| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. наамаруубасуд̇д̇ам̣
8. Nāmarūpasuttaṃ
58. саавад̇т̇ияам̣ вихарад̇и…бз… ‘‘сам̣яож̇аниязсу, бхигкавз, д̇хаммзсу ассаад̣̇аанубассино вихарад̇о наамаруубасса авагганд̇и ход̇и. наамаруубабажжаяаа сал̣ааяад̇анам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и’’.
58. Sāvatthiyaṃ viharati…pe… ‘‘saṃyojaniyesu, bhikkhave, dhammesu assādānupassino viharato nāmarūpassa avakkanti hoti. Nāmarūpapaccayā saḷāyatanaṃ…pe… evametassa kevalassa dukkhakkhandhassa samudayo hoti’’.
‘‘сзяяат̇ааби, бхигкавз, махааругко. д̇асса яаани жзва муулаани ад̇хог̇амаани, яаани жа д̇ирияан̇г̇амаани, саб̣б̣аани д̇аани уд̣̇д̇хам̣ ож̇ам̣ абхихаранд̇и. зван̃хи со, бхигкавз, махааругко д̇ад̣̇аахааро д̇ад̣̇убаад̣̇аано жирам̣ д̣̇ийгхамад̣̇д̇хаанам̣ д̇идтзяяа. звамзва ко, бхигкавз, сам̣яож̇аниязсу д̇хаммзсу ассаад̣̇аанубассино вихарад̇о наамаруубасса авагганд̇и ход̇и…бз….
‘‘Seyyathāpi, bhikkhave, mahārukkho. Tassa yāni ceva mūlāni adhogamāni, yāni ca tiriyaṅgamāni, sabbāni tāni uddhaṃ ojaṃ abhiharanti. Evañhi so, bhikkhave, mahārukkho tadāhāro tadupādāno ciraṃ dīghamaddhānaṃ tiṭṭheyya. Evameva kho, bhikkhave, saṃyojaniyesu dhammesu assādānupassino viharato nāmarūpassa avakkanti hoti…pe….
‘‘сам̣яож̇аниязсу, бхигкавз, д̇хаммзсу аад̣̇ийнаваанубассино вихарад̇о наамаруубасса авагганд̇и на ход̇и. наамаруубанирод̇хаа сал̣ааяад̇ананирод̇хо…бз… звамзд̇асса гзваласса д̣̇угкагканд̇хасса нирод̇хо ход̇и.
‘‘Saṃyojaniyesu, bhikkhave, dhammesu ādīnavānupassino viharato nāmarūpassa avakkanti na hoti. Nāmarūpanirodhā saḷāyatananirodho…pe… evametassa kevalassa dukkhakkhandhassa nirodho hoti.
‘‘сзяяат̇ааби , бхигкавз, махааругко. ат̇а бурисо ааг̇ажчзяяа гуд̣̇д̣̇аалабидагам̣ аад̣̇ааяа…бз… ааяад̇им̣ ануббаад̣̇ад̇хаммо. звамзва ко, бхигкавз, сам̣яож̇аниязсу д̇хаммзсу аад̣̇ийнаваанубассино вихарад̇о наамаруубасса авагганд̇и на ход̇и. наамаруубанирод̇хаа сал̣ааяад̇ананирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и. адтамам̣.
‘‘Seyyathāpi , bhikkhave, mahārukkho. Atha puriso āgaccheyya kuddālapiṭakaṃ ādāya…pe… āyatiṃ anuppādadhammo. Evameva kho, bhikkhave, saṃyojaniyesu dhammesu ādīnavānupassino viharato nāmarūpassa avakkanti na hoti. Nāmarūpanirodhā saḷāyatananirodho…pe… evametassa kevalassa dukkhakkhandhassa nirodho hotī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̇арун̣аругкасуд̇д̇аван̣н̣анаа • 7. Taruṇarukkhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. д̇арун̣аругкасуд̇д̇аван̣н̣анаа • 7. Taruṇarukkhasuttavaṇṇanā
