| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੯. ਨવਮવਗ੍ਗੋ
9. Navamavaggo
(੮੮) ੫. ਞਾਣਂ ਅਨਾਰਮ੍ਮਣਨ੍ਤਿਕਥਾ
(88) 5. Ñāṇaṃ anārammaṇantikathā
੫੫੭. ਞਾਣਂ ਅਨਾਰਮ੍ਮਣਨ੍ਤਿ? ਆਮਨ੍ਤਾ। ਰੂਪਂ ਨਿਬ੍ਬਾਨਂ ਚਕ੍ਖਾਯਤਨਂ…ਪੇ॰… ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਞਾਣਂ ਅਨਾਰਮ੍ਮਣਨ੍ਤਿ? ਆਮਨ੍ਤਾ। ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਸਮ੍ਮਾਦਿਟ੍ਠਿ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ ਅਨਾਰਮ੍ਮਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਸਮ੍ਮਾਦਿਟ੍ਠਿ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ ਸਾਰਮ੍ਮਣੋਤਿ? ਆਮਨ੍ਤਾ। ਞਾਣਂ ਸਾਰਮ੍ਮਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
557. Ñāṇaṃ anārammaṇanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ anārammaṇanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo anārammaṇoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo sārammaṇoti? Āmantā. Ñāṇaṃ sārammaṇanti? Na hevaṃ vattabbe…pe….
ਞਾਣਂ ਅਨਾਰਮ੍ਮਣਨ੍ਤਿ? ਆਮਨ੍ਤਾ। ਕਤਮਕ੍ਖਨ੍ਧਪਰਿਯਾਪਨ੍ਨਨ੍ਤਿ? ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਨ੍ਤਿ। ਸਙ੍ਖਾਰਕ੍ਖਨ੍ਧੋ ਅਨਾਰਮ੍ਮਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਙ੍ਖਾਰਕ੍ਖਨ੍ਧੋ ਅਨਾਰਮ੍ਮਣੋਤਿ ? ਆਮਨ੍ਤਾ। વੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ વਿਞ੍ਞਾਣਕ੍ਖਨ੍ਧੋ ਅਨਾਰਮ੍ਮਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਞਾਣਂ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਂ ਅਨਾਰਮ੍ਮਣਨ੍ਤਿ? ਆਮਨ੍ਤਾ। ਪਞ੍ਞਾ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਾ ਅਨਾਰਮ੍ਮਣਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਞ੍ਞਾ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਾ ਸਾਰਮ੍ਮਣਾਤਿ? ਆਮਨ੍ਤਾ। ਞਾਣਂ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਂ ਸਾਰਮ੍ਮਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ñāṇaṃ anārammaṇanti? Āmantā. Katamakkhandhapariyāpannanti? Saṅkhārakkhandhapariyāpannanti. Saṅkhārakkhandho anārammaṇoti? Na hevaṃ vattabbe…pe… saṅkhārakkhandho anārammaṇoti ? Āmantā. Vedanākkhandho saññākkhandho viññāṇakkhandho anārammaṇoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ anārammaṇanti? Āmantā. Paññā saṅkhārakkhandhapariyāpannā anārammaṇāti? Na hevaṃ vattabbe…pe… paññā saṅkhārakkhandhapariyāpannā sārammaṇāti? Āmantā. Ñāṇaṃ saṅkhārakkhandhapariyāpannaṃ sārammaṇanti? Na hevaṃ vattabbe…pe….
