| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
9. навамаваг̇г̇о
9. Navamavaggo
(88) 5. н̃аан̣ам̣ анаарамман̣анд̇игат̇аа
(88) 5. Ñāṇaṃ anārammaṇantikathā
557. н̃аан̣ам̣ анаарамман̣анд̇и? ааманд̇аа. руубам̣ ниб̣б̣аанам̣ жагкааяад̇анам̣…бз… подтаб̣б̣ааяад̇ананд̇и? на хзвам̣ вад̇д̇аб̣б̣з…бз… н̃аан̣ам̣ анаарамман̣анд̇и? ааманд̇аа. бан̃н̃аа бан̃н̃инд̣̇рияам̣ бан̃н̃ааб̣алам̣ саммаад̣̇идти д̇хаммавижаяасамб̣ож̇жхан̇г̇о анаарамман̣од̇и? на хзвам̣ вад̇д̇аб̣б̣з…бз… бан̃н̃аа бан̃н̃инд̣̇рияам̣ бан̃н̃ааб̣алам̣ саммаад̣̇идти д̇хаммавижаяасамб̣ож̇жхан̇г̇о саарамман̣од̇и? ааманд̇аа. н̃аан̣ам̣ саарамман̣анд̇и? на хзвам̣ вад̇д̇аб̣б̣з…бз….
557. Ñāṇaṃ anārammaṇanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ anārammaṇanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo anārammaṇoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo sārammaṇoti? Āmantā. Ñāṇaṃ sārammaṇanti? Na hevaṃ vattabbe…pe….
н̃аан̣ам̣ анаарамман̣анд̇и? ааманд̇аа. гад̇амагканд̇хабарияаабаннанд̇и? сан̇каарагканд̇хабарияаабаннанд̇и. сан̇каарагканд̇хо анаарамман̣од̇и? на хзвам̣ вад̇д̇аб̣б̣з…бз… сан̇каарагканд̇хо анаарамман̣од̇и ? ааманд̇аа. взд̣̇анаагканд̇хо сан̃н̃аагканд̇хо вин̃н̃аан̣агканд̇хо анаарамман̣од̇и? на хзвам̣ вад̇д̇аб̣б̣з…бз… н̃аан̣ам̣ сан̇каарагканд̇хабарияаабаннам̣ анаарамман̣анд̇и? ааманд̇аа. бан̃н̃аа сан̇каарагканд̇хабарияаабаннаа анаарамман̣аад̇и? на хзвам̣ вад̇д̇аб̣б̣з…бз… бан̃н̃аа сан̇каарагканд̇хабарияаабаннаа саарамман̣аад̇и? ааманд̇аа. н̃аан̣ам̣ сан̇каарагканд̇хабарияаабаннам̣ саарамман̣анд̇и? на хзвам̣ вад̇д̇аб̣б̣з…бз….
Ñāṇaṃ anārammaṇanti? Āmantā. Katamakkhandhapariyāpannanti? Saṅkhārakkhandhapariyāpannanti. Saṅkhārakkhandho anārammaṇoti? Na hevaṃ vattabbe…pe… saṅkhārakkhandho anārammaṇoti ? Āmantā. Vedanākkhandho saññākkhandho viññāṇakkhandho anārammaṇoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ anārammaṇanti? Āmantā. Paññā saṅkhārakkhandhapariyāpannā anārammaṇāti? Na hevaṃ vattabbe…pe… paññā saṅkhārakkhandhapariyāpannā sārammaṇāti? Āmantā. Ñāṇaṃ saṅkhārakkhandhapariyāpannaṃ sārammaṇanti? Na hevaṃ vattabbe…pe….
н̃аан̣ам̣ сан̇каарагканд̇хабарияаабаннам̣ анаарамман̣ам̣, бан̃н̃аа сан̇каарагканд̇хабарияаабаннаа саарамман̣аад̇и? ааманд̇аа. сан̇каарагканд̇хо згад̣̇зсо саарамман̣о згад̣̇зсо анаарамман̣од̇и? на хзвам̣ вад̇д̇аб̣б̣з…бз… сан̇каарагканд̇хо згад̣̇зсо саарамман̣о згад̣̇зсо анаарамман̣од̇и? ааманд̇аа. взд̣̇анаагканд̇хо сан̃н̃аагканд̇хо вин̃н̃аан̣агканд̇хо згад̣̇зсо саарамман̣о згад̣̇зсо анаарамман̣од̇и? на хзвам̣ вад̇д̇аб̣б̣з…бз….
Ñāṇaṃ saṅkhārakkhandhapariyāpannaṃ anārammaṇaṃ, paññā saṅkhārakkhandhapariyāpannā sārammaṇāti? Āmantā. Saṅkhārakkhandho ekadeso sārammaṇo ekadeso anārammaṇoti? Na hevaṃ vattabbe…pe… saṅkhārakkhandho ekadeso sārammaṇo ekadeso anārammaṇoti? Āmantā. Vedanākkhandho saññākkhandho viññāṇakkhandho ekadeso sārammaṇo ekadeso anārammaṇoti? Na hevaṃ vattabbe…pe….
558. на вад̇д̇аб̣б̣ам̣ – ‘‘н̃аан̣ам̣ анаарамман̣а’’нд̇и? ааманд̇аа. арахаа жагкувин̃н̃аан̣асаман̇г̇ий н̃аан̣ийд̇и вад̇д̇аб̣б̣од̇и? ааманд̇аа. ад̇т̇и д̇асса н̃аан̣асса аарамман̣анд̇и? на хзвам̣ вад̇д̇аб̣б̣з…бз… д̇зна хи н̃аан̣ам̣ анаарамман̣анд̇и. арахаа жагкувин̃н̃аан̣асаман̇г̇ий бан̃н̃аваад̇и вад̇д̇аб̣б̣од̇и? ааманд̇аа. ад̇т̇и д̇ааяа бан̃н̃ааяа аарамман̣анд̇и? на хзвам̣ вад̇д̇аб̣б̣з…бз…. д̇зна хи бан̃н̃аа анаарамман̣аад̇и.
558. Na vattabbaṃ – ‘‘ñāṇaṃ anārammaṇa’’nti? Āmantā. Arahā cakkhuviññāṇasamaṅgī ñāṇīti vattabboti? Āmantā. Atthi tassa ñāṇassa ārammaṇanti? Na hevaṃ vattabbe…pe… tena hi ñāṇaṃ anārammaṇanti. Arahā cakkhuviññāṇasamaṅgī paññavāti vattabboti? Āmantā. Atthi tāya paññāya ārammaṇanti? Na hevaṃ vattabbe…pe…. Tena hi paññā anārammaṇāti.
н̃аан̣ам̣ анаарамман̣анд̇игат̇аа нидтид̇аа.
Ñāṇaṃ anārammaṇantikathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. н̃аан̣ам̣ анаарамман̣анд̇игат̇ааван̣н̣анаа • 5. Ñāṇaṃ anārammaṇantikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. н̃аан̣ам̣анаарамман̣анд̇игат̇ааван̣н̣анаа • 5. Ñāṇaṃanārammaṇantikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. н̃аан̣ам̣анаарамман̣анд̇игат̇ааван̣н̣анаа • 5. Ñāṇaṃanārammaṇantikathāvaṇṇanā
