| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. အဒ္ဓဝဂ္ဂော
7. Addhavaggo
၁. နာမသုတ္တဝဏ္ဏနာ
1. Nāmasuttavaṇṇanā
၆၁. နာမန္တိ သာမညနာမာဒိဘေဒံ နာမံ။ သဗ္ဗန္တိ သဗ္ဗံ ပညတ္တိပထံ သဗ္ဗံ ဉေယ္ယပဝတ္တိပထံ။ အဒ္ဓဘဝီတိ ကာမံ ပာဠိယံ အတီတကာလနိဒ္ဒေသော ကတော, တံ ပန လက္ခဏမတ္တံ။ အဘိဘဝတိ အနုပတတီတိ ဧတေန အဘိဘဝော အနုပတနံ ပဝတ္တိ ဧဝာတိ ဒသ္သေတိ။ တံ ပနသ္သ အဘိဘဝနံ အပ္ပဝိသယေ အနာမသိတ္ဝာ မဟာဝိသယာနံ ဝသေန ဒသ္သေန္တော ‘‘ဩပပာတိကေန ဝာ’’တိအာဒိမာဟ။ တသ္သ နာမံ ဟောတီတိ တသ္သ ရုက္ခပာသာဏာဒိကသ္သ အနာမကောဣစ္စေဝ သမညာ ဟောတိ, တထာ နံ သဉ္ဇာနန္တီတိ အတ္ထော။
61.Nāmanti sāmaññanāmādibhedaṃ nāmaṃ. Sabbanti sabbaṃ paññattipathaṃ sabbaṃ ñeyyapavattipathaṃ. Addhabhavīti kāmaṃ pāḷiyaṃ atītakālaniddeso kato, taṃ pana lakkhaṇamattaṃ. Abhibhavati anupatatīti etena abhibhavo anupatanaṃ pavatti evāti dasseti. Taṃ panassa abhibhavanaṃ appavisaye anāmasitvā mahāvisayānaṃ vasena dassento ‘‘opapātikena vā’’tiādimāha. Tassa nāmaṃ hotīti tassa rukkhapāsāṇādikassa anāmakoicceva samaññā hoti, tathā naṃ sañjānantīti attho.
နာမသုတ္တဝဏ္ဏနာ နိဋ္ဌိတာ။
Nāmasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. နာမသုတ္တံ • 1. Nāmasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁. နာမသုတ္တဝဏ္ဏနာ • 1. Nāmasuttavaṇṇanā
