̇о бхияяад̇араабхияяо ваа, уд̇д̇арид̇аран̃аан̣од̇и ад̇т̇о. самб̣од̇хияанд̇и саб̣б̣ан̃н̃уд̇ан̃н̃аан̣з арахад̇д̇амаг̇г̇ан̃аан̣з ваа арахад̇д̇амаг̇г̇знзва хи б̣уд̣̇д̇хаг̇ун̣аа ниббад̣̇зсаа г̇ахид̇аа хонд̇и, д̣̇взби аг̇г̇асаавагаа арахад̇д̇амаг̇г̇знзва саавагабаарамийн̃аан̣ам̣ бадилабханд̇и, бажжзгаб̣уд̣̇д̇хаа бажжзгаб̣од̇хин̃аан̣ам̣, б̣уд̣̇д̇хаа саб̣б̣ан̃н̃уд̇ан̃н̃аан̣ан̃жзва сагалз жа б̣уд̣̇д̇хаг̇ун̣з. саб̣б̣амби нзсам̣ арахад̇д̇амаг̇г̇знзва иж̇жхад̇и. д̇асмаа арахад̇д̇амаг̇г̇ан̃аан̣ам̣ самб̣од̇хи наама ход̇и. д̇зна уд̇д̇арид̇аро жа бхаг̇авад̇аа над̇т̇и. д̇знааха ‘‘бхаг̇авад̇аа бхияяобхин̃н̃ад̇аро, яад̣̇ид̣̇ам̣ самб̣од̇хияа’’нд̇и.
Evaṃpasannoti evaṃ uppannasaddho, evaṃ saddahāmīti attho. Bhiyyobhiññataroti bhiyyataro abhiññāto bhiyyatarābhiyyo vā, uttaritarañāṇoti attho. Sambodhiyanti sabbaññutaññāṇe arahattamaggañāṇe vā arahattamaggeneva hi buddhaguṇā nippadesā gahitā honti, dvepi aggasāvakā arahattamaggeneva sāvakapāramīñāṇaṃ paṭilabhanti, paccekabuddhā paccekabodhiñāṇaṃ, buddhā sabbaññutaññāṇañceva sakale ca buddhaguṇe. Sabbampi nesaṃ arahattamaggeneva ijjhati. Tasmā arahattamaggañāṇaṃ sambodhi nāma hoti. Tena uttaritaro ca bhagavatā natthi. Tenāha ‘‘bhagavatā bhiyyobhiññataro, yadidaṃ sambodhiya’’nti.
ул̣аараад̇и сздтаа. аяан̃хи ул̣аарасад̣̇д̣̇о ‘‘ул̣аараани каад̣̇анийяаани каад̣̇анд̇ий’’д̇иаад̣̇ийсу (ма. ни. 1.366) мад̇хурз ааг̇ажчад̇и. ‘‘ул̣аарааяа калу бхавам̣ важчааяано саман̣ам̣ г̇од̇амам̣ басам̣сааяа басам̣сад̇ий’’д̇иаад̣̇ийсу (ма. ни. 1.288) сздтз. ‘‘аббамаан̣о ул̣ааро обхаасо’’д̇иаад̣̇ийсу (д̣̇ий. ни. 2.32; ма. ни. 3.201) вибулз. свааяамид̇ха сздтз ааг̇ад̇о. д̇зна вуд̇д̇ам̣ ‘‘ул̣аараад̇и сздтаа’’д̇и. аасабхийд̇и усабхасса ваажаасад̣̇исий ажалаа асамбавзд̇хий. згам̣со г̇ахид̇од̇и ануссавзна ваа аажарияабарамбарааяа ваа ид̇игирааяа ваа бидагасамбад̣̇аанзна ваа аагаарабаривид̇аггзна ваа д̣̇идтиниж̇жхаанагканд̇ияаа ваа д̇аггахзд̇у ваа наяахзд̇у ваа агат̇зд̇ваа бажжагкад̇о н̃аан̣зна бадивиж̇жхид̇ваа вияа згам̣со г̇ахид̇о, саннидтаанагат̇аава гат̇ид̇аад̇и ад̇т̇о. сийханаад̣̇од̇и сздтанаад̣̇о, ванз уннаад̣̇аяанд̇зна сийхзна вияа уд̇д̇аманаад̣̇о над̣̇ид̇од̇и ад̇т̇о.
