| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๙. นวมวโคฺค
9. Navamavaggo
(๘๘) ๕. ญาณํ อนารมฺมณนฺติกถา
(88) 5. Ñāṇaṃ anārammaṇantikathā
๕๕๗. ญาณํ อนารมฺมณนฺติ? อามนฺตาฯ รูปํ นิพฺพานํ จกฺขายตนํ…เป.… โผฎฺฐพฺพายตนนฺติ? น เหวํ วตฺตเพฺพ…เป.… ญาณํ อนารมฺมณนฺติ? อามนฺตาฯ ปญฺญา ปญฺญินฺทฺริยํ ปญฺญาพลํ สมฺมาทิฎฺฐิ ธมฺมวิจยสโมฺพชฺฌโงฺค อนารมฺมโณติ? น เหวํ วตฺตเพฺพ…เป.… ปญฺญา ปญฺญินฺทฺริยํ ปญฺญาพลํ สมฺมาทิฎฺฐิ ธมฺมวิจยสโมฺพชฺฌโงฺค สารมฺมโณติ? อามนฺตาฯ ญาณํ สารมฺมณนฺติ? น เหวํ วตฺตเพฺพ…เป.…ฯ
557. Ñāṇaṃ anārammaṇanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ anārammaṇanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo anārammaṇoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo sārammaṇoti? Āmantā. Ñāṇaṃ sārammaṇanti? Na hevaṃ vattabbe…pe….
ญาณํ อนารมฺมณนฺติ? อามนฺตาฯ กตมกฺขนฺธปริยาปนฺนนฺติ? สงฺขารกฺขนฺธปริยาปนฺนนฺติฯ สงฺขารกฺขโนฺธ อนารมฺมโณติ? น เหวํ วตฺตเพฺพ…เป.… สงฺขารกฺขโนฺธ อนารมฺมโณติ ? อามนฺตาฯ เวทนากฺขโนฺธ สญฺญากฺขโนฺธ วิญฺญาณกฺขโนฺธ อนารมฺมโณติ? น เหวํ วตฺตเพฺพ…เป.… ญาณํ สงฺขารกฺขนฺธปริยาปนฺนํ อนารมฺมณนฺติ? อามนฺตาฯ ปญฺญา สงฺขารกฺขนฺธปริยาปนฺนา อนารมฺมณาติ? น เหวํ วตฺตเพฺพ…เป.… ปญฺญา สงฺขารกฺขนฺธปริยาปนฺนา สารมฺมณาติ? อามนฺตาฯ ญาณํ สงฺขารกฺขนฺธปริยาปนฺนํ สารมฺมณนฺติ? น เหวํ วตฺตเพฺพ…เป.…ฯ
Ñāṇaṃ anārammaṇanti? Āmantā. Katamakkhandhapariyāpannanti? Saṅkhārakkhandhapariyāpannanti. Saṅkhārakkhandho anārammaṇoti? Na hevaṃ vattabbe…pe… saṅkhārakkhandho anārammaṇoti ? Āmantā. Vedanākkhandho saññākkhandho viññāṇakkhandho anārammaṇoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ anārammaṇanti? Āmantā. Paññā saṅkhārakkhandhapariyāpannā anārammaṇāti? Na hevaṃ vattabbe…pe… paññā saṅkhārakkhandhapariyāpannā sārammaṇāti? Āmantā. Ñāṇaṃ saṅkhārakkhandhapariyāpannaṃ sārammaṇanti? Na hevaṃ vattabbe…pe….
ญาณํ สงฺขารกฺขนฺธปริยาปนฺนํ อนารมฺมณํ, ปญฺญา สงฺขารกฺขนฺธปริยาปนฺนา สารมฺมณาติ? อามนฺตาฯ สงฺขารกฺขโนฺธ เอกเทโส สารมฺมโณ เอกเทโส อนารมฺมโณติ? น เหวํ วตฺตเพฺพ…เป.… สงฺขารกฺขโนฺธ เอกเทโส สารมฺมโณ เอกเทโส อนารมฺมโณติ? อามนฺตาฯ เวทนากฺขโนฺธ สญฺญากฺขโนฺธ วิญฺญาณกฺขโนฺธ เอกเทโส สารมฺมโณ เอกเทโส อนารมฺมโณติ? น เหวํ วตฺตเพฺพ…เป.…ฯ
Ñāṇaṃ saṅkhārakkhandhapariyāpannaṃ anārammaṇaṃ, paññā saṅkhārakkhandhapariyāpannā sārammaṇāti? Āmantā. Saṅkhārakkhandho ekadeso sārammaṇo ekadeso anārammaṇoti? Na hevaṃ vattabbe…pe… saṅkhārakkhandho ekadeso sārammaṇo ekadeso anārammaṇoti? Āmantā. Vedanākkhandho saññākkhandho viññāṇakkhandho ekadeso sārammaṇo ekadeso anārammaṇoti? Na hevaṃ vattabbe…pe….
๕๕๘. น วตฺตพฺพํ – ‘‘ญาณํ อนารมฺมณ’’นฺติ? อามนฺตาฯ อรหา จกฺขุวิญฺญาณสมงฺคี ญาณีติ วตฺตโพฺพติ? อามนฺตาฯ อตฺถิ ตสฺส ญาณสฺส อารมฺมณนฺติ? น เหวํ วตฺตเพฺพ…เป.… เตน หิ ญาณํ อนารมฺมณนฺติฯ อรหา จกฺขุวิญฺญาณสมงฺคี ปญฺญวาติ วตฺตโพฺพติ? อามนฺตาฯ อตฺถิ ตาย ปญฺญาย อารมฺมณนฺติ? น เหวํ วตฺตเพฺพ…เป.…ฯ เตน หิ ปญฺญา อนารมฺมณาติฯ
558. Na vattabbaṃ – ‘‘ñāṇaṃ anārammaṇa’’nti? Āmantā. Arahā cakkhuviññāṇasamaṅgī ñāṇīti vattabboti? Āmantā. Atthi tassa ñāṇassa ārammaṇanti? Na hevaṃ vattabbe…pe… tena hi ñāṇaṃ anārammaṇanti. Arahā cakkhuviññāṇasamaṅgī paññavāti vattabboti? Āmantā. Atthi tāya paññāya ārammaṇanti? Na hevaṃ vattabbe…pe…. Tena hi paññā anārammaṇāti.
ญาณํ อนารมฺมณนฺติกถา นิฎฺฐิตาฯ
Ñāṇaṃ anārammaṇantikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕. ญาณํ อนารมฺมณนฺติกถาวณฺณนา • 5. Ñāṇaṃ anārammaṇantikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๕. ญาณํอนารมฺมณนฺติกถาวณฺณนา • 5. Ñāṇaṃanārammaṇantikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๕. ญาณํอนารมฺมณนฺติกถาวณฺณนา • 5. Ñāṇaṃanārammaṇantikathāvaṇṇanā
