| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨੦. વੀਸਤਿਮવਗ੍ਗੋ
20. Vīsatimavaggo
(੧੯੯) ੬. ਞਾਣਕਥਾ
(199) 6. Ñāṇakathā
੮੭੬. ਦ੍વਾਦਸવਤ੍ਥੁਕਂ ਞਾਣਂ ਲੋਕੁਤ੍ਤਰਨ੍ਤਿ? ਆਮਨ੍ਤਾ। ਦ੍વਾਦਸ ਲੋਕੁਤ੍ਤਰਞਾਣਾਨੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦ੍વਾਦਸ ਲੋਕੁਤ੍ਤਰਞਾਣਾਨੀਤਿ? ਆਮਨ੍ਤਾ। ਦ੍વਾਦਸ ਸੋਤਾਪਤ੍ਤਿਮਗ੍ਗਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦ੍વਾਦਸ ਸੋਤਾਪਤ੍ਤਿਮਗ੍ਗਾਤਿ? ਆਮਨ੍ਤਾ। ਦ੍વਾਦਸ ਸੋਤਾਪਤ੍ਤਿਫਲਾਨੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦ੍વਾਦਸ ਸਕਦਾਗਾਮਿਮਗ੍ਗਾ…ਪੇ॰… ਅਨਾਗਾਮਿਮਗ੍ਗਾ…ਪੇ॰… ਅਰਹਤ੍ਤਮਗ੍ਗਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦ੍વਾਦਸ ਅਰਹਤ੍ਤਮਗ੍ਗਾਤਿ? ਆਮਨ੍ਤਾ। ਦ੍વਾਦਸ ਅਰਹਤ੍ਤਫਲਾਨੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
876. Dvādasavatthukaṃ ñāṇaṃ lokuttaranti? Āmantā. Dvādasa lokuttarañāṇānīti? Na hevaṃ vattabbe…pe… dvādasa lokuttarañāṇānīti? Āmantā. Dvādasa sotāpattimaggāti? Na hevaṃ vattabbe…pe… dvādasa sotāpattimaggāti? Āmantā. Dvādasa sotāpattiphalānīti? Na hevaṃ vattabbe…pe… dvādasa sakadāgāmimaggā…pe… anāgāmimaggā…pe… arahattamaggāti? Na hevaṃ vattabbe…pe… dvādasa arahattamaggāti? Āmantā. Dvādasa arahattaphalānīti? Na hevaṃ vattabbe…pe….
੮੭੭. ਨ વਤ੍ਤਬ੍ਬਂ – ‘‘ਦ੍વਾਦਸવਤ੍ਥੁਕਂ ਞਾਣਂ ਲੋਕੁਤ੍ਤਰ’’ਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਇਦਂ ਦੁਕ੍ਖਂ ਅਰਿਯਸਚ੍ਚ’’ਨ੍ਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ, ਞਾਣਂ ਉਦਪਾਦਿ, ਪਞ੍ਞਾ ਉਦਪਾਦਿ, વਿਜ੍ਜਾ ਉਦਪਾਦਿ, ਆਲੋਕੋ ਉਦਪਾਦਿ। ‘ਤਂ ਖੋ ਪਨਿਦਂ ਦੁਕ੍ਖਂ ਅਰਿਯਸਚ੍ਚਂ ਪਰਿਞ੍ਞੇਯ੍ਯ’ਨ੍ਤਿ ਮੇ, ਭਿਕ੍ਖવੇ…ਪੇ॰… ਪਰਿਞ੍ਞਾਤਨ੍ਤਿ ਮੇ, ਭਿਕ੍ਖવੇ…ਪੇ॰… ‘ਇਦਂ ਦੁਕ੍ਖਸਮੁਦਯਂ 1 ਅਰਿਯਸਚ੍ਚ’ਨ੍ਤਿ ਮੇ, ਭਿਕ੍ਖવੇ…ਪੇ॰… ‘ਤਂ ਖੋ ਪਨਿਦਂ ਦੁਕ੍ਖਸਮੁਦਯਂ ਅਰਿਯਸਚ੍ਚਂ ਪਹਾਤਬ੍ਬ’ਨ੍ਤਿ ਮੇ, ਭਿਕ੍ਖવੇ…ਪੇ॰… ਪਹੀਨਨ੍ਤਿ ਮੇ, ਭਿਕ੍ਖવੇ…ਪੇ॰… ‘ਇਦਂ ਦੁਕ੍ਖਨਿਰੋਧਂ 2 ਅਰਿਯਸਚ੍ਚ’ਨ੍ਤਿ ਮੇ, ਭਿਕ੍ਖવੇ…ਪੇ॰… ‘ਤਂ ਖੋ ਪਨਿਦਂ ਦੁਕ੍ਖਨਿਰੋਧਂ ਅਰਿਯਸਚ੍ਚਂ ਸਚ੍ਛਿਕਾਤਬ੍ਬ’ਨ੍ਤਿ ਮੇ, ਭਿਕ੍ਖવੇ…ਪੇ॰… ਸਚ੍ਛਿਕਤਨ੍ਤਿ ਮੇ, ਭਿਕ੍ਖવੇ…ਪੇ॰… ‘ਇਦਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ ਅਰਿਯਸਚ੍ਚ’ਨ੍ਤਿ ਮੇ, ਭਿਕ੍ਖવੇ…ਪੇ॰… ‘ਤਂ ਖੋ ਪਨਿਦਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ ਅਰਿਯਸਚ੍ਚਂ ਭਾવੇਤਬ੍ਬ’ਨ੍ਤਿ ਮੇ, ਭਿਕ੍ਖવੇ…ਪੇ॰… ਭਾવਿਤਨ੍ਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦੀ’’ਤਿ 3! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਦ੍વਾਦਸવਤ੍ਥੁਕਂ ਞਾਣਂ ਲੋਕੁਤ੍ਤਰਨ੍ਤਿ।