Uḷārāti seṭṭhā. Ayañhi uḷārasaddo ‘‘uḷārāni khādanīyāni khādantī’’tiādīsu (ma. ni. 1.366) madhure āgacchati. ‘‘Uḷārāya khalu bhavaṃ vacchāyano samaṇaṃ gotamaṃ pasaṃsāya pasaṃsatī’’tiādīsu (ma. ni. 1.288) seṭṭhe. ‘‘Appamāṇo uḷāro obhāso’’tiādīsu (dī. ni. 2.32; ma. ni. 3.201) vipule. Svāyamidha seṭṭhe āgato. Tena vuttaṃ ‘‘uḷārāti seṭṭhā’’ti. Āsabhīti usabhassa vācāsadisī acalā asampavedhī. Ekaṃso gahitoti anussavena vā ācariyaparamparāya vā itikirāya vā piṭakasampadānena vā ākāraparivitakkena vā diṭṭhinijjhānakkhantiyā vā takkahetu vā nayahetu vā akathetvā paccakkhato ñāṇena paṭivijjhitvā viya ekaṃso gahito, sanniṭṭhānakathāva kathitāti attho. Sīhanādoti seṭṭhanādo, vane unnādayantena sīhena viya uttamanādo naditoti attho.
гим̣ ну д̇з саарибуд̇д̇аад̇и имам̣ д̣̇зсанам̣ гасмаа аарабхи? ануяог̇ад̣̇аабанад̇т̇ам̣. згажжо хи сийханаад̣̇ам̣ над̣̇ид̇ваа ад̇д̇ано сийханаад̣̇з ануяог̇ам̣ д̣̇аад̇ум̣ на саггод̇и, нигхам̣санам̣ на камад̇и, силзсз бад̇ид̇амаггадо вияа ход̇и. яат̇аа д̇хамамаанам̣ абарисуд̣̇д̇хам̣ лохам̣ жхааяид̇ваа ан̇г̇ааро ход̇и, звам̣ жхааман̇г̇ааро вияа ход̇и. зго сийханаад̣̇з ануяог̇ам̣ д̣̇аабияамаано д̣̇аад̇ум̣ саггод̇и, нигхам̣санам̣ камад̇и , д̇хамамаанам̣ нид̣̇д̣̇осаж̇аад̇аруубам̣ вияа ад̇хигад̇арам̣ собхад̇и, д̇аад̣̇исо т̇зро. д̇зна нам̣ бхаг̇аваа ‘‘ануяог̇агкамо аяа’’нд̇и н̃ад̇ваа сийханаад̣̇з ануяог̇ад̣̇аабанад̇т̇ам̣ имам̣ д̣̇зсанам̣ аарабхи.
Kiṃnu te sāriputtāti imaṃ desanaṃ kasmā ārabhi? Anuyogadāpanatthaṃ. Ekacco hi sīhanādaṃ naditvā attano sīhanāde anuyogaṃ dātuṃ na sakkoti, nighaṃsanaṃ na khamati, silese patitamakkaṭo viya hoti. Yathā dhamamānaṃ aparisuddhaṃ lohaṃ jhāyitvā aṅgāro hoti, evaṃ jhāmaṅgāro viya hoti. Eko sīhanāde anuyogaṃ dāpiyamāno dātuṃ sakkoti, nighaṃsanaṃ khamati , dhamamānaṃ niddosajātarūpaṃ viya adhikataraṃ sobhati, tādiso thero. Tena naṃ bhagavā ‘‘anuyogakkhamo aya’’nti ñatvā sīhanāde anuyogadāpanatthaṃ imaṃ desanaṃ ārabhi.
д̇ад̇т̇а саб̣б̣з д̇зд̇и саб̣б̣з д̇з д̇аяаа. звам̣сийлаад̇и маг̇г̇асийлзна паласийлзна логияалогуд̇д̇арасийлзна звам̣сийлаа. звам̣д̇хаммаад̇и зд̇т̇а самаад̇хибагкаа д̇хаммаа ад̇хиббзд̇аа, маг̇г̇асамаад̇хинаа паласамаад̇хинаа логияалогуд̇д̇арзна самаад̇хинаа звам̣самаад̇хийд̇и ад̇т̇о. звам̣бан̃н̃аад̇и маг̇г̇абан̃н̃аад̣̇ивасзнзва звам̣бан̃н̃аа. звам̣вихааринод̇и зд̇т̇а бана хздтаа самаад̇хибагкаанам̣ д̇хаммаанам̣ г̇ахид̇ад̇д̇аа вихааро г̇ахид̇оби буна гасмаа г̇ахид̇амзва г̇ан̣хад̇ийд̇и жз. т̇зрзна ид̣̇ам̣ г̇ахид̇амзва. ид̣̇ан̃хи нирод̇хасамаабад̇д̇ид̣̇ийбанад̇т̇ам̣ вуд̇д̇ам̣. д̇асмаа звам̣ нирод̇хасамаабад̇д̇ивихаарино д̇з бхаг̇аванд̇о ахзсунд̇и звамзд̇т̇а ад̇т̇о д̣̇адтаб̣б̣о.
