| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. наамаруубазгад̇д̇анаанад̇д̇абан̃хо
6. Nāmarūpaekattanānattapañho
6. рааж̇аа ааха ‘‘бханд̇з нааг̇асзна, го бадисанд̣̇ахад̇ий’’д̇и? т̇зро ааха ‘‘наамаруубам̣ ко, махаарааж̇а, бадисанд̣̇ахад̇ий’’д̇и. ‘‘гим̣ имам̣ язва наамаруубам̣ бадисанд̣̇ахад̇ий’’д̇и? ‘‘на ко, махаарааж̇а, имам̣ язва наамаруубам̣ бадисанд̣̇ахад̇и, иминаа бана, махаарааж̇а, наамаруубзна гаммам̣ гарод̇и собханам̣ ваа баабагам̣ ваа, д̇зна гаммзна ан̃н̃ам̣ наамаруубам̣ бадисанд̣̇ахад̇ий’’д̇и. ‘‘яад̣̇и, бханд̇з, на имам̣ язва наамаруубам̣ бадисанд̣̇ахад̇и, нану со муд̇д̇о бхависсад̇и баабагзхи гаммзхий’’д̇и? т̇зро ааха ‘‘яад̣̇и на бадисанд̣̇ахзяяа, муд̇д̇о бхавзяяа баабагзхи гаммзхи. яасмаа жа ко, махаарааж̇а, бадисанд̣̇ахад̇и, д̇асмаа на муд̇д̇о баабагзхи гаммзхий’’д̇и.
6. Rājā āha ‘‘bhante nāgasena, ko paṭisandahatī’’ti? Thero āha ‘‘nāmarūpaṃ kho, mahārāja, paṭisandahatī’’ti. ‘‘Kiṃ imaṃ yeva nāmarūpaṃ paṭisandahatī’’ti? ‘‘Na kho, mahārāja, imaṃ yeva nāmarūpaṃ paṭisandahati, iminā pana, mahārāja, nāmarūpena kammaṃ karoti sobhanaṃ vā pāpakaṃ vā, tena kammena aññaṃ nāmarūpaṃ paṭisandahatī’’ti. ‘‘Yadi, bhante, na imaṃ yeva nāmarūpaṃ paṭisandahati, nanu so mutto bhavissati pāpakehi kammehī’’ti? Thero āha ‘‘yadi na paṭisandaheyya, mutto bhaveyya pāpakehi kammehi. Yasmā ca kho, mahārāja, paṭisandahati, tasmā na mutto pāpakehi kammehī’’ti.
‘‘обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо ан̃н̃ад̇арасса бурисасса амб̣ам̣ авахарзяяа, д̇амзнам̣ амб̣асаамиго г̇ахзд̇ваа ран̃н̃о д̣̇ассзяяа ‘иминаа д̣̇зва бурисзна маяхам̣ амб̣аа авахадаа’д̇и, со звам̣ вад̣̇зяяа ‘наахам̣, д̣̇зва, имасса амб̣з авахараами, ан̃н̃з д̇з амб̣аа, яз иминаа робид̇аа, ан̃н̃з д̇з амб̣аа, яз маяаа авахадаа, наахам̣ д̣̇ан̣д̣аббад̇д̇о’д̇и. гим̣ ну ко со, махаарааж̇а, бурисо д̣̇ан̣д̣аббад̇д̇о бхавзяяаа’’д̇и? ‘‘аама, бханд̇з, д̣̇ан̣д̣аббад̇д̇о бхавзяяаа’’д̇и. ‘‘гзна гааран̣знаа’’д̇и? ‘‘гин̃жааби со звам̣ вад̣̇зяяа, буримам̣, бханд̇з, амб̣ам̣ аббажжагкааяа бажчимзна амб̣зна со бурисо д̣̇ан̣д̣аббад̇д̇о бхавзяяаа’’д̇и. ‘‘звамзва ко, махаарааж̇а, иминаа наамаруубзна гаммам̣ гарод̇и собханам̣ ваа баабагам̣ ваа, д̇зна гаммзна ан̃н̃ам̣ наамаруубам̣ бадисанд̣̇ахад̇и, д̇асмаа на муд̇д̇о баабагзхи гаммзхий’’д̇и.
