| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[20] 10. нал̣абаанаж̇аад̇агаван̣н̣анаа
[20] 10. Naḷapānajātakavaṇṇanā
д̣̇исваа бад̣̇амануд̇д̇ин̣н̣анд̇и ид̣̇ам̣ сад̇т̇аа госалзсу жааригам̣ жарамаано нал̣агабаанаг̇аамам̣ бад̇ваа нал̣агабаанабогкаран̣ияам̣ гзд̇агаванз вихаранд̇о нал̣ад̣̇ан̣д̣агз аараб̣бха гат̇зси. д̇ад̣̇аа гира бхигкуу нал̣агабаанабогкаран̣ияам̣ нхад̇ваа суужигхарад̇т̇ааяа сааман̣зрзхи нал̣ад̣̇ан̣д̣агз г̇аахаабзд̇ваа д̇з саб̣б̣ад̇т̇агамзва чид̣̇д̣̇з д̣̇исваа сад̇т̇аарам̣ убасан̇гамид̇ваа ‘‘бханд̇з, маяам̣ суужигхарад̇т̇ааяа нал̣ад̣̇ан̣д̣агз г̇ан̣хаабзма, д̇з муулад̇о яаава аг̇г̇аа саб̣б̣ад̇т̇агамзва чид̣̇д̣̇аа, гим̣ ну ко зд̇а’’нд̇и бужчим̣су. сад̇т̇аа ‘‘ид̣̇ам̣, бхигкавз, маяхам̣ бораан̣агаад̇хидтаана’’нд̇и вад̇ваа ад̇ийд̇ам̣ аахари.
Disvāpadamanuttiṇṇanti idaṃ satthā kosalesu cārikaṃ caramāno naḷakapānagāmaṃ patvā naḷakapānapokkharaṇiyaṃ ketakavane viharanto naḷadaṇḍake ārabbha kathesi. Tadā kira bhikkhū naḷakapānapokkharaṇiyaṃ nhatvā sūcigharatthāya sāmaṇerehi naḷadaṇḍake gāhāpetvā te sabbatthakameva chidde disvā satthāraṃ upasaṅkamitvā ‘‘bhante, mayaṃ sūcigharatthāya naḷadaṇḍake gaṇhāpema, te mūlato yāva aggā sabbatthakameva chiddā, kiṃ nu kho eta’’nti pucchiṃsu. Satthā ‘‘idaṃ, bhikkhave, mayhaṃ porāṇakaadhiṭṭhāna’’nti vatvā atītaṃ āhari.
буб̣б̣з гира со ванасан̣д̣о аран̃н̃о ахоси. д̇ассааби богкаран̣ияаа зго д̣̇агарагкасо од̇ин̣н̣од̇ин̣н̣з каад̣̇ад̇и. д̇ад̣̇аа б̣од̇хисад̇д̇о рохид̇амиг̇абод̇агаббамаан̣о габирааж̇аа худ̇ваа асийд̇исахассамад̇д̇аваанарабаривуд̇о яуут̇ам̣ барихаранд̇о д̇асмим̣ аран̃н̃з васад̇и. со ваанараг̇ан̣асса оваад̣̇ам̣ ад̣̇ааси ‘‘д̇аад̇аа, имасмим̣ аран̃н̃з висаругкааби амануссабариг̇г̇ахид̇абогкаран̣ияоби хонд̇и, д̇умхз акаад̣̇ид̇абуб̣б̣ам̣ палаапалам̣ каад̣̇анд̇аа ваа абийд̇абуб̣б̣ам̣ баанийяам̣ биванд̇аа ваа мам̣ бадибужчзяяаат̇аа’’д̇и. д̇з ‘‘саад̇хуу’’д̇и бадиссун̣ид̇ваа згад̣̇ивасам̣ аг̇ад̇абуб̣б̣адтаанам̣ г̇ад̇аа д̇ад̇т̇а б̣ахуд̣̇зва д̣̇ивасам̣ жарид̇ваа баанийяам̣ г̇авзсамаанаа згам̣ богкаран̣им̣ д̣̇исваа баанийяам̣ абивид̇ваава б̣од̇хисад̇д̇ассааг̇аманам̣ ологаяамаанаа нисийд̣̇им̣су. б̣од̇хисад̇д̇о ааг̇анд̇ваа ‘‘гим̣ д̇аад̇аа, баанийяам̣ на биват̇аа’’д̇и ааха. ‘‘д̇умхаагам̣ ааг̇аманам̣ ологзмаа’’д̇и. ‘‘судту, д̇аад̇аа’’д̇и б̣од̇хисад̇д̇о богкаран̣им̣ аавиж̇жхид̇ваа бад̣̇ам̣ барижчинд̣̇анд̇о од̇ин̣н̣амзва басси, на уд̇д̇ин̣н̣ам̣. со ‘‘ниссам̣саяам̣ зсаа амануссабариг̇г̇ахид̇аа’’д̇и н̃ад̇ваа ‘‘судту во гад̇ам̣, д̇аад̇аа, баанийяам̣ абиванд̇зхи, амануссабариг̇г̇ахид̇аа аяа’’нд̇и ааха.
Pubbe kira so vanasaṇḍo arañño ahosi. Tassāpi pokkharaṇiyā eko dakarakkhaso otiṇṇotiṇṇe khādati. Tadā bodhisatto rohitamigapotakappamāṇo kapirājā hutvā asītisahassamattavānaraparivuto yūthaṃ pariharanto tasmiṃ araññe vasati. So vānaragaṇassa ovādaṃ adāsi ‘‘tātā, imasmiṃ araññe visarukkhāpi amanussapariggahitapokkharaṇiyopi honti, tumhe akhāditapubbaṃ phalāphalaṃ khādantā vā apītapubbaṃ pānīyaṃ pivantā vā maṃ paṭipuccheyyāthā’’ti. Te ‘‘sādhū’’ti paṭissuṇitvā ekadivasaṃ agatapubbaṭṭhānaṃ gatā tattha bahudeva divasaṃ caritvā pānīyaṃ gavesamānā ekaṃ pokkharaṇiṃ disvā pānīyaṃ apivitvāva bodhisattassāgamanaṃ olokayamānā nisīdiṃsu. Bodhisatto āgantvā ‘‘kiṃ tātā, pānīyaṃ na pivathā’’ti āha. ‘‘Tumhākaṃ āgamanaṃ olokemā’’ti. ‘‘Suṭṭhu, tātā’’ti bodhisatto pokkharaṇiṃ āvijjhitvā padaṃ paricchindanto otiṇṇameva passi, na uttiṇṇaṃ. So ‘‘nissaṃsayaṃ esā amanussapariggahitā’’ti ñatvā ‘‘suṭṭhu vo kataṃ, tātā, pānīyaṃ apivantehi, amanussapariggahitā aya’’nti āha.
д̣̇агарагкасоби д̇зсам̣ анод̇аран̣абхаавам̣ н̃ад̇ваа нийлод̣̇аро бан̣д̣арамуко сурад̇д̇ахад̇т̇абаад̣̇о б̣ийбхажчад̣̇ассано худ̇ваа уд̣̇агам̣ д̣̇вид̇хаа гад̇ваа нигкамид̇ваа ‘‘гасмаа нисиннаад̇т̇а, од̇арид̇ваа баанийяам̣ биват̇аа’’д̇и ааха. ат̇а нам̣ б̣од̇хисад̇д̇о бужчи ‘‘д̇вам̣ ид̇ха ниб̣б̣ад̇д̇ад̣̇агарагкасосий’’д̇и? ‘‘аама, аха’’нд̇и. ‘‘д̇вам̣ богкаран̣им̣ од̇ин̣н̣агз лабхасий’’д̇и? ‘‘аама, лабхаами, ахам̣ ид̇ход̇ин̣н̣ам̣ анд̇амасо сагун̣игам̣ убаад̣̇ааяа на гин̃жи мун̃жаами, д̇умхзби саб̣б̣з каад̣̇иссаамий’’д̇и. ‘‘на маяам̣ ад̇д̇аанам̣ д̇уяхам̣ каад̣̇ид̇ум̣ д̣̇ассаамаа’’д̇и. ‘‘баанийяам̣ бана бивиссат̇аа’’д̇и. ‘‘аама, баанийяам̣ бивиссаама, на жа д̇з васам̣ г̇амиссаамаа’’д̇и. ‘‘ат̇а гат̇ам̣ баанийяам̣ бивиссат̇аа’’д̇и? гим̣ бана д̇вам̣ ман̃н̃аси ‘‘од̇арид̇ваа бивиссанд̇ий’’д̇и. ‘‘маяан̃хи анод̇арид̇ваа асийд̇исахассааниби згамзгам̣ нал̣ад̣̇ан̣д̣агам̣ г̇ахзд̇ваа уббаланаал̣зна уд̣̇агам̣ биванд̇аа вияа д̇ава богкаран̣ияаа баанийяам̣ бивиссаама, звам̣ но д̇вам̣ каад̣̇ид̇ум̣ на сагкиссасий’’д̇и. зд̇амад̇т̇ам̣ вид̣̇ид̇ваа сад̇т̇аа абхисамб̣уд̣̇д̇хо худ̇ваа имиссаа г̇аат̇ааяа буримабад̣̇ад̣̇ваяам̣ абхааси –