877. Na vattabbaṃ – ‘‘dvādasavatthukaṃ ñāṇaṃ lokuttara’’nti? Āmantā. Nanu vuttaṃ bhagavatā – ‘‘idaṃ dukkhaṃ ariyasacca’’nti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. ‘Taṃ kho panidaṃ dukkhaṃ ariyasaccaṃ pariññeyya’nti me, bhikkhave…pe… pariññātanti me, bhikkhave…pe… ‘idaṃ dukkhasamudayaṃ 4 ariyasacca’nti me, bhikkhave…pe… ‘taṃ kho panidaṃ dukkhasamudayaṃ ariyasaccaṃ pahātabba’nti me, bhikkhave…pe… pahīnanti me, bhikkhave…pe… ‘idaṃ dukkhanirodhaṃ 5 ariyasacca’nti me, bhikkhave…pe… ‘taṃ kho panidaṃ dukkhanirodhaṃ ariyasaccaṃ sacchikātabba’nti me, bhikkhave…pe… sacchikatanti me, bhikkhave…pe… ‘idaṃ dukkhanirodhagāminī paṭipadā ariyasacca’nti me, bhikkhave…pe… ‘taṃ kho panidaṃ dukkhanirodhagāminī paṭipadā ariyasaccaṃ bhāvetabba’nti me, bhikkhave…pe… bhāvitanti me, bhikkhave, pubbe ananussutesu dhammesu cakkhuṃ udapādi…pe… āloko udapādī’’ti 6! Attheva suttantoti? Āmantā. Tena hi dvādasavatthukaṃ ñāṇaṃ lokuttaranti.
ਞਾਣਕਥਾ ਨਿਟ੍ਠਿਤਾ।
Ñāṇakathā niṭṭhitā.
વੀਸਤਿਮવਗ੍ਗੋ।
Vīsatimavaggo.
ਤਸ੍ਸੁਦ੍ਦਾਨਂ –
Tassuddānaṃ –
ਮਾਤੁਘਾਤਕੋ ਆਨਨ੍ਤਰਿਕੋ ਪਿਤੁਘਾਤਕੋ ਆਨਨ੍ਤਰਿਕੋ ਅਰਹਨ੍ਤਘਾਤਕੋ ਆਨਨ੍ਤਰਿਕੋ ਰੁਹਿਰੁਪ੍ਪਾਦਕੋ ਆਨਨ੍ਤਰਿਕੋ ਸਙ੍ਘਭੇਦਕੋ ਆਨਨ੍ਤਰਿਕੋ, ਨਤ੍ਥਿ ਪੁਥੁਜ੍ਜਨਸ੍ਸ ਞਾਣਂ, ਨਤ੍ਥਿ ਨਿਰਯੇਸੁ ਨਿਰਯਪਾਲਾ, ਅਤ੍ਥਿ ਦੇવੇਸੁ ਤਿਰਚ੍ਛਾਨਗਤਾ, ਪਞ੍ਚਙ੍ਗਿਕੋ ਮਗ੍ਗੋ, ਦ੍વਾਦਸવਤ੍ਥੁਕਂ ਞਾਣਂ ਲੋਕੁਤ੍ਤਰਨ੍ਤਿ।
Mātughātako ānantariko pitughātako ānantariko arahantaghātako ānantariko ruhiruppādako ānantariko saṅghabhedako ānantariko, natthi puthujjanassa ñāṇaṃ, natthi nirayesu nirayapālā, atthi devesu tiracchānagatā, pañcaṅgiko maggo, dvādasavatthukaṃ ñāṇaṃ lokuttaranti.
ਚਤੁਤ੍ਥੋ ਪਣ੍ਣਾਸਕੋ।
Catuttho paṇṇāsako.
ਤਸ੍ਸੁਦ੍ਦਾਨਂ –
Tassuddānaṃ –
ਨਿਗ੍ਗਹੋ, ਪੁਞ੍ਞਸਞ੍ਚਯੋ, ਅਟ੍ਠਾਸਿ, ਅਤੀਤੇਨ ਚ ਮਾਤੁਘਾਤਕੋ।
Niggaho, puññasañcayo, aṭṭhāsi, atītena ca mātughātako.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੬. ਞਾਣਕਥਾવਣ੍ਣਨਾ • 6. Ñāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੬. ਞਾਣਕਥਾવਣ੍ਣਨਾ • 6. Ñāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੬. ਞਾਣਕਥਾવਣ੍ਣਨਾ • 6. Ñāṇakathāvaṇṇanā