‘‘Opammaṃ karohī’’ti. ‘‘Yathā, mahārāja, kocideva puriso aññatarassa purisassa ambaṃ avahareyya, tamenaṃ ambasāmiko gahetvā rañño dasseyya ‘iminā deva purisena mayhaṃ ambā avahaṭā’ti, so evaṃ vadeyya ‘nāhaṃ, deva, imassa ambe avaharāmi, aññe te ambā, ye iminā ropitā, aññe te ambā, ye mayā avahaṭā, nāhaṃ daṇḍappatto’ti. Kiṃ nu kho so, mahārāja, puriso daṇḍappatto bhaveyyā’’ti? ‘‘Āma, bhante, daṇḍappatto bhaveyyā’’ti. ‘‘Kena kāraṇenā’’ti? ‘‘Kiñcāpi so evaṃ vadeyya, purimaṃ, bhante, ambaṃ appaccakkhāya pacchimena ambena so puriso daṇḍappatto bhaveyyā’’ti. ‘‘Evameva kho, mahārāja, iminā nāmarūpena kammaṃ karoti sobhanaṃ vā pāpakaṃ vā, tena kammena aññaṃ nāmarūpaṃ paṭisandahati, tasmā na mutto pāpakehi kammehī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо ан̃н̃ад̇арасса бурисасса саалим̣ авахарзяяа…бз… ужчум̣ авахарзяяа…бз… яат̇аа махаарааж̇а гожи бурисо хзманд̇агаалз аг̇г̇им̣ ж̇аалзд̇ваа висиб̣б̣зд̇ваа 1 авиж̇жхаабзд̇ваа баггамзяяа, ат̇а ко со аг̇г̇и ан̃н̃ад̇арасса бурисасса кзд̇д̇ам̣ д̣ахзяяа 2, д̇амзнам̣ кзд̇д̇асаамиго г̇ахзд̇ваа ран̃н̃о д̣̇ассзяяа ‘иминаа, д̣̇зва, бурисзна маяхам̣ кзд̇д̇ам̣ д̣̇ад̣дха’нд̇и. со звам̣ вад̣̇зяяа ‘наахам̣, д̣̇зва, имасса кзд̇д̇ам̣ жхаабзми, ан̃н̃о со аг̇г̇и, яо маяаа авиж̇жхаабид̇о, ан̃н̃о со аг̇г̇и, язнимасса кзд̇д̇ам̣ д̣̇ад̣дхам̣, наахам̣ д̣̇ан̣д̣аббад̇д̇о’д̇и. гим̣ ну ко со, махаарааж̇а, бурисо д̣̇ан̣д̣аббад̇д̇о бхавзяяаа’’д̇и? ‘‘аама, бханд̇з, д̣̇ан̣д̣аббад̇д̇о бхавзяяаа’’д̇и. ‘‘гзна гааран̣знаа’’д̇и? ‘‘гин̃жааби со звам̣ вад̣̇зяяа, буримам̣, бханд̇з, аг̇г̇им̣ аббажжагкааяа бажчимзна аг̇г̇инаа со бурисо д̣̇ан̣д̣аббад̇д̇о бхавзяяаа’’д̇и. ‘‘звамзва ко, махаарааж̇а, иминаа наамаруубзна гаммам̣ гарод̇и собханам̣ ваа баабагам̣ ваа, д̇зна гаммзна ан̃н̃ам̣ наамаруубам̣ бадисанд̣̇ахад̇и, д̇асмаа на муд̇д̇о баабагзхи гаммзхий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, kocideva puriso aññatarassa purisassa sāliṃ avahareyya…pe… ucchuṃ avahareyya…pe… yathā mahārāja koci puriso hemantakāle aggiṃ jāletvā visibbetvā 3 avijjhāpetvā