| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. நாமரூபஸுத்தங்
8. Nāmarūpasuttaṃ
58. ஸாவத்தி²யங் விஹரதி…பே॰… ‘‘ஸங்யோஜனியேஸு, பி⁴க்க²வே, த⁴ம்மேஸு அஸ்ஸாதா³னுபஸ்ஸினோ விஹரதோ நாமரூபஸ்ஸ அவக்கந்தி ஹோதி. நாமரூபபச்சயா ஸளாயதனங்…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி’’.
58. Sāvatthiyaṃ viharati…pe… ‘‘saṃyojaniyesu, bhikkhave, dhammesu assādānupassino viharato nāmarūpassa avakkanti hoti. Nāmarūpapaccayā saḷāyatanaṃ…pe… evametassa kevalassa dukkhakkhandhassa samudayo hoti’’.
‘‘ஸெய்யதா²பி, பி⁴க்க²வே, மஹாருக்கோ². தஸ்ஸ யானி சேவ மூலானி அதோ⁴க³மானி, யானி ச திரியங்க³மானி, ஸப்³பா³னி தானி உத்³த⁴ங் ஓஜங் அபி⁴ஹரந்தி. ஏவஞ்ஹி ஸோ, பி⁴க்க²வே, மஹாருக்கோ² ததா³ஹாரோ தது³பாதா³னோ சிரங் தீ³க⁴மத்³தா⁴னங் திட்டெ²ய்ய. ஏவமேவ கோ², பி⁴க்க²வே, ஸங்யோஜனியேஸு த⁴ம்மேஸு அஸ்ஸாதா³னுபஸ்ஸினோ விஹரதோ நாமரூபஸ்ஸ அவக்கந்தி ஹோதி…பே॰….
‘‘Seyyathāpi, bhikkhave, mahārukkho. Tassa yāni ceva mūlāni adhogamāni, yāni ca tiriyaṅgamāni, sabbāni tāni uddhaṃ ojaṃ abhiharanti. Evañhi so, bhikkhave, mahārukkho tadāhāro tadupādāno ciraṃ dīghamaddhānaṃ tiṭṭheyya. Evameva kho, bhikkhave, saṃyojaniyesu dhammesu assādānupassino viharato nāmarūpassa avakkanti hoti…pe….
‘‘ஸங்யோஜனியேஸு, பி⁴க்க²வே, த⁴ம்மேஸு ஆதீ³னவானுபஸ்ஸினோ விஹரதோ நாமரூபஸ்ஸ அவக்கந்தி ந ஹோதி. நாமரூபனிரோதா⁴ ஸளாயதனநிரோதோ⁴…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதி.
‘‘Saṃyojaniyesu, bhikkhave, dhammesu ādīnavānupassino viharato nāmarūpassa avakkanti na hoti. Nāmarūpanirodhā saḷāyatananirodho…pe… evametassa kevalassa dukkhakkhandhassa nirodho hoti.
‘‘ஸெய்யதா²பி , பி⁴க்க²வே, மஹாருக்கோ². அத² புரிஸோ ஆக³ச்செ²ய்ய குத்³தா³லபிடகங் ஆதா³ய…பே॰… ஆயதிங் அனுப்பாத³த⁴ம்மோ. ஏவமேவ கோ², பி⁴க்க²வே, ஸங்யோஜனியேஸு த⁴ம்மேஸு ஆதீ³னவானுபஸ்ஸினோ விஹரதோ நாமரூபஸ்ஸ அவக்கந்தி ந ஹோதி. நாமரூபனிரோதா⁴ ஸளாயதனநிரோதோ⁴…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதீ’’தி. அட்ட²மங்.
‘‘Seyyathāpi , bhikkhave, mahārukkho. Atha puriso āgaccheyya kuddālapiṭakaṃ ādāya…pe… āyatiṃ anuppādadhammo. Evameva kho, bhikkhave, saṃyojaniyesu dhammesu ādīnavānupassino viharato nāmarūpassa avakkanti na hoti. Nāmarūpanirodhā saḷāyatananirodho…pe… evametassa kevalassa dukkhakkhandhassa nirodho hotī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. தருணருக்க²ஸுத்தவண்ணனா • 7. Taruṇarukkhasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. தருணருக்க²ஸுத்தவண்ணனா • 7. Taruṇarukkhasuttavaṇṇanā
