| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൯. നവമവഗ്ഗോ
9. Navamavaggo
(൮൮) ൫. ഞാണം അനാരമ്മണന്തികഥാ
(88) 5. Ñāṇaṃ anārammaṇantikathā
൫൫൭. ഞാണം അനാരമ്മണന്തി? ആമന്താ. രൂപം നിബ്ബാനം ചക്ഖായതനം…പേ॰… ഫോട്ഠബ്ബായതനന്തി? ന ഹേവം വത്തബ്ബേ…പേ॰… ഞാണം അനാരമ്മണന്തി? ആമന്താ. പഞ്ഞാ പഞ്ഞിന്ദ്രിയം പഞ്ഞാബലം സമ്മാദിട്ഠി ധമ്മവിചയസമ്ബോജ്ഝങ്ഗോ അനാരമ്മണോതി? ന ഹേവം വത്തബ്ബേ…പേ॰… പഞ്ഞാ പഞ്ഞിന്ദ്രിയം പഞ്ഞാബലം സമ്മാദിട്ഠി ധമ്മവിചയസമ്ബോജ്ഝങ്ഗോ സാരമ്മണോതി? ആമന്താ. ഞാണം സാരമ്മണന്തി? ന ഹേവം വത്തബ്ബേ…പേ॰….
557. Ñāṇaṃ anārammaṇanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ anārammaṇanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo anārammaṇoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo sārammaṇoti? Āmantā. Ñāṇaṃ sārammaṇanti? Na hevaṃ vattabbe…pe….
ഞാണം അനാരമ്മണന്തി? ആമന്താ. കതമക്ഖന്ധപരിയാപന്നന്തി? സങ്ഖാരക്ഖന്ധപരിയാപന്നന്തി. സങ്ഖാരക്ഖന്ധോ അനാരമ്മണോതി? ന ഹേവം വത്തബ്ബേ…പേ॰… സങ്ഖാരക്ഖന്ധോ അനാരമ്മണോതി ? ആമന്താ. വേദനാക്ഖന്ധോ സഞ്ഞാക്ഖന്ധോ വിഞ്ഞാണക്ഖന്ധോ അനാരമ്മണോതി? ന ഹേവം വത്തബ്ബേ…പേ॰… ഞാണം സങ്ഖാരക്ഖന്ധപരിയാപന്നം അനാരമ്മണന്തി? ആമന്താ. പഞ്ഞാ സങ്ഖാരക്ഖന്ധപരിയാപന്നാ അനാരമ്മണാതി? ന ഹേവം വത്തബ്ബേ…പേ॰… പഞ്ഞാ സങ്ഖാരക്ഖന്ധപരിയാപന്നാ സാരമ്മണാതി? ആമന്താ. ഞാണം സങ്ഖാരക്ഖന്ധപരിയാപന്നം സാരമ്മണന്തി? ന ഹേവം വത്തബ്ബേ…പേ॰….
Ñāṇaṃ anārammaṇanti? Āmantā. Katamakkhandhapariyāpannanti? Saṅkhārakkhandhapariyāpannanti. Saṅkhārakkhandho anārammaṇoti? Na hevaṃ vattabbe…pe… saṅkhārakkhandho anārammaṇoti ? Āmantā. Vedanākkhandho saññākkhandho viññāṇakkhandho anārammaṇoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ anārammaṇanti? Āmantā. Paññā saṅkhārakkhandhapariyāpannā anārammaṇāti? Na hevaṃ vattabbe…pe… paññā saṅkhārakkhandhapariyāpannā sārammaṇāti? Āmantā. Ñāṇaṃ saṅkhārakkhandhapariyāpannaṃ sārammaṇanti? Na hevaṃ vattabbe…pe….
ഞാണം സങ്ഖാരക്ഖന്ധപരിയാപന്നം അനാരമ്മണം, പഞ്ഞാ സങ്ഖാരക്ഖന്ധപരിയാപന്നാ സാരമ്മണാതി? ആമന്താ. സങ്ഖാരക്ഖന്ധോ ഏകദേസോ സാരമ്മണോ ഏകദേസോ അനാരമ്മണോതി? ന ഹേവം വത്തബ്ബേ…പേ॰… സങ്ഖാരക്ഖന്ധോ ഏകദേസോ സാരമ്മണോ ഏകദേസോ അനാരമ്മണോതി? ആമന്താ. വേദനാക്ഖന്ധോ സഞ്ഞാക്ഖന്ധോ വിഞ്ഞാണക്ഖന്ധോ ഏകദേസോ സാരമ്മണോ ഏകദേസോ അനാരമ്മണോതി? ന ഹേവം വത്തബ്ബേ…പേ॰….
Ñāṇaṃ saṅkhārakkhandhapariyāpannaṃ anārammaṇaṃ, paññā saṅkhārakkhandhapariyāpannā sārammaṇāti? Āmantā. Saṅkhārakkhandho ekadeso sārammaṇo ekadeso anārammaṇoti? Na hevaṃ vattabbe…pe… saṅkhārakkhandho ekadeso sārammaṇo ekadeso anārammaṇoti? Āmantā. Vedanākkhandho saññākkhandho viññāṇakkhandho ekadeso sārammaṇo ekadeso anārammaṇoti? Na hevaṃ vattabbe…pe….
൫൫൮. ന വത്തബ്ബം – ‘‘ഞാണം അനാരമ്മണ’’ന്തി? ആമന്താ. അരഹാ ചക്ഖുവിഞ്ഞാണസമങ്ഗീ ഞാണീതി വത്തബ്ബോതി? ആമന്താ. അത്ഥി തസ്സ ഞാണസ്സ ആരമ്മണന്തി? ന ഹേവം വത്തബ്ബേ…പേ॰… തേന ഹി ഞാണം അനാരമ്മണന്തി. അരഹാ ചക്ഖുവിഞ്ഞാണസമങ്ഗീ പഞ്ഞവാതി വത്തബ്ബോതി? ആമന്താ. അത്ഥി തായ പഞ്ഞായ ആരമ്മണന്തി? ന ഹേവം വത്തബ്ബേ…പേ॰…. തേന ഹി പഞ്ഞാ അനാരമ്മണാതി.
558. Na vattabbaṃ – ‘‘ñāṇaṃ anārammaṇa’’nti? Āmantā. Arahā cakkhuviññāṇasamaṅgī ñāṇīti vattabboti? Āmantā. Atthi tassa ñāṇassa ārammaṇanti? Na hevaṃ vattabbe…pe… tena hi ñāṇaṃ anārammaṇanti. Arahā cakkhuviññāṇasamaṅgī paññavāti vattabboti? Āmantā. Atthi tāya paññāya ārammaṇanti? Na hevaṃ vattabbe…pe…. Tena hi paññā anārammaṇāti.
ഞാണം അനാരമ്മണന്തികഥാ നിട്ഠിതാ.
Ñāṇaṃ anārammaṇantikathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൫. ഞാണം അനാരമ്മണന്തികഥാവണ്ണനാ • 5. Ñāṇaṃ anārammaṇantikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൫. ഞാണംഅനാരമ്മണന്തികഥാവണ്ണനാ • 5. Ñāṇaṃanārammaṇantikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൫. ഞാണംഅനാരമ്മണന്തികഥാവണ്ണനാ • 5. Ñāṇaṃanārammaṇantikathāvaṇṇanā
