| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১১. একাদসমৰগ্গো
11. Ekādasamavaggo
(১১০) ৫. ঞাণং চিত্তৰিপ্পযুত্তন্তিকথা
(110) 5. Ñāṇaṃ cittavippayuttantikathā
৬১৬. ঞাণং চিত্তৰিপ্পযুত্তন্তি? আমন্তা। রূপং নিব্বানং চক্খাযতনং…পে॰… ফোট্ঠব্বাযতনন্তি? ন হেৰং ৰত্তব্বে…পে॰… ঞাণং চিত্তৰিপ্পযুত্তন্তি? আমন্তা। পঞ্ঞা পঞ্ঞিন্দ্রিযং পঞ্ঞাবলং সম্মাদিট্ঠি ধম্মৰিচযসম্বোজ্ঝঙ্গো চিত্তৰিপ্পযুত্তোতি? ন হেৰং ৰত্তব্বে…পে॰… পঞ্ঞা পঞ্ঞিন্দ্রিযং পঞ্ঞাবলং সম্মাদিট্ঠি ধম্মৰিচযসম্বোজ্ঝঙ্গো চিত্তসম্পযুত্তোতি? আমন্তা। ঞাণং চিত্তসম্পযুত্তন্তি? ন হেৰং ৰত্তব্বে…পে॰…।
616. Ñāṇaṃ cittavippayuttanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ cittavippayuttanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo cittavippayuttoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo cittasampayuttoti? Āmantā. Ñāṇaṃ cittasampayuttanti? Na hevaṃ vattabbe…pe….
ঞাণং চিত্তৰিপ্পযুত্তন্তি? আমন্তা। কতমক্খন্ধপরিযাপন্নন্তি ? সঙ্খারক্খন্ধপরিযাপন্নন্তি। সঙ্খারক্খন্ধো চিত্তৰিপ্পযুত্তোতি? ন হেৰং ৰত্তব্বে…পে॰… সঙ্খারক্খন্ধো চিত্তৰিপ্পযুত্তোতি? আমন্তা। ৰেদনাক্খন্ধো সঞ্ঞাক্খন্ধো চিত্তৰিপ্পযুত্তোতি? ন হেৰং ৰত্তব্বে…পে॰… ঞাণং সঙ্খারক্খন্ধপরিযাপন্নং চিত্তৰিপ্পযুত্তন্তি? আমন্তা। পঞ্ঞা সঙ্খারক্খন্ধপরিযাপন্না চিত্তৰিপ্পযুত্তাতি? ন হেৰং ৰত্তব্বে…পে॰… পঞ্ঞা সঙ্খারক্খন্ধপরিযাপন্না চিত্তসম্পযুত্তাতি? আমন্তা। ঞাণং সঙ্খারক্খন্ধপরিযাপন্নং চিত্তসম্পযুত্তন্তি? ন হেৰং ৰত্তব্বে…পে॰… ঞাণং সঙ্খারক্খন্ধপরিযাপন্নং চিত্তৰিপ্পযুত্তং, পঞ্ঞা সঙ্খারক্খন্ধপরিযাপন্না চিত্তসম্পযুত্তাতি? আমন্তা। সঙ্খারক্খন্ধো একদেসো চিত্তসম্পযুত্তো একদেসো চিত্তৰিপ্পযুত্তোতি? ন হেৰং ৰত্তব্বে…পে॰… সঙ্খারক্খন্ধো একদেসো চিত্তসম্পযুত্তো একদেসো চিত্তৰিপ্পযুত্তোতি? আমন্তা। ৰেদনাক্খন্ধো সঞ্ঞাক্খন্ধো একদেসো চিত্তসম্পযুত্তো একদেসো চিত্তৰিপ্পযুত্তোতি? ন হেৰং ৰত্তব্বে…পে॰…।
Ñāṇaṃ cittavippayuttanti? Āmantā. Katamakkhandhapariyāpannanti ? Saṅkhārakkhandhapariyāpannanti. Saṅkhārakkhandho cittavippayuttoti? Na hevaṃ vattabbe…pe… saṅkhārakkhandho cittavippayuttoti? Āmantā. Vedanākkhandho saññākkhandho cittavippayuttoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttanti? Āmantā. Paññā saṅkhārakkhandhapariyāpannā cittavippayuttāti? Na hevaṃ vattabbe…pe… paññā saṅkhārakkhandhapariyāpannā cittasampayuttāti? Āmantā. Ñāṇaṃ saṅkhārakkhandhapariyāpannaṃ cittasampayuttanti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttaṃ, paññā saṅkhārakkhandhapariyāpannā cittasampayuttāti? Āmantā. Saṅkhārakkhandho ekadeso cittasampayutto ekadeso cittavippayuttoti? Na hevaṃ vattabbe…pe… saṅkhārakkhandho ekadeso cittasampayutto ekadeso cittavippayuttoti? Āmantā. Vedanākkhandho saññākkhandho ekadeso cittasampayutto ekadeso cittavippayuttoti? Na hevaṃ vattabbe…pe….
৬১৭. ন ৰত্তব্বং – ‘‘ঞাণং চিত্তৰিপ্পযুত্ত’’ন্তি? আমন্তা। অরহা চক্খুৰিঞ্ঞাণসমঙ্গী ‘‘ঞাণী’’তি ৰত্তব্বোতি? আমন্তা। ঞাণং তেন চিত্তেন সম্পযুত্তন্তি? ন হেৰং ৰত্তব্বে। তেন হি ঞাণং চিত্তৰিপ্পযুত্তন্তি।
617. Na vattabbaṃ – ‘‘ñāṇaṃ cittavippayutta’’nti? Āmantā. Arahā cakkhuviññāṇasamaṅgī ‘‘ñāṇī’’ti vattabboti? Āmantā. Ñāṇaṃ tena cittena sampayuttanti? Na hevaṃ vattabbe. Tena hi ñāṇaṃ cittavippayuttanti.
অরহা চক্খুৰিঞ্ঞাণসমঙ্গী ‘‘পঞ্ঞৰা’’তি ৰত্তব্বোতি 1? আমন্তা। পঞ্ঞা তেন চিত্তেন সম্পযুত্তাতি? ন হেৰং ৰত্তব্বে। তেন হি পঞ্ঞা চিত্তৰিপ্পযুত্তাতি।
Arahā cakkhuviññāṇasamaṅgī ‘‘paññavā’’ti vattabboti 2? Āmantā. Paññā tena cittena sampayuttāti? Na hevaṃ vattabbe. Tena hi paññā cittavippayuttāti.
ঞাণং চিত্তৰিপ্পযুত্তন্তিকথা নিট্ঠিতা।
Ñāṇaṃ cittavippayuttantikathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. ঞাণং চিত্তৰিপ্পযুত্তন্তিকথাৰণ্ণনা • 5. Ñāṇaṃ cittavippayuttantikathāvaṇṇanā