Tattha sabbe teti sabbe te tayā. Evaṃsīlāti maggasīlena phalasīlena lokiyalokuttarasīlena evaṃsīlā. Evaṃdhammāti ettha samādhipakkhā dhammā adhippetā, maggasamādhinā phalasamādhinā lokiyalokuttarena samādhinā evaṃsamādhīti attho. Evaṃpaññāti maggapaññādivaseneva evaṃpaññā. Evaṃvihārinoti ettha pana heṭṭhā samādhipakkhānaṃ dhammānaṃ gahitattā vihāro gahitopi puna kasmā gahitameva gaṇhatīti ce. Therena idaṃ gahitameva. Idañhi nirodhasamāpattidīpanatthaṃ vuttaṃ. Tasmā evaṃ nirodhasamāpattivihārino te bhagavanto ahesunti evamettha attho daṭṭhabbo.
звам̣вимуд̇д̇аад̇и зд̇т̇а вигкамбханавимуд̇д̇и, д̇ад̣̇ан̇г̇авимуд̇д̇и, самужчзд̣̇авимуд̇д̇и, бадибассад̣̇д̇хивимуд̇д̇и, ниссаран̣авимуд̇д̇ийд̇и бан̃жавид̇хаа вимуд̇д̇и. д̇ад̇т̇а адта самаабад̇д̇ияо саяам̣ вигкамбхид̇зхи нийваран̣аад̣̇ийхи вимуд̇д̇ад̇д̇аа вигкамбханавимуд̇д̇ийд̇и сан̇кам̣ г̇ажчанд̇и. анижжаанубассанаад̣̇игаа сад̇д̇а анубассанаа саяам̣ д̇асса д̇асса бажжанийгавасзна барижжад̇д̇аахи нижжасан̃н̃аад̣̇ийхи вимуд̇д̇ад̇д̇аа д̇ад̣̇ан̇г̇авимуд̇д̇ийд̇и сан̇кам̣ г̇ажчанд̇и. жад̇д̇ааро арияамаг̇г̇аа саяам̣ самужчиннзхи гилзсзхи вимуд̇д̇ад̇д̇аа самужчзд̣̇авимуд̇д̇ийд̇и сан̇кам̣ г̇ажчанд̇и. жад̇д̇аари сааман̃н̃апалаани маг̇г̇аанубхаавзна гилзсаанам̣ бадибассад̣̇д̇ханд̇з уббаннад̇д̇аа бадибассад̣̇д̇хивимуд̇д̇ийд̇и сан̇кам̣ г̇ажчанд̇и. ниб̣б̣аанам̣ саб̣б̣агилзсзхи ниссадад̇д̇аа абаг̇ад̇ад̇д̇аа д̣̇уурз тид̇ад̇д̇аа ниссаран̣авимуд̇д̇ийд̇и сан̇кам̣ г̇ад̇ам̣. ид̇и имаасам̣ бан̃жаннам̣ вимуд̇д̇ийнам̣ васзна звам̣ вимуд̇д̇аад̇и зд̇т̇а ад̇т̇о д̣̇адтаб̣б̣о.
Evaṃvimuttāti ettha vikkhambhanavimutti, tadaṅgavimutti, samucchedavimutti, paṭipassaddhivimutti, nissaraṇavimuttīti pañcavidhā vimutti. Tattha aṭṭha samāpattiyo sayaṃ vikkhambhitehi nīvaraṇādīhi vimuttattā vikkhambhanavimuttīti saṅkhaṃ gacchanti. Aniccānupassanādikā satta anupassanā sayaṃ tassa tassa paccanīkavasena pariccattāhi niccasaññādīhi vimuttattā tadaṅgavimuttīti saṅkhaṃ gacchanti. Cattāro ariyamaggā sayaṃ samucchinnehi kilesehi vimuttattā samucchedavimuttīti saṅkhaṃ gacchanti. Cattāri sāmaññaphalāni maggānubhāvena kilesānaṃ paṭipassaddhante uppannattā paṭipassaddhivimuttīti saṅkhaṃ gacchanti. Nibbānaṃ sabbakilesehi nissaṭattā apagatattā dūre ṭhitattā nissaraṇavimuttīti saṅkhaṃ gataṃ. Iti imāsaṃ pañcannaṃ vimuttīnaṃ vasena evaṃ vimuttāti ettha attho daṭṭhabbo.