Dakarakkhasopi tesaṃ anotaraṇabhāvaṃ ñatvā nīlodaro paṇḍaramukho surattahatthapādo bībhacchadassano hutvā udakaṃ dvidhā katvā nikkhamitvā ‘‘kasmā nisinnāttha, otaritvā pānīyaṃ pivathā’’ti āha. Atha naṃ bodhisatto pucchi ‘‘tvaṃ idha nibbattadakarakkhasosī’’ti? ‘‘Āma, aha’’nti. ‘‘Tvaṃ pokkharaṇiṃ otiṇṇake labhasī’’ti? ‘‘Āma, labhāmi, ahaṃ idhotiṇṇaṃ antamaso sakuṇikaṃ upādāya na kiñci muñcāmi, tumhepi sabbe khādissāmī’’ti. ‘‘Na mayaṃ attānaṃ tuyhaṃ khādituṃ dassāmā’’ti. ‘‘Pānīyaṃ pana pivissathā’’ti. ‘‘Āma, pānīyaṃ pivissāma, na ca te vasaṃ gamissāmā’’ti. ‘‘Atha kathaṃ pānīyaṃ pivissathā’’ti? Kiṃ pana tvaṃ maññasi ‘‘otaritvā pivissantī’’ti. ‘‘Mayañhi anotaritvā asītisahassānipi ekamekaṃ naḷadaṇḍakaṃ gahetvā uppalanāḷena udakaṃ pivantā viya tava pokkharaṇiyā pānīyaṃ pivissāma, evaṃ no tvaṃ khādituṃ na sakkhissasī’’ti. Etamatthaṃ viditvā satthā abhisambuddho hutvā imissā gāthāya purimapadadvayaṃ abhāsi –
20.
20.
‘‘д̣̇исваа бад̣̇амануд̇д̇ин̣н̣ам̣, д̣̇исваанод̇арид̇ам̣ бад̣̇а’’нд̇и.
‘‘Disvā padamanuttiṇṇaṃ, disvānotaritaṃ pada’’nti.
д̇ассад̇т̇о – бхигкавз, со габирааж̇аа д̇ассаа богкаран̣ияаа згамби уд̇д̇ин̣н̣абад̣̇ам̣ наад̣̇д̣̇аса, од̇арид̇ам̣ бана од̇ин̣н̣абад̣̇амзва ад̣̇д̣̇аса. звам̣ д̣̇исваа бад̣̇ам̣ ануд̇д̇ин̣н̣ам̣ д̣̇исваана од̇арид̇ам̣ бад̣̇ам̣ ‘‘ад̣̇д̇хааяам̣ богкаран̣ий амануссабариг̇г̇ахид̇аа’’д̇и н̃ад̇ваа д̇зна сад̣̇д̇хим̣ саллабанд̇о сабарисо ааха –
Tassattho – bhikkhave, so kapirājā tassā pokkharaṇiyā ekampi uttiṇṇapadaṃ nāddasa, otaritaṃ pana otiṇṇapadameva addasa. Evaṃ disvā padaṃ anuttiṇṇaṃ disvāna otaritaṃ padaṃ ‘‘addhāyaṃ pokkharaṇī amanussapariggahitā’’ti ñatvā tena saddhiṃ sallapanto sapariso āha –
‘‘нал̣зна ваарим̣ биссаамаа’’д̇и;
‘‘Naḷena vāriṃ pissāmā’’ti;
д̇ассад̇т̇о – маяам̣ д̇ава богкаран̣ияам̣ нал̣зна баанийяам̣ бивиссаамаад̇и. буна махаасад̇д̇о ааха –
Tassattho – mayaṃ tava pokkharaṇiyaṃ naḷena pānīyaṃ pivissāmāti. Puna mahāsatto āha –
‘‘нзва мам̣ д̇вам̣ вад̇хиссасий’’д̇и;
‘‘Neva maṃ tvaṃ vadhissasī’’ti;
звам̣ нал̣зна баанийяам̣ биванд̇ам̣ сабарисамби мам̣ д̇вам̣ нзва вад̇хиссасийд̇и ад̇т̇о.
