| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೬. ಞಾಣಕಥಾವಣ್ಣನಾ
6. Ñāṇakathāvaṇṇanā
೮೭೬-೮೭೭. ‘‘ದ್ವಾದಸವತ್ಥುಕಂ ಞಾಣಂ ಲೋಕುತ್ತರ’’ನ್ತಿ ಏತ್ಥ ದ್ವಾದಸವತ್ಥುಕಸ್ಸ ಞಾಣಸ್ಸ ಲೋಕುತ್ತರತಾ ಪತಿಟ್ಠಾಪೀಯತೀತಿ ದಸ್ಸೇನ್ತೋ ಪಠಮವಿಕಪ್ಪಂ ವತ್ವಾ ಪುನ ಲೋಕುತ್ತರಞಾಣಸ್ಸ ದ್ವಾದಸವತ್ಥುಕತಾ ಪತಿಟ್ಠಾಪೀಯತೀತಿ ದಸ್ಸೇತುಂ ‘‘ತಂ ವಾ…ಪೇ॰… ಅತ್ಥೋ’’ತಿ ಆಹ। ಪರಿಞ್ಞೇಯ್ಯನ್ತಿ ಏತ್ಥ ಇತಿ-ಸದ್ದೋ ಆದಿಅತ್ಥೋ, ಪಕಾರತ್ಥೋ ವಾ। ತೇನ ‘‘ಪಹಾತಬ್ಬ’’ನ್ತಿ ಏವಮಾದಿಂ ಸಙ್ಗಣ್ಹಾತಿ। ಪರಿಞ್ಞಾತನ್ತಿ ಏತ್ಥಾಪಿ ಏಸೇವ ನಯೋ। ‘‘ಪರಿಞ್ಞೇಯ್ಯಂ ಪರಿಞ್ಞಾತ’’ನ್ತಿಆದಿನಾ ಪರಿಜಾನನಾದಿಕಿರಿಯಾಯ ನಿಬ್ಬತ್ತೇತಬ್ಬತಾ ನಿಬ್ಬತ್ತಿತತಾ ಚ ದಸ್ಸಿತಾ, ನ ನಿಬ್ಬತ್ತಿಯಮಾನತಾತಿ। ಯೇನ ಪನ ಸಾ ಹೋತಿ, ತಂ ದಸ್ಸೇತುಂ ‘‘ಸಚ್ಚಞಾಣಂ ಪನಾ’’ತಿಆದಿ ವುತ್ತಂ। ತತ್ಥ ಸಚ್ಚಞಾಣನ್ತಿ ದುಕ್ಖಾದಿಸಚ್ಚಸಭಾವಾವಬೋಧಕಂ ಞಾಣಂ, ಯಂ ಸನ್ಧಾಯ ‘‘ಇದಂ ದುಕ್ಖ’’ನ್ತಿಆದಿ ವುತ್ತಂ। ಮಗ್ಗಕ್ಖಣೇಪೀತಿ ಅಪಿ-ಸದ್ದೇನ ತತೋ ಪುಬ್ಬಾಪರಭಾಗೇಪೀತಿ ದಟ್ಠಬ್ಬಂ। ಪರಿಜಾನನಾದಿಕಿಚ್ಚಸಾಧನವಸೇನ ಹೋತಿ ಅಸಮ್ಮೋಹತೋ ವಿಸಯತೋ ಚಾತಿ ಅಧಿಪ್ಪಾಯೋ।
876-877. ‘‘Dvādasavatthukaṃ ñāṇaṃ lokuttara’’nti ettha dvādasavatthukassa ñāṇassa lokuttaratā patiṭṭhāpīyatīti dassento paṭhamavikappaṃ vatvā puna lokuttarañāṇassa dvādasavatthukatā patiṭṭhāpīyatīti dassetuṃ ‘‘taṃ vā…pe… attho’’ti āha. Pariññeyyanti ettha iti-saddo ādiattho, pakārattho vā. Tena ‘‘pahātabba’’nti evamādiṃ saṅgaṇhāti. Pariññātanti etthāpi eseva nayo. ‘‘Pariññeyyaṃ pariññāta’’ntiādinā parijānanādikiriyāya nibbattetabbatā nibbattitatā ca dassitā, na nibbattiyamānatāti. Yena pana sā hoti, taṃ dassetuṃ ‘‘saccañāṇaṃ panā’’tiādi vuttaṃ. Tattha saccañāṇanti dukkhādisaccasabhāvāvabodhakaṃ ñāṇaṃ, yaṃ sandhāya ‘‘idaṃ dukkha’’ntiādi vuttaṃ. Maggakkhaṇepīti api-saddena tato pubbāparabhāgepīti daṭṭhabbaṃ. Parijānanādikiccasādhanavasena hoti asammohato visayato cāti adhippāyo.
ಞಾಣಕಥಾವಣ್ಣನಾ ನಿಟ್ಠಿತಾ।
Ñāṇakathāvaṇṇanā niṭṭhitā.
ವೀಸತಿಮವಗ್ಗವಣ್ಣನಾ ನಿಟ್ಠಿತಾ।
Vīsatimavaggavaṇṇanā niṭṭhitā.
ಚತುತ್ಥೋ ಪಣ್ಣಾಸಕೋ ಸಮತ್ತೋ।
Catuttho paṇṇāsako samatto.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೯೯) ೬. ಞಾಣಕಥಾ • (199) 6. Ñāṇakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೬. ಞಾಣಕಥಾವಣ್ಣನಾ • 6. Ñāṇakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೬. ಞಾಣಕಥಾವಣ್ಣನಾ • 6. Ñāṇakathāvaṇṇanā