гим̣ бана д̇з саарибуд̇д̇а яз д̇з бхависсанд̇ийд̇и ад̇ийд̇аа д̇аава нируд̣̇д̇хаа абан̣н̣ад̇д̇игабхаавам̣ г̇ад̇аа д̣̇ийбасикаа вияа ниб̣б̣уд̇аа, звам̣ нируд̣̇д̇хз абан̣н̣ад̇д̇игабхаавам̣ г̇ад̇з д̇вам̣ гат̇ам̣ ж̇ааниссаси, анааг̇ад̇аб̣уд̣̇д̇хаанам̣ бана г̇ун̣аа гим̣ д̇аяаа ад̇д̇ано жид̇д̇зна барижчинд̣̇ид̇ваа вид̣̇ид̇аад̇и бужчанд̇о звамааха.
Kiṃpana te sāriputta ye te bhavissantīti atītā tāva niruddhā apaṇṇattikabhāvaṃ gatā dīpasikhā viya nibbutā, evaṃ niruddhe apaṇṇattikabhāvaṃ gate tvaṃ kathaṃ jānissasi, anāgatabuddhānaṃ pana guṇā kiṃ tayā attano cittena paricchinditvā viditāti pucchanto evamāha.
гим̣ бана д̇яаахам̣ саарибуд̇д̇а зд̇арахийд̇и анааг̇ад̇ааби б̣уд̣̇д̇хаа аж̇аад̇аа аниб̣б̣ад̇д̇аа ануббаннаа, д̇з гат̇ам̣ ж̇ааниссаси. д̇зсан̃хи ж̇аананам̣ абад̣̇з аагаасз бад̣̇ад̣̇ассанам̣ вияа ход̇и. ид̣̇аани маяаа сад̣̇д̇хим̣ згавихаарз васаси, згад̇о бхигкааяа жараси, д̇хаммад̣̇зсанаагаалз д̣̇агкин̣абассз нисийд̣̇аси, гим̣ бана маяхам̣ г̇ун̣аа ад̇д̇ано жзд̇асаа барижчинд̣̇ид̇ваа вид̣̇ид̇аа д̇аяаад̇и ануяун̃ж̇анд̇о звамааха. т̇зро бана бужчид̇абужчид̇з ‘‘но хзд̇ам̣ бханд̇з’’д̇и бадигкибад̇и.
Kiṃ pana tyāhaṃ sāriputta etarahīti anāgatāpi buddhā ajātā anibbattā anuppannā, te kathaṃ jānissasi. Tesañhi jānanaṃ apade ākāse padadassanaṃ viya hoti. Idāni mayā saddhiṃ ekavihāre vasasi, ekato bhikkhāya carasi, dhammadesanākāle dakkhiṇapasse nisīdasi, kiṃ pana mayhaṃ guṇā attano cetasā paricchinditvā viditā tayāti anuyuñjanto evamāha. Thero pana pucchitapucchite ‘‘no hetaṃ bhante’’ti paṭikkhipati.
т̇зрасса жа вид̣̇ид̇амби ад̇т̇и, авид̣̇ид̇амби. гим̣ со ад̇д̇ано вид̣̇ид̇адтаанз бадигкзбам̣ гарод̇и, авид̣̇ид̇адтаанзд̇и? вид̣̇ид̇адтаанз на гарод̇и, авид̣̇ид̇адтаанзязва гарод̇и. т̇зро гира ануяог̇з аарад̣̇д̇хз звам̣ ан̃н̃ааси ‘‘нааяам̣ ануяог̇о саавагабаарамийн̃аан̣з, саб̣б̣ан̃н̃уд̇ан̃н̃аан̣з бана аяам̣ ануяог̇о’’д̇и ад̇д̇ано саавагабаарамийн̃аан̣з бадигкзбам̣ агад̇ваава авид̣̇ид̇адтаанз саб̣б̣ан̃н̃уд̇ан̃н̃аан̣з бадигкзбам̣ гарод̇и. д̇зна ид̣̇амби д̣̇ийбзд̇и – бхаг̇аваа маяхам̣ ад̇ийд̇аанааг̇ад̇абажжуббаннаанам̣ б̣уд̣̇д̇хаанам̣ сийласамаад̇хибан̃н̃аавимуд̇д̇игааран̣аж̇аананасамад̇т̇ам̣ саб̣б̣ан̃н̃уд̇ан̃н̃аан̣ам̣ над̇т̇ийд̇и.
