| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
11. ஏகாத³ஸமவக்³கோ³
11. Ekādasamavaggo
4. ஞாணகதா²வண்ணனா
4. Ñāṇakathāvaṇṇanā
614-615. ‘‘அந்த⁴கா’’தி வுத்தா புப்³ப³ஸேலியஅபரஸேலியராஜகி³ரிகஸித்³த⁴த்தி²காபி யேபு⁴ய்யேன மஹாஸங்கி⁴கா ஏவாதி வுத்தங் ‘‘புப்³பே³…பே॰… ப⁴வெய்யு’’ந்தி. தத்த² அஞ்ஞேதி வசனங் த்³வின்னங் கதா²னங் உஜுவிபச்சனீகபா⁴வதோ. புரிமகானஞ்ஹி சக்கு²விஞ்ஞாணாதி³ஸமங்கீ³ ‘‘ஞாணீ’’தி வுச்சதி, இமேஸங் ஸோ ஏவ ‘‘ஞாணீ’’தி ந வத்தப்³போ³தி வுத்தோ. ராக³விக³மோ ராக³ஸ்ஸ ஸமுச்சி²ந்த³னங், ததா² அஞ்ஞாணவிக³மோ. யதா² ஸமுச்சி²ன்னாவிஜ்ஜோ ‘‘ஞாணீ’’தி, படிபக்க²தோ ‘‘அஞ்ஞாணீ’’தி, ஏவங் அஸமுச்சி²ன்னாவிஜ்ஜோ ‘‘அஞ்ஞாணீ’’தி, படிபக்க²தோ ‘‘ஞாணீ’’தி வுத்தோ. அஞ்ஞாணஸ்ஸ விக³தத்தா ஸோ ‘‘ஞாணீ’’தி வத்தப்³ப³தங் ஆபஜ்ஜதி, ந பன ஸததங் ஸமிதங் ஞாணஸ்ஸ பவத்தனதோதி அதி⁴ப்பாயோ.
614-615. ‘‘Andhakā’’ti vuttā pubbaseliyaaparaseliyarājagirikasiddhatthikāpi yebhuyyena mahāsaṅghikā evāti vuttaṃ ‘‘pubbe…pe… bhaveyyu’’nti. Tattha aññeti vacanaṃ dvinnaṃ kathānaṃ ujuvipaccanīkabhāvato. Purimakānañhi cakkhuviññāṇādisamaṅgī ‘‘ñāṇī’’ti vuccati, imesaṃ so eva ‘‘ñāṇī’’ti na vattabboti vutto. Rāgavigamo rāgassa samucchindanaṃ, tathā aññāṇavigamo. Yathā samucchinnāvijjo ‘‘ñāṇī’’ti, paṭipakkhato ‘‘aññāṇī’’ti, evaṃ asamucchinnāvijjo ‘‘aññāṇī’’ti, paṭipakkhato ‘‘ñāṇī’’ti vutto. Aññāṇassa vigatattā so ‘‘ñāṇī’’ti vattabbataṃ āpajjati, na pana satataṃ samitaṃ ñāṇassa pavattanatoti adhippāyo.
ஞாணகதா²வண்ணனா நிட்டி²தா.
Ñāṇakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (109) 4. ஞாணகதா² • (109) 4. Ñāṇakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 4. ஞாணகதா²வண்ணனா • 4. Ñāṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. ஞாணகதா²வண்ணனா • 4. Ñāṇakathāvaṇṇanā
