| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨੦. વੀਸਤਿਮવਗ੍ਗੋ
20. Vīsatimavaggo
(੧੯੫) ੨. ਞਾਣਕਥਾ
(195) 2. Ñāṇakathā
੮੬੩. ਨਤ੍ਥਿ ਪੁਥੁਜ੍ਜਨਸ੍ਸ ਞਾਣਨ੍ਤਿ? ਆਮਨ੍ਤਾ। ਨਤ੍ਥਿ ਪੁਥੁਜ੍ਜਨਸ੍ਸ ਪਞ੍ਞਾ ਪਜਾਨਨਾ વਿਚਯੋ ਪવਿਚਯੋ ਧਮ੍ਮવਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਅਤ੍ਥਿ ਪੁਥੁਜ੍ਜਨਸ੍ਸ ਪਞ੍ਞਾ ਪਜਾਨਨਾ વਿਚਯੋ…ਪੇ॰… ਪਚ੍ਚੁਪਲਕ੍ਖਣਾਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਪੁਥੁਜ੍ਜਨਸ੍ਸ ਪਞ੍ਞਾ ਪਜਾਨਨਾ વਿਚਯੋ…ਪੇ॰… ਪਚ੍ਚੁਪਲਕ੍ਖਣਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਨਤ੍ਥਿ ਪੁਥੁਜ੍ਜਨਸ੍ਸ ਞਾਣ’’ਨ੍ਤਿ।
863. Natthi puthujjanassa ñāṇanti? Āmantā. Natthi puthujjanassa paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇāti? Na hevaṃ vattabbe…pe… nanu atthi puthujjanassa paññā pajānanā vicayo…pe… paccupalakkhaṇāti? Āmantā. Hañci atthi puthujjanassa paññā pajānanā vicayo…pe… paccupalakkhaṇā, no ca vata re vattabbe – ‘‘natthi puthujjanassa ñāṇa’’nti.
੮੬੪. ਨਤ੍ਥਿ ਪੁਥੁਜ੍ਜਨਸ੍ਸ ਞਾਣਨ੍ਤਿ? ਆਮਨ੍ਤਾ। ਪੁਥੁਜ੍ਜਨੋ ਪਠਮਂ ਝਾਨਂ ਸਮਾਪਜ੍ਜੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਪੁਥੁਜ੍ਜਨੋ ਪਠਮਂ ਝਾਨਂ ਸਮਾਪਜ੍ਜੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਨਤ੍ਥਿ ਪੁਥੁਜ੍ਜਨਸ੍ਸ ਞਾਣ’’ਨ੍ਤਿ।
864. Natthi puthujjanassa ñāṇanti? Āmantā. Puthujjano paṭhamaṃ jhānaṃ samāpajjeyyāti? Āmantā. Hañci puthujjano paṭhamaṃ jhānaṃ samāpajjeyya, no ca vata re vattabbe – ‘‘natthi puthujjanassa ñāṇa’’nti.
ਪੁਥੁਜ੍ਜਨੋ ਦੁਤਿਯਂ ਝਾਨਂ…ਪੇ॰… ਤਤਿਯਂ ਝਾਨਂ…ਪੇ॰… ਚਤੁਤ੍ਥਂ ਝਾਨਂ…ਪੇ॰… ਆਕਾਸਾਨਞ੍ਚਾਯਤਨਂ ਸਮਾਪਜ੍ਜੇਯ੍ਯ, વਿਞ੍ਞਾਣਞ੍ਚਾਯਤਨਂ ਆਕਿਞ੍ਚਞ੍ਞਾਯਤਨਂ ਨੇવਸਞ੍ਞਾਨਾਸਞ੍ਞਾਯਤਨਂ ਸਮਾਪਜ੍ਜੇਯ੍ਯ, ਪੁਥੁਜ੍ਜਨੋ ਦਾਨਂ ਦਦੇਯ੍ਯ …ਪੇ॰… ਚੀવਰਂ ਦਦੇਯ੍ਯ, ਪਿਣ੍ਡਪਾਤਂ ਦਦੇਯ੍ਯ, ਸੇਨਾਸਨਂ ਦਦੇਯ੍ਯ, ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦਦੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਪੁਥੁਜ੍ਜਨੋ ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦਦੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ਨਤ੍ਥਿ ਪੁਥੁਜ੍ਜਨਸ੍ਸ ਞਾਣ’’ਨ੍ਤਿ।
Puthujjano dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ…pe… ākāsānañcāyatanaṃ samāpajjeyya, viññāṇañcāyatanaṃ ākiñcaññāyatanaṃ nevasaññānāsaññāyatanaṃ samāpajjeyya, puthujjano dānaṃ dadeyya …pe… cīvaraṃ dadeyya, piṇḍapātaṃ dadeyya, senāsanaṃ dadeyya, gilānapaccayabhesajjaparikkhāraṃ dadeyyāti? Āmantā. Hañci puthujjano gilānapaccayabhesajjaparikkhāraṃ dadeyya, no ca vata re vattabbe – natthi puthujjanassa ñāṇa’’nti.
੮੬੫. ਅਤ੍ਥਿ ਪੁਥੁਜ੍ਜਨਸ੍ਸ ਞਾਣਨ੍ਤਿ? ਆਮਨ੍ਤਾ। ਪੁਥੁਜ੍ਜਨੋ ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ , ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾવੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
865. Atthi puthujjanassa ñāṇanti? Āmantā. Puthujjano tena ñāṇena dukkhaṃ parijānāti , samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
ਞਾਣਕਥਾ ਨਿਟ੍ਠਿਤਾ।
Ñāṇakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੨. ਞਾਣਕਥਾવਣ੍ਣਨਾ • 2. Ñāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਞਾਣਕਥਾવਣ੍ਣਨਾ • 2. Ñāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਞਾਣਕਥਾવਣ੍ਣਨਾ • 2. Ñāṇakathāvaṇṇanā
