| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਨਾਮਰੂਪਪਟਿਸਨ੍ਦਹਨਪਞ੍ਹੋ
8. Nāmarūpapaṭisandahanapañho
੮. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਯਂ ਪਨੇਤਂ ਬ੍ਰੂਸਿ ‘ਨਾਮਰੂਪ’ਨ੍ਤਿ, ਤਤ੍ਥ ਕਤਮਂ ਨਾਮਂ, ਕਤਮਂ ਰੂਪ’’ਨ੍ਤਿ। ‘‘ਯਂ ਤਤ੍ਥ, ਮਹਾਰਾਜ, ਓਲ਼ਾਰਿਕਂ, ਏਤਂ ਰੂਪਂ, ਯੇ ਤਤ੍ਥ ਸੁਖੁਮਾ ਚਿਤ੍ਤਚੇਤਸਿਕਾ ਧਮ੍ਮਾ, ਏਤਂ ਨਾਮ’’ਨ੍ਤਿ। ‘‘ਭਨ੍ਤੇ ਨਾਗਸੇਨ, ਕੇਨ ਕਾਰਣੇਨ ਨਾਮਂ ਯੇવ ਨ ਪਟਿਸਨ੍ਦਹਤਿ, ਰੂਪਂ ਯੇવ વਾ’’ਤਿ? ‘‘ਅਞ੍ਞਮਞ੍ਞੂਪਨਿਸ੍ਸਿਤਾ, ਮਹਾਰਾਜ, ਏਤੇ ਧਮ੍ਮਾ ਏਕਤੋવ ਉਪ੍ਪਜ੍ਜਨ੍ਤੀ’’ਤਿ।
8. Rājā āha ‘‘bhante nāgasena, yaṃ panetaṃ brūsi ‘nāmarūpa’nti, tattha katamaṃ nāmaṃ, katamaṃ rūpa’’nti. ‘‘Yaṃ tattha, mahārāja, oḷārikaṃ, etaṃ rūpaṃ, ye tattha sukhumā cittacetasikā dhammā, etaṃ nāma’’nti. ‘‘Bhante nāgasena, kena kāraṇena nāmaṃ yeva na paṭisandahati, rūpaṃ yeva vā’’ti? ‘‘Aññamaññūpanissitā, mahārāja, ete dhammā ekatova uppajjantī’’ti.
‘‘ਓਪਮ੍ਮਂ ਕਰੋਹੀ’’ਤਿ। ‘‘ਯਥਾ, ਮਹਾਰਾਜ, ਕੁਕ੍ਕੁਟਿਯਾ ਕਲਲਂ ਨ ਭવੇਯ੍ਯ, ਅਣ੍ਡਮ੍ਪਿ ਨ ਭવੇਯ੍ਯ, ਯਞ੍ਚ ਤਤ੍ਥ ਕਲਲਂ, ਯਞ੍ਚ ਅਣ੍ਡਂ, ਉਭੋਪੇਤੇ ਅਞ੍ਞਮਞ੍ਞੂਪਨਿਸ੍ਸਿਤਾ, ਏਕਤੋવ ਨੇਸਂ ਉਪ੍ਪਤ੍ਤਿ ਹੋਤਿ। ਏવਮੇવ ਖੋ, ਮਹਾਰਾਜ, ਯਦਿ ਤਤ੍ਥ ਨਾਮਂ ਨ ਭવੇਯ੍ਯ, ਰੂਪਮ੍ਪਿ ਨ ਭવੇਯ੍ਯ, ਯਞ੍ਚੇવ ਤਤ੍ਥ ਨਾਮਂ, ਯਞ੍ਚੇવ ਰੂਪਂ, ਉਭੋਪੇਤੇ ਅਞ੍ਞਮਞ੍ਞੂਪਨਿਸ੍ਸਿਤਾ, ਏਕਤੋવ ਨੇਸਂ ਉਪ੍ਪਤ੍ਤਿ ਹੋਤਿ। ਏવਮੇਤਂ ਦੀਘਮਦ੍ਧਾਨਂ ਸਨ੍ਧਾવਿਤ’’ਨ੍ਤਿ।
‘‘Opammaṃ karohī’’ti. ‘‘Yathā, mahārāja, kukkuṭiyā kalalaṃ na bhaveyya, aṇḍampi na bhaveyya, yañca tattha kalalaṃ, yañca aṇḍaṃ, ubhopete aññamaññūpanissitā, ekatova nesaṃ uppatti hoti. Evameva kho, mahārāja, yadi tattha nāmaṃ na bhaveyya, rūpampi na bhaveyya, yañceva tattha nāmaṃ, yañceva rūpaṃ, ubhopete aññamaññūpanissitā, ekatova nesaṃ uppatti hoti. Evametaṃ dīghamaddhānaṃ sandhāvita’’nti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਨਾਮਰੂਪਪਟਿਸਨ੍ਦਹਨਪਞ੍ਹੋ ਅਟ੍ਠਮੋ।
Nāmarūpapaṭisandahanapañho aṭṭhamo.