Therassa ca viditampi atthi, aviditampi. Kiṃ so attano viditaṭṭhāne paṭikkhepaṃ karoti, aviditaṭṭhāneti? Viditaṭṭhāne na karoti, aviditaṭṭhāneyeva karoti. Thero kira anuyoge āraddhe evaṃ aññāsi ‘‘nāyaṃ anuyogo sāvakapāramīñāṇe, sabbaññutaññāṇe pana ayaṃ anuyogo’’ti attano sāvakapāramīñāṇe paṭikkhepaṃ akatvāva aviditaṭṭhāne sabbaññutaññāṇe paṭikkhepaṃ karoti. Tena idampi dīpeti – bhagavā mayhaṃ atītānāgatapaccuppannānaṃ buddhānaṃ sīlasamādhipaññāvimuttikāraṇajānanasamatthaṃ sabbaññutaññāṇaṃ natthīti.
зд̇т̇аад̇и зд̇зсу ад̇ийд̇аад̣̇ибхзд̣̇зсу б̣уд̣̇д̇хзсу. ат̇а гин̃жарахийд̇и ат̇а гасмаа звам̣ н̃аан̣з асад̇и д̇аяаа звам̣ гат̇ид̇анд̇и вад̣̇ад̇и. д̇хамманваяод̇и д̇хаммасса бажжагкад̇о н̃аан̣асса ануяог̇ам̣ ануг̇анд̇ваа уббаннам̣ анумаанан̃аан̣ам̣ наяаг̇г̇аахо вид̣̇ид̇о, саавагабаарамийн̃аан̣з тад̇ваава иминаа аагаарзна ж̇аанаами бхаг̇аваад̇и вад̣̇ад̇и. т̇зрасса хи наяаг̇г̇аахо аббамаан̣о абарияанд̇о. яат̇аа жа саб̣б̣ан̃н̃уд̇ан̃н̃аан̣асса бамаан̣ам̣ ваа барияанд̇о ваа над̇т̇и, звам̣ д̇хаммасзнаабад̇ино наяаг̇г̇аахасса. д̇зна со – ‘‘иминаа звам̣вид̇хо иминаа звам̣вид̇хо, иминаа ануд̇д̇аро иминаа ануд̇д̇аро сад̇т̇аа’’д̇и ж̇аанаад̇и. т̇зрасса хи наяаг̇г̇аахо саб̣б̣ан̃н̃уд̇ан̃н̃аан̣аг̇ад̇иго зва.
Etthāti etesu atītādibhedesu buddhesu. Atha kiñcarahīti atha kasmā evaṃ ñāṇe asati tayā evaṃ kathitanti vadati. Dhammanvayoti dhammassa paccakkhato ñāṇassa anuyogaṃ anugantvā uppannaṃ anumānañāṇaṃ nayaggāho vidito, sāvakapāramīñāṇe ṭhatvāva iminā ākārena jānāmi bhagavāti vadati. Therassa hi nayaggāho appamāṇo apariyanto. Yathā ca sabbaññutaññāṇassa pamāṇaṃ vā pariyanto vā natthi, evaṃ dhammasenāpatino nayaggāhassa. Tena so – ‘‘iminā evaṃvidho iminā evaṃvidho, iminā anuttaro iminā anuttaro satthā’’ti jānāti. Therassa hi nayaggāho sabbaññutaññāṇagatiko eva.
