| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੬. ਨਾਨਾਧਮ੍ਮਾਨਂ ਏਕਕਿਚ੍ਚਅਭਿਨਿਪ੍ਫਾਦਨਪਞ੍ਹੋ
16. Nānādhammānaṃ ekakiccaabhinipphādanapañho
੧੬. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਇਮੇ ਧਮ੍ਮਾ ਨਾਨਾ ਸਨ੍ਤਾ ਏਕਂ ਅਤ੍ਥਂ ਅਭਿਨਿਪ੍ਫਾਦੇਨ੍ਤੀ’’ਤਿ? ‘‘ਆਮ, ਮਹਾਰਾਜ, ਇਮੇ ਧਮ੍ਮਾ ਨਾਨਾ ਸਨ੍ਤਾ ਏਕਂ ਅਤ੍ਥਂ ਅਭਿਨਿਪ੍ਫਾਦੇਨ੍ਤਿ, ਕਿਲੇਸੇ ਹਨਨ੍ਤੀ’’ਤਿ।
16. Rājā āha ‘‘bhante nāgasena, ime dhammā nānā santā ekaṃ atthaṃ abhinipphādentī’’ti? ‘‘Āma, mahārāja, ime dhammā nānā santā ekaṃ atthaṃ abhinipphādenti, kilese hanantī’’ti.
‘‘ਕਥਂ, ਭਨ੍ਤੇ, ਇਮੇ ਧਮ੍ਮਾ ਨਾਨਾ ਸਨ੍ਤਾ ਏਕਂ ਅਤ੍ਥਂ ਅਭਿਨਿਪ੍ਫਾਦੇਨ੍ਤਿ, ਕਿਲੇਸੇ ਹਨਨ੍ਤਿ? ਓਪਮ੍ਮਂ ਕਰੋਹੀ’’ਤਿ। ‘‘ਯਥਾ, ਮਹਾਰਾਜ, ਸੇਨਾ ਨਾਨਾ ਸਨ੍ਤਾ ਹਤ੍ਥੀ ਚ ਅਸ੍ਸਾ ਚ ਰਥਾ ਚ ਪਤ੍ਤੀ ਚ ਏਕਂ ਅਤ੍ਥਂ ਅਭਿਨਿਪ੍ਫਾਦੇਨ੍ਤਿ, ਸਙ੍ਗਾਮੇ ਪਰਸੇਨਂ ਅਭਿવਿਜਿਨਨ੍ਤਿ। ਏવਮੇવ ਖੋ, ਮਹਾਰਾਜ, ਇਮੇ ਧਮ੍ਮਾ ਨਾਨਾ ਸਨ੍ਤਾ ਏਕਂ ਅਤ੍ਥਂ ਅਭਿਨਿਪ੍ਫਾਦੇਨ੍ਤਿ, ਕਿਲੇਸੇ ਹਨਨ੍ਤੀ’’ਤਿ।
‘‘Kathaṃ, bhante, ime dhammā nānā santā ekaṃ atthaṃ abhinipphādenti, kilese hananti? Opammaṃ karohī’’ti. ‘‘Yathā, mahārāja, senā nānā santā hatthī ca assā ca rathā ca pattī ca ekaṃ atthaṃ abhinipphādenti, saṅgāme parasenaṃ abhivijinanti. Evameva kho, mahārāja, ime dhammā nānā santā ekaṃ atthaṃ abhinipphādenti, kilese hanantī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਨਾਨਾਧਮ੍ਮਾਨਂ ਏਕਕਿਚ੍ਚਅਭਿਨਿਪ੍ਫਾਦਨਪਞ੍ਹੋ ਸੋਲ਼ਸਮੋ।
Nānādhammānaṃ ekakiccaabhinipphādanapañho soḷasamo.
ਮਹਾવਗ੍ਗੋ ਪਠਮੋ।
Mahāvaggo paṭhamo.
ਇਮਸ੍ਮਿਂ વਗ੍ਗੇ ਸੋਲ਼ਸ ਪਞ੍ਹਾ।
Imasmiṃ vagge soḷasa pañhā.
