| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਞਾਣਕਥਾવਣ੍ਣਨਾ
2. Ñāṇakathāvaṇṇanā
੮੬੩-੮੬੫. ਇਦਾਨਿ ਞਾਣਕਥਾ ਨਾਮ ਹੋਤਿ। ਤਤ੍ਥ ਦੁવਿਧਂ ਞਾਣਂ – ਲੋਕਿਯਞ੍ਚ ਲੋਕੁਤ੍ਤਰਞ੍ਚ। ਲੋਕਿਯਂ ਸਮਾਪਤ੍ਤਿਞਾਣਮ੍ਪਿ ਹੋਤਿ ਦਾਨਾਦਿવਸੇਨ ਪવਤ੍ਤਂ ਕਮ੍ਮਸ੍ਸਕਤਞਾਣਮ੍ਪਿ; ਲੋਕੁਤ੍ਤਰਂ ਸਚ੍ਚਪਰਿਚ੍ਛੇਦਕਂ ਮਗ੍ਗਞਾਣਮ੍ਪਿ ਫਲਞਾਣਮ੍ਪਿ। ਇਮਂ ਪਨ વਿਭਾਗਂ ਅਕਤ੍વਾ ‘‘ਸਚ੍ਚਪਰਿਚ੍ਛੇਦਕਮੇવ ਞਾਣਂ ਨ ਇਤਰਂ, ਤਸ੍ਮਾ ਨਤ੍ਥਿ ਪੁਥੁਜ੍ਜਨਸ੍ਸ ਞਾਣ’’ਨ੍ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਹੇਤੁવਾਦਾਨਂ, ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਪਞ੍ਞਾਤਿਆਦਿ ਞਾਣવੇવਚਨਦਸ੍ਸਨਤ੍ਥਂ વੁਤ੍ਤਂ। ਤੇਨੇਤਂ ਦੀਪੇਤਿ – ਯਦਿ ਤਸ੍ਸ ਞਾਣਂ ਨਤ੍ਥਿ, ਪਞ੍ਞਾਦਯੋਪਿ ਨਤ੍ਥਿ। ਅਥ ਪਞ੍ਞਾਦਯੋ ਅਤ੍ਥਿ, ਞਾਣਮ੍ਪਿ ਅਤ੍ਥਿ। ਕਸ੍ਮਾ? ਪਞ੍ਞਾਦੀਨਂ ਞਾਣਤੋ ਅਨਞ੍ਞਤ੍ਤਾਤਿ। ਪਠਮਂ ਝਾਨਨ੍ਤਿਆਦਿ ਸਮਾਪਤ੍ਤਿਞਾਣਸ੍ਸ ਦਸ੍ਸਨਤ੍ਥਂ વੁਤ੍ਤਂ। ਦਾਨਂ ਦਦੇਯ੍ਯਾਤਿਆਦਿ ਕਮ੍ਮਸ੍ਸਕਤਞਾਣਸ੍ਸ। ਦੁਕ੍ਖਂ ਪਰਿਜਾਨਾਤੀਤਿ ਲੋਕੁਤ੍ਤਰਮਗ੍ਗਞਾਣਮੇવ ਦੀਪੇਤਿ, ਨ ਚ ਲੋਕੁਤ੍ਤਰਮੇવ ਞਾਣਨ੍ਤਿ।
863-865. Idāni ñāṇakathā nāma hoti. Tattha duvidhaṃ ñāṇaṃ – lokiyañca lokuttarañca. Lokiyaṃ samāpattiñāṇampi hoti dānādivasena pavattaṃ kammassakatañāṇampi; lokuttaraṃ saccaparicchedakaṃ maggañāṇampi phalañāṇampi. Imaṃ pana vibhāgaṃ akatvā ‘‘saccaparicchedakameva ñāṇaṃ na itaraṃ, tasmā natthi puthujjanassa ñāṇa’’nti yesaṃ laddhi, seyyathāpi hetuvādānaṃ, te sandhāya pucchā sakavādissa, paṭiññā itarassa. Paññātiādi ñāṇavevacanadassanatthaṃ vuttaṃ. Tenetaṃ dīpeti – yadi tassa ñāṇaṃ natthi, paññādayopi natthi. Atha paññādayo atthi, ñāṇampi atthi. Kasmā? Paññādīnaṃ ñāṇato anaññattāti. Paṭhamaṃ jhānantiādi samāpattiñāṇassa dassanatthaṃ vuttaṃ. Dānaṃ dadeyyātiādi kammassakatañāṇassa. Dukkhaṃ parijānātīti lokuttaramaggañāṇameva dīpeti, na ca lokuttarameva ñāṇanti.
ਞਾਣਕਥਾવਣ੍ਣਨਾ।
Ñāṇakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੯੫) ੨. ਞਾਣਕਥਾ • (195) 2. Ñāṇakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਞਾਣਕਥਾવਣ੍ਣਨਾ • 2. Ñāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਞਾਣਕਥਾવਣ੍ਣਨਾ • 2. Ñāṇakathāvaṇṇanā