ид̣̇аани д̇ам̣ наяаг̇г̇аахам̣ баагадам̣ гаад̇ум̣ убамам̣ д̣̇ассзнд̇о сзяяат̇ааби бханд̇зд̇иаад̣̇имааха. д̇ад̇т̇а яасмаа маж̇жхимад̣̇зсз наг̇арасса уд̣̇д̇хаабабаагаараад̣̇ийни т̇ираани ваа хонд̇у д̣̇уб̣б̣алаани ваа, саб̣б̣асо ваа бана маа хонд̇у, жораанам̣ аасан̇гаа на ход̇и. д̇асмаа д̇ам̣ аг̇г̇ахзд̇ваа бажжанд̇имам̣ наг̇аранд̇и ааха. д̣̇ал̣худ̣̇д̇хаабанд̇и т̇ирамуулабаагаарам̣. д̣̇ал̣хабаагаарад̇оран̣анд̇и т̇ирабаагааран̃жзва т̇ирабидтасан̇гхаадан̃жа. згад̣̇вааранд̇и гасмаа ааха? б̣ахуд̣̇ваарз хи наг̇арз б̣ахуухи бан̣д̣ид̇ад̣̇овааригзхи бхавид̇аб̣б̣ам̣, згад̣̇ваарзва зго ваддад̇и. т̇зрасса жа бан̃н̃ааяа сад̣̇исо ан̃н̃о над̇т̇и, д̇асмаа ад̇д̇ано бан̣д̣ид̇абхаавасса обаммад̇т̇ам̣ згам̣язва д̣̇овааригам̣ д̣̇ассзд̇ум̣ ‘‘згад̣̇ваара’’нд̇и ааха.
Idāni taṃ nayaggāhaṃ pākaṭaṃ kātuṃ upamaṃ dassento seyyathāpi bhantetiādimāha. Tattha yasmā majjhimadese nagarassa uddhāpapākārādīni thirāni vā hontu dubbalāni vā, sabbaso vā pana mā hontu, corānaṃ āsaṅkā na hoti. Tasmā taṃ aggahetvā paccantimaṃ nagaranti āha. Daḷhuddhāpanti thiramūlapākāraṃ. Daḷhapākāratoraṇanti thirapākārañceva thirapiṭṭhasaṅghāṭañca. Ekadvāranti kasmā āha? Bahudvāre hi nagare bahūhi paṇḍitadovārikehi bhavitabbaṃ, ekadvāreva eko vaṭṭati. Therassa ca paññāya sadiso añño natthi, tasmā attano paṇḍitabhāvassa opammatthaṃ ekaṃyeva dovārikaṃ dassetuṃ ‘‘ekadvāra’’nti āha.
бан̣д̣ид̇од̇и бан̣д̣ижжзна саманнааг̇ад̇о. б̣яад̇д̇од̇и взяяад̇д̇иязна саманнааг̇ад̇о висад̣̇ан̃аан̣о. мзд̇хаавийд̇и таануббад̇д̇игабан̃н̃аасан̇каад̇ааяа мзд̇хааяа саманнааг̇ад̇о. анубарияааяабат̇анд̇и анубарияааяанаамагам̣ баагаарамаг̇г̇ам̣. баагаарасанд̇хинд̇и д̣̇виннам̣ идтагаанам̣ абаг̇ад̇адтаанам̣. баагааравиваранд̇и баагаарасса чиннадтаанам̣. жзд̇асо убаггилзсзд̇и бан̃жанийваран̣аа жид̇д̇ам̣ убаггилиссанд̇и гилидтам̣ гаронд̇и убад̇аабзнд̇и вихзтзнд̇и, д̇асмаа ‘‘жзд̇асо убаггилзсаа’’д̇и вужжанд̇и. бан̃н̃ааяа д̣̇уб̣б̣алийгаран̣зд̇и нийваран̣аа уббаж̇ж̇амаанаа ануббаннааяа бан̃н̃ааяа уббаж̇ж̇ид̇ум̣ на д̣̇знд̇и, д̇асмаа ‘‘бан̃н̃ааяа д̣̇уб̣б̣алийгаран̣аа’’д̇и вужжанд̇и. субад̇идтид̇ажид̇д̇аад̇и жад̇уусу сад̇ибадтаанзсу судту табид̇ажид̇д̇аа худ̇ваа. сад̇д̇а б̣ож̇жхан̇г̇з яат̇аабхууд̇анд̇и сад̇д̇а б̣ож̇жхан̇г̇з яат̇аасабхаавзна бхаавзд̇ваа. ануд̇д̇арам̣ саммаасамб̣од̇хинд̇и арахад̇д̇ам̣ саб̣б̣ан̃н̃уд̇ан̃н̃аан̣ам̣ бадивиж̇жхим̣сууд̇и д̣̇ассзд̇и.
