| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
९. नवमवग्गो
9. Navamavaggo
(८८) ५. ञाणं अनारम्मणन्तिकथा
(88) 5. Ñāṇaṃ anārammaṇantikathā
५५७. ञाणं अनारम्मणन्ति? आमन्ता। रूपं निब्बानं चक्खायतनं…पे॰… फोट्ठब्बायतनन्ति? न हेवं वत्तब्बे…पे॰… ञाणं अनारम्मणन्ति? आमन्ता। पञ्ञा पञ्ञिन्द्रियं पञ्ञाबलं सम्मादिट्ठि धम्मविचयसम्बोज्झङ्गो अनारम्मणोति? न हेवं वत्तब्बे…पे॰… पञ्ञा पञ्ञिन्द्रियं पञ्ञाबलं सम्मादिट्ठि धम्मविचयसम्बोज्झङ्गो सारम्मणोति? आमन्ता। ञाणं सारम्मणन्ति? न हेवं वत्तब्बे…पे॰…।
557. Ñāṇaṃ anārammaṇanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ anārammaṇanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo anārammaṇoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo sārammaṇoti? Āmantā. Ñāṇaṃ sārammaṇanti? Na hevaṃ vattabbe…pe….
ञाणं अनारम्मणन्ति? आमन्ता। कतमक्खन्धपरियापन्नन्ति? सङ्खारक्खन्धपरियापन्नन्ति। सङ्खारक्खन्धो अनारम्मणोति? न हेवं वत्तब्बे…पे॰… सङ्खारक्खन्धो अनारम्मणोति ? आमन्ता। वेदनाक्खन्धो सञ्ञाक्खन्धो विञ्ञाणक्खन्धो अनारम्मणोति? न हेवं वत्तब्बे…पे॰… ञाणं सङ्खारक्खन्धपरियापन्नं अनारम्मणन्ति? आमन्ता। पञ्ञा सङ्खारक्खन्धपरियापन्ना अनारम्मणाति? न हेवं वत्तब्बे…पे॰… पञ्ञा सङ्खारक्खन्धपरियापन्ना सारम्मणाति? आमन्ता। ञाणं सङ्खारक्खन्धपरियापन्नं सारम्मणन्ति? न हेवं वत्तब्बे…पे॰…।
Ñāṇaṃ anārammaṇanti? Āmantā. Katamakkhandhapariyāpannanti? Saṅkhārakkhandhapariyāpannanti. Saṅkhārakkhandho anārammaṇoti? Na hevaṃ vattabbe…pe… saṅkhārakkhandho anārammaṇoti ? Āmantā. Vedanākkhandho saññākkhandho viññāṇakkhandho anārammaṇoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ anārammaṇanti? Āmantā. Paññā saṅkhārakkhandhapariyāpannā anārammaṇāti? Na hevaṃ vattabbe…pe… paññā saṅkhārakkhandhapariyāpannā sārammaṇāti? Āmantā. Ñāṇaṃ saṅkhārakkhandhapariyāpannaṃ sārammaṇanti? Na hevaṃ vattabbe…pe….
ञाणं सङ्खारक्खन्धपरियापन्नं अनारम्मणं, पञ्ञा सङ्खारक्खन्धपरियापन्ना सारम्मणाति? आमन्ता। सङ्खारक्खन्धो एकदेसो सारम्मणो एकदेसो अनारम्मणोति? न हेवं वत्तब्बे…पे॰… सङ्खारक्खन्धो एकदेसो सारम्मणो एकदेसो अनारम्मणोति? आमन्ता। वेदनाक्खन्धो सञ्ञाक्खन्धो विञ्ञाणक्खन्धो एकदेसो सारम्मणो एकदेसो अनारम्मणोति? न हेवं वत्तब्बे…पे॰…।
Ñāṇaṃ saṅkhārakkhandhapariyāpannaṃ anārammaṇaṃ, paññā saṅkhārakkhandhapariyāpannā sārammaṇāti? Āmantā. Saṅkhārakkhandho ekadeso sārammaṇo ekadeso anārammaṇoti? Na hevaṃ vattabbe…pe… saṅkhārakkhandho ekadeso sārammaṇo ekadeso anārammaṇoti? Āmantā. Vedanākkhandho saññākkhandho viññāṇakkhandho ekadeso sārammaṇo ekadeso anārammaṇoti? Na hevaṃ vattabbe…pe….
५५८. न वत्तब्बं – ‘‘ञाणं अनारम्मण’’न्ति? आमन्ता। अरहा चक्खुविञ्ञाणसमङ्गी ञाणीति वत्तब्बोति? आमन्ता। अत्थि तस्स ञाणस्स आरम्मणन्ति? न हेवं वत्तब्बे…पे॰… तेन हि ञाणं अनारम्मणन्ति। अरहा चक्खुविञ्ञाणसमङ्गी पञ्ञवाति वत्तब्बोति? आमन्ता। अत्थि ताय पञ्ञाय आरम्मणन्ति? न हेवं वत्तब्बे…पे॰…। तेन हि पञ्ञा अनारम्मणाति।
558. Na vattabbaṃ – ‘‘ñāṇaṃ anārammaṇa’’nti? Āmantā. Arahā cakkhuviññāṇasamaṅgī ñāṇīti vattabboti? Āmantā. Atthi tassa ñāṇassa ārammaṇanti? Na hevaṃ vattabbe…pe… tena hi ñāṇaṃ anārammaṇanti. Arahā cakkhuviññāṇasamaṅgī paññavāti vattabboti? Āmantā. Atthi tāya paññāya ārammaṇanti? Na hevaṃ vattabbe…pe…. Tena hi paññā anārammaṇāti.
ञाणं अनारम्मणन्तिकथा निट्ठिता।
Ñāṇaṃ anārammaṇantikathā niṭṭhitā.
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ५. ञाणं अनारम्मणन्तिकथावण्णना • 5. Ñāṇaṃ anārammaṇantikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ५. ञाणंअनारम्मणन्तिकथावण्णना • 5. Ñāṇaṃanārammaṇantikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ५. ञाणंअनारम्मणन्तिकथावण्णना • 5. Ñāṇaṃanārammaṇantikathāvaṇṇanā
