| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. ஞாணகதா²வண்ணனா
4. Ñāṇakathāvaṇṇanā
614-615. இதா³னி ஞாணகதா² நாம ஹோதி. தத்த² மக்³க³ஞாணேன அஞ்ஞாணே விக³தேபி புன சக்கு²விஞ்ஞாணாதி³வஸேன ஞாணவிப்பயுத்தசித்தே வத்தமானே யஸ்மா தங் மக்³க³சித்தங் ந பவத்ததி, தஸ்மா ‘‘ந வத்தப்³ப³ங் ஞாணீ’’தி யேஸங் லத்³தி⁴, ஸெய்யதா²பி மஹாஸங்கி⁴கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ அஞ்ஞாணே விக³தே ‘ஞாணீ’தி பஞ்ஞத்தி ந ஸியா, ராகா³தீ³ஸு விக³தேஸு வீதராகா³தி³பஞ்ஞத்திபி ந ஸியாதி புக்³க³லபஞ்ஞத்தியங் அகோவிதோ³ஸீ’’தி சோதே³துங் ராகே³ விக³தேதிஆதி³மாஹ. இதரோ தேஸு விக³தேஸு ஸராகா³தி³பா⁴வே யுத்திங் அபஸ்ஸந்தோ படிக்கி²பதி. பரியோஸானே யஸ்மா ஞாணபடிலாபே⁴ன ஸோ ஞாணீதி வத்தப்³ப³தங் அரஹதி, தஸ்மா ந ஹேவந்தி படிக்கே²போ ஸகவாதி³ஸ்ஸாதி.
614-615. Idāni ñāṇakathā nāma hoti. Tattha maggañāṇena aññāṇe vigatepi puna cakkhuviññāṇādivasena ñāṇavippayuttacitte vattamāne yasmā taṃ maggacittaṃ na pavattati, tasmā ‘‘na vattabbaṃ ñāṇī’’ti yesaṃ laddhi, seyyathāpi mahāsaṃghikānaṃ; te sandhāya pucchā sakavādissa, paṭiññā itarassa. Atha naṃ ‘‘yadi aññāṇe vigate ‘ñāṇī’ti paññatti na siyā, rāgādīsu vigatesu vītarāgādipaññattipi na siyāti puggalapaññattiyaṃ akovidosī’’ti codetuṃ rāge vigatetiādimāha. Itaro tesu vigatesu sarāgādibhāve yuttiṃ apassanto paṭikkhipati. Pariyosāne yasmā ñāṇapaṭilābhena so ñāṇīti vattabbataṃ arahati, tasmā na hevanti paṭikkhepo sakavādissāti.
ஞாணகதா²வண்ணனா.
Ñāṇakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (109) 4. ஞாணகதா² • (109) 4. Ñāṇakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. ஞாணகதா²வண்ணனா • 4. Ñāṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 4. ஞாணகதா²வண்ணனா • 4. Ñāṇakathāvaṇṇanā