Evaṃ naḷena pānīyaṃ pivantaṃ saparisampi maṃ tvaṃ neva vadhissasīti attho.
зван̃жа бана вад̇ваа б̣од̇хисад̇д̇о згам̣ нал̣ад̣̇ан̣д̣агам̣ аахараабзд̇ваа баарамияо ааваж̇ж̇зд̇ваа сажжагирияам̣ гад̇ваа мукзна д̇хами, нал̣о анд̇о гин̃жи г̇ан̣тим̣ асзсзд̇ваа саб̣б̣ад̇т̇агамзва сусиро ахоси . иминаа нияаамзна абарамби абарамби аахараабзд̇ваа мукзна д̇хамид̇ваа ад̣̇ааси. звам̣ санд̇зби на саггаа нидтаабзд̇ум̣, д̇асмаа звам̣ на г̇ахзд̇аб̣б̣ам̣. б̣од̇хисад̇д̇о бана ‘‘имам̣ богкаран̣им̣ бариваарзд̇ваа ж̇аад̇аа саб̣б̣зби нал̣аа згажчид̣̇д̣̇аа хонд̇уу’’д̇и ад̇хидтааси . б̣од̇хисад̇д̇аанан̃хи хид̇уубажаарасса маханд̇ад̇ааяа ад̇хидтаанам̣ самиж̇жхад̇и. д̇ад̇о бадтааяа саб̣б̣зби д̇ам̣ богкаран̣им̣ бариваарзд̇ваа удтид̇анал̣аа згажчид̣̇д̣̇аа ж̇аад̇аа. имасмин̃хи габбз жад̇д̇аари габбадтияабаадихаарияаани наама. гад̇амаани жад̇д̇аари? жанд̣̇з сасалагкан̣ам̣ сагаламби имам̣ габбам̣ тассад̇и, ваддагаж̇аад̇агз аг̇г̇ино ниб̣б̣уд̇адтаанам̣ сагаламби имам̣ габбам̣ аг̇г̇и на жхааяиссад̇и, гхадийгааранивзсанадтаанам̣ сагаламби имам̣ габбам̣ ановассагам̣ тассад̇и, имам̣ богкаран̣им̣ бариваарзд̇ваа удтид̇анал̣аа сагаламби имам̣ габбам̣ згажчид̣̇д̣̇аа бхависсанд̇ийд̇и имаани жад̇д̇аари габбадтияабаадихаарияаани наама.
