| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
2. ஞாணகதா²வண்ணனா
2. Ñāṇakathāvaṇṇanā
863-865. இதா³னி ஞாணகதா² நாம ஹோதி. தத்த² து³வித⁴ங் ஞாணங் – லோகியஞ்ச லோகுத்தரஞ்ச. லோகியங் ஸமாபத்திஞாணம்பி ஹோதி தா³னாதி³வஸேன பவத்தங் கம்மஸ்ஸகதஞாணம்பி; லோகுத்தரங் ஸச்சபரிச்சே²த³கங் மக்³க³ஞாணம்பி ப²லஞாணம்பி. இமங் பன விபா⁴க³ங் அகத்வா ‘‘ஸச்சபரிச்சே²த³கமேவ ஞாணங் ந இதரங், தஸ்மா நத்தி² புது²ஜ்ஜனஸ்ஸ ஞாண’’ந்தி யேஸங் லத்³தி⁴, ஸெய்யதா²பி ஹேதுவாதா³னங், தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. பஞ்ஞாதிஆதி³ ஞாணவேவசனத³ஸ்ஸனத்த²ங் வுத்தங். தேனேதங் தீ³பேதி – யதி³ தஸ்ஸ ஞாணங் நத்தி², பஞ்ஞாத³யோபி நத்தி². அத² பஞ்ஞாத³யோ அத்தி², ஞாணம்பி அத்தி². கஸ்மா? பஞ்ஞாதீ³னங் ஞாணதோ அனஞ்ஞத்தாதி. பட²மங் ஜா²னந்திஆதி³ ஸமாபத்திஞாணஸ்ஸ த³ஸ்ஸனத்த²ங் வுத்தங். தா³னங் த³தெ³ய்யாதிஆதி³ கம்மஸ்ஸகதஞாணஸ்ஸ. து³க்க²ங் பரிஜானாதீதி லோகுத்தரமக்³க³ஞாணமேவ தீ³பேதி, ந ச லோகுத்தரமேவ ஞாணந்தி.
863-865. Idāni ñāṇakathā nāma hoti. Tattha duvidhaṃ ñāṇaṃ – lokiyañca lokuttarañca. Lokiyaṃ samāpattiñāṇampi hoti dānādivasena pavattaṃ kammassakatañāṇampi; lokuttaraṃ saccaparicchedakaṃ maggañāṇampi phalañāṇampi. Imaṃ pana vibhāgaṃ akatvā ‘‘saccaparicchedakameva ñāṇaṃ na itaraṃ, tasmā natthi puthujjanassa ñāṇa’’nti yesaṃ laddhi, seyyathāpi hetuvādānaṃ, te sandhāya pucchā sakavādissa, paṭiññā itarassa. Paññātiādi ñāṇavevacanadassanatthaṃ vuttaṃ. Tenetaṃ dīpeti – yadi tassa ñāṇaṃ natthi, paññādayopi natthi. Atha paññādayo atthi, ñāṇampi atthi. Kasmā? Paññādīnaṃ ñāṇato anaññattāti. Paṭhamaṃ jhānantiādi samāpattiñāṇassa dassanatthaṃ vuttaṃ. Dānaṃ dadeyyātiādi kammassakatañāṇassa. Dukkhaṃ parijānātīti lokuttaramaggañāṇameva dīpeti, na ca lokuttarameva ñāṇanti.
ஞாணகதா²வண்ணனா.
Ñāṇakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (195) 2. ஞாணகதா² • (195) 2. Ñāṇakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 2. ஞாணகதா²வண்ணனா • 2. Ñāṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. ஞாணகதா²வண்ணனா • 2. Ñāṇakathāvaṇṇanā