pakkameyya, atha kho so aggi aññatarassa purisassa khettaṃ ḍaheyya 4, tamenaṃ khettasāmiko gahetvā rañño dasseyya ‘iminā, deva, purisena mayhaṃ khettaṃ daḍḍha’nti. So evaṃ vadeyya ‘nāhaṃ, deva, imassa khettaṃ jhāpemi, añño so aggi, yo mayā avijjhāpito, añño so aggi, yenimassa khettaṃ daḍḍhaṃ, nāhaṃ daṇḍappatto’ti. Kiṃ nu kho so, mahārāja, puriso daṇḍappatto bhaveyyā’’ti? ‘‘Āma, bhante, daṇḍappatto bhaveyyā’’ti. ‘‘Kena kāraṇenā’’ti? ‘‘Kiñcāpi so evaṃ vadeyya, purimaṃ, bhante, aggiṃ appaccakkhāya pacchimena agginā so puriso daṇḍappatto bhaveyyā’’ti. ‘‘Evameva kho, mahārāja, iminā nāmarūpena kammaṃ karoti sobhanaṃ vā pāpakaṃ vā, tena kammena aññaṃ nāmarūpaṃ paṭisandahati, tasmā na mutto pāpakehi kammehī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо бад̣̇ийбам̣ аад̣̇ааяа баасаад̣̇ам̣ абхируухид̇ваа бхун̃ж̇зяяа, бад̣̇ийбо жхааяамаано д̇ин̣ам̣ жхаабзяяа, д̇ин̣ам̣ жхааяамаанам̣ гхарам̣ жхаабзяяа, гхарам̣ жхааяамаанам̣ г̇аамам̣ жхаабзяяа, г̇аамаж̇ано д̇ам̣ бурисам̣ г̇ахзд̇ваа звам̣ вад̣̇зяяа ‘гисса д̇вам̣, бхо буриса, г̇аамам̣ жхаабзсий’д̇и, со звам̣ вад̣̇зяяа ‘наахам̣, бхо, г̇аамам̣ жхаабзми, ан̃н̃о со бад̣̇ийбаг̇г̇и, яассаахам̣ аалогзна бхун̃ж̇им̣, ан̃н̃о со аг̇г̇и, язна г̇аамо жхаабид̇о’д̇и, д̇з вивад̣̇амаанаа д̇ава санд̇игз ааг̇ажчзяяум̣, гасса д̇вам̣, махаарааж̇а, аддам̣ 5 д̇хаарзяяаасий’’д̇и? ‘‘г̇аамаж̇анасса бханд̇з’’д̇и. ‘‘гим̣ гааран̣аа’’д̇и? ‘‘гин̃жааби со звам̣ вад̣̇зяяа, аби жа д̇ад̇о зва со аг̇г̇и ниб̣б̣ад̇д̇о’’д̇и. ‘‘звамзва ко, махаарааж̇а, гин̃жааби ан̃н̃ам̣ мааран̣анд̇игам̣ наамаруубам̣, ан̃н̃ам̣ бадисанд̇хисмим̣ наамаруубам̣, аби жа д̇ад̇о язва д̇ам̣ ниб̣б̣ад̇д̇ам̣, д̇асмаа на муд̇д̇о баабагзхи гаммзхий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, kocideva puriso padīpaṃ ādāya pāsādaṃ abhirūhitvā bhuñjeyya, padīpo jhāyamāno tiṇaṃ jhāpeyya, tiṇaṃ jhāyamānaṃ gharaṃ jhāpeyya, gharaṃ jhāyamānaṃ gāmaṃ jhāpeyya, gāmajano taṃ purisaṃ gahetvā evaṃ vadeyya ‘kissa tvaṃ, bho purisa, gāmaṃ jhāpesī’ti, so evaṃ vadeyya ‘nāhaṃ, bho, gāmaṃ jhāpemi, añño so padīpaggi, yassāhaṃ ālokena bhuñjiṃ, añño so aggi, yena gāmo jhāpito’ti, te vivadamānā tava santike āgaccheyyuṃ, kassa tvaṃ, mahārāja, aṭṭaṃ 6 dhāreyyāsī’’ti? ‘‘Gāmajanassa bhante’’ti. ‘‘Kiṃ kāraṇā’’ti? ‘‘Kiñcāpi so evaṃ vadeyya, api ca tato eva so aggi nibbatto’’ti. ‘‘Evameva kho, mahārāja, kiñcāpi aññaṃ māraṇantikaṃ nāmarūpaṃ, aññaṃ paṭisandhismiṃ nāmarūpaṃ, api ca tato yeva taṃ nibbattaṃ, tasmā na mutto pāpakehi kammehī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо д̣̇ахарим̣ д̣̇ааригам̣ ваарзд̇ваа сун̇гам̣ д̣̇ад̇ваа баггамзяяа. саа абарзна самаязна махад̇ий асса ваяаббад̇д̇аа, д̇ад̇о ан̃н̃о бурисо сун̇гам̣ д̣̇ад̇ваа виваахам̣ гарзяяа, ид̇аро ааг̇анд̇ваа звам̣ вад̣̇зяяа ‘гисса бана мз д̇вам̣, амбхо буриса, бхарияам̣ нзсий’д̇и? со звам̣ вад̣̇зяяа ‘наахам̣ д̇ава бхарияам̣ нзми, ан̃н̃аа саа д̣̇ааригаа д̣̇ахарий д̇арун̣ий, яаа д̇аяаа ваарид̇аа жа д̣̇иннасун̇гаа жа, ан̃н̃ааяам̣ д̣̇ааригаа махад̇ий ваяаббад̇д̇аа маяаа ваарид̇аа жа д̣̇иннасун̇гаа жаа’д̇и, д̇з вивад̣̇амаанаа д̇ава санд̇игз ааг̇ажчзяяум̣. гасса д̇вам̣, махаарааж̇а, аддам̣ д̇хаарзяяаасий’’д̇и? ‘‘буримасса бханд̇з’’д̇и. ‘‘гим̣ гааран̣аа’’д̇и? ‘‘гин̃жааби со звам̣ вад̣̇зяяа, аби жа д̇ад̇о язва саа махад̇ий ниб̣б̣ад̇д̇аа’’д̇и. ‘‘звамзва ко, махаарааж̇а, гин̃жааби ан̃н̃ам̣ мааран̣анд̇игам̣ наамаруубам̣, ан̃н̃ам̣ бадисанд̇хисмим̣ наамаруубам̣, аби жа д̇ад̇о язва д̇ам̣ ниб̣б̣ад̇д̇ам̣, д̇асмаа набаримуд̇д̇о баабагзхи гаммзхий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, kocideva puriso dahariṃ dārikaṃ vāretvā suṅkaṃ datvā pakkameyya. Sā aparena samayena mahatī assa vayappattā, tato añño puriso suṅkaṃ datvā vivāhaṃ kareyya, itaro āgantvā evaṃ vadeyya ‘kissa pana me tvaṃ, ambho purisa, bhariyaṃ nesī’ti? So evaṃ vadeyya ‘nāhaṃ tava bhariyaṃ nemi, aññā sā dārikā daharī taruṇī, yā tayā vāritā ca dinnasuṅkā ca, aññāyaṃ dārikā mahatī vayappattā mayā vāritā ca dinnasuṅkā cā’ti, te vivadamānā tava santike āgaccheyyuṃ. Kassa tvaṃ, mahārāja, aṭṭaṃ dhāreyyāsī’’ti? ‘‘Purimassa bhante’’ti. ‘‘Kiṃ kāraṇā’’ti? ‘‘Kiñcāpi so evaṃ vadeyya, api ca tato yeva sā mahatī nibbattā’’ti. ‘‘Evameva kho, mahārāja, kiñcāpi aññaṃ māraṇantikaṃ nāmarūpaṃ, aññaṃ paṭisandhismiṃ nāmarūpaṃ, api ca tato yeva taṃ nibbattaṃ, tasmā naparimutto pāpakehi kammehī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо г̇обаалагасса хад̇т̇ад̇о кийрагхадам̣ гин̣ид̇ваа д̇ассзва хад̇т̇з нигкибид̇ваа баггамзяяа ‘свз г̇ахзд̇ваа г̇амиссаамий’д̇и, д̇ам̣ абараж̇ж̇у д̣̇ад̇хи самбаж̇ж̇зяяа. со ааг̇анд̇ваа звам̣ вад̣̇зяяа ‘д̣̇зхи мз кийрагхада’нд̇и. со д̣̇ад̇хим̣ д̣̇ассзяяа. ид̇аро звам̣ вад̣̇зяяа ‘наахам̣ д̇ава хад̇т̇ад̇о д̣̇ад̇хим̣ гин̣аами, д̣̇зхи мз кийрагхада’нд̇и. со звам̣ вад̣̇зяяа ‘аж̇аанад̇о д̇з кийрам̣ д̣̇ад̇хибхууд̇а’нд̇и д̇з вивад̣̇амаанаа д̇ава санд̇игз ааг̇ажчзяяум̣, гасса д̇вам̣ махаарааж̇а, аддам̣ д̇хаарзяяаасий’’д̇и? ‘‘г̇обаалагасса бханд̇з’’д̇и. ‘‘гим̣ гааран̣аа’’д̇и? ‘‘гин̃жааби со звам̣ вад̣̇зяяа, аби жа д̇ад̇о язва д̇ам̣ ниб̣б̣ад̇д̇а’’нд̇и. ‘‘звамзва ко, махаарааж̇а, гин̃жааби ан̃н̃ам̣ мааран̣анд̇игам̣ наамаруубам̣, ан̃н̃ам̣ бадисанд̇хисмим̣ наамаруубам̣, аби жа д̇ад̇о язва д̇ам̣ ниб̣б̣ад̇д̇ам̣, д̇асмаа на баримуд̇д̇о баабагзхи гаммзхий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, kocideva puriso gopālakassa hatthato khīraghaṭaṃ kiṇitvā tasseva hatthe nikkhipitvā pakkameyya ‘sve gahetvā gamissāmī’ti, taṃ aparajju dadhi sampajjeyya. So āgantvā evaṃ vadeyya ‘dehi me khīraghaṭa’nti. So dadhiṃ dasseyya. Itaro evaṃ vadeyya ‘nāhaṃ tava hatthato dadhiṃ kiṇāmi, dehi me khīraghaṭa’nti. So evaṃ vadeyya ‘ajānato te khīraṃ dadhibhūta’nti te vivadamānā tava santike āgaccheyyuṃ, kassa tvaṃ mahārāja, aṭṭaṃ dhāreyyāsī’’ti? ‘‘Gopālakassa bhante’’ti. ‘‘Kiṃ kāraṇā’’ti? ‘‘Kiñcāpi so evaṃ vadeyya, api ca tato yeva taṃ nibbatta’’nti. ‘‘Evameva kho, mahārāja, kiñcāpi aññaṃ māraṇantikaṃ nāmarūpaṃ, aññaṃ paṭisandhismiṃ nāmarūpaṃ, api ca tato yeva taṃ nibbattaṃ, tasmā na parimutto pāpakehi kammehī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
наамаруубазгад̇д̇анаанад̇д̇абан̃хо чадто.
Nāmarūpaekattanānattapañho chaṭṭho.
Footnotes:
