| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. н̃аан̣агат̇ааван̣н̣анаа
2. Ñāṇakathāvaṇṇanā
863-865. ид̣̇аани н̃аан̣агат̇аа наама ход̇и. д̇ад̇т̇а д̣̇увид̇хам̣ н̃аан̣ам̣ – логияан̃жа логуд̇д̇аран̃жа. логияам̣ самаабад̇д̇ин̃аан̣амби ход̇и д̣̇аанаад̣̇ивасзна бавад̇д̇ам̣ гаммассагад̇ан̃аан̣амби; логуд̇д̇арам̣ сажжабарижчзд̣̇агам̣ маг̇г̇ан̃аан̣амби палан̃аан̣амби. имам̣ бана вибхааг̇ам̣ агад̇ваа ‘‘сажжабарижчзд̣̇агамзва н̃аан̣ам̣ на ид̇арам̣, д̇асмаа над̇т̇и бут̇уж̇ж̇анасса н̃аан̣а’’нд̇и язсам̣ лад̣̇д̇хи, сзяяат̇ааби хзд̇уваад̣̇аанам̣, д̇з санд̇хааяа бужчаа сагаваад̣̇исса, бадин̃н̃аа ид̇арасса. бан̃н̃аад̇иаад̣̇и н̃аан̣авзважанад̣̇ассанад̇т̇ам̣ вуд̇д̇ам̣. д̇знзд̇ам̣ д̣̇ийбзд̇и – яад̣̇и д̇асса н̃аан̣ам̣ над̇т̇и, бан̃н̃аад̣̇аяоби над̇т̇и. ат̇а бан̃н̃аад̣̇аяо ад̇т̇и, н̃аан̣амби ад̇т̇и. гасмаа? бан̃н̃аад̣̇ийнам̣ н̃аан̣ад̇о анан̃н̃ад̇д̇аад̇и. батамам̣ жхаананд̇иаад̣̇и самаабад̇д̇ин̃аан̣асса д̣̇ассанад̇т̇ам̣ вуд̇д̇ам̣. д̣̇аанам̣ д̣̇ад̣̇зяяаад̇иаад̣̇и гаммассагад̇ан̃аан̣асса. д̣̇угкам̣ бариж̇аанаад̇ийд̇и логуд̇д̇арамаг̇г̇ан̃аан̣амзва д̣̇ийбзд̇и, на жа логуд̇д̇арамзва н̃аан̣анд̇и.
863-865. Idāni ñāṇakathā nāma hoti. Tattha duvidhaṃ ñāṇaṃ – lokiyañca lokuttarañca. Lokiyaṃ samāpattiñāṇampi hoti dānādivasena pavattaṃ kammassakatañāṇampi; lokuttaraṃ saccaparicchedakaṃ maggañāṇampi phalañāṇampi. Imaṃ pana vibhāgaṃ akatvā ‘‘saccaparicchedakameva ñāṇaṃ na itaraṃ, tasmā natthi puthujjanassa ñāṇa’’nti yesaṃ laddhi, seyyathāpi hetuvādānaṃ, te sandhāya pucchā sakavādissa, paṭiññā itarassa. Paññātiādi ñāṇavevacanadassanatthaṃ vuttaṃ. Tenetaṃ dīpeti – yadi tassa ñāṇaṃ natthi, paññādayopi natthi. Atha paññādayo atthi, ñāṇampi atthi. Kasmā? Paññādīnaṃ ñāṇato anaññattāti. Paṭhamaṃ jhānantiādi samāpattiñāṇassa dassanatthaṃ vuttaṃ. Dānaṃ dadeyyātiādi kammassakatañāṇassa. Dukkhaṃ parijānātīti lokuttaramaggañāṇameva dīpeti, na ca lokuttarameva ñāṇanti.
н̃аан̣агат̇ааван̣н̣анаа.
Ñāṇakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (195) 2. н̃аан̣агат̇аа • (195) 2. Ñāṇakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. н̃аан̣агат̇ааван̣н̣анаа • 2. Ñāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. н̃аан̣агат̇ааван̣н̣анаа • 2. Ñāṇakathāvaṇṇanā