Evañca pana vatvā bodhisatto ekaṃ naḷadaṇḍakaṃ āharāpetvā pāramiyo āvajjetvā saccakiriyaṃ katvā mukhena dhami, naḷo anto kiñci gaṇṭhiṃ asesetvā sabbatthakameva susiro ahosi . Iminā niyāmena aparampi aparampi āharāpetvā mukhena dhamitvā adāsi. Evaṃ santepi na sakkā niṭṭhāpetuṃ, tasmā evaṃ na gahetabbaṃ. Bodhisatto pana ‘‘imaṃ pokkharaṇiṃ parivāretvā jātā sabbepi naḷā ekacchiddā hontū’’ti adhiṭṭhāsi . Bodhisattānañhi hitūpacārassa mahantatāya adhiṭṭhānaṃ samijjhati. Tato paṭṭhāya sabbepi taṃ pokkharaṇiṃ parivāretvā uṭṭhitanaḷā ekacchiddā jātā. Imasmiñhi kappe cattāri kappaṭṭhiyapāṭihāriyāni nāma. Katamāni cattāri? Cande sasalakkhaṇaṃ sakalampi imaṃ kappaṃ ṭhassati, vaṭṭakajātake aggino nibbutaṭṭhānaṃ sakalampi imaṃ kappaṃ aggi na jhāyissati, ghaṭīkāranivesanaṭṭhānaṃ sakalampi imaṃ kappaṃ anovassakaṃ ṭhassati, imaṃ pokkharaṇiṃ parivāretvā uṭṭhitanaḷā sakalampi imaṃ kappaṃ ekacchiddā bhavissantīti imāni cattāri kappaṭṭhiyapāṭihāriyāni nāma.
б̣од̇хисад̇д̇о звам̣ ад̇хидтахид̇ваа згам̣ нал̣ам̣ аад̣̇ааяа нисийд̣̇и. д̇зби асийд̇исахассаваанараа згзгам̣ аад̣̇ааяа богкаран̣им̣ бариваарзд̇ваа нисийд̣̇им̣су. д̇зби б̣од̇хисад̇д̇асса нал̣зна аагад̣дхид̇ваа баанийяам̣ биванагаалз саб̣б̣з д̇ийрз нисиннаава бивим̣су. звам̣ д̇зхи баанийяз бивид̇з д̣̇агарагкасо гин̃жи алабхид̇ваа анад̇д̇амано саганивзсанамзва г̇ад̇о. б̣од̇хисад̇д̇оби сабаривааро аран̃н̃амзва баависи.
Bodhisatto evaṃ adhiṭṭhahitvā ekaṃ naḷaṃ ādāya nisīdi. Tepi asītisahassavānarā ekekaṃ ādāya pokkharaṇiṃ parivāretvā nisīdiṃsu. Tepi bodhisattassa naḷena ākaḍḍhitvā pānīyaṃ pivanakāle sabbe tīre nisinnāva piviṃsu. Evaṃ tehi pānīye pivite dakarakkhaso kiñci alabhitvā anattamano sakanivesanameva gato. Bodhisattopi saparivāro araññameva pāvisi.
сад̇т̇аа бана ‘‘имзсам̣, бхигкавз, нал̣аанам̣ згажчид̣̇д̣̇абхааво наама маяхамзвзд̇ам̣ бораан̣агаад̇хидтаана’’нд̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа д̣̇агарагкасо д̣̇звад̣̇ад̇д̇о ахоси, асийд̇исахассаваанараа б̣уд̣̇д̇хабарисаа, убааяагусало бана габирааж̇аа ахамзва ахоси’’нд̇и.
Satthā pana ‘‘imesaṃ, bhikkhave, naḷānaṃ ekacchiddabhāvo nāma mayhamevetaṃ porāṇakaadhiṭṭhāna’’nti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā dakarakkhaso devadatto ahosi, asītisahassavānarā buddhaparisā, upāyakusalo pana kapirājā ahameva ahosi’’nti.
нал̣абаанаж̇аад̇агаван̣н̣анаа д̣̇асамаа.
Naḷapānajātakavaṇṇanā dasamā.
сийлаваг̇г̇о д̣̇уд̇ияо.
Sīlavaggo dutiyo.
д̇ассуд̣̇д̣̇аанам̣ –
Tassuddānaṃ –
ниг̇род̇хам̣ лагкан̣ам̣ ган̣д̣и, ваад̇амиг̇ам̣ караад̣̇ияам̣;
Nigrodhaṃ lakkhaṇaṃ kaṇḍi, vātamigaṃ kharādiyaṃ;
д̇ибаллад̇т̇ам̣ маалуд̇ан̃жа, мад̇абхад̇д̇а аяаажид̇ам̣;
Tipallatthaṃ mālutañca, matabhatta ayācitaṃ;
нал̣абаананд̇и д̇з д̣̇асаад̇и.
Naḷapānanti te dasāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 20. нал̣абаанаж̇аад̇агам̣ • 20. Naḷapānajātakaṃ