Paṇḍitoti paṇḍiccena samannāgato. Byattoti veyyattiyena samannāgato visadañāṇo. Medhāvīti ṭhānuppattikapaññāsaṅkhātāya medhāya samannāgato. Anupariyāyapathanti anupariyāyanāmakaṃ pākāramaggaṃ. Pākārasandhinti dvinnaṃ iṭṭhakānaṃ apagataṭṭhānaṃ. Pākāravivaranti pākārassa chinnaṭṭhānaṃ. Cetaso upakkileseti pañcanīvaraṇā cittaṃ upakkilissanti kiliṭṭhaṃ karonti upatāpenti viheṭhenti, tasmā ‘‘cetaso upakkilesā’’ti vuccanti. Paññāya dubbalīkaraṇeti nīvaraṇā uppajjamānā anuppannāya paññāya uppajjituṃ na denti, tasmā ‘‘paññāya dubbalīkaraṇā’’ti vuccanti. Supatiṭṭhitacittāti catūsu satipaṭṭhānesu suṭṭhu ṭhapitacittā hutvā. Satta bojjhaṅge yathābhūtanti satta bojjhaṅge yathāsabhāvena bhāvetvā. Anuttaraṃ sammāsambodhinti arahattaṃ sabbaññutaññāṇaṃ paṭivijjhiṃsūti dasseti.
абижзд̇т̇а сад̇ибадтаанаад̇и вибассанаа, б̣ож̇жхан̇г̇аа маг̇г̇о, ануд̇д̇арасаммаасамб̣од̇хи арахад̇д̇ам̣. сад̇ибадтаанаад̇и ваа вибассанаа, б̣ож̇жхан̇г̇аамиссагаа, саммаасамб̣од̇хи арахад̇д̇амзва. д̣̇ийгхабхаан̣агамахаасийвад̇т̇зро банааха ‘‘сад̇ибадтаанз вибассанам̣ г̇ахзд̇ваа б̣ож̇жхан̇г̇з маг̇г̇о жа саб̣б̣ан̃н̃уд̇ан̃н̃аан̣ан̃жаад̇и г̇ахид̇з сунд̣̇аро бан̃хо бхавзяяа, на банзвам̣ г̇ахид̇а’’нд̇и. ид̇и т̇зро саб̣б̣аб̣уд̣̇д̇хаанам̣ нийваран̣аббахаанз сад̇ибадтаанабхааванааяа самб̣од̇хияан̃жа маж̇жхз бхиннасуван̣н̣араж̇ад̇аанам̣ вияа наанад̇д̇аабхаавам̣ д̣̇ассзд̇и.
Apicettha satipaṭṭhānāti vipassanā, bojjhaṅgā maggo, anuttarasammāsambodhi arahattaṃ. Satipaṭṭhānāti vā vipassanā, bojjhaṅgāmissakā, sammāsambodhi arahattameva. Dīghabhāṇakamahāsīvatthero panāha ‘‘satipaṭṭhāne vipassanaṃ gahetvā bojjhaṅge maggo ca sabbaññutaññāṇañcāti gahite sundaro pañho bhaveyya, na panevaṃ gahita’’nti. Iti thero sabbabuddhānaṃ nīvaraṇappahāne satipaṭṭhānabhāvanāya sambodhiyañca majjhe bhinnasuvaṇṇarajatānaṃ viya nānattābhāvaṃ dasseti.
ид̇ха тад̇ваа убамаа сам̣санд̣̇зд̇аб̣б̣аа – ааяасмаа хи саарибуд̇д̇о бажжанд̇анаг̇арам̣ д̣̇ассзси, баагаарам̣ д̣̇ассзси, анубарияааяабат̇ам̣ д̣̇ассзси, д̣̇ваарам̣ д̣̇ассзси, бан̣д̣ид̇ад̣̇овааригам̣ д̣̇ассзси, наг̇арам̣ бависанаганигкаманагз ол̣ааригз баан̣з д̣̇ассзси, д̣̇овааригасса д̇зсам̣ баан̣аанам̣ баагадабхаавам̣ д̣̇ассзси. д̇ад̇т̇а гим̣ гзна сад̣̇исанд̇и жз? наг̇арам̣ вияа хи ниб̣б̣аанам̣, баагааро вияа сийлам̣, анубарияааяабат̇о вияа хирий, д̣̇ваарам̣ вияа арияамаг̇г̇о, бан̣д̣ид̇ад̣̇оваариго вияа д̇хаммасзнаабад̇и, наг̇арам̣ бависанаганигкаманагаа ол̣ааригабаан̣аа вияа ад̇ийд̇аанааг̇ад̇абажжуббаннаа б̣уд̣̇д̇хаа, д̣̇овааригасса д̇зсам̣ баан̣аанам̣ баагадабхааво вияа ааяасмад̇о саарибуд̇д̇асса ад̇ийд̇аанааг̇ад̇абажжуббаннаанам̣ б̣уд̣̇д̇хаанам̣ сийласамат̇аад̣̇ийхи баагадабхааво. зд̇д̇аавад̇аа т̇зрзна бхаг̇авад̇о – ‘‘звамахам̣ саавагабаарамийн̃аан̣з тад̇ваа д̇хамманваязна наяаг̇г̇аахзна ж̇аанаамий’’д̇и ад̇д̇ано сийханаад̣̇асса ануяог̇о д̣̇инно ход̇и.
