| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৯. নৰমৰগ্গো
9. Navamavaggo
(৮৮) ৫. ঞাণং অনারম্মণন্তিকথা
(88) 5. Ñāṇaṃ anārammaṇantikathā
৫৫৭. ঞাণং অনারম্মণন্তি? আমন্তা। রূপং নিব্বানং চক্খাযতনং…পে॰… ফোট্ঠব্বাযতনন্তি? ন হেৰং ৰত্তব্বে…পে॰… ঞাণং অনারম্মণন্তি? আমন্তা। পঞ্ঞা পঞ্ঞিন্দ্রিযং পঞ্ঞাবলং সম্মাদিট্ঠি ধম্মৰিচযসম্বোজ্ঝঙ্গো অনারম্মণোতি? ন হেৰং ৰত্তব্বে…পে॰… পঞ্ঞা পঞ্ঞিন্দ্রিযং পঞ্ঞাবলং সম্মাদিট্ঠি ধম্মৰিচযসম্বোজ্ঝঙ্গো সারম্মণোতি? আমন্তা। ঞাণং সারম্মণন্তি? ন হেৰং ৰত্তব্বে…পে॰…।
557. Ñāṇaṃ anārammaṇanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ anārammaṇanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo anārammaṇoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo sārammaṇoti? Āmantā. Ñāṇaṃ sārammaṇanti? Na hevaṃ vattabbe…pe….
ঞাণং অনারম্মণন্তি? আমন্তা। কতমক্খন্ধপরিযাপন্নন্তি? সঙ্খারক্খন্ধপরিযাপন্নন্তি। সঙ্খারক্খন্ধো অনারম্মণোতি? ন হেৰং ৰত্তব্বে…পে॰… সঙ্খারক্খন্ধো অনারম্মণোতি ? আমন্তা। ৰেদনাক্খন্ধো সঞ্ঞাক্খন্ধো ৰিঞ্ঞাণক্খন্ধো অনারম্মণোতি? ন হেৰং ৰত্তব্বে…পে॰… ঞাণং সঙ্খারক্খন্ধপরিযাপন্নং অনারম্মণন্তি? আমন্তা। পঞ্ঞা সঙ্খারক্খন্ধপরিযাপন্না অনারম্মণাতি? ন হেৰং ৰত্তব্বে…পে॰… পঞ্ঞা সঙ্খারক্খন্ধপরিযাপন্না সারম্মণাতি? আমন্তা। ঞাণং সঙ্খারক্খন্ধপরিযাপন্নং সারম্মণন্তি? ন হেৰং ৰত্তব্বে…পে॰…।
Ñāṇaṃ anārammaṇanti? Āmantā. Katamakkhandhapariyāpannanti? Saṅkhārakkhandhapariyāpannanti. Saṅkhārakkhandho anārammaṇoti? Na hevaṃ vattabbe…pe… saṅkhārakkhandho anārammaṇoti ? Āmantā. Vedanākkhandho saññākkhandho viññāṇakkhandho anārammaṇoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ anārammaṇanti? Āmantā. Paññā saṅkhārakkhandhapariyāpannā anārammaṇāti? Na hevaṃ vattabbe…pe… paññā saṅkhārakkhandhapariyāpannā sārammaṇāti? Āmantā. Ñāṇaṃ saṅkhārakkhandhapariyāpannaṃ sārammaṇanti? Na hevaṃ vattabbe…pe….
ঞাণং সঙ্খারক্খন্ধপরিযাপন্নং অনারম্মণং, পঞ্ঞা সঙ্খারক্খন্ধপরিযাপন্না সারম্মণাতি? আমন্তা। সঙ্খারক্খন্ধো একদেসো সারম্মণো একদেসো অনারম্মণোতি? ন হেৰং ৰত্তব্বে…পে॰… সঙ্খারক্খন্ধো একদেসো সারম্মণো একদেসো অনারম্মণোতি? আমন্তা। ৰেদনাক্খন্ধো সঞ্ঞাক্খন্ধো ৰিঞ্ঞাণক্খন্ধো একদেসো সারম্মণো একদেসো অনারম্মণোতি? ন হেৰং ৰত্তব্বে…পে॰…।
Ñāṇaṃ saṅkhārakkhandhapariyāpannaṃ anārammaṇaṃ, paññā saṅkhārakkhandhapariyāpannā sārammaṇāti? Āmantā. Saṅkhārakkhandho ekadeso sārammaṇo ekadeso anārammaṇoti? Na hevaṃ vattabbe…pe… saṅkhārakkhandho ekadeso sārammaṇo ekadeso anārammaṇoti? Āmantā. Vedanākkhandho saññākkhandho viññāṇakkhandho ekadeso sārammaṇo ekadeso anārammaṇoti? Na hevaṃ vattabbe…pe….
৫৫৮. ন ৰত্তব্বং – ‘‘ঞাণং অনারম্মণ’’ন্তি? আমন্তা। অরহা চক্খুৰিঞ্ঞাণসমঙ্গী ঞাণীতি ৰত্তব্বোতি? আমন্তা। অত্থি তস্স ঞাণস্স আরম্মণন্তি? ন হেৰং ৰত্তব্বে…পে॰… তেন হি ঞাণং অনারম্মণন্তি। অরহা চক্খুৰিঞ্ঞাণসমঙ্গী পঞ্ঞৰাতি ৰত্তব্বোতি? আমন্তা। অত্থি তায পঞ্ঞায আরম্মণন্তি? ন হেৰং ৰত্তব্বে…পে॰…। তেন হি পঞ্ঞা অনারম্মণাতি।
558. Na vattabbaṃ – ‘‘ñāṇaṃ anārammaṇa’’nti? Āmantā. Arahā cakkhuviññāṇasamaṅgī ñāṇīti vattabboti? Āmantā. Atthi tassa ñāṇassa ārammaṇanti? Na hevaṃ vattabbe…pe… tena hi ñāṇaṃ anārammaṇanti. Arahā cakkhuviññāṇasamaṅgī paññavāti vattabboti? Āmantā. Atthi tāya paññāya ārammaṇanti? Na hevaṃ vattabbe…pe…. Tena hi paññā anārammaṇāti.
ঞাণং অনারম্মণন্তিকথা নিট্ঠিতা।
Ñāṇaṃ anārammaṇantikathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. ঞাণং অনারম্মণন্তিকথাৰণ্ণনা • 5. Ñāṇaṃ anārammaṇantikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৫. ঞাণংঅনারম্মণন্তিকথাৰণ্ণনা • 5. Ñāṇaṃanārammaṇantikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৫. ঞাণংঅনারম্মণন্তিকথাৰণ্ণনা • 5. Ñāṇaṃanārammaṇantikathāvaṇṇanā