ਞਾਣਂ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਂ ਅਨਾਰਮ੍ਮਣਂ, ਪਞ੍ਞਾ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਾ ਸਾਰਮ੍ਮਣਾਤਿ? ਆਮਨ੍ਤਾ। ਸਙ੍ਖਾਰਕ੍ਖਨ੍ਧੋ ਏਕਦੇਸੋ ਸਾਰਮ੍ਮਣੋ ਏਕਦੇਸੋ ਅਨਾਰਮ੍ਮਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਙ੍ਖਾਰਕ੍ਖਨ੍ਧੋ ਏਕਦੇਸੋ ਸਾਰਮ੍ਮਣੋ ਏਕਦੇਸੋ ਅਨਾਰਮ੍ਮਣੋਤਿ? ਆਮਨ੍ਤਾ। વੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ વਿਞ੍ਞਾਣਕ੍ਖਨ੍ਧੋ ਏਕਦੇਸੋ ਸਾਰਮ੍ਮਣੋ ਏਕਦੇਸੋ ਅਨਾਰਮ੍ਮਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ñāṇaṃ saṅkhārakkhandhapariyāpannaṃ anārammaṇaṃ, paññā saṅkhārakkhandhapariyāpannā sārammaṇāti? Āmantā. Saṅkhārakkhandho ekadeso sārammaṇo ekadeso anārammaṇoti? Na hevaṃ vattabbe…pe… saṅkhārakkhandho ekadeso sārammaṇo ekadeso anārammaṇoti? Āmantā. Vedanākkhandho saññākkhandho viññāṇakkhandho ekadeso sārammaṇo ekadeso anārammaṇoti? Na hevaṃ vattabbe…pe….
੫੫੮. ਨ વਤ੍ਤਬ੍ਬਂ – ‘‘ਞਾਣਂ ਅਨਾਰਮ੍ਮਣ’’ਨ੍ਤਿ? ਆਮਨ੍ਤਾ। ਅਰਹਾ ਚਕ੍ਖੁવਿਞ੍ਞਾਣਸਮਙ੍ਗੀ ਞਾਣੀਤਿ વਤ੍ਤਬ੍ਬੋਤਿ? ਆਮਨ੍ਤਾ। ਅਤ੍ਥਿ ਤਸ੍ਸ ਞਾਣਸ੍ਸ ਆਰਮ੍ਮਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਤੇਨ ਹਿ ਞਾਣਂ ਅਨਾਰਮ੍ਮਣਨ੍ਤਿ। ਅਰਹਾ ਚਕ੍ਖੁવਿਞ੍ਞਾਣਸਮਙ੍ਗੀ ਪਞ੍ਞવਾਤਿ વਤ੍ਤਬ੍ਬੋਤਿ? ਆਮਨ੍ਤਾ। ਅਤ੍ਥਿ ਤਾਯ ਪਞ੍ਞਾਯ ਆਰਮ੍ਮਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…। ਤੇਨ ਹਿ ਪਞ੍ਞਾ ਅਨਾਰਮ੍ਮਣਾਤਿ।
558. Na vattabbaṃ – ‘‘ñāṇaṃ anārammaṇa’’nti? Āmantā. Arahā cakkhuviññāṇasamaṅgī ñāṇīti vattabboti? Āmantā. Atthi tassa ñāṇassa ārammaṇanti? Na hevaṃ vattabbe…pe… tena hi ñāṇaṃ anārammaṇanti. Arahā cakkhuviññāṇasamaṅgī paññavāti vattabboti? Āmantā. Atthi tāya paññāya ārammaṇanti? Na hevaṃ vattabbe…pe…. Tena hi paññā anārammaṇāti.
ਞਾਣਂ ਅਨਾਰਮ੍ਮਣਨ੍ਤਿਕਥਾ ਨਿਟ੍ਠਿਤਾ।
Ñāṇaṃ anārammaṇantikathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਞਾਣਂ ਅਨਾਰਮ੍ਮਣਨ੍ਤਿਕਥਾવਣ੍ਣਨਾ • 5. Ñāṇaṃ anārammaṇantikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਞਾਣਂਅਨਾਰਮ੍ਮਣਨ੍ਤਿਕਥਾવਣ੍ਣਨਾ • 5. Ñāṇaṃanārammaṇantikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਞਾਣਂਅਨਾਰਮ੍ਮਣਨ੍ਤਿਕਥਾવਣ੍ਣਨਾ • 5. Ñāṇaṃanārammaṇantikathāvaṇṇanā