Idha ṭhatvā upamā saṃsandetabbā – āyasmā hi sāriputto paccantanagaraṃ dassesi, pākāraṃ dassesi, anupariyāyapathaṃ dassesi, dvāraṃ dassesi, paṇḍitadovārikaṃ dassesi, nagaraṃ pavisanakanikkhamanake oḷārike pāṇe dassesi, dovārikassa tesaṃ pāṇānaṃ pākaṭabhāvaṃ dassesi. Tattha kiṃ kena sadisanti ce? Nagaraṃ viya hi nibbānaṃ, pākāro viya sīlaṃ, anupariyāyapatho viya hirī, dvāraṃ viya ariyamaggo, paṇḍitadovāriko viya dhammasenāpati, nagaraṃ pavisanakanikkhamanakā oḷārikapāṇā viya atītānāgatapaccuppannā buddhā, dovārikassa tesaṃ pāṇānaṃ pākaṭabhāvo viya āyasmato sāriputtassa atītānāgatapaccuppannānaṃ buddhānaṃ sīlasamathādīhi pākaṭabhāvo. Ettāvatā therena bhagavato – ‘‘evamahaṃ sāvakapāramīñāṇe ṭhatvā dhammanvayena nayaggāhena jānāmī’’ti attano sīhanādassa anuyogo dinno hoti.
д̇асмаад̇и яасмаа ‘‘на ко мзд̇ам̣, бханд̇з, ад̇ийд̇аанааг̇ад̇абажжуббаннзсу араханд̇зсу саммаасамб̣уд̣̇д̇хзсу жзд̇обарияан̃аан̣ам̣ ад̇т̇и, абижа д̇хамманваяо вид̣̇ид̇о’’д̇и вад̣̇ад̇и, д̇асмаа. абхигкан̣ам̣ бхаасзяяаасийд̇и бунаббунам̣ бхаасзяяааси, ‘‘буб̣б̣ан̣хз мз гат̇ид̇а’’нд̇и маа маж̇жханхигаад̣̇ийсу на гат̇аяид̇т̇а, ‘‘аж̇ж̇а ваа мз гат̇ид̇а’’нд̇и маа барад̣̇ивасаад̣̇ийсу на гат̇аяид̇т̇аад̇и ад̇т̇о. саа бахийяиссад̇ийд̇и ‘‘саарибуд̇д̇асад̣̇исоби наама н̃аан̣аж̇аванасамбанно сааваго б̣уд̣̇д̇хаанам̣ жид̇д̇аажаарам̣ ж̇аанид̇ум̣ на саггод̇и, звам̣ аббамзяяаа д̇ат̇ааг̇ад̇аа’’д̇и жинд̇знд̇аанам̣ яаа д̇ат̇ааг̇ад̇з ган̇каа ваа вимад̇и ваа, саа бахийяиссад̇ийд̇и.
Tasmāti yasmā ‘‘na kho metaṃ, bhante, atītānāgatapaccuppannesu arahantesu sammāsambuddhesu cetopariyañāṇaṃ atthi, apica dhammanvayo vidito’’ti vadati, tasmā. Abhikkhaṇaṃ bhāseyyāsīti punappunaṃ bhāseyyāsi, ‘‘pubbaṇhe me kathita’’nti mā majjhanhikādīsu na kathayittha, ‘‘ajja vā me kathita’’nti mā paradivasādīsu na kathayitthāti attho. Sā pahīyissatīti ‘‘sāriputtasadisopi nāma ñāṇajavanasampanno sāvako buddhānaṃ cittācāraṃ jānituṃ na sakkoti, evaṃ appameyyā tathāgatā’’ti cintentānaṃ yā tathāgate kaṅkhā vā vimati vā, sā pahīyissatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. нааланд̣̇асуд̇д̇ам̣ • 2. Nālandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. нааланд̣̇асуд̇д̇аван̣н̣анаа • 2. Nālandasuttavaṇṇanā
